تبي مسك المنيحه والمنيحه ديسها محلوب ( صياف ورشيد ) 1399 هـ

طي
X
 
  • التوقيت
  • إظهار
مسح الكل
المشاركات الجديدة
  • ناصر التميمي
    عضو نشيط
    • Nov 2010
    • 33

    #1

    تبي مسك المنيحه والمنيحه ديسها محلوب ( صياف ورشيد ) 1399 هـ

    أقدم لكم هذه المحاورة الشيقة والقوية كعادة لقاءات صياف ورشيد التي تتسم بالعنف والقوة ,,



    صياف
    سلام الله على العراف ردة ضوها مشـــبوب=تعيّد للرجال اهل المعرفة قبل الاعيـــــــــــادي
    انا اشوف الزلامي قام يقصر في زرار الثوب= وقام يحد سيل طويق بين الضــــــلع والوادي

    الزلامي
    هلا يامرحبا ترحيبة يكمل بها الماجـــوب=وندعي لك بعدها بالهداية والله الهـــــــــــــــادي
    ليا علمت عني من يحـــــط العلم بالمقلوب=اشيلك من حضين امك واحط عزيز البــــــادي

    صياف
    نبي نحفر هذاك البير لين نصفّي المشروب=أظن الاجودي يدله وينسى بنت الاجـــــــوادي
    تبي مسك المنيحه والمنيحه ديسها محلوب=يشوتك دونها المجنون شوتة كورة النــــــــادي

    الزلامي
    أهل جده يحفرون الحفر واحسابهم محسوب=ترى سيف الشجاعة مايحده كل حــــــــدادي
    بغيت احييك ياصياف واحيي جدك المحبوب=واثر جدك غدى في نجد وانته فالذهب غادي

    صياف
    عليك الهون لاتنقز عليه حدك المنصــــوب=انا من زين طبعي مانســـــيت الملح والزادي
    يبا يحييني الله يا اشهب الجنحان والعرقوب=ومن ينزل على شط البحر ماعنه نشـــــادي

    الزلامي
    نبرّك مار ماتنفع بريرة في قلوب احــــروب=بلشنا بك وعودنا معك في حرب واجـهـــادي
    ابوكم مايقصر مار بعض اخوانكم منكـــــوب=يطالع صورته فالماء وراح يصيح وينــادي

    صياف
    ليا طال النهار يخلص الطالب مـــن المطلوب=لكن انته علامك عن هذاك الدرب متحـادي
    نشب الانار فوق الثلج خمس ايام لين يـــذوب=وتبلش لك بطير مايصيده كل صـيـــــــادي

    الزلامي
    أظن اليوم مع طول النسم جالك ظهر واجنوب=تحب اتصير الاول ما نت لاعاشر ولاحادي
    فلوس الهند ربّيه لكـــــــــــــن اجنيبها مربوب=وسعر النقد ثابت لانقص ســـــعره ولازادي

    صياف
    يبا يكثر عليك الذنب لو انك قليـــــــــل اذنوب=وتطلب شربة الماء الصافية من كل ورّادي
    تبا تقرا الكتاب اللي بحبر اقلامنا مكــــــــتوب=وتلقا فيه صورة سيف من عنتر وشــــدادي

    الزلامي
    ليا سكـــــــرت عنا درب نلقا من وراه ادروب=ونكشف ماوراكم ياهل الركضة والاسنادي
    تبا تركض وتتعب ثم يطيح اعقالك المعصـوب=وتنظرنجم يطلع لين نور الصبـــح ينقادي

    وسلامتكم
  • تركي الصفياني
    عضو ماسي
    • Apr 2010
    • 863

    #2
    يالله على المحاوره طعم غير
    الله يرحم صياااااااف
    ويطول في عمر ابو جميل


    شكرا ناصر التميمي

    تعليق

    • ناصر التميمي
      عضو نشيط
      • Nov 2010
      • 33

      #3
      العفو يا تركي ,,

      آمين الله يرحم ابو مفلح ويطول عمر ابو جميل ,,

      تعليق

      • غالب الذيابي
        شــــاعــر
        • May 2009
        • 2210

        #4
        [align=center].
        .
        .




        مشكور يا ناصر.. مواد دسمه تشكر عليها

        ملاحظات بسيطة
        بغيت احييك ياصياف واحيي جدك المحبوب=واثر جدك غدى في نجد وانته فالذهب غادي

        والصواب

        بغيت احييك ياصياف واحيي جدك المحبوب=واثر جدك غدى في نجد وانته فالتهم غادي

        تبا تقرا الكتاب اللي بحبر اقلامنا مكــــــــتوب=وتلقا فيه صورة سيف من عنتر وشــــدادي

        والصواب

        تبا تقرا الكتاب اللي بحبر اقلامنا مكــــــــتوب=وتلقا فيه صورة سيف بن عنتر وشــــدادي



        بارك الله فيك.
        .
        .[/align]
        [align=center]:
        :
        :[/align]
        [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
        إذا الكريمُ رأى الخمولَ نزيلـهُ=في منزل فالحـزمُ أن يترحـلا
        كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا
        سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا
        لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا [/poem]
        [align=center]صفحتي على التويتر[/align]

        تعليق

        • الجوراسي
          عضو مميــز
          • Feb 2007
          • 2003

          #5
          الله يعطيك العافية يالتميمي على ماتقدمه للمنتدى من درر محاورات الزمن الجميل

          محاورة استمتعت بقراءتها

          وننتظر مشاركاتك القادمه

          تعليق

          • ناصر التميمي
            عضو نشيط
            • Nov 2010
            • 33

            #6
            بارك الله فيكم وجزاكم الله خيررر

            وشكرا لك اخي الذيابي على التصحيح والافادة

            وهذه المحاورة اقوى بكثير من محاورة خصمكم في الاخره عبدالله المسعودي ..

            تعليق

            • ابو فايح
              مشـرف عام
              • Jul 2006
              • 5343

              #7
              [align=center]طاروق كبار


              أقرأه وأحاول الوصول للمعنى ولكن إلى الان ومحاولاتي تبوء بالفشل وخصوصا أن تاريخها وظروفها تخفى علي



              لاهنت يا ناصر مبدع في إختياراتك


              الله يرحم صياف ويطول عمر الزلامي [/align]
              عالم تويتر



              abofayeh@

              تعليق

              • عبدالله الجـــذع
                مشرف منتدى قصه وقصيده
                • Sep 2007
                • 8093

                #8
                محاورات في افضل مستوياتها


                رحم الله ابو فلاح

                وابقى الله ابو جميل




                الف شكر

                محبك
                قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                .
                قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                .

                موقع يضم جميع القراء


                هنا

                تعليق

                • حاكم الغنامي

                  مشرف منتدى المحاوره

                  • Jun 2006
                  • 5026

                  #9
                  نبرّك مار ماتنفع بريرة في قلوب احــــروب
                  بلشنا بك وعودنا معك في حرب واجـهـــادي


                  الله الله


                  لاهنت ياناصر
                  سبحــــان الله وبحمدهـ

                  hakem81@live.com

                  تعليق

                  • نايف المغيبي
                    عضو ماسي
                    • Oct 2010
                    • 454

                    #10
                    اشكرك على نقل هذه المحاوره الجميله

                    تعليق

                    • ناصر التميمي
                      عضو نشيط
                      • Nov 2010
                      • 33

                      #11
                      الله يحييكم ويبيض وجيهكم عالتواصل والمشاركة الفاعلة

                      يسعدني رضاكم عن ما اقدم

                      تعليق

                      العمل...