حبيب وزيد وملفي والقرقاح

طي
X
 
  • التوقيت
  • إظهار
مسح الكل
المشاركات الجديدة
  • المطيعي
    موقوف لمخالفة الأنظمة
    • Jul 2010
    • 126

    #1

    حبيب وزيد وملفي والقرقاح

    حبيب

    ياما حلا بعض الليالي والايام
    اللي تجيب اكرام فضيافة اكرام
    واشوف ناس ن غبت عنهم من العام
    يالله على بابك يافتاح الابواب

    لو نغيب عن الرياض ايام وليال ن طويله *** الرياض العاصمه ونحبها ونحب اهلها

    ملفي

    الليل يالقرقاح مانته بمرتاح
    مافيه مسرى لين ينباج الاصباح
    جتك البيوت اللي على خف وجناح
    يالله على بابك يافتاح الابواب

    العتيبي عادته فالمعركه يحمى دخيله *** مار طب المعركه واللي على خاطرك قلها

    زيد

    حنا اجتمعنا في محل النشاما
    الله يجمعنا بهم كل عاما
    يامرحبا ياللي ترد السلاما
    يالله على بابك يافتاح الابواب

    ليلة ن ياصاحبي تسوالها عشرين ليله *** والرياض مرحبت بك عن لسان اللي نزلها

    فلاح

    انا على خوتك ضميان وجويع
    وما اشوفك الا ايام عطلة الاسابيع
    لكن لا ترجع لذيك المواضيع
    يالله على بابك يافتاح الابواب

    ان تعدل سيرها مال الزميل الا زميله *** وان تقوت واحتمت مال الحمول الا جملها

    حبيب

    ان كان ياشعار معكم نوايا
    حنا ترا ماننزوي فالزوايا
    والله لنسوي عليكم سوايا
    يالله على بابك يافتاح الابواب

    ياعرب مجنون ليله علموا مجنون ليله *** ان بغاها ما لقاها وان قتلته ماقتلها

    ملفي

    ابا اطربك وازعلك واشبعك وارويك
    انا اجرحك من عام الاول واداويك
    تعرف معانيه وانا اعرف معانيك
    يالله على بابك يافتاح الابواب

    كل حاجه في يديني ماشيه باهون وسيله *** اعرف الاصحاب واجزيها على موجب عملها

    زيد

    خل العلوم اللي بصدرك مغطاه
    السالفه ماهي زوايا ومزواه
    ياويل مخطي سكته لن مسكناه
    يالله على بابك يافتاح الابواب

    الحقوق اللي سرت فاليل مافيها عقيله *** يوم ملفي ما عقلها ليت ابوتركي عقلها

    فلاح

    رجال ومودب ووقتك مودبك
    وانا زميلك يابو وافي وصاحبك
    وماقدمت لحيتك يلقاه شاربك
    يالله على بابك يافتاح الابواب

    مثل ماقال الكويتي شاعر ومافيك حيله *** مار ماودي تحمل حملة ن ماتحتملها

    حبيب

    يازيد ياللي كان مخك تماتيك
    ان كان شفته مايجيبك يوديك
    علاج فقد الذاكره بيضة الديك
    يالله على بابك يافتاح الابواب

    الزلامي قال فاقد حجته وش يدعيله *** زيد يبغى يوكل العتبان علقه مير اكلها

    ملفي

    اشوف لي حاجه غريبه عسا خير
    كيف اجتمعتوا يالقحاطين بمطير
    والعام الاول بينكم هضبة النير
    يالله على بابك يافتاح الابواب

    ياقبايل نجد بامر الله تصادمكم قبيله *** ياعبيدي لاتنوش لك علوم ن مانتب لها

    زيد

    مخي تمام ولايجيه ارتجاجي
    والظاهر انك ما انت عارف علاجي
    ياللي علاجك صار بيض الدجاجي
    يالله على بابك يافتاح الابواب

    ياحبيب مالت العدله وحط لها عديله *** الشوارب مايقيم قدرها الا من فتلها

    فلاح

    قمنا مع المطران والموج فايج
    يوم البحر في ذيك الايام هايج
    في صفحة التاريخ تلقى النتايج
    يالله على بابك يافتاح الابواب

    الخفيفه بالخفيفه والثقيله بالثقيله *** ياقبايل نجد من لي كل ماسير نقلها

    حبيب

    السالفه يالربع خبره وتشخيص
    هذا علاج مخصص لزيد تخصيص
    اللي من الضيقه عيونه مفانيص
    يالله على بابك يافتاح الابواب

    هات مكيالك ليا جينا وكيل اللي تكيله *** والجريمه مايمثلها ياكود اللي فعلها

    ملفي

    نبغا نسمركم مثل سمرة اللوح
    انته يابن ريفه بجنب ابوممدوح
    ترضون والا عانوا الباب مفتوح
    يالله على بابك يافتاح الابواب

    اقبسي يانار تال الليل في راس الفتيله *** فالمواقف مانحسب ارضا البشر والا زعلها

    زيد

    من معرفه عن طب والا شطاره
    من لا يحيمر عينه تموت ناره
    عزي لكبد ن ماعليها مراره
    يالله على بابك يافتاح الابواب

    اكرم الحشم المقدر قبل ماتظهر حفيله *** انت مثل اللي لطم عينه يحسب انه كحلها

    فلاح

    انا وابوممدوح نور ن على نور
    فالفكر والنيات والعرف والشور
    والا انت هامور ن مجريك هامور
    يالله على بابك يافتاح الابواب

    مكدين حدودنا مار الضعيف عزتي له *** ينتظر وتفوته الرحله ولا يلقى بدلها

    حبيب

    الليله انته يالعضيله تقابس
    والله يستر لا تشق الملابس
    حيمر عيونك والنهايه تناعس
    يالله على بابك يافتاح الابواب

    كيف ماتعرف بهارك هيل والا زنجبيله *** الله اكبر يارجال ن حاولت والله فشلها

    ملفي

    لا ياحبيب ياطويل الذراع ارس
    نبا نلقنهم من التجربه درس
    ترا عتيبه تنطح الروم والفرس
    يالله على بابك يافتاح الابواب

    المساري ماتبا الا واحد ن مخه دليله *** والغشيم لو تهمقا له علوم ن ماوصلها

    زيد

    شفنا سنونك زين ياللي تبلج
    انا اتقابس وانت خلك مثلج
    على ثلوج الماء حالك تزلج
    يالله على بابك يافتاح الابواب

    والله انا ماندور مدت اليمنى البخيله *** والرقاب العوج دايم تحتضن منهو عدلها

    فلاح

    عزوة عتابه تنطح الفرس والروم
    لكن ماتنطح مطانيخ وقروم
    وحنا هل التوحيد كعامة القوم
    يالله على بابك يافتاح الابواب

    دورو للمورقي سوبر مايدرا وش مديله *** وانشدوه الله يعفو عنه كم نفس ن قتلها
  • رائد الكيرعاني القحطاني
    شـاعـــر
    • Apr 2009
    • 1247

    #2
    لا هنت يالمطيعي


    وهذي المحاوره في الرياض قبل كم سنه وكانت جميع طواريقها مجنووووونه مع مشاركة مستور في الحفلة


    تعديل بس بيت فلاح


    مكدين حجوزنا ولا الضعيّف عزتي له = ينتظر وتفوته الرحله ولا يلقى بدلها

    تعليق

    • المطيعي
      موقوف لمخالفة الأنظمة
      • Jul 2010
      • 126

      #3
      تم النشر في الأصل بواسطة رائد الكيرعاني القحطاني عرض المشاركة
      لا هنت يالمطيعي


      وهذي المحاوره في الرياض قبل كم سنه وكانت جميع طواريقها مجنووووونه مع مشاركة مستور في الحفلة


      تعديل بس بيت فلاح


      مكدين حجوزنا ولا الضعيّف عزتي له = ينتظر وتفوته الرحله ولا يلقى بدلها

      من قال مايهون يارايد والمحاوره صدقت فالرياض وبالتحديد في قصر دسمان في حفل ناشي بن عطا الله الشيباني العتيبي والشعار شعار الرباعيه ومستور ومحمد الشيباني وحياد الشيباني

      وكانت حفله رائعه بكل المقاييس وفيه طاروق نزله ابوفايح جزاه الله خير بين حبيب وملفي من نفس الحفله

      وانا عندي بعض طواريقها وابنزلها متى ماسمح لي وقتي



      شكرا على التوضيح وعلى المرور يالغالي

      تعليق

      • محمد العتيبي

        مشرف منتدى شعراء قبيلة عتيبه

        • Mar 2005
        • 10789

        #4
        مشكور يالمطيعي ما قصرت ..
        [align=center][/align]








        [align=center]للتواصل عبر twitter تويتر


        al_bargawy@
        [/align]

        تعليق

        • بدر بن ثعلي
          زبون المخاسير
          • Apr 2007
          • 283

          #5
          بيض الله وجهك يا المطيعي وشعراء فطاحله ,,

          صحة السنتهم ولا هنت ,

          تعليق

          • صميدع.
            عضو نشيط
            • Aug 2010
            • 85

            #6
            [align=center]...

            صحت ألسن الشعراء.. ولا هنت يالمطيعي.

            [/align]

            تعليق

            • المطيعي
              موقوف لمخالفة الأنظمة
              • Jul 2010
              • 126

              #7
              تم النشر في الأصل بواسطة محمد العتيبي عرض المشاركة
              مشكور يالمطيعي ما قصرت ..

              العفو يامحمد العتيبي شكرا على المرور



              مرورك شرفني

              تعليق

              • المطيعي
                موقوف لمخالفة الأنظمة
                • Jul 2010
                • 126

                #8
                تم النشر في الأصل بواسطة زبون المخاسير عرض المشاركة
                بيض الله وجهك يا المطيعي وشعراء فطاحله ,,

                صحة السنتهم ولا هنت ,

                وجهك ابيض يازبون المخاسير وصحت ألسنت شعارنا والله لايهينك على المرور


                مرورك شرفني

                تعليق

                • المطيعي
                  موقوف لمخالفة الأنظمة
                  • Jul 2010
                  • 126

                  #9
                  تم النشر في الأصل بواسطة صميدع. عرض المشاركة
                  [align=center]...

                  صحت ألسن الشعراء.. ولا هنت يالمطيعي.

                  [/align]

                  شكرا على المرور ياصميدع الله لايهينك



                  مرورك شرفني

                  تعليق

                  • المطيعي
                    موقوف لمخالفة الأنظمة
                    • Jul 2010
                    • 126

                    #10
                    في انتظار



                    ردود باقي الاعضاء



                    ودمتم



                    تحياتي

                    تعليق

                    العمل...