محاورة بين صياف الحربي وحبيب العازمي

طي
X
 
  • التوقيت
  • إظهار
مسح الكل
المشاركات الجديدة
  • علي بن عباد المطيري
    موقوف لمخالفة الأنظمة
    • Apr 2010
    • 77

    #1

    محاورة بين صياف الحربي وحبيب العازمي

    أعجبني استهلال حبيب العازمي الدال على المعنى .

    وهي ذات معنى أتخذ فيها صياف الدفاع عن المعنى المراد , وحبيب اتخذ صفة الهجوم .




    وأنوه أن هناك أصل في المحاورة أنها جلسة تحاكم بين خصمين في قضية واحدة , لابد أن تكون وجهة نظرهم مختلفة وكلاً منهم يورد حجته .


    وهذا أصل وفن من اسرار المحاورة .


    ولاغريب أن نجد صياف في مواقف أخرى يناقض هذا الموقف أو هذا المعنى أو حبيب أو غيره من الشعراء لأن شعر الرد قائم على الخصومة وطرح وجهة النظر الأخرى , ولو من باب مختلف , أما الاتفاق على وجهة النظر فهذا ينافي أصول شعر الرد كلياً .








    هذا المحاورة :




    حبيب العازمي=
    مرحبا ترحيباً أغلى من المال الكثير=فالبنوك اللي حرسها على بيبانها
    طرت ياصياف لكن وقع لاتطير= فالسماء طيارةٍ تصدمك جنحانها

    صياف الحربي=
    بارك الله للعرب فالكبير و فالصغير=السيوف جداد و الخيل في ميدانها
    انت شفت الغاوية يوم قامت تستدير=لامسكت يدينها نزلت كرعانها

    حبيب العازمي=
    فيك خير و شر لكن فالوقت الاخير=وش يخلي حرب تسرق عشاء جيرانها
    مالقيت الغاوية شفت لي سيفٍ شطير= و أنت مثل الحية اللي تمد لسانها

    صياف الحربي=
    اصبر شويه لاتعجل مع الوقت القصير=الضعيفه ماسرقنا عشاء ورعانها
    القضاه اثنين و الثالث العود الكبير= يطلعون الثلث للبنت قبل اخوانها

    حبيب العازمي=
    عمتك في خرجها شايله سمن و مضير=ان مشيت خلافهاو أن قعدت اوزانها
    عام الاول قالوا انك على عسفان امير=لين كثرت قوم عسفان في عسفانها

    صياف الحربي=
    ان زعل يشرب بحر وأن رضي يشرب غدير=لايشب النارويطير مع دخانها
    لو نشدت الناس قالوا لك الحربي وزير= الامارة مانشيل القلم من شانها

    حبيب العازمي=
    ماتج الجنه قبل ماتمر بزمهرير= و أحمد الله كان شفتك على حيضانها
    انت حربي مار ما أنته بشر و لا أنت خير= هز رأسك و اترك الروس فوق أمتانها

    صياف الحربي=
    ياحبيب طحت لك في عبوسٍ قمطرير= كل ماعايرتها يختلف نيشانها
    يوم زاد الحر نقصت من حمل البعير= و الجمال الطيبه ماتطيح أرسانها
  • البلجيك
    عضو نشيط
    • Apr 2010
    • 36

    #2
    ههههههههههههههه

    في وادي والتحليل في وادي!!!!!!!!!!!!!

    تعليق

    • علي بن عباد المطيري
      موقوف لمخالفة الأنظمة
      • Apr 2010
      • 77

      #3
      تم النشر في الأصل بواسطة البلجيك عرض المشاركة
      ههههههههههههههه

      في وادي والتحليل في وادي!!!!!!!!!!!!!


      لم أحلل .

      ركز قليلاً .

      تعليق

      • الجوراسي
        عضو مميــز
        • Feb 2007
        • 2003

        #4
        اخوي علي سلمت اناملك على نقل هذه المحاورة المميزة بين عملاقي شعار الخليج

        وارجوا ان تترك تحليلها للاعضاء وكلن ومفهوميته

        تحياتي

        تعليق

        • الثاقب
          موقوف لمخالفة الأنظمة
          • Feb 2010
          • 477

          #5
          لأن شعر الرد قائم على الخصومة وطرح وجهة النظر الأخرى

          متى صار شعر الرد خصومة ياعلي المطيري؟؟؟

          شعر الرد فتل ونقض هذا المعروف لكن في قاموسكم امدح نفسي قدام الناس واهايط في الشعر لافتل ولانقض

          تعليق

          • عبدالله المطرفي الهذلي
            موقوف لمخالفة الأنظمة
            • Aug 2008
            • 462

            #6
            تم النشر في الأصل بواسطة الثاقب عرض المشاركة

            متى صار شعر الرد خصومة ياعلي المطيري؟؟؟
            هههههههه أجل شعر المحاورة مافيه خصمه !!

            الحين تأكدت أن فيه ناس والله ماتعرف الشعر ولا أسراره ولا هم يحزنون !!

            تعليق

            • ابوتيجان
              عضو ماسي
              • May 2006
              • 446

              #7
              [align=center][align=center]صياف الحربي

              [poem= font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
              القضاه اثنين و الثالث العود الكبير= يطلعون الثلث للبنت قبل اخوانها[/poem]

              حبيب العازمي

              [poem= font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
              عام الاول قالوا انك على عسفان امير=لين كثرت قوم عسفان في عسفانها[/poem]


              الله يرحم صياف ويتجاوز عن حبيب ويطول عمره

              شعراء كبار حتى في التمريرات بينهم يخفونها باسلوب جميل وغير مكشوف[/align]


              تم النشر في الأصل بواسطة علي بن عباد المطيري عرض المشاركة

              وهي ذات معنى أتخذ فيها صياف الدفاع عن المعنى المراد , وحبيب اتخذ صفة الهجوم .




              وأنوه أن هناك أصل في المحاورة أنها جلسة تحاكم بين خصمين في قضية واحدة , لابد أن تكون وجهة نظرهم مختلفة وكلاً منهم يورد حجته .


              وهذا أصل وفن من اسرار المحاورة .
              اخوي علي المطيري يقولون الطير الحر اذا قرنس وطار من عشه لازم يرجع لعشه وادري انك تبي ترجع لنا من جديد

              بس اذا رجعت ابيك تشقر على هالموضوع من جديد وتكشف لنا المعنى اللي كانو يالعبون عليه وكان صياف يدافع وحبيب يهاجم[/align]
              تم التعديل الأخير بواسطة ابوتيجان؛ 27-Apr-2010, 06:57 PM.

              تعليق

              • خصيم الاجناب
                موقوف لمخالفة الأنظمة
                • Mar 2010
                • 60

                #8
                تم النشر في الأصل بواسطة عبدالله المطرفي الهذلي عرض المشاركة
                هههههههه أجل شعر المحاورة مافيه خصمه !!

                الحين تأكدت أن فيه ناس والله ماتعرف الشعر ولا أسراره ولا هم يحزنون !!



                شعر الحاوره اساسه الخصومه


                ياصاحب الموضوع


                ارجع بمعرف اخر ولتكن اكثر جرأه يعني البس وجه غير وجه شمروخ وعلي بن عايد:d

                تعليق

                العمل...