رجا الله الحربي رحة الله عليه وعيد ابن مربح

طي
X
 
  • التوقيت
  • إظهار
مسح الكل
المشاركات الجديدة
  • خلف المطيري
    موقوف لمخالفة الأنظمة
    • Aug 2010
    • 2849

    #1

    رجا الله الحربي رحة الله عليه وعيد ابن مربح

    السلام عليكم ورحمة الله وبركاته:


    عيد بن مربح


    يامرحبا بضيوفنا اللي شرفونا بالوقوف=والناس عادتها ياطرقي ماتخلي اسلومها
    عيني تطالع يارجالله مير مدري وش تشوف=وان عدتها والله لازودكم واغلق سومها
    رجالله الحربي


    تسلم وتبقى ياولد مربح معازيب الضيوف=وانا ليا جيت العرب عيبن علي ألومها
    انا خويك في طريق الخير وأحدود السيوف=والا العلوم الثانيه غابت علي انجومها

    عيد بن مربح


    تعرف ظروف الملعبه مابين خاطف وأمخطوف=وأضيوفنا الليله عليْه وارمات أخشومها
    فريتها بسنونها وألينها حول النصوف=يارب لاتحرم قلوب أهل الهدف مقسومها
    رجالله الحربي


    تاريخك اللي من قديم الوقت ياعيد امعروف=والناس لو خلتك في كيفك نهبت اقسومها
    تبغى تربع بالشداد وزيد حطك بالردوف=ومن الزعل تشمت ضيوف البيت قبل اعلومها
    عيد بن مربح


    تاريخنا غصبن على الحساد ياعيون الكسوف=يوم أن بعض الناس ضيقتها تزيد اهمومها
    قبله يبين الكيف وأنت أتمز من شين القطوف=ويوم المغازي كل قوم امفسرين احلومها
    رجالله الحربي


    ياعيد فيك الخير لاكنك من الخير أمخفوف=وام الكباير من مصيبتها تشق اهدومها
    أليا خرب موترك وقف به وركب له بلوف=وان خرطمت لك رز مشعابك على خرطومها
    عيد بن مربح


    حذفني الحذاف لاكنه يحوذف وأمحذوف=وانا الجنايز من فضل ربي ماحب ألحومها
    يقول لك راعي المثل يتفاهمون أهل الشفوف=ترى القراده نوخت سوم القراده سومها
    رجالله الحربي


    ياصاحبي مشلحك فيها خيط قطن وخيط صوف=والقوم ناشبتن طعامتها على حلقومها
    انا على المقفين لوحسفت مابيله حسوف=الورد يحصد ورد وأهل الثوم تحصد ثومها
    عيد بن مربح


    السالفه طافتك ياشاطر ولاحسبها تطوف=وانا الصقور اعرف مواريها بخلق أزقومها
    وش هو مصيرك يارجالله كان صفقت الصفوف=يارب تستر عورت الاجواد وسط أهدومها
    رجالله الحربي


    ماطافني علمك لاكن انت ماتقرى الحروف=حتى عراويكم ليا مرت قريت أرقومها
    ان كان بتعمر ومن ضيقتك صفقت الكفوف = أسجد لوجه الله وصوم اربع ليالي صومها
    عيد بن مربح


    ياصحابنا ياللي تحطون الرسايل بالزروف=مالي ومال الدوله اللي مانجح مرسومها
    أنت تبيها يارجالله مير حدتك الضروف=كون ادمي معك ادمي وأحفظ برمي أسهومها
    تم التعديل الأخير بواسطة خلف المطيري؛ 13-Nov-2010, 02:11 AM.
  • الهزبري
    عضو فعال
    • Apr 2007
    • 112

    #2
    الله لايهينك ياخلف على نقل هذه المحاوره الجزله

    تعليق

    • عوالي نجد
      عضو
      • Nov 2010
      • 4

      #3
      محاوره قمه لاهنت على النقل اخي الكريم

      تعليق

      العمل...