حمدان العصيمي وسلطان الهاجري

طي
X
 
  • التوقيت
  • إظهار
مسح الكل
المشاركات الجديدة
  • المثالي
    عضو فعال
    • Apr 2009
    • 186

    #1

    حمدان العصيمي وسلطان الهاجري

    سلطان الهاجري


    يا حمدان عوضنا ليا غاب مستور
    ليا غاب نجم يحل نجم ٍ مكانه
    هجمتوا على الدوله بعشرين طابور
    ولا ادري رداوة حظ والا ميانه




    حمدان العصيمي




    لنا دور وانتم يالهواجر لكم دور
    وكل ٍ من الثاني ضمنها ضمانه
    على غبة الامواج تسعين بابور
    وابو زيد ياحذ وزعته في زمانه




    الهاجري




    ابو زيد علقها على فرعة الكور
    يا راع الحصان اللي طويل ٍ عنانه
    اذا انك على ما قلت مرغم و مجبور
    من اللي تطلب ضربة الخيزرانه




    حمدان العصيمي


    يبى يسري الطرقي على طلعة النور
    وكل ٍ لسانه فالمواقف حصانه
    انا في بيوت العز والمجد مذخور
    يا راع الكيان اللي رفيع ٍ كيانه


    الهاجري



    عصاة ٍ منول راسها اعوج مشقور
    عوجها فلان وكسرتها فلانه
    ليا جيت بن عتقان وصل له الشور
    لا يرجي العشا من قرشة البرتكانه



    حمدان العصيمي




    من الباس يا سلطان ماجور ماجور
    حفظنا الديانه عن ضياع الديانه
    سباع الخلا يا صاحبي مالها سور
    ويخلف نظرها الرمي والجبخانه



    سلطان الهاجري





    على الجهد ياحمدان مشكور مشكور
    حظرنا وكل ٍ يسترح في مكانه
    انا خابر ٍ انك مرهف احساس وشعور
    وهالحين اشوفك فيك كيد ولعانه



    حمدان





    شهدنا شهادة حق ما نشهد الزور
    ولاهمنا اللي مبتدي عنفوانه
    تبى تختم الاوراق في شهر عاشور
    وتعلج نصيبك مثل علج اللبانه





    الهاجري




    لقينا العرب قسمين منهي ومامور
    وطير السعد حمدان خيرة خوانه
    تطير الطيور الصبح وتوقع طيور
    لكن الله الله فالعهد والامانه



    حمدان




    لنا هيبة ٍ تبقى ليا نفخة الصور
    وموت ٍ بعز ولا حياة الجبانه
    وابو موتر ٍ مغير رفرف وماطور
    نبى ندخله بكره محل الصيانه





    الهاجري





    وراك التوى وجهك تقل وجه مجدور
    وانا ما نويتك بالغدر والخيانه
    ليا من سبحت بحور وبحور وبحور
    تحصل من الدانات دانه ودانه
  • ولدعساف

    مشرف سابق

    • Sep 2008
    • 4749

    #2
    الله الله !!

    ,,

    إبداع غير مستغرب من أبو وســآم و حمدان العصيمي .. صحة ألسنتهم وصح ذوقك !!
    [flash=http://assa97.jeeran.com/azzoz.swf]WIDTH=450 HEIGHT=350[/flash]




    قال أبوبكر الصديق - رضي الله عنه -
    ( الموت أهون مما بعده، و أشدّ مما قبله )



    حسبي الله ونعم الوكيل

    كتبت وقد أيقنت يوم كتابتي .. بأن يدي تفنى ويبقى كتابها
    فإن كتبت خيراً ستجزى بمثله .. وإن كتبت شرا عليها حسابها

    تعليق

    • الكاايد
      عضو فضي
      • Oct 2009
      • 251

      #3
      الله اكبر الله اكبر


      سباع الخلا يا صاحبي مالها سور
      ويخلف نظرها الرمي والجبخانه



      بيض الله وجهك يالمثالي




      دمت بود

      تعليق

      • ابو فايح
        مشـرف عام
        • Jul 2006
        • 5343

        #4
        طاروق رائع جدا


        صح لسان ابو راكان وابو وسام

        ولاهنت يالمثالي
        عالم تويتر



        abofayeh@

        تعليق

        • الذيب الثبيتي
          عضو فضي
          • Jul 2007
          • 233

          #5
          آآبداااااع

          من حمدآآآن .. الله يحفظه

          وابن وسآآآم مو هآك الزود بصراحه .. !!


          صحة الاسنه

          ولاهنت ..

          تعليق

          • أبو مرحبا
            مشرف عــام
            • Jan 2005
            • 8037

            #6
            الله الله

            لقاء رائع بين شعراء ماعليهم غبار ..


            تحيتي
            ..
            [align=center]



            [/align]
            [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
            [align=center][/align]

            تعليق

            • المثالي
              عضو فعال
              • Apr 2009
              • 186

              #7
              الف شكر لكل من مر من هنا

              تعليق

              • عاشق الطاروق
                عضو فعال
                • May 2010
                • 193

                #8

                تسلم يالمثالي على النقل الرائع

                تعليق

                • ابووئل السنوي
                  عضو
                  • Sep 2010
                  • 23

                  #9
                  صح اللة لسان الجميع

                  تعليق

                  • سيف شامان
                    عضو فعال
                    • Aug 2007
                    • 151

                    #10
                    لاهنت يالمثالي على هالمحاوره الجميله

                    وشعراء ماشاء الله متمكنين

                    تعليق

                    • فايز بن سرحان الثبيتي

                      مشرف منتدى قصائد الاعضاء

                      • Nov 2008
                      • 5247

                      #11
                      المثالي بيض الله وجهك على هالمحاورة الطيبه "

                      الحي يحييك والميت يزيدك غبن "


                      حمدان العصيمي ما اخذ حقه من الضوء والشهره مثل غيره

                      صح لسانه ملاايين وصح لسان الهاجري "


                      وابو موتر ٍ مغير رفرف وماطور
                      نبى ندخله بكره محل الصيانه

                      تذكرت حبكات مطلق الله يرحمه "
                      [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

                      إذا شئت أن تحيا سليما من الأذى=وحظك موفور وعرضك صين
                      لسانك لا تذكر به عورة امرىء=فكلك عورات وللناس السن
                      وعينك إن أبدت إليك معايبا = فصنهاوقل يا عين للناس أعين
                      وعاشر بمعروف وسامح من اعتدى=وفارق ولكن بالتى هى أحسن

                      [/poem]

                      تعليق

                      • تركي الصفياني
                        عضو ماسي
                        • Apr 2010
                        • 863

                        #12
                        صح لسان ابو راكان وابن وسام شعراء كبار ومعانيهم قويه جدا

                        تعليق

                        • سلطان الفجري
                          عضو ماسي
                          • Aug 2010
                          • 733

                          #13
                          إبداع غير مستغرب من أبو وســآم و حمدان العصيمي .. صحة ألسنتهم وصح ذوقك !!


                          [align=center]
                          تحياتي[/align]

                          تعليق

                          العمل...