سفر الدغيلبي و تركي2000

طي
X
 
  • التوقيت
  • إظهار
مسح الكل
المشاركات الجديدة
  • المثالي
    عضو فعال
    • Apr 2009
    • 186

    #1

    سفر الدغيلبي و تركي2000

    سفر الدغيلبي



    سلام ردية ٍ معها شروط النجاح
    الشعر والعقل والابداع والتجربه
    جينا على الدعوى الكبرى بدعوة صلاح
    البعد ما نحسبه والوقت ما نحسبه




    تركي 2000



    يا مرحبا عد ما هبت هبوب الرياح
    وانته وانا يا وسيع العرف فالملعبه
    يا طير يا طير ياللي فيك ريش وجناح
    اعرف طريقك و حذراك الخطر تقربه




    سفر الدغيلبي



    لو ان رجلي يتعبها المجي والمراح
    الراس والله ما اخبر حاجة ٍ تتعبه
    قالوا سراب القوايل له لميع وضحاح
    قلنا يراعونه اهل الحفر والدبدبه



    تركي2000





    يا ساري الليل يجلى نور الصباح
    والناس كل ٍ على نهجه واله مذهبه
    يا طيري اللي فقدته من طيور الفلاح
    لو جبت الي طير ما بينه وبينه شبه




    سفرالدغيلبي




    انا اتكلم عن المقبل و ما راح راح
    انظر لقدام واللي فات لا تطلبه
    الله يعوضك بعلاج ٍ يداوي الجراح
    يمكن ربي يداوي علتك بسببه




    تركي2000




    احاول ارفع عمود البيت لكن طاح
    انشبني الوقت يا جعل الولي ينشبه
    وش قلت الك يا سفر يوم القنا والرماح
    ما كل من يارد البحر الحمر بشربه



    سفر الدغيلبي




    انته تكافح وحنا ما نشوف الكفاح
    ما معك قطع رقبه ما معك عتق رقبه
    انا ادري ان الوغا الحامي وضرب السلاح
    دايم طلع نحاس الفارس من اذهبه


    تركي2000






    الوقت شابت رموشه والليالي لقاح
    والقافله سايره والشيخ في منصبه
    اللي ثارت الهيجاء يعط الصياح
    اما نقص مرتبه والا طلع مرتبه





    سفر الدغيلبي





    اللي يدور حصيل من اليدين الشحاح
    اما الغدا حبحبه والا العشاء حبحبه
    ما نطاوع علوم خلق الله قعد فالمراح
    الهرج يا مسهله والفعل يا مصعبه




    تركي 2000



    عزالله اني سقيتك من زلال ٍ قراح
    لكن عييت اغير وضعك المشتبه
    خل الخرز منتظم يا بن سعد فالسباح
    ترا التجارب تزيد التجربه تجربه




    سفر الدغيلبي



    تراك مخطي هذاك الماء عطيته فلاح
    لكن عيا وقدر لحيته وشنبه
    يالفين مالك وراء بعض الوصايا صلاح
    دور لها واحد ٍ غافل ولا ينتبه




    تركي 2000






    الشك ما هوب حول اهل القلوب الصحاح
    يا مصدع الراس لف عمامتك واعصبه
  • بدوي مطنوخ
    عضو نشيط
    • Mar 2007
    • 75

    #2
    محاوره رائعه بكل المقاييس


    ولكن بكل امااانه ارى سفر اقوى من تركي الفين


    وتركي جاب كلمة تجربه وهي قد سررررت



    ( يا طير يا طير ياللي فيك ريش وجناح )


    هل هناك طير بلا ريش وجناااح .. شطر ركيك مع احترامي لـ تركي 2000



    ( انشبني الوقت يا جعل الولي ينشبه )


    كيف يبي الله ينشب الوقت .. مالها عندي تفسير



    على العموم لاهنت على هالمحاوره

    كل الوود ..

    تعليق

    • منيرالروقي
      عضو فعال
      • Sep 2009
      • 152

      #3
      مافيه وجه مقارنه _ سفر أقوى من تركي كثيييير سوا فالمحاورة ذي أو غيرها _ لاهنت يالمثالي وكثر لنا من محاورات سفر

      تعليق

      • ولد سجوان
        عضو فضي
        • Jan 2009
        • 266

        #4
        ابيات رائعه جدا وتستاهل النقل لكلا الشاعرين لا فظ فوهما

        تعليق

        • ابو فايح
          مشـرف عام
          • Jul 2006
          • 5343

          #5
          [align=center]طاروق رائع جدا


          ارى من خلاله ان سفر غير مقنتع بشاعرية تركي 2000

          وتركي يحاول إقناعه بذلك



          لاهنت يالمثالي هل هذا الطاروق من محاورة الاردن [/align]
          عالم تويتر



          abofayeh@

          تعليق

          • محمد ابن رووق
            عضو مميــز
            • Jan 2009
            • 2632

            #6
            خل الخرز منتظم يا بن سعد فالسباح
            ترا التجارب تزيد التجربه تجربه


            من يفسر لي الشطر ذا واكون له ممتن

            تعليق

            • منيرالروقي
              عضو فعال
              • Sep 2009
              • 152

              #7
              [a7la1=33cc66][size=4]والله ماله تفسير يامحمد الا بعد الترجمة للعربية .... يمكن يكون اردو هههه[/[/a7la1]size]

              تعليق

              • فهد الشمال
                عضو
                • Jan 2010
                • 15

                #8
                صح السان الشعار

                ولاهنت يالذيب على النقل

                محمد النفيعي انت 100%100

                تعليق

                • البشيري
                  عضو فعال
                  • Nov 2009
                  • 129

                  #9
                  عندى ملاحضه على بيت تركى اللى يقول ==ياسارى الليل يجلى نور الصباح-

                  المعروف ان الليل يغشى الصباح 0والصباح يجلى الليل 0والله اعلم

                  تعليق

                  • اسير الروح
                    عضو فضي
                    • Sep 2010
                    • 264

                    #10
                    صح لسانك يابو سعد

                    كالعاده دائما متألق وابياتك من ذهب

                    مشكور على النقل

                    تعليق

                    • رائد الكيرعاني القحطاني
                      شـاعـــر
                      • Apr 2009
                      • 1247

                      #11
                      عزّ الله انها محاوره كلااام



                      وقد تكون من اجمل المحاوره اللي جمعت بينهم ولا فيها كلام



                      وبالسنبه لبعض الأعضاء اللي يتصيّدون الغلطات لشاعر المحاوره لا أملك الا الدّهشة



                      إذا كل واحد بيروح لحفله ومعه دفتر وقلم يدون الاخطاء اللفظية والله ان يسري ودفتره مليااان حتى لو انهم من كبار الشعراء لان الوقت يحكم الشاعر !!



                      وهذي المحاوره اتوقع انهم يتكلمون عن معنى خاص بينهم ولا دخل لموضوع الشّاعريّة



                      تحياتي يالمثالي

                      تعليق

                      • تركي ابن مكه
                        موقوف لمخالفة الأنظمة
                        • Aug 2010
                        • 288

                        #12
                        صدقت يابو فايح ومن مقتنع بشاعرية تركي الفين اصلا
                        غير


                        وسفر وين وتركي وين
                        وش جاب القليب عند البحر سفر

                        تعليق

                        العمل...