وين العصيمي يالضيوف ويالمعازيب

طي
X
 
  • التوقيت
  • إظهار
مسح الكل
المشاركات الجديدة
  • الكاايد
    عضو فضي
    • Oct 2009
    • 251

    #1

    وين العصيمي يالضيوف ويالمعازيب




    محاورة قديمه بين الشاعر الكبير مطلق الثبيتي رحمه الله والشاعر الكبير مستور العصيمي

    اطال الله في عمره





    مطلق الثبيتي

    وين العصيمي يالضيوف ويالمعازيب
    ان غاب عني قلت يامقشر زماني
    لايصحب الراعي ولا يعدي مع الذيب
    ليته تريّض نص ساعه واحتراني


    مستور العصيمي

    جاك العصيمي لا تدور للمهاذيب
    خلك مكانك لاتجيني في مكاني
    علاك يامطلق تبين الشمس وتغيب
    وان غلق الموضوع جاء موضوع ثاني


    مطلق الثبيتي

    ياللي سرقت الصره اللي فسفل الجيب
    يشهد عليك الجدي وسهيل اليماني
    الحر يامستور يشلع بالمخاليب
    ماهو سوا العقرب ولاهو عقرباني


    مستور العصيمي

    .....................................
    .....................................
    الحذف واجد مار ماجاله مضاريب
    واليا هدمنا البير ريحنا السواني


    مطلق الثبيتي

    فيما مضى يالربع مافيكم عذاريب
    واليوم ياكثر القصايد والمعاني
    دنياك لو ميزتها شهبً شلاهيب
    ماعاد ابه تمره وسمن .........


    مستور العصيمي

    فيما مضى واليوم موفين المواجيب
    مار الثبيتي وش يبى بالامتحاني
    ياصاحبي مالك ورى .... مطاليب
    لكن حط السرج عن ظهر الحصاني


    مطلق الثبيتي

    اليا لقيت الجرح اجيب الطب ويطيب
    وان طعتني حوز العجاف اعن السماني
    الصحبه اللي من بعد ضرب المشاعيب
    تحسب من السيات ماهي بالحساني


    مستور العصيمي

    اعرفك دايم من ملحقت المشاهيب
    منت بطبيب الجرح يافلان الفلاني
    صحبتك نبني دونها خيمه واطانيب
    ماريدها لن كان تسمع بالاذاني



    مطلق الثبيتي

    خلك معي ياحر في روس المراقيب
    وآعدها والعشر ماترجع ثماني
    يبدي عليكم من لياليكم مكاتيب
    من يوم مسيتوا حدبها والبطاني


    مستور العصيمي

    في تالي الايام ياكثر التعاجيب
    آشوف لي رجال مثل البهلواني
  • ولدعساف

    مشرف سابق

    • Sep 2008
    • 4749

    #2
    الله الله ..

    صح لسان أبو تركي و لسان مطلق رحمة الله عليه ..

    لاهنت الكـآيد ..

    ,,,
    [flash=http://assa97.jeeran.com/azzoz.swf]WIDTH=450 HEIGHT=350[/flash]




    قال أبوبكر الصديق - رضي الله عنه -
    ( الموت أهون مما بعده، و أشدّ مما قبله )



    حسبي الله ونعم الوكيل

    كتبت وقد أيقنت يوم كتابتي .. بأن يدي تفنى ويبقى كتابها
    فإن كتبت خيراً ستجزى بمثله .. وإن كتبت شرا عليها حسابها

    تعليق

    • الباااسل
      عضو ماسي
      • Mar 2007
      • 817

      #3
      الله يرحم مطلق ويبقي مستور وتشكر على نقل القاف الرائع

      تعليق

      • ابو فايح
        مشـرف عام
        • Jul 2006
        • 5343

        #4
        [align=center]لاهنت قاف رائع

        رحم الله ابو فيصل واطال عمر ابو تركي[/align]
        عالم تويتر



        abofayeh@

        تعليق

        العمل...