شاعر خنذف محمد السناني واسوار الذهب

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • خلف المطيري
    موقوف لمخالفة الأنظمة
    • Aug 2010
    • 2849

    #1

    شاعر خنذف محمد السناني واسوار الذهب

    صاحب الكلمه جبت لك طاروق مافيه عتيبي

    عشان لاتقول اكسب تعاطف عتيبه

    هذا بين السناني واسوار

    وعطنا رايك عن الطاروقين



    طاروقين ورا بعض ... بـدأ الطاروق الاول السنـاني يقول




    سلآم الله وانا طرقي وابي من يحسن الترحيب
    ولــولا محـسـن الترحـيـب مــا جيـنـا وسلمـنـا
    والا ياطيـب عـبـدالله وعـبـدالله بجـنـب البـيـب
    ولـــولا حـفـظـهـم لـلـبـيـت يـمـكــن ماتـقـدمـنـا



    رد سوار الذهـب يقول




    هلآ والله وحيـاك الله وصلنـا الفـك والتركيـب
    وصلـنـا الـفـك والتركـيـب واعـلـم لا تعلـمـنـا
    يا قلب الشاة لا تنشد عن الي راح قلب الذيب
    كبـن الحـزم ماتـدري عـن الـي فـي محازمنـا



    جنيـة الذهب




    نبيك تجيب ذيك الجوهرة كانك نويت تجيب
    ولـن ماجبتـهـا نـسـري وحـنـا مــا تفاهمـنـا
    تبي تتعب لنا الايام والطفل الرضيع يشيـب
    وانــا ويــاك مانلـقـا لـنــا جـنــب يزاحـمـنـا



    سوااار الذهب




    يابن متروك اظنك تحسب انك جنب وانت جنيب
    ولــو جيـنـا عـلـى راس الذبيـحـة مـــا تقاسـمـنـا
    تبـا تبقـى الجبـال جبـال زال ان الشعيـب شعيـب
    ولا يـــا نــارنــا ردي عـلـيـنـا مــــن ميـاسـمـنـا



    جنيـة الذهب




    بلاشي يعلمونك فتلت الاشناب وانـت شنيـب
    جزاك القسـم والـي مـا نشيلـة فـي محازمنـا
    تحرك يا جبل شمرخ جبل نعمان مابه عيب
    حركـاتـك تـهــز قلـوبـنـا والـوقــت ظالـمـنـا



    سوار الذهب




    من الذمّة ما اذم السوق لو يجمع ذهب وذهيب
    مـادامـك مـنـت فـاهـم وش نـقـولـه لا تكلـمـنـا




    وانتهى هذا الطاروق الى هنا عندما لم يدرك السناني معنى الميزاني حسب فهمي للبيت الاخير


    ـــ ـــ ـــ ـــ ـــ ـــ ـــ


    وغير الطاروق عبدالله يقوول :





    انتم يااهل ينبـع عيـال السمـن واجـداد اللبـن
    القا من العشرين منكم تحت عـرق الحنظلـة
    امـا جنـود اول زمـن والا جنـود اخـر زمـن
    وش حالت الي ينخلون الحب في راس نخلة




    رد السنــاني




    انتم يا عبدالله عيال القدر واحفاد الصحـن
    اكثر مـن الميتيـن فيكـم فـي قصـور مقفلـة
    واليا بغيت الحق لا تشرى ولا تسوى ثمن
    حملة خلقها الله عن ظهور الجمـال منزلـة




    قال سواااااار الذهب





    اصبر شويه وادفن الميت واحرق فـي الكفـن
    يالساحلي لا تشمت اهل المعرفة وانت سحلة
    والخاتمـة مالله مبـارك فيـك يـا سـوق العفـن
    جبـت السنانـي مختلـف خايـط علـوّه فاسفلـة



    السناني




    التمـرة الـي بالحسـاء والـي فـي عــدن
    انهايته يرمي بها التاجر بوسط المزبلة
    الله بلا عبـده بمحنـه مـن كبـار المحـن
    ارتـج عبـدالله لمـا ثـارت عليـة القنبلـة



    سوار الذهب

    ؟؟؟؟




    ازبن على الله وش ورا حظ الزبين اليا زبن
    لكـن وش رايــك نعـيـد السـحـر والا نبطـلـه



    السنــاني




    ليت المباخر باطيب العود المنقا به خنن
    واحـد تجيـب نهايـة ايـامـة وذاك تجفـلـه



    ؟؟؟؟

    سواار الذهب




    انته يابن متروك ماتطحن طحين وتنطحن
    العام ركبت العجل واليوم جاء فيـك عجلـه
    حنـا ليـا قلنـا الطريـق يميـن وجــه لليـمـن
    ياليت لك قدرة تشيـل طويـق وتشـل جبلـه




    السناني




    المهـد منجـم للذهـب بيضـان مـزرع للدخـن
    والـي حــرام نحـرمـه والــي حــلال نــحلله
    اومـا تجرعـت القهـر والا تجـرعـت الغـبـن
    ان كان جاتك غصب من كل الجهات مطبله



    سوار الذهب




    حـج يجملـنـا يـزكـي الـمـال مـازكـى الـبـدن
    والـيـا بغـيـت تـعـدلـه والـيــا بـغـيـت تـبـدلـه
    الاولـــة والـثـانـيـة تــاخــذ قـلـيــل وتـتـجــن
    ان جيت بجناح نحله وان رحت بجناح نحله
  • فهد الزهراني
    عضو مميــز
    • Mar 2007
    • 3237

    #2
    حياك الله ياخلف

    شف فيه معلومة عامه ...الكل يعرفها وهو ان كلام الشاعر على قبيله لا يحتج به وكثيرا ما يدركون الشعراء معاني زملائهم ثم تجد الشاعر يقول انك مافهتمني او ماصدت المعنى بقصد احراجه وبيان للجمهور انه تفوق عليه

    وانا شخصيا سمعت حبيب يعترف بهذا ويقول دائما يسوونها الشعراء

    اذا العبرة ليست بكلام الميزاني في آخر المحاورة..

    المحاورة الثانية جميلة ولكنها مقطعة وناقصها بيوت تجعل الحكم لها او عليها غير دقيق علما اني اجد ابداع من الشاعرين بشكل متكآفئ والله اعلم

    تحياتي لكـ

    تعليق

    • خلف المطيري
      موقوف لمخالفة الأنظمة
      • Aug 2010
      • 2849

      #3
      فهد الزهراني

      انا نقلتها كما هي الكلام اللي ذكرته ماهو كلامي كلام صاحب الموضوع

      حذفت المقدمه فقط لان في تمجيد لسوار الذهب لايدخل العقل

      تعليق

      • فهد الزهراني
        عضو مميــز
        • Mar 2007
        • 3237

        #4
        انا اعلم ذلك يالغالي

        بس تعليقي عليها وهي منقوله كما ذكرت

        بورك الحضور ..

        تحياتي لكـ

        تعليق

        • خلف المطيري
          موقوف لمخالفة الأنظمة
          • Aug 2010
          • 2849

          #5
          شف يافهد اترك المعنا عنك هذا مايهمني حتي لوكان راقي ماهو هذا موضوعي موضوعي الجزاله

          ابغاك اتركز في سبك وحبك اسوار ومحمد وشوف الفرق

          من بديت المواضيع وانا تكلم عن الجزاله محمد شاعر ماهو جزل

          تعليق

          • ابوتيجان
            عضو ماسي
            • May 2006
            • 446

            #6
            تم النشر في الأصل بواسطة خلف المطيري عرض المشاركة
            بـدأ الطاروق الاول السنـاني يقول




            سلآم الله وانا طرقي وابي من يحسن الترحيب
            ولــولا محـسـن الترحـيـب مــا جيـنـا وسلمـنـا
            والا ياطيـب عـبـدالله وعـبـدالله بجـنـب البـيـب
            ولـــولا حـفـظـهـم لـلـبـيـت يـمـكــن ماتـقـدمـنـا



            رد سوار الذهـب يقول




            هلآ والله وحيـاك الله وصلنـا الفـك والتركيـب
            وصلـنـا الـفـك والتركـيـب واعـلـم لا تعلـمـنـا
            يا قلب الشاة لا تنشد عن الي راح قلب الذيب
            كبـن الحـزم ماتـدري عـن الـي فـي محازمنـا



            جنيـة الذهب




            نبيك تجيب ذيك الجوهرة كانك نويت تجيب
            ولـن ماجبتـهـا نـسـري وحـنـا مــا تفاهمـنـا
            تبي تتعب لنا الايام والطفل الرضيع يشيـب
            وانــا ويــاك مانلـقـا لـنــا جـنــب يزاحـمـنـا



            سوااار الذهب




            يابن متروك اظنك تحسب انك جنب وانت جنيب
            ولــو جيـنـا عـلـى راس الذبيـحـة مـــا تقاسـمـنـا
            تبـا تبقـى الجبـال جبـال زال ان الشعيـب شعيـب
            ولا يـــا نــارنــا ردي عـلـيـنـا مــــن ميـاسـمـنـا



            جنيـة الذهب




            بلاشي يعلمونك فتلت الاشناب وانـت شنيـب
            جزاك القسـم والـي مـا نشيلـة فـي محازمنـا
            تحرك يا جبل شمرخ جبل نعمان مابه عيب
            حركـاتـك تـهــز قلـوبـنـا والـوقــت ظالـمـنـا



            سوار الذهب




            من الذمّة ما اذم السوق لو يجمع ذهب وذهيب
            مـادامـك مـنـت فـاهـم وش نـقـولـه لا تكلـمـنـا




            وانتهى هذا الطاروق الى هنا عندما لم يدرك السناني معنى الميزاني حسب فهمي للبيت الاخير


            اخوي خلف وش لون يبدا الطاروق السناني وهو الفاتل وتقول السناني لم يدرك معنى الميزاني!!!!!!!!!!

            حتى البيت الاخير مايشفع لعبدالله لان عبدالله في موقع النقض وليس الفتل وهذا يدلل على ماكنا نقوله ان عبدالله لايمشي على معنى الخصم كل شوي له بيت في اتجاه

            تعليق

            • برق شمالي
              عضو فعال
              • Apr 2010
              • 134

              #7
              [align=center]خلف المطيري قلت لك وقف لا تستمر ( أحرجت نفسك مع السناني )


              يبدو إنك ياخلف مع احترامي لك رجال على النية والله أنصحك وانا صادق ومتعاطف معك اترك عنك

              الأمور الي تعكس عنك صورة ما هي طيبة سواء من ناحية فكرك وذكاءك ومن ناحية أخلاقك بعد



              أصبحت في وضع يرثى له ،، أنت من قبيلة عزيزة ومشهورين رجالها بالعرف والذكاء والمراجل


              وانت الله يهديك مدري وش أقول كل طــاروق ومحاورة تستشهد فيها ضدك وضد ............



              يقول السناني :

              سلآم الله وانا طرقي وابي من يحسن الترحيب
              ولــولا محـسـن الترحـيـب مــا جيـنـا وسلمـنـا
              والا ياطيـب عـبـدالله وعـبـدالله بجـنـب البـيـب
              ولـــولا حـفـظـهـم لـلـبـيـت يـمـكــن ماتـقـدمـنـا

              [overline]انت تظن إن الطيب بعبد الله بناخيك الله يرحم حالك بس !!!!![/overline]


              بشرح لك البيت حتى تعرف من الي ما هو فاهم يابن الحلال ،، جاي تحلل من أخر المحاورة الله يصلحك
              وتقول السناني ما هو فاهم


              البيب : البترول الله يسلمك والمعنى واضح لولا حفظ البترول ماتقدمت الدولة ....... الخ


              والسناني يقول [overline]نبيك تجيب ذيك الجوهرة [/overline]ياسوار الذهب الي غديت عنها بعد ما شاف رده

              قلب شاه وقلب ذيب ومحازم وماعندك أحد ..





              والطاروق الثاني :

              بدا فيه بناخيك صاحب المعاني الثمينة .... لكن مشكلته طاح مع السناني شاعر خنذف الأول


              أنتم ياعبد الله عيال القدر وأحفاد الصحن &&& أكثر من الميتين فيكم في قصور مقفلة

              الله يعافيك ياخلف ،، أنت يمكن الان موظف ومغنيك الله والبيت هذا مايحرجك


              وان حسيت بالاحراج ترى لومك على سوار الذهب لأن من دق الباب يلقى الجواااااااب




              ياخلف المطيري استخير عن بعض العلوم والسوالف وارفع نفسك
              [/align]

              تعليق

              • ابوتيجان
                عضو ماسي
                • May 2006
                • 446

                #8
                تم النشر في الأصل بواسطة خلف المطيري عرض المشاركة
                موضوعي الجزاله

                ابغاك اتركز في سبك وحبك اسوار ومحمد وشوف الفرق

                من بديت المواضيع وانا تكلم عن الجزاله محمد شاعر ماهو جزل
                بالنسبة للجزالة وتركيب البيوت ماحد يختلف معك ان عبدالله جزل رغم تحفضي على تكرير الكلمات وتصغيرها
                لكن بالشكل العام ماحد ينكر جزالة بيوت عبدالله وكلامي عن جزالة التكريب وليست عن فتل المعاني والسير عليها مع الشاعر المقابل

                تعليق

                • برق شمالي
                  عضو فعال
                  • Apr 2010
                  • 134

                  #9
                  تم النشر في الأصل بواسطة خلف المطيري عرض المشاركة
                  شف يافهد اترك المعنا عنك هذا مايهمني حتي لوكان راقي ماهو هذا موضوعي موضوعي الجزاله

                  ابغاك اتركز في سبك وحبك اسوار ومحمد وشوف الفرق

                  من بديت المواضيع وانا تكلم عن الجزاله محمد شاعر ماهو جزل
                  [align=center]انت يابو معنى شف الطاروق الاول بدعه ورسم معناه السناااااااااني ( معنى راقي وله قيمة وبعيبد
                  عن العلوم والسوالف الي مالها داعي )



                  وشف الطاروق الثاني بدعه بناخيك المبدع صاحب المعاني ( معنى هابط ومبتذل وهجوم ماله مبرر )

                  ومن ناحية الجزالة والله إن محمد السناااااااني جزل بكل أحواله مراجل وسمعة وطيب وكرم ومن علو ربعه ومن ناحية الشعر إبداع وجزالة ولا يلحقه كلام


                  وليتك ياخلف تترك عنك غيبته وتحافظ على دينك والا انت عرفنا الي عندك كله !!![/align]

                  تعليق

                  • خلف المطيري
                    موقوف لمخالفة الأنظمة
                    • Aug 2010
                    • 2849

                    #10
                    تم النشر في الأصل بواسطة برق شمالي عرض المشاركة
                    [align=center]خلف المطيري قلت لك وقف لا تستمر ( أحرجت نفسك مع السناني )


                    يبدو إنك ياخلف مع احترامي لك رجال على النية والله أنصحك وانا صادق ومتعاطف معك اترك عنك

                    الأمور الي تعكس عنك صورة ما هي طيبة سواء من ناحية فكرك وذكاءك ومن ناحية أخلاقك بعد



                    أصبحت في وضع يرثى له ،، أنت من قبيلة عزيزة ومشهورين رجالها بالعرف والذكاء والمراجل


                    وانت الله يهديك مدري وش أقول كل طــاروق ومحاورة تستشهد فيها ضدك وضد ............



                    يقول السناني :

                    سلآم الله وانا طرقي وابي من يحسن الترحيب
                    ولــولا محـسـن الترحـيـب مــا جيـنـا وسلمـنـا
                    والا ياطيـب عـبـدالله وعـبـدالله بجـنـب البـيـب
                    ولـــولا حـفـظـهـم لـلـبـيـت يـمـكــن ماتـقـدمـنـا

                    [overline]انت تظن إن الطيب بعبد الله بناخيك الله يرحم حالك بس !!!!![/overline]


                    بشرح لك البيت حتى تعرف من الي ما هو فاهم يابن الحلال ،، جاي تحلل من أخر المحاورة الله يصلحك
                    وتقول السناني ما هو فاهم


                    البيب : البترول الله يسلمك والمعنى واضح لولا حفظ البترول ماتقدمت الدولة ....... الخ


                    والسناني يقول [overline]نبيك تجيب ذيك الجوهرة [/overline]ياسوار الذهب الي غديت عنها بعد ما شاف رده

                    قلب شاه وقلب ذيب ومحازم وماعندك أحد ..





                    والطاروق الثاني :

                    بدا فيه بناخيك صاحب المعاني الثمينة .... لكن مشكلته طاح مع السناني شاعر خنذف الأول


                    أنتم ياعبد الله عيال القدر وأحفاد الصحن &&& أكثر من الميتين فيكم في قصور مقفلة

                    الله يعافيك ياخلف ،، أنت يمكن الان موظف ومغنيك الله والبيت هذا مايحرجك


                    وان حسيت بالاحراج ترى لومك على سوار الذهب لأن من دق الباب يلقى الجواااااااب




                    ياخلف المطيري استخير عن بعض العلوم والسوالف وارفع نفسك
                    [/align]
                    ماشا الله عليك يابرق شمالي

                    اسلوبك راقي ومتفهم حالات الناس وملم في علم النفس واضح مايحتاج

                    اعتقد كنت في مجلش الشوري واضح من قبل

                    الموضوع الله يخليك لي ماهو موضوع سعوط ولا خوّ جوّا ولابيع لبن وعسل ةلارشاد ولا عطاره

                    عندك تفسير للبيت المحرج هاته مافي مشكله ورده موجود

                    بس اخطأت يوم تقول احراج وعرق بدري عليك وعلي السناني

                    شاعركم عادي جدا وانصحك تبتعد عن مدحه

                    سبق السيف العفو خلاص مالك مجال

                    عندك شي قوله ماعندك شي وفر نصايحك لربعك

                    ثلاث ارباع كلامك برا الموضوع

                    تعليق

                    • خلف المطيري
                      موقوف لمخالفة الأنظمة
                      • Aug 2010
                      • 2849

                      #11
                      تم النشر في الأصل بواسطة برق شمالي عرض المشاركة
                      [align=center]انت يابو معنى شف الطاروق الاول بدعه ورسم معناه السناااااااااني ( معنى راقي وله قيمة وبعيبد
                      عن العلوم والسوالف الي مالها داعي )



                      وشف الطاروق الثاني بدعه بناخيك المبدع صاحب المعاني ( معنى هابط ومبتذل وهجوم ماله مبرر )

                      ومن ناحية الجزالة والله إن محمد السناااااااني جزل بكل أحواله مراجل وسمعة وطيب وكرم ومن علو ربعه ومن ناحية الشعر إبداع وجزالة ولا يلحقه كلام


                      وليتك ياخلف تترك عنك غيبته وتحافظ على دينك والا انت عرفنا الي عندك كله !!![/align]
                      وقف يابرق مراجله وسمعته محد طق فيها ربنا وربه الله

                      واذا هاذي تسميها غيبه اجل نسكر القسم ونقعد

                      وبعدين شخصيه عامه

                      رؤسائ دول تنتقد وتجار وسياسين وقفت علي الشعراء

                      تعليق

                      • فهد الشيباني
                        شــــاعــر
                        • May 2008
                        • 1529

                        #12
                        لا اعتقد ان السناني يستاهل كل هذا الترصد ياخلف لو ماياتي بالجزله والسمينه ما رضا مستور ولا حبيب ولا غيرهم من الشعراء منازلته

                        لكن يمكن تعليقك على لهجته وانا معك لكن هوو فووق ان يقيم اذا كان الشعراء يرون انه افضل من يلعب على معنى فا وووش حنا حتى نقوول فيه وفيه

                        ( اختلاف الاراء لا يفسد للود قضيه ) ........ اتمنى ان نفهم هذه المقووله فهماً صحيحاً .


                        اشكررك ياخلف على المجهوود الذي تقووم به لاهنت
                        ..



                        ارسم لنفسك حدود الخطوه المنظومه
                        واحذر احذر لاتزل اقدامك وتاكلها

                        الحياه الفانيه في ناظري معدومه
                        كان ماحددت قمه للهدف تاصلها

                        تعليق

                        • شهاب العطاوي
                          عضو فضي
                          • Nov 2009
                          • 224

                          #13
                          كلهم فيهم الخير والبركه وياليت النقاش ماينحنى لمنحى اخر ويصير شخصي نبي نقاش باسلوب نقدي ولا ترى ماراح اخش على الموظوع هههه

                          تعليق

                          • برق شمالي
                            عضو فعال
                            • Apr 2010
                            • 134

                            #14
                            تم النشر في الأصل بواسطة خلف المطيري عرض المشاركة
                            وقف يابرق مراجله وسمعته محد طق فيها ربنا وربه الله

                            واذا هاذي تسميها غيبه اجل نسكر القسم ونقعد

                            وبعدين شخصيه عامه

                            رؤسائ دول تنتقد وتجار وسياسين وقفت علي الشعراء
                            انت لو تنتقد السناني بشكل صحيح ما قلنا لك شي لكن انت رجل مانت فاهم شي :

                            ظلمت السنااااني بعدة مواضيع :



                            1 ــ موضوع البشت وطلع كلامك مردود وكله خطــــــــــــــأ



                            2 ــ قلت السناني ما هو فاهم المعنى مع بناخيك وطلع كلامك مردود وكله خطـــــــــــــــأ


                            وبما إن كلامك كله خطــأ بخــطأ .... فمن الجزالة والرجالة إنك تبتعد عن مثل هذه المواضيع الي ماتفهم فيها .


                            خاصة إنك بهذه السطحية من الطرح وبساطة الفكر ماتكسب قراء ومتابعين


                            تريح واترك النقد لأابو فايح والأخوان الأخرين لأنهم أهل للثقة ونادرا ما تجد أحد يخطي منهم مثل أخطاءك

                            الساذجة .


                            الله يهديك ياخلف ويخليك ذخر لمطير

                            تعليق

                            • ابن المحايا
                              عضو ماسي
                              • Feb 2010
                              • 726

                              #15
                              تم النشر في الأصل بواسطة ابوتيجان عرض المشاركة
                              اخوي خلف وش لون يبدا الطاروق السناني وهو الفاتل وتقول السناني لم يدرك معنى الميزاني!!!!!!!!!!

                              حتى البيت الاخير مايشفع لعبدالله لان عبدالله في موقع النقض وليس الفتل وهذا يدلل على ماكنا نقوله ان عبدالله لايمشي على معنى الخصم كل شوي له بيت في اتجاه
                              والله انك صادق يابوتيجان


                              ولو شاهدت سوار الذهب في محاوراته مع الكبار تلقاه يطلبهم على طول

                              يسبَق مثل محاوراته مع رشيد ومستور دائما تلقاه هو البادع


                              ولو شاهدت المحاورات اللي تنزل في المنتديات لسوار الذهب تجد انها 95% يكون فيها البادع


                              لان المحاورات اللي يكون فيها عكس ذلك تلقاه يفتل على فتل الشاعر الاول


                              وفي نهاية الطاروق يقوله انت ماتفهم قصدي ولاتفهم شيء



                              وهذا الحاصل بصراحة

                              تعليق

                              العمل...