محاورة عبدالله الاشرم الرشيدي وسفرالدغيلبي

طي
X
 
  • التوقيت
  • إظهار
مسح الكل
المشاركات الجديدة
  • حمد الرشيدي
    عضو
    • Oct 2010
    • 7

    #1

    محاورة عبدالله الاشرم الرشيدي وسفرالدغيلبي

    الدغيلبي


    سـلام يـا وسّامـة الكفـه بعيديـن الديـار
    بعيـد بالماضـي وقربهـا زمـان العولمـه
    عبدالله الاشرم خذى رخصه من الروس الكبار
    لكن قولوا له تـرى ماكـل بيضـاء بشحمـه

    عبدالله الاشرم

    يـا مرحبـا بعتيبـه الهيـلا متعبـة المهـار
    ذباحة الحيل السمـان وكـل عايـل تلطمـه
    ما ناخذ الرخصه وحنا اهل الوفاء واهل القرار
    وأحسب حسابك قبل تغـرق بالبحورالمظلمـه

    سفر الدغيلبي

    مرارة الهيجا تعوضها حالات الانتصار
    ليتك تعيش الانتصـار وتـذوق طعمـه
    تقولها والامر لله ثـم لطـوال العمـار
    يوم أكثر العربان متساوي وجوده وعدمه

    عبدالله الاشرم

    حولت من ضلع تفتش فيه ما تلقى حجار
    وسببتلك فتنه مع العالـم وكيـد وهيلمـه
    يوم المشوك بالسما ضوة مثل شمس النهار
    كلن موقف عند حـده والديـار مقسمـه


    سفر الدغيلبي

    دامك نجم تطبق على مثلك شروط الاحتكار
    ماهي خساره عند شرواك العقود المبرمـه
    با عبس ما ينفع حليبٍ يجرح لسان الحوار
    مير أتركوه يموت والا دوروا من يفطمـه

    عبدالله الاشرم

    مدام شرواكم معنا زندنـا يقـدح شـرار
    واللي معه محزم يقوم ويحتزم في محزمـه
    ياللي تطالع بالحوار اللي رضع در البكار
    وشلون شفت الجرح بالسانه وهو داخل فمه

    سفر الدغيلبي

    من لا يشوف الناس قبه ما يشوفونـه مـزار
    هذا مثل مفهوم قصـده وأنـت يمكـن تفهمـه
    صار لك عشر سنين وأنته مختفي خلف الستار
    واليوم مستدعيـك للتحقيـق شيـخ المحكمـه

    عبدالله الاشرم

    من ودّع اصحاب اليمين ورافق أصحاب اليسار
    هذاك مثل اللي بنـى بيـت المعـزه وأهدمـه
    أنا تراني حر وأجلس في مجاليـس الحـرار
    ولا حولت للمحكمه غير اللصـوص المجرمـه

    سفر الدغيلبي

    بعض العرب هرجه يسر البال وفعوله دمار
    ينادي الضيفان ويهلـي ولا شيـف كرمـه
    العود ابو دخان دخانه طلع من دون نـار
    يحتر ويدخـن ومنتوجـه رمـاده وفحمـه

    عبدالله الاشرم

    أصل الدمارالهجرة اللي روحت مثل المطار
    على الطريق اللي يمر مراه ويمر ضرمـه
    العود ابو دخان من مقباس نـارك يانـزار
    لكن لاتبني خيامك فـي نحـر واد الرمـه
  • خلف المطيري
    موقوف لمخالفة الأنظمة
    • Aug 2010
    • 2849

    #2
    ياللي تطالع بالحوار اللي رضع در البكار
    وشلون شفت الجرح بالسانه وهو داخل فمه


    صراحه بيت وافي



    سفر



    بعض العرب هرجه يسر البال وفعوله دمار
    ينادي الضيفان ويهلـي ولا شيـف كرمـه


    الاشرم

    أصل الدمارالهجرة اللي روحت مثل المطار
    على الطريق اللي يمر مراه ويمر ضرمـه

    صحت الالسن والقلوب جميع

    تعليق

    • بطـران العتيبي
      عضو نشيط
      • Oct 2010
      • 87

      #3
      لاهنت حمد محاوره جزله ومبدع ابوسعد كالعااده
      ولا يهون الاشرم .. تقبل مروري

      تعليق

      • سعد حميد الثبيتي
        شــــاعـر

        • May 2009
        • 1097

        #4
        صراحة محاوره ممتازه من الدرجه الاولى سفر ابدع والاشرم ابدع

        تعليق

        • جبل
          عضو نشيط
          • Nov 2009
          • 72

          #5
          نقض اقوى من الاشرم لاهنت على المحاورة الرايعة

          تعليق

          • اسير الروح
            عضو فضي
            • Sep 2010
            • 264

            #6
            ياسلاااااااام


            محاوره رائعه للشاعرين,,


            وصح لسان ابو سعد على الابيات الجزله ,, الله لا يضره..

            تعليق

            • فيصل بن فهد الجهني
              عضو ماسي
              • Oct 2010
              • 594

              #7
              ابو سعد .. كل يوم يثبت انه شاعر عتيبه القادم



              هنيكم يا عتيبه بسفر الدغيلبي .. و لا هان الاشرم


              تحيتي

              تعليق

              • رائد الكيرعاني القحطاني
                شـاعـــر
                • Apr 2009
                • 1247

                #8
                مع تحفظي على شاعرية الاشرم بشكل عام



                الا انه مبببدع في هالمحاوره بشكل ملفت وند قووووي لبو سعد



                صح لسان سفر الدغيلبي

                وصح لسان عبدالله الاشرم



                ولاهنت يالرشيدي

                تعليق

                العمل...