الرياحي(رحمه الله) وابن جدلان

طي
X
 
  • التوقيت
  • إظهار
مسح الكل
المشاركات الجديدة
  • ذيب الخلا
    عضو نشيط
    • Apr 2010
    • 34

    #1

    الرياحي(رحمه الله) وابن جدلان

    جدلان :
    باسم محمد ولد هيف العواجي راعي الشآن =يا مرحبا هيل و الترحيب من فرش الكرامه
    تهرجوا يا النشاما في محل سنان و عنان = من عصر جدي حياة كليب لا يوم القيامه

    الرياحي :
    و النعم فيكم و الكل له مقامه يا كحيلان =مادام جدك كليب العود ما حولك رخامه
    دام البقى لك و له و الطيبين أصحاب و اخوان = ترحيبتك تكفي الضيفان يا مال السلامه

    جدلان :
    نبغى علومك بعد طول المغيبه يا بو سلطان = من نجد و جبال نجد و من عسير و تهامه
    الواجب اللي من أسبابه ردود الفعل ما زان = من دون حد الظفر و اطيب شوي من الرخامه

    الرياحي :
    آخر خبر طاحت الأسهم و خسر فلان و فلان = إلا الهوامير ما خسروا و لا ساقوا غرامه
    للخير ميدان معروف و بعد للشر ميدان = و الظاهر انك سمعت العلم و الرجل و كلامه

    جدلان :
    العام لو سرحوا فيصل بمعزا عودت ضان = و اليوم حظ الرياحي بالغنم مدري علامه
    اشتل بشتك على ظهر المعفاه أم الأقشان = على زهابك بغزلان الشداد و بالمسامه

    الرياحي :
    ما نيب راعي غنم راعي الغنم مثل بن جدلان = راعي الغنم لو يثور الهيج ما يربط حزامه
    إليا ذكرنا سمان الهرج قلنا زين و سمان = لكن ما دري علام الهرج متغيّر علامه

    جدلان :
    اللي بيبسط شراع الحق للحق ميزان = قدام قصر السلام الصبح و قصور اليمامه
    اطلع من الوضع برا و انت مثل الصبح لا بان = ما ضيق الصدر كود اهل اللغاوي و النمامه

    الرياحي :
    يا بو محمد حصى الحره ترى ما هوب رمان = الحق مثل الجمل لكن من يمسك خطامه
    ياللي تعرض لعلم ما يخصك ليه زعلان = و انا بقلك وش اللي طول رقبة النعامه
  • فهد علي العازمي
    شــــاعــر
    • Oct 2005
    • 3683

    #2
    لا هنت يالذيب

    والرسول صلى الله عليه وسلم رعى الاغنام

    وسلاااامتك

    تعليق

    • الجوراسي
      عضو مميــز
      • Feb 2007
      • 2003

      #3
      صح لسان الشاعرين

      ولاهنت ياذيب الخلا

      تعليق

      العمل...