ثغره حسبها عبدالله الميزاني على سفر

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • متابع هنا وهناك
    عضو نشيط
    • Apr 2010
    • 98

    #1

    ثغره حسبها عبدالله الميزاني على سفر

    المحاوره بداية منقوله.

    كما نعلم ان شعراء المحاوره يجب ان يتنبهوا لان لا يكون هناك ثغره في بيوتهم كما قالها محمد السناني .. وما اكثر المحاورات التي فيها قلب للمعنى على صاحبه

    المحاوره لا اعلم ان كانت كامله ام لا لكن المهم ان هناك غلطه حسبها الميزاني على سفر واتوقع لو كانه السناني لـ استغلها ايضا



    عبدالله الميزاني

    سحابة مطرها من عتيبه على قحطان
    بردها يقض الشامخ الزامي العالي

    والا يافلاح انته رساله بلا عنوان
    ويؤمن بها الاول ويكفر بها التالي


    سفر الدغيلبي

    ترى مايحدونك مثل ربعك العتبان
    يذوب الجليد وينطح الصالي الصالي

    انا الليله اكبر من طميه يابن ميزان
    ولايازن الميزان وديان وجبالي


    عبدالله الميزاني

    بسيطه على سطح البسيطه جمل وحصان
    وقدام لاترجع ورا ياعسل حالي

    وابنشدك عن مقلعك من كشب ليش ووان
    وتوي طرالي علم ماهو على بالي

    "يقول عبدالله للجمهور يقولون جايتن من كشب طميه "


    سفر الدغيلبي

    ليا فقدت علوم المروه من الانسان
    تراه ارخص ريالين من ثوبه البالي

    تنشد واقول الك انشد المدن والسكان
    دام الدير وتصير مثل الخلا الخالي


    عبدالله الميزاني

    يقال الكريم امقل والا الكريم معان
    بغيت اتوارى فيك مدري يورالي

    لياوين اباوديك يامحمل السلطان
    ولاياسفر لاباس يابوشحم كالي


    سفر الدغيلبي

    توارى ورا واحد من اربوعك المطران
    انا سعى على فرقاك لو اسري لحالي






    وسلامتكم

    ::::
    :::
    ::
    :
  • فهد علي العازمي
    شــــاعــر
    • Oct 2005
    • 3683

    #2
    لاهنت
    ومثل هذي مايفوتها ذكي

    بس على طول طلعت النفسية:d


    الف شكـــر

    تعليق

    • محمد ابن رووق
      عضو مميــز
      • Jan 2009
      • 2632

      #3
      مافيه ثغره ولاشي

      سفر قال انه اكبر من طميه ولم يقل انه مثل طميه

      وابنشدك عن مقلعك من كشب ليش ووان
      وتوي طرالي علم ماهو على بالي

      ووان من يوضح الكلمه لي


      اما عن المقلوع من كشب وطميه فهذه ضد سوار الذهب ههههه

      تعليق

      • متابع هنا وهناك
        عضو نشيط
        • Apr 2010
        • 98

        #4
        ههههههههههههههههههههههههههههه الله يشفي ابوغازي ويبارك لنا في سفر


        مشكور ياغالي على طلتك

        تعليق

        • متابع هنا وهناك
          عضو نشيط
          • Apr 2010
          • 98

          #5
          اخي ابن روق معليش تراها واضحه .. ولاني اقولها استنقاص من سفر لكن هذا الصحيح

          وانت تعرف اغلب الشعراء يلتفون على بيوت الخصوم ان وجد مدخل

          تعليق

          • ابن المحايا
            عضو ماسي
            • Feb 2010
            • 726

            #6




            يالغالي فيه فرق بين


            انا اكبر من طمية يابن ميزان


            وبين


            انا مثل طمية يابن ميزان



            لو قال الثانية اقول معك حق


            لكن الاولى مقصده من تشبيه نفسه بالعلو والشموخ ماهو بالاسم


            مشكلة الميزاني سمع طاري طمية


            وخمها على عماها


            تحياتي

            تعليق

            • متابع هنا وهناك
              عضو نشيط
              • Apr 2010
              • 98

              #7
              عافاك الله يالذيب .. على راسي والله انت ورأيك



              لك مني كل التقدير

              تعليق

              • اسير الروح
                عضو فضي
                • Sep 2010
                • 264

                #8
                سفر يقول انا اكبــر من طميه ماقال مثل طميه

                طبعا فيه فرق بينهم الانسان العادي يعرفه على طول ..

                يعني مافيه لاثغره ولا شي ..




                سفر الدغيلبي

                ليا فقدت علوم المروه من الانسان
                تراه ارخص ريالين من ثوبه البالي

                الله ,,الله ..

                مبدع كعادته ابوسعد ..

                تعليق

                • فهد علي العازمي
                  شــــاعــر
                  • Oct 2005
                  • 3683

                  #9
                  ليتها دور غير طمية

                  تعليق

                  • خلف المطيري
                    موقوف لمخالفة الأنظمة
                    • Aug 2010
                    • 2849

                    #10
                    وش جاب هذا عند هذا اتقوا الله

                    الفرق واضح

                    ولايجوز المقارنه بينهم

                    الحق احق ان يتبع

                    لاهنتم جميع

                    تعليق

                    • ابن المحايا
                      عضو ماسي
                      • Feb 2010
                      • 726

                      #11



                      استفسار بسيط


                      الحين الموضوع يتكلم عن وجود ثغرة ؟؟ولايتكلم عن المستوى الشعري؟؟



                      اتوقع ان الجواب واضح

                      تعليق

                      • ابو فايح
                        مشـرف عام
                        • Jul 2006
                        • 5343

                        #12
                        ما أدري وين الثغره أصلا ؟؟؟


                        اذا قلت أنا أكبر من طميه يعني أنا طميه أو مثلها


                        وبعدين بيت الميزاني عليه مئه فالمئه ومن يعلم تاريخ القبائل يعلم أن كشب كانت لقبيلة مطير وبعد عدة معارك كانت الغلبه لعتيبه فيها أصبحت كشب من ديار عتيبه .
                        عالم تويتر



                        abofayeh@

                        تعليق

                        • منيرالروقي
                          عضو فعال
                          • Sep 2009
                          • 152

                          #13
                          السؤال اللي يطرح نفسه :
                          وش هالثغره الفاضحه اللي فكها سفر على نفسه ؟ ووين استغلال الميزاني لها؟

                          قال انا اكبر من طمية
                          قال ليش مقلعك ووين

                          هب ياهالنقض اللي ماسمعنامثله ماشاالله على سواركم كيف لقا هالبيت؟


                          ألا ماتقول ياراع الموضوع ان هالدربكات من شهور إن قصدها تسويق الشاعر اللي ماينعزم من خلال حبيب وسفر أكثر شاعرين عتبان مطلوبين فالحفلات كود الله يرزقه باسبابهم

                          مالنا الا نقول رزقه بيجيه سوا عن طريق سفر وحبيب ولا عن طريق غيرهم والظاهر حفله فالسنة تكفيه

                          تعليق

                          • متابع هنا وهناك
                            عضو نشيط
                            • Apr 2010
                            • 98

                            #14
                            تم النشر في الأصل بواسطة منيرالروقي عرض المشاركة

                            ماشاالله على سواركم


                            ألا ماتقول ياراع الموضوع ان هالدربكات من شهور إن قصدها تسويق الشاعر

                            ليش اي عضو ينزل موضوع لعبدالله الميزاني معناها مطيري ؟؟!!!

                            تعليق

                            • محمد ابن رووق
                              عضو مميــز
                              • Jan 2009
                              • 2632

                              #15
                              تم النشر في الأصل بواسطة خلف المطيري عرض المشاركة
                              وش جاب هذا عند هذا اتقوا الله

                              الفرق واضح

                              ولايجوز المقارنه بينهم

                              الحق احق ان يتبع

                              لاهنتم جميع

                              خلف وأنا اقرأ كتابتك استشكيت إنها خطبة جمعه


                              وش لايجوز المقارنه ليه سوار الذهب صحابي مايجوز المقارنه فيه مثلا


                              وش الحق احق بأن يتبع ليه فيه ناس تعبد قبور مثلا


                              قارن بين ابيات الشاعرين وبين مكامن التفوق

                              تعليق

                              العمل...