محاورة حبيب ومحمد المسعودي ..... اعجبتني وحبيت انقلها لكم

طي
X
 
  • التوقيت
  • إظهار
مسح الكل
المشاركات الجديدة
  • الجوراسي
    عضو مميــز
    • Feb 2007
    • 2003

    #1

    محاورة حبيب ومحمد المسعودي ..... اعجبتني وحبيت انقلها لكم

    [align=center]محمد:




    مرحبا في محل الطيب والإحترام=أدعي القوم وأوفيهـا مواجيبهـا
    العتيبي يخيل الشرق ويلد شـام=من علو الجبال اللي عوى ذيبها








    حبيب:




    والبقا يارفيعين البخت والمقـام=كل قومٍ تبى تقضـي مطاليبهـا
    والعتيبي ماشال البندق بلا حزام=وإن رمى بندقه يعرف مضاريبها







    محمد:





    إنتعلّـم وتآتينـا كثيـر العـلام=تطلع الطيبيـن وينذكـر طيبهـا
    مابقي مع نصايب جدّك الاّ العظام=مار لاتنقل البندق وترمـي بهـا








    حبيب:




    هبت النود فوق الناس والطير حام=يوم بعض الطيور اخطت مخاليبها
    جدكم يا هذيل أهل الجبل للرحام=مابقى الاّ ضيوفٍ مـع معازيبهـا








    محمد:




    مايحرّك جناح الصقر صوت الحمام=مـار نيتـك لاتخلـف هناديبـهـا
    جدنا حافظٍ عهده وصـان النظـام=وأنت وين الصلاه اللي تصلي بهـا









    حبيب:




    هيضتني لحونك يا حمام السـلام=تزعج الصوت والجنحان تومي بها
    مايجيه الملام ولا يجينـا المـلام=وأكثر الناس تدري محد يدري بها




    محمد:




    عشت ماحسن كلامك يا حَسِين الكلام=يدك يطلع لها ميسمك مـن جيبهـا
    والله إنه سرى في ليل كلـه ظـلام=لو هواجيسـك العذبـه تغنـي بهـا







    حبيب:





    وقّعت فالكتوف و وقّعت فالسنـام=وأنت عينك تحيمرها وتغضي بها
    فيه نص حلال وفيه نص حـرام=وأصبح الشك داير ودها جيبهـا









    محمد:






    ملْحَمه فيك وموثّق علاها اللحـام=روس شابت وروسٍ ماطلع شيبها
    أدري إنك على جور الدهر ماتنام=مابقي من سنتـك إلاّ عراقيبهـا








    حبيب:






    لو تخوض المعارك ما عطوك الوسام=لحيتـك ماتعـدّى روس اشانيبـهـا
    يوم نبني القصور أنته تبني الخيـام=العلوم الثقيله ماانـت ضـاري بهـا







    محمد:








    مااشري الباعه اللي حايره ماتسام=كل تاجر يبيع ابها ويشـري بهـا
    يوم تبني قصورك يا عريب العمام=البيوت المشيّـد ويـن اطانيبهـا
    [/align]
  • ولدعساف

    مشرف سابق

    • Sep 2008
    • 4749

    #2
    ..


    الله الله ..


    صح لسان حبيب و لسان محمد ..


    الجوارسي شكراً لك على إختيارك المميز ..


    أستمتعت بقرآئة محاوره بين عمالقة شعر القطه ..


    ,,,
    [flash=http://assa97.jeeran.com/azzoz.swf]WIDTH=450 HEIGHT=350[/flash]




    قال أبوبكر الصديق - رضي الله عنه -
    ( الموت أهون مما بعده، و أشدّ مما قبله )



    حسبي الله ونعم الوكيل

    كتبت وقد أيقنت يوم كتابتي .. بأن يدي تفنى ويبقى كتابها
    فإن كتبت خيراً ستجزى بمثله .. وإن كتبت شرا عليها حسابها

    تعليق

    • فهد علي العازمي
      شــــاعــر
      • Oct 2005
      • 3683

      #3
      لا هنت يالجورااااسي

      ابيض وجه على القل

      محاورة جميلة جدا

      تعليق

      • ابن المحايا
        عضو ماسي
        • Feb 2010
        • 726

        #4







        مبدع دائما يالجوراسي



        لاهنت على النقل الرائع

        تعليق

        • الجوراسي
          عضو مميــز
          • Feb 2007
          • 2003

          #5
          ولد عساف - فهد العازمي - ابن المحايا


          شكرا جزيلا لمروركم الجميل

          تعليق

          • سفير الشعر
            عضو
            • Apr 2010
            • 11

            #6
            حبيب

            هبت النود فوق الناس والطير حام=يوم بعض الطيور اخطت مخاليبها
            جدكم يا هذيل أهل الجبل للرحام=مابقى الاّ ضيوفٍ مـع معازيبهـا




            محمد:



            مايحرّك جناح الصقر صوت الحمام=مـار نيتـك لاتخلـف هناديبـهـا
            جدنا حافظٍ عهده وصـان النظـام=وأنت وين الصلاه اللي تصلي بهـا


            محاورة قويه جداً مع أني أرى أن محمد المسعودي تفوق على حبيب في القاف وسيطر سيطره كامله مع احترامي لبو فيصل مع ان المسعودي قريت له محاورات قليله لكنه بين عليه شاعر قوي جداً

            شكرا الجو راااسي

            تعليق

            العمل...