بـن ثايـب و شــاهــر الـعــنــزي

طي
X
 
  • التوقيت
  • إظهار
مسح الكل
المشاركات الجديدة
  • فالح الشهراني
    عضو فعال
    • Aug 2009
    • 120

    #1

    بـن ثايـب و شــاهــر الـعــنــزي

    محاوره جمعت الامبراطور : بن ثايب والشاعر : شاهر العنزي في الرياض
    زوراج الشاعر :: بدر الخالدي



    بن ثايب :

    ســلام عليكـم يـا شـغـامـيــم الآلآد @ سـلام ن مليـح كلكم خابـريـنـه

    حضرنا وشرفنا على روس الاشهاد @ على شان بدر وربعه الله يعينه


    شاهر :

    ترا اللي يشوفك يحسبك جيت هداد@ توقـع نبـا فيه المعاني ثمـيـنـه

    .................................................. .................................................. ........


    بن ثايب :

    يـا مــال السلامـه ياثـمـود ولـد عــاد @ عليك وعليها من الملاسيب عيـنــه !!

    توكل على الله واقضب الدرب من غاد @ عساها تحفك لامشيت السكينه


    شاهر :

    انا مانشـدتـك عن مواضيـع الاكـراد @ وكلن نصيبـه ماتحـوشه يـمـيـنـه

    تـرا لـلشعـر شاعـر وللشعـر نـقـاد @ وقال المثل تلقى الخبر مع جهينه


    بن ثايب :

    تولــى جــلال الطالبانـي ولا فــاد @ ومسعـود بن عمـه يهـز المكيـنـه

    تـجـملت ياشاهـر وتوجت الامجاد @ بـحـرب الكـويـت وكلـنـا عـارفـيـنه


    شاهر :

    علوم العرب سم على بعض الاكباد @ وانا وانت ندري بالفخر والغبينه

    أبنشدك ماعيـدت في ذيك الاعياد @ بـخـل منك ولا من تولى الخزينه


    بن ثايب :

    خذيتـوا من الاحفاد بوجيه الأجداد @ تحطون مكه في محل المدينه!!!

    نـبـي نحتفل لاصار به عيـد ميــلاد @ وما خـالـف السنـه تــرانا ندينـه


    شاهر :


    عسى الله يجاهدك انت تحتاج الاجهاد @ ولاهو خطا لاقلت ماني سنينه

    ألــى يـالـمـعـزب جــيـب دلــه وبــــراد @ ترا المور تالي الليل زايد حنينه


    بن ثايب :

    عسى الله يعفا عنك شاعــر وقصـاد @ مليت المجنه من زهور الجنينه

    زحفـنـا على العالم جماعات وافــراد @ لو انك لحالك مابحثنـا الدفينـه


    شاهر :

    عسى الله يعفا عنك طيب وجحـاد @ تشوف الهدف لكن تحذف يمينه

    زحفتو ولكن زحفكم مـــاش مافاد @ ألـى وعـذاب اللي تـبـيـح كنيـنـه


    بن ثايب :

    لو أأنا نراعي خطر الناس الأجواد @ قعـدنا ورا حـد القـرا من بطينه

    يابـو عيـن صفرا كنـهـا عـيـن حداد @ هجمنا عليكم هجمـة مسـتـبـيـنه

    شاهر :

    ماتملك حبال ورحـــت للبـيـر وراد @ وحنا مانخشى الوقت عسره ولينه

    عيوني عيون الصقر ماهي برقاد @ عسا قلب بن ثايب تجيــه السكينه

    بن ثايب :

    ياشاهر تراك مقيم والحي شداد @ ترد الكلام ولاذبحت السمينه

    ذممنا بريه من اهل الصاد والضاد @ سمعنا وشفنا والله موحدينه!!

    شاهر :

    ترى الحجه اللي ماتثبت بالاسناد @ ماتقبل وراعيها ماتقبل يمينه
  • هارون المقاطي
    عضو
    • Jan 2009
    • 8

    #2
    لهنت اخوي على الطرح لاكن المحااااااااوره ارا أنها محاوره عاديه ولا فيها شرشحه على قولتك

    تعليق

    • خلف المطيري
      موقوف لمخالفة الأنظمة
      • Aug 2010
      • 2849

      #3
      صحت الاسن الشعار

      ابن ثايب شاعر

      تعليق

      • فالح الشهراني
        عضو فعال
        • Aug 2009
        • 120

        #4
        هارون المقاطي : مرورك شرف لي ولو دققت في معاني بن ثايب لوجدت انها قووويه

        خلف المطيري : لاهنت ومروك شرف لي

        تعليق

        • ابوحمـد
          عضو نشيط
          • Aug 2010
          • 54

          #5
          محاوره جميله بين شعار كبار
          ولاهنت على النقل

          يا الشهراني

          تعليق

          • الكاايد
            عضو فضي
            • Oct 2009
            • 251

            #6
            لاهنت يافالح ابيض وجه


            نـبـي نحتفل لاصار به عيـد ميــلاد @ وما خـالـف السنـه تــرانا ندينـه


            يامسرع الحوصه

            تعليق

            • عقاب العنزي
              شـــاعــر
              • Nov 2006
              • 1743

              #7
              لاتكره الناس بشاعركم هذا اذا كان يحسب شاعر محاوره بالفعل


              القلطه نقض وفتل ومعنى وحبك وسبك ماهو مسابق على تركيب البيوت بعدين وين الشرشحه

              يعلم الله قرأت الطاروق بتركيز وتمعن وجدت ابيات شاهر اقوى فالمعنى والتركيب


              ياجماعة الخير عيب اللي ينكتب كل يوم عنوان تمجيد لشاعر قبيله وضحك على الذقون


              لكن الشرهه تسند على العقّال

              تعليق

              • ابراهيم الجـــــذع
                شـــاعــر
                • Jun 2010
                • 1909

                #8
                يعطيك العافيه على النقل الرائع
                [poem=font="Arial,7,darkred,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
                الذم ما يهفي للأجواد ميزان=والمدح ما طول قصار الأيادي[/poem]

                تعليق

                • ابراهيم الجـــــذع
                  شـــاعــر
                  • Jun 2010
                  • 1909

                  #9
                  تم النشر في الأصل بواسطة عقاب العنزي عرض المشاركة
                  لاتكره الناس بشاعركم هذا اذا كان يحسب شاعر محاوره بالفعل


                  القلطه نقض وفتل ومعنى وحبك وسبك ماهو مسابق على تركيب البيوت بعدين وين الشرشحه

                  يعلم الله قرأت الطاروق بتركيز وتمعن وجدت ابيات شاهر اقوى فالمعنى والتركيب


                  ياجماعة الخير عيب اللي ينكتب كل يوم عنوان تمجيد لشاعر قبيله وضحك على الذقون


                  لكن الشرهه تسند على العقّال


                  [align=center]هلا فيك أخوي عقاب

                  ليش تتشرهه كل شخص حر برايه

                  ويكتب اللي هو مقتنع فيه

                  أنا اقول هذا الكلام وأنا والله رايي مثل رايك

                  انا شاعر واعرف المعاني

                  وارا أن شاهر مبدع لأبعد الحدود

                  لكن كل شخص له نظرته وله راي

                  وحنا نحترم جميع الآراء
                  [/align]
                  [poem=font="Arial,7,darkred,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
                  الذم ما يهفي للأجواد ميزان=والمدح ما طول قصار الأيادي[/poem]

                  تعليق

                  • الدغيثر العنزي
                    عضو فعال
                    • Jun 2010
                    • 129

                    #10
                    تم النشر في الأصل بواسطة عقاب العنزي عرض المشاركة
                    لاتكره الناس بشاعركم هذا اذا كان يحسب شاعر محاوره بالفعل


                    القلطه نقض وفتل ومعنى وحبك وسبك ماهو مسابق على تركيب البيوت بعدين وين الشرشحه

                    يعلم الله قرأت الطاروق بتركيز وتمعن وجدت ابيات شاهر اقوى فالمعنى والتركيب


                    ياجماعة الخير عيب اللي ينكتب كل يوم عنوان تمجيد لشاعر قبيله وضحك على الذقون


                    لكن الشرهه تسند على العقّال
                    والله انك صادق ياعقاب ,ابيات شاهر اقوى ومعاني رصينه

                    اما شرشحه قويه ,بئس البضاعه والله

                    تعليق

                    • متابع هنا وهناك
                      عضو نشيط
                      • Apr 2010
                      • 98

                      #11
                      تم النشر في الأصل بواسطة ابراهيم الجـــــذع عرض المشاركة
                      [align=center]هلا فيك أخوي عقاب

                      ليش تتشرهه كل شخص حر برايه

                      ويكتب اللي هو مقتنع فيه

                      أنا اقول هذا الكلام وأنا والله رايي مثل رايك

                      انا شاعر واعرف المعاني

                      وارا أن شاهر مبدع لأبعد الحدود

                      لكن كل شخص له نظرته وله راي

                      وحنا نحترم جميع الآراء
                      [/align]



                      كبـييييييييييييييييييييييييييييييييييييييييييييييي يير يا ابراهيم

                      تعليق

                      • فالح الشهراني
                        عضو فعال
                        • Aug 2009
                        • 120

                        #12
                        اخوي عقاب العنزي كلامك على عيني وراسي ..

                        لكن شاهر اعترف في مجلة المختلف بقووة ابن ثايب وانه استفااااااد من خبرته الطويله ...

                        وارجو منك ان تفسر بيت شاهر بما انك شاعر :

                        الله يجاهدك انت تحتاج الاجـهـاد @ ( ولاهو خطا لاقلـت ماني سنـيـنه )

                        وأرجوا ان تفسر بيت بن ثايب :

                        خذيتوا من الاحفاد بوجيه الاجداد @ تحطون مكه في محل المدينه __؟؟ وهل هذا بيت خالي من المعنى ؟

                        تعليق

                        • فالح الشهراني
                          عضو فعال
                          • Aug 2009
                          • 120

                          #13
                          أأبو حمد __ الكايـد __ الجذع __ الدغيثر __ متابع هنا وهناك

                          بيض الله وجيهكم ومروركم شرف لــي

                          تعليق

                          • فهد الزهراني
                            عضو مميــز
                            • Mar 2007
                            • 3237

                            #14
                            اولا اسلم عليك اخي فالح

                            ثانيا : لكل الاخوة خاصة من ابناء عنزه التحية والاحترام وكلامهم صحيح بخصوص العنوان فعلا فيه استفزاز وتخيل اخي فالح ان العنوان هو بالعكس لشاعر من قبيلتك؟

                            لازم نراعي مشاعر كل الاخوة وفي نفس الوقت اجد عذر وحيد لك ان كنت تريد الاثارة به فقط ودخول اكبر عدد من الاعضاء للتعليق

                            ثالثا وهو الاهم بو منيف شاعر ومايحتاج وشاهر شاعر وكل انسان له نظرة ورأي يحترم

                            انا شخصيا ارى بيوت بن ثايب جميلة وفيها صنعة شاعر مثقف ومطلع ولكن ليس فيها اي نقض وفتل والكلام ليس عن هذه المحاوره ولكن بنظرة عن محاورات بن ثايب على النت

                            وانا لازلت احمل جمهور بن ثايب جزء كبير من هذه المشكلة فهو جمهور سلبي لا يقوم الشاعر ولا ينصحه ولايحاول توجيهه لما هو أفضل بل يكتفي بالتشجيع الصاخب داخل وخارج الملعبة والتعرض لمن ينتقد او يقول رأي مخالف بأبشع الالفاظ

                            وهذا ا لكلام تحشم منه اخي فالح انا اتكلم بشكل عام ومن تجارب في كثير من المنتديات

                            دمت لمن تحب
                            اخوك

                            تعليق

                            • فالح الشهراني
                              عضو فعال
                              • Aug 2009
                              • 120

                              #15
                              أخوووي فـهــد :

                              كلامـك تـاج على راسي .. ولكل شخص وجهة نـظره ..

                              وبالنسبه للشـاعــر / شاهــر العنـزي وقبيلته تاج على رأسي وماقصدت استفـز احد مـنهــم ..

                              ولك ولهم افضل تحيه

                              تعليق

                              العمل...