محاورات العمالقة/مطلق الثبيتي وشليويح المطيري

طي
X
 
  • التوقيت
  • إظهار
مسح الكل
المشاركات الجديدة
  • مناحي حمدان العصيمي
    عضو فعال
    • Jul 2008
    • 153

    #1

    محاورات العمالقة/مطلق الثبيتي وشليويح المطيري

    علمين بارزين من أعلام المحاورة رحم الله الميت وأطال في عمر الحي بالعمل الصالح

    مطلق :
    سلام الله سلام مثل طعم الذوب من مجناه ** عدد وبل السحاب اللي كثير الناس يرجونه
    انا ماني باني فلة في وادي مضماه ** ابا ابنيها على عد جميع الخلق يردونه

    شليويح :
    هلا يا مرحبا ترحيبة وانته عارف معناه ** كما انك تعرف اللي من ورا قلبي ومن دونه
    الى منك وردت العد كل يلتفت لرشاه ** تبي تشرب شراب كل خلق الله يشوفونه
    مطلق :
    اثرك السوس والجاسوس جبت اشعيل من مرباه ** تقول انك صحيبي مار اثر نيتك ملعونه
    ترى الغصن ما نكسر فروعه ولا نلحاه ** لو ان الشوك فيه وطلعته حلوه و مزيونه

    شليويح :
    شعيل اغليه كود انه تغّير وانتفخ علباه ** علامه يوم شاف الحشو قام يحك حنحونه
    اعالج لي مريض وقلت مرة ما تجيب ادواه ** لكن القلب الابيض غاسلينه غسل صابونه
    مطلق :
    نحرت لنا جملنا ثم اكلتو فطحته وكلاه ** ولا خليته لنا كود عرقوبه وسنسونه
    لكن اللي غشيم في اسلوم الوقت ما نجزاه ** لعله ينطحه وعلى سهوم الموت بقرونه

    شليويح :
    اثر مطلق لو انه ينذبح له قبل ما عشاه ** لكن اللي تجيبه في مخابيكم اتودونه
    وكيل المال يظهر ثلث لو عود ما وصاه ** علامك يوم مات العود عن ذخره تقطونه
    مطلق :
    اله عشرين لون ولا تقرب فعله الحرباه ** الى ما روع يصبح عود يتعكز على شونه
    حصان ذياب راسه راس ما علق به المخلاه ** ولا ذاق الحدج ياللي على دربه تدربونه

    شليويح :
    بلاه من العميل اللي مريض وصابته حماه ** الى داويت قلبه باين التقطيش بعيونه
    ترى من حج بيت الله ذبح له ثور والا شاه ** ولا تذبح حصان عند غاراته يعنونه
    مطلق :
    علامه يسمع المذن وفرض الله ما صلاه ** ابو خشم سواة السيف والحجان مقرونه
    انا لي صاحب ما شفت من بين الحضور حلاه ** هروجه صنعت السكر وطعمه طعم ليمونه .....
    ارجو ان تنال على استحسانكم ورضاكم ....(منقوووووووووول)
  • خلف المطيري
    موقوف لمخالفة الأنظمة
    • Aug 2010
    • 2849

    #2
    لابالله علمك غانم

    وتسلم يمينك يابوحمدان

    وذوقك طيب

    والله يرحمهم ابرحمته

    وبارك الله فيك

    تعليق

    • مناحي حمدان العصيمي
      عضو فعال
      • Jul 2008
      • 153

      #3
      ومن قال سالم وبارك الله فيك على المرور الطيب

      تعليق

      • منيرالروقي
        عضو فعال
        • Sep 2009
        • 152

        #4
        ويقولون محاورات زمان أحسن من الآن ؟! ! ! ! ! رحم الله مطلق وأطال عمرشليويح

        تعليق

        • مناحي حمدان العصيمي
          عضو فعال
          • Jul 2008
          • 153

          #5
          حياك الله يامنير وأنا من اللي يقولون بأن محاورات زمان أفضل وبمراحل عن الان

          مع كامل الاحترام لوجهة نظرك تقبل مودتي

          تعليق

          • فهد علي العازمي
            شــــاعــر
            • Oct 2005
            • 3683

            #6
            لاهنت على النقل
            كل المحبة

            تعليق

            العمل...