مرحبا ترحيب برق ٍ في خيال.. العمالقه

طي
X
 
  • التوقيت
  • إظهار
مسح الكل
المشاركات الجديدة
  • المثالي
    عضو فعال
    • Apr 2009
    • 186

    #1

    مرحبا ترحيب برق ٍ في خيال.. العمالقه

    [frame="4 50"]عبدالله الميزاني

    مرحبا ترحيب برق ٍ في خيال
    وقت ما بين الاقامه والصلاه
    ياحبيب كل شي ٍ له مجال
    لاتجر الموت مع باب الحياه

    حبيب العازمي

    البقاء لك قبل ما يذن بلال
    والخيال اللي برق ينهل ماه
    الاجابه جاهزه بعد السوال
    وانت قدم الموت والا انته وراه

    عبدالله

    من يرد الذيب عن راس الخيال
    يحتم البيرق ليا رزت عصاه
    الاماني حبال والغايه محال
    والاماني صاع والحاجه زكاه

    حبيب

    ما تجيك الشمس من تحت الظلال
    وانت يا قاضي تها بين القضاه
    الكريم اللي جمع له راس مال
    ما عطوه الناس مير الله عطاه

    عبدالله

    انت ما تأخذ من العزه جلال
    من طوا عنك الكتاب ومن قراه
    لاتقولون الجهل غير الظلال
    اسعد الله حال من يسعد مساه

    حبيب

    ليه نزلت العمامه والعقال
    لين في حالك لفت الانتباه
    الرضا عكس الغضب والانفعال
    والسماء عكس البحر فالاتجاه

    عبدالله

    محتسيك بشي فوق الاحتمال
    وانت يعنيك الدرك والا النجاه
    وش يكون الاجودي وابن الحلال
    عندكم يا اهل الحويه والمواه

    حبيب

    ما يهزك ريح يا طود الجبال
    لو عبدالله قدر يقلع حصاه
    لو وقفنا عند توصيف الرجال
    الثنين بشخص عبدالله هذاه

    عبدالله

    اه يا ليت اليمن مثل الشمال
    فيك مالي عنك ما ابغى لي وصاه
    العواجه ما تجي بالاعتدال
    والجراده عين اقل من الدباه

    حبيب

    انت خال ونوب كنك ما انت خال
    مير مالي عنك يا خالي غناه
    كان تقدر عدل ارقاب الجمال
    والعمى وهوه عمى يلقا عصاه
    [/frame]
  • علي الشهراني

    شـــــاعــر

    • Sep 2009
    • 2702

    #2
    اختيار موفق و تشكر عليه يا المثاالي



    محااوره سجاال بين الطرفين



    و الميزاني داهيه و العازمي مصيبه
    [poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    يا بو محمد وش عليه أتحسّر=لا مرقدٍ دافي و لا ماكلٍ حار
    احسلّي اقصْر في شفوفي و اكسّر=اخير لي من عيشة الغار و النار[/poem]

    تعليق

    • ابو فايح
      مشـرف عام
      • Jul 2006
      • 5343

      #3
      [align=center]المعنى باعتقادي كان قبل افتتاح قناة المرقاب والحديث حول مشروعها







      لاهنت يالمثالي [/align]
      عالم تويتر



      abofayeh@

      تعليق

      • الجوراسي
        عضو مميــز
        • Feb 2007
        • 2003

        #4
        حبيب

        انت خال ونوب كنك ما انت خال^^^مير مالي عنك يا خالي غناه


        هههههههههههههه


        لاهنت يالمثالي على نقل هذه الرائعه الجديدة علي

        والله تجيب محاورات ماعمري سمعهتا

        تعليق

        • المثالي
          عضو فعال
          • Apr 2009
          • 186

          #5
          الف شكر لكل من مر من هنا

          تعليق

          العمل...