زيد العضيله يقول لـ حبيب فكنا من الجلاوي

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • المثالي
    عضو فعال
    • Apr 2009
    • 186

    #1

    زيد العضيله يقول لـ حبيب فكنا من الجلاوي

    [frame="2 90"]زيد العضيله



    مرحبا فالديره اللي حدهها ما احد ٍ يطوله
    كم طماع ٍ تهقواها لكنه ما قدرها
    يا حددانا صاير ٍ فالمنطقه صوله وجوله
    والعرب فيها خطا والعين يقداها نظرها


    حبيب العازمي


    البقاء والحق واضح والبعارين معقوله
    والعرب لو تاصل المريخ ما تترك ديرها
    انت لو انك تفكر فالكلام اللي تقوله
    ما بعثت جنازة الميت بعد جارك قبرها



    زيد


    المحل اللي ملكته عارف ٍ عرضه وطوله
    كلها ملك ٍ لجدي بطنها والا ظهرها
    علم اللي طامع ٍ في مركزٍ ما هوب حوله
    الذيااب اللي تلد العين لا يامن خطرها


    حبيب


    ما دريت انا نحل الارض ونشدد نزوله
    وانت كم شديت مره ثابته وانت تخبرها
    العضيله لا يجينا بالمشاكل في حثوله
    والله انا نكرم الجيران والدار نعمرها


    زيد


    الشجيع اليا فعل له فعل ما تجحد فعوله
    ومن يمد يديه في درب الخطر جاء من قصرها
    العضيله شاف له رجل ٍ غلط يشعب ذلوله
    علمه قدام سكين العرب تتدرك نحرها



    حبيب



    كل ما فكيت باب ٍ حظنا يغلق قفوله
    كان حظك ما كسرها والله انه ماجبرها
    اذكر الله واكمل الواجب على سنة رسوله
    والغشيم اللي يضيعها ويمشي مع جررها


    زيد


    التعالي ويش هوا له والتعدي ويش هوا له
    كان ما عدلتوا اللي مخطيه جاكم خبرها
    يا حددانا يا نسبانا قصة ٍ ما هي رجوله
    والله اني حاشم الانساب ما ابغى افتش صررها




    حبيب



    تبتديها بالصعوبه والنهايه بالسهوله
    الك شبر ٍ من سهلها والك شبر ٍ من وعرها
    ليه ما علمتوا اللي فالخطا تقرع طبوله
    كل ما عدابها فوق الصخر بنشر كفرها


    زيد


    المصيبه جاتنا من واحد ٍ ريس حموله
    والدير هاذي علينا غالي ٍ حتى حجرها
    كل راس ٍ فيه مخ وكل بنك له عموله
    كان تبغى الخير روح وكان تبغى الشر زرها


    حبيب


    مثل ما جتنا تجيك ولو ما فيها بطوله
    كلها خذها وذقها والعصى للي شقرها
    وش تسمى الدوله اللي حولت في بطن دوله
    فسروها يا الرجال الي يقديها بصرها


    زيد


    كان ترضيكم فعول اللي سمعتوا صفقوا له
    واالله انه ما يجي فالحفره الا من حفرها
    لاتحيول وانت رجل ٍ قدي ما فيك حوله
    والعرب قامت فعول شيوخها تسبق جبرها



    حبيب



    كل عدله من جهتكم من توالينا معدوله
    ارجعوا للحق والشرهه على اللي يعتبرها
    لو تفكر فالزمان وفي طلوعه من نزوله
    ما تحاول تكشف الدعوى بعد ربي سترها
    [/frame]
    تم التعديل الأخير بواسطة المثالي؛ 31-May-2010, 08:47 AM.
  • ولدعساف

    مشرف سابق

    • Sep 2008
    • 4749

    #2
    الله الله ..

    صح لسان أبو فيصل و لسان أبو ممدوح ..

    لاهنت المثالي ..
    [flash=http://assa97.jeeran.com/azzoz.swf]WIDTH=450 HEIGHT=350[/flash]




    قال أبوبكر الصديق - رضي الله عنه -
    ( الموت أهون مما بعده، و أشدّ مما قبله )



    حسبي الله ونعم الوكيل

    كتبت وقد أيقنت يوم كتابتي .. بأن يدي تفنى ويبقى كتابها
    فإن كتبت خيراً ستجزى بمثله .. وإن كتبت شرا عليها حسابها

    تعليق

    • ماجد العصيمي
      شبل مرجحين الموازين
      • May 2007
      • 1956

      #3
      ههههههههههههههههههههههههههههههههههههههه


      ما يلام العضيله جاه ماكفاه















































      اذا كان المعنى صحيح

      تعليق

      • راشدالعضياني

        #4
        [align=center]هههههههههههه

        بيض الله وجهك يابوصاهد


        العضيلة ماخلى احدآ ماشتكى علاه .. واذكر انه لعب مع مستور وقاله مستور ياكثر شكاويكم يامطير...




        زيد
        يا حددانا يا نسبانا قصة ٍ ما هي رجوله
        والله اني حاشم الانساب ما ابغى افتش صررها



        حبيب
        ليه ما علمتوا اللي فالخطا تقرع طبوله
        كل ما عدابها فوق الصخر بنشر كفرها


        الله الله


        حبيب يقووووووول ليش ماعلمتو تركي الميزاني[/align]

        تعليق

        • العفريت
          عضو ماسي
          • Jun 2006
          • 873

          #5
          محاوره رئعة


          لا هنت يالمثالي

          لاهان ابو فيصل ولا ابو ممدوح

          تحياتي

          تعليق

          • الجوراسي
            عضو مميــز
            • Feb 2007
            • 2003

            #6
            ابو ممدوح شاعر مافيه شك وابو فيصل يعرف منين تؤكل الكتف

            تعليق

            • ابو فايح
              مشـرف عام
              • Jul 2006
              • 5343

              #7
              [align=center]لاهنت يالمثالي


              ولكن اعتقد عن المعنى ليس الجلاوي



              انما مشاكل حدوديه بين القبيلتين قبل فتره [/align]
              عالم تويتر



              abofayeh@

              تعليق

              • المثالي
                عضو فعال
                • Apr 2009
                • 186

                #8
                الف شكر لكل من شرفني بالمرور


                اما بالنسبه للمعنى يا ابو فايح واضح وضوح الشمس


                ولا فيه شي يدل على حدود او شي زي كذا .


                واتمنى اذا كان لك وجهة نظر تقولها وتبرهنها لنا


                اما كذا ما يصير ..

                تعليق

                • ابن المحايا
                  عضو ماسي
                  • Feb 2010
                  • 726

                  #9



                  كلام ابو فايح صحيح 100%


                  والمعنى واضح وضوح الشمس من اول بيت لزيد العضيلة اللي يقول فيه


                  مرحبا فالديره اللي حدهها ما احد ٍ يطوله *** كم طماع ٍ تهقواها لكنه ما قدرها



                  لاهنت على النقل يالمثالي

                  تعليق

                  • علي الشهراني

                    شـــــاعــر

                    • Sep 2009
                    • 2702

                    #10
                    مشكووور يا المثااالي
                    [poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                    يا بو محمد وش عليه أتحسّر=لا مرقدٍ دافي و لا ماكلٍ حار
                    احسلّي اقصْر في شفوفي و اكسّر=اخير لي من عيشة الغار و النار[/poem]

                    تعليق

                    • مساعد المطيري
                      عضو نشيط
                      • Nov 2009
                      • 74

                      #11
                      ابو فايح

                      ياحظّك الاقشر تعلّم من وتقنع من بس !!

                      اكثر ما ضحكت على رد الاخ راشد


                      يالربع المعنى واضح وهو مشاكل على أراضي في احد الهجر بين العضيلات والعوازم
                      وزيد زد تكلّم عن الطاروق هذا في لقاء له وكشف معناه للمذيع سعود عالي في قناة صدى


                      للأخوان اللي قالوا ان المعنى الجلاوي وتركي الميزاني أحب اقول ان حبيب العازمي وزيد العضيله اكبر من أنه يضيعون وقتهم وتفكيرهم ..................,

                      تعليق

                      • المثالي
                        عضو فعال
                        • Apr 2009
                        • 186

                        #12
                        اول شي حياك الله يا مساعد

                        اما المعنى فالمحاوره بشكل عام غيب لايعلمه الا الله سبحانه


                        والشاعرين .لكن انا قلت المعنى الجلاوي لعدة اسباب .

                        1- لو ان المعنى على اراضي على كلامكم .كان زيد تكلم بلسان جماعته
                        ووجه كلامه لقبيلة العوازم وحبيب يتكلم بلسان ربعه .لكن زيد يتكلم عن شخص واحد
                        (العضيله شاف له رجل ٍ غلط يشعب ذلوله....علمه قدام سكين العرب تتدرك نحرها )


                        2- يقول زيد


                        التعالي ويش هوا له والتعدي ويش هوا له
                        كان ما عدلتوا اللي مخطيه جاكم خبرها
                        يا حددانا يا نسبانا قصة ٍ ما هي رجوله
                        والله اني حاشم الانساب ما ابغى افتش صررها


                        زيد يتكلم عن اسلوب الجلاوي .ويقول انه مارده لايجااريه فاسلوبه
                        الا حشمته لجيرانه وانسابه حسب كلامه اللي هم عتيبه .


                        3-رد حبيب يقول


                        تبتديها بالصعوبه والنهايه بالسهوله
                        الك شبر ٍ من سهلها والك شبر ٍ من وعرها
                        ليه ما علمتوا اللي فالخطا تقرع طبوله
                        كل ما عدابها فوق الصخر بنشر كفرها


                        انت تكبر الموضوع والدعاوي بسيطه .والمحاوره مره كذا (وعر ) ومركذا (سهل )
                        ويقول انتم بعد منكم خطا ولا علمتوا راع الخطا ولا رديتوه .



                        4-المصيبه جاتنا من واحد ريس حموله والكل يعرف ان الجلاوي (بن فهيد )من شيوخ الشيابين.

                        ((كل راس ٍ فيه مخ وكل بنك له عموله ....كان تبغى الخير روح وكان تبغى الشر زرها))

                        زيد يقول يا حبيب حسب معقوليته ويلقى عميل نفس معقوليته .وينصح حبيب يقول كان ودك بالخير
                        روّح عنهم وكان تبى الشر لاتروح ..يعني اترك الثنين وتلقى الخير .


                        5- حبيب قال

                        (مثل ما جتنا تجيك ولو ما فيها بطوله ..كلها خذها وذقها والعصى للي شقرها)

                        يعني تحملوا الخطا مثل ما تحملناه .


                        6-(كان ترضيكم فعول اللي سمعتوا صفقوا له...واالله انه ما يجي فالحفره الا من حفرها)

                        يعني يا حبيب كان كلام الجلاوي معجب صفق له ..(((((اللي سمعتوأ)))))


                        7-قال ارجعوا للحق واشرهوا علينا كان حصل خطا .ومن يخطي ماعا نعتبربه ابدا


                        والمعذره على الاطاله ..اتمنى تقبل وجهة نظري بصدر رحب ..
                        ويمكن اكون مصيب ويمكن اكون مخطي .

                        تحياتي لكم

                        تعليق

                        • ماجد العصيمي
                          شبل مرجحين الموازين
                          • May 2007
                          • 1956

                          #13
                          يرفع معروض لابوصاهد يمكن يخفف عنهم شوي





                          ماني متأكد لكن محاوله عسى ان تكتب لها النجاح

                          تعليق

                          • ولدعساف

                            مشرف سابق

                            • Sep 2008
                            • 4749

                            #14
                            ..

                            أعتقد أن أبو فـآيح جاب المعنى ..

                            //

                            ولكن قد تكون هناك تخمينات من الاخوان يظنون أن المعنى الجلاوي ..

                            //

                            على العموم إختلاف الرأي لايفسد للود قضيه ..

                            //

                            محبكم ..

                            ,,,
                            [flash=http://assa97.jeeran.com/azzoz.swf]WIDTH=450 HEIGHT=350[/flash]




                            قال أبوبكر الصديق - رضي الله عنه -
                            ( الموت أهون مما بعده، و أشدّ مما قبله )



                            حسبي الله ونعم الوكيل

                            كتبت وقد أيقنت يوم كتابتي .. بأن يدي تفنى ويبقى كتابها
                            فإن كتبت خيراً ستجزى بمثله .. وإن كتبت شرا عليها حسابها

                            تعليق

                            • فهد علي العازمي
                              شــــاعــر
                              • Oct 2005
                              • 3683

                              #15
                              قال صدى قال

                              صدى منهو اللي بكامل قواه العقلية يتفرج فيها



                              لا هنتوا جميعا والمثالي عضو نشيط ومجتهد ومحل إعجاب الجميع ولا يستهان برايه حتى ولو خالف الحقيقة

                              تعليق

                              العمل...