جحاد والا وقفة العتبان ما تنسونها ,, ابن عتقان وسفر الدغيلبي

طي
X
 
  • التوقيت
  • إظهار
مسح الكل
المشاركات الجديدة
  • المثالي
    عضو فعال
    • Apr 2009
    • 186

    #1

    جحاد والا وقفة العتبان ما تنسونها ,, ابن عتقان وسفر الدغيلبي

    [frame="1 80"]عبدالله بن عتقان

    يا مرحبا عند الهواجر كاسبت علم الجميل
    حي الرجال اللي مواقفها تكلم دونها
    الوقت يمضي والليالي ما عليها مستحيل
    واللي بى التمره يعاين فوق قي عرجونها



    سفر الدغيلبي


    الله يبقيهم على الماجوب والسلم الاصيل
    وانته ترحب والعرب تمشي على قانونها
    ما عاد ادور من زماني لاكثير ولا قليل
    حالي تعرفه وانت ندري حالتك وشلونها


    بن عتقان



    الوقفه اللي يالعتيبي ما لنا عنها بديل
    حنا ليا منا بغينا ما نجي من دونها
    ما هو ضروري وش فعلت اهم شي ان الحصيل
    فالنظره اللي حطت الجمره على غليونها


    سفر



    تاقف عن السلمان والا عن بني عمك هذيل
    والا بني هاجر ضعونك ما تطول ظعونها
    انا لقيت الخير والمقيال والظل الظليل
    وانتم صلتكم نار بقعاء قبل لا تصلونها



    بن عتقان


    تبغى تسوي لك حكايه وانت ما عندك دليل
    سويت مثل اللي تدق اكبر جبل بقرونها
    تحمد الله يوم الك فعتيبه الهيلا خليل
    اليا وصل شحنه عطاك الذيب من كرتونها



    سفر


    معروف تاريخ القبايل لا تحط ولا تشيل
    وانتم رجال ٍ تشترون الكتب ما تقرونها
    انا وابن عمي هذاك الوقت زبنا الدخيل
    جحاد والا وقفة العتبان ما تنسونها



    بن عتقان



    بعض الكتب ودك تحط سطورها تحت المزيل
    لاني بقاريها ولا ناشدك عن مضمونها
    انت تعرفني لا كذوب ولا ضعيف ولا ذليل
    اعرف خزاعه لو كرامتها تهز صحونها


    سفر



    ما يترك اصله ويتغير غير مثبور ٍ خبيل
    وان رحت عديناك بيعه نستلم عربونها
    زميل والك حقوق وارثي حالتك يا ذا الزميل
    يا مندمج مع صاحي العالم ومع مجنونها


    بن عتقان


    الله يعديك الملامه يالاصيل ابن الاصيل
    صارت عيال ظهورها تنكر عيال بطونها
    اللي يشوفك قال حاتم حي وانت اكبر بخيل
    الجايزه ما جبت منها ربع من مليونها



    سفر


    يا عسكري ٍ فالوا ما ابغاك ترجع فالفصيل
    ما فالفصيل الا جنود ٍ دمعها فعيونها
    ضربت شرق وغرب بالشلفا وبالسيف الصقيل
    اكبود جبت الها الدوا واكبود زدت اغبونها



    بن عتقان



    بشرتني بالزعفران وجيتني بالجنزبيل
    يالصاحب اللي تكفل الاصحاب ثم تخونها
    برقا وروق اللي يسمونك دوا الكبد العليل
    ما بروزوا صورتك يوم الناس ما يبغونها


    سفر


    حظك ما هوب حليل والا انته يا عبدالله حليل
    صحيح ٍ تخدعك خلق الله بضحك سنونها
    برقا وروق اقتسموا الورثه وحطوني وكيل
    وتردد اسمي مع طبول المعركه وفنونها


    بن عتقان


    عد الروى يا اصحابنا ما احد ٍ يغطه بالنثيل
    اخفظ على هرجتك قبل الناس لا يوحونها
    [/frame]
  • راشدالعضياني

    #2
    وان رحت عديناك بيعه نستلم عربونها



    لاهنت على النقل الرائع

    تعليق

    • الدقيق
      عضو فعال
      • Oct 2007
      • 123

      #3
      لاااهنت على النقل

      تعليق

      • ابو فايح
        مشـرف عام
        • Jul 2006
        • 5343

        #4
        [align=center]ابن عتقان

        تحمد الله يوم الك فعتيبه الهيلا خليل**اليا وصل شحنه عطاك الذيب من كرتونها



        سفر

        انا وابن عمي هذاك الوقت زبنا الدخيل **جحاد والا وقفة العتبان ما تنسونها



        الله الله يابو سعد على النقض الرائع

        ابن عتقان يقصد انك ياسفر الله رزقك بدعم من القصير (وهو صاحب فضل على اغلب الشعراء )

        واتى النقض رائع من ابو سعد



        لاهنت ياالمثالي مبدع دائما [/align]
        عالم تويتر



        abofayeh@

        تعليق

        • رائد الكيرعاني القحطاني
          شـاعـــر
          • Apr 2009
          • 1247

          #5
          يا سلام يا سلام يالمثالي



          واصل واصل الله يوفقك



          تحياتي

          تعليق

          • الجوراسي
            عضو مميــز
            • Feb 2007
            • 2003

            #6
            محاورات خمس نجوم تنفرد بها منتديات عتيبة الهيلا


            بفضلك يالمثالي

            تعليق

            • ولدعساف

              مشرف سابق

              • Sep 2008
              • 4749

              #7
              ..


              الله الله ..


              صح لسان ابو هذال ولسان ابو سعد ..



              محاوره قمه في الإبداع بيض الله وجهك يالمثالي دآئماً متميز فيما تنقل ..


              ,,,
              [flash=http://assa97.jeeran.com/azzoz.swf]WIDTH=450 HEIGHT=350[/flash]




              قال أبوبكر الصديق - رضي الله عنه -
              ( الموت أهون مما بعده، و أشدّ مما قبله )



              حسبي الله ونعم الوكيل

              كتبت وقد أيقنت يوم كتابتي .. بأن يدي تفنى ويبقى كتابها
              فإن كتبت خيراً ستجزى بمثله .. وإن كتبت شرا عليها حسابها

              تعليق

              • مصر
                عضو فعال
                • Dec 2009
                • 184

                #8
                محاورة رائعة شكرا لناقلها .

                تعليق

                • منيرالروقي
                  عضو فعال
                  • Sep 2009
                  • 152

                  #9
                  أخطأ ابن عتقان خطأ فادح وأصاب سفر وحاول سفر أن يعيد زميله إلى الصواب .حيث أنني قرأت هذه المحاورة أول مانزلها اخونا المثالي وعرفت أن النقاش حول النسب وبعد تدقيق ومراجعه وأسئله لأصحاب الشأن وجدت أن قبيلة سليم العريقه يعودون ل سليم بن منصور بن عكرمه بن هوازن _ أقرب القبائل نسبا ل عتيبه _وبنوهاجر هم أبناء سلطان العبيدي من عبيدة قحطان القبيله العريقه والله أعلم.

                  تعليق

                  العمل...