لين ان لبنان ترجع مع فلسطينها ،،،،، الرياحي × العصيمي !!!

طي
X
 
  • التوقيت
  • إظهار
مسح الكل
المشاركات الجديدة
  • سعود البرقاوي
    مشرف سابق
    • Mar 2003
    • 1835

    #1

    لين ان لبنان ترجع مع فلسطينها ،،،،، الرياحي × العصيمي !!!

    السلام عليكم ورحمة الله وبركاته

    هذه محاورة من المحاورات القديمة وعلى بداية المغترة انذاك والعهدة على الراوي طبعاً كانت بين الشاعرين فيصل الرياحي رحمه الله والشاعر مستور العصيمي اطال الله بقائه وحسب ذكر اصحاب الاختصاص بأن هذه ربما تكون اول محاورة بينهم


    فيصل الرياحي
    سارت بنا اقدامنا والقلب شيخ القدم = للقبة اللي هل التوحيد بانينها
    مستور مخلوق من ضمن البشر من عدم = نبغاه يسمع هروج الصدق في حينها

    مستور العصيمي
    جابوك يافيصل اهل السيف واهل العلم = اللي مخاليبها تسبق جناحينها
    اعلوم بيني وبينك مثل خط القلم = يازينها من هذاك الوقت يازينها

    فيصل الرياحي
    لولا هل السيف ماعبيت بطنك شحم = اتهجّد الناس وتفتش مواعينها
    اعلومنا طيبه ياضب كب الحدم = قدام تنصب لك الدنيا موازينها

    مستور العصيمي
    احسن من اللي مفلي في قيوع السلم = صاحبت لي عالمٍ ديني على دينها
    معمور بيت الشرف ياصاحبي ما انهدم = بعض السواليف وين انتم مسرينها

    فيصل الرياحي
    لاجا بيرميني اعور وان حذفني عسم = عليه الابواب محكمهٍ كوالينها
    شلفا ذياب ابن غانم ظربها في لحم = والظاهر انك من اللي مستحقينها

    مستور العصيمي
    كم قلت لك ياطويل العمر ياكم وكم = بعض السوالف بعيد ولاوصل حينها
    حرام دمك علينا مثل دم الحلم = والا من العصر حدينا سكاكينها

    فيصل الرياحي
    اشوف لي صيدةٍ بطلق عليه السهم = من طيب حظي تعرضني كراعينها
    ماعاد يكبر سنامك يابعير التهم = قطعى تهامة وقطعى في بعارينها

    مستور العصيمي
    ضربت بالسيف لين السيف فيك انثلم = عيت طبوعك تغيّر ليه ؟ ياشينها
    راح الرياحي علينا مثل حج العجم = هذا الليالي منى كثرت شياطينها

    فيصل الرياحي
    لن جاك عيّة تركد واستمع وافتهم = لاتنملص منك عشرتها وعشرينها
    واحد سرى في ظلام الليل ثم انجّم = ماعاد يدري دروب المعرفة وينها

    مستور العصيمي
    آثرك عية صحيح تخم الاعلام خم = خابرك في قاسي الدنيا وفي لينها
    فتّح عيونك ترى فالدرب قبلك لغم = ليلتك هاذي ترى ما الناس راضينها

    فيصل الرياحي
    عية ولا اريد من شرواك حبة خشم = لين ان لبنان ترجع مع فلسطينها
    لاتعرض الساق قدام امهات الدرم = ترى البلاجيك جاهزةٍ نياشينها

    مستور العصيمي
    ياصاحبي لو نظمت الشعر معك انظم = باق السواليف تبقى في مواعينها
    بغيتها فالحروب ووقعت في دهم = ماحال دون البلاد الا سلاطينها





    انا مثل الحكومة وأمري منفذّ على الشعار
    ولي سلطة على الشعار والشعار خدّامي

    جارالله السواط




    للتواصل :
    nofi3e@hotmail.com
  • محمد ابن رووق
    عضو مميــز
    • Jan 2009
    • 2632

    #2
    ذوق عالي ياسعود




    سعود انت مبدع اينما وجدت ان كنت شاعر ابدعت وان كنت كاتب ومتذوق فذوقك عال



    اتمنى ان تستمر في كتابتك وتخبرنا عن اراءك النقديه


    شكرا لك

    تعليق

    • ابو ســاره
      عضو نشيط
      • Aug 2009
      • 65

      #3
      محاوره قويه ياسعوود ولاهنت على النقل


      الله يرحم الرياحي ويبقي مستور

      تعليق

      • ابو فايح
        مشـرف عام
        • Jul 2006
        • 5343

        #4
        [align=center]محاوره قويه


        رحم الله ابو بدر


        واطال عمر ابو تركي وعمرك يا سعود وسلمت على النقل [/align]
        عالم تويتر



        abofayeh@

        تعليق

        • ثقيف دام عزها
          عضو فضي
          • Apr 2007
          • 282

          #5
          محاوره قمه قمه قمه


          رحمك الله يالرياحي وجميع اموات المسلمين

          مستوووووووووور الله يطول عمرك في طاعة الله

          تعليق

          • سعود العصيمي
            شــــاعــر
            • Sep 2006
            • 6539

            #6
            الله الله

            ياسلام على الشعر الحقيقي واهله

            ابو فهد بيض الله وجهك نقل هذه المحاورة الراائعه



            بصراحه استمتعت بقراءتها

            اكثر من مرة وبالفعل محاورة قمه قمه وسامية في معناها
            اطال الله بعمر مستور ورحم الله فيصل



            ولكن لااعتقد انها اول محاوورة بينهم
            [poem= font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.

            ماني على قربه شفي والاّ على بعده شفوح = الله خلقني مااعترض من صد من كل الملا.[/poem]

            تعليق

            • الكاايد
              عضو فضي
              • Oct 2009
              • 251

              #7
              الله الله الله

              ياسلام ياسعود على المحاورة وعلى الفتل والنقض

              والله يطول عمر ابو تركي ويرحم الرياحي

              _____
              تم التعديل الأخير بواسطة الكاايد؛ 15-Apr-2010, 07:08 AM.

              تعليق

              • مروحي
                عضو
                • Apr 2010
                • 26

                #8
                باقي بعض الأبيات


                علومنا طيبة ياضب كب الحدم .... قدام تنصب لك الدنيا موازينها




                ومشكوررررررر على النقل

                تعليق

                • الجوراسي
                  عضو مميــز
                  • Feb 2007
                  • 2003

                  #9
                  لاهنت على كتابة المحاورة

                  تعليق

                  • محمد بن ساعد الثبيتي
                    عضو فعال
                    • Mar 2010
                    • 104

                    #10
                    بيض الله وجهك ياسعود
                    ورحم الله ابو بدر
                    واطال في عمر مستور
                    تحيتي

                    تعليق

                    • ابن سدحان البقمي
                      عضو
                      • May 2009
                      • 6

                      #11
                      رحم الله الرياحي

                      والله يطول بعمر ابو تركي


                      محاوره شرسه بين شعراء عمالقه

                      لاهنت على النقل المميز


                      ..

                      تعليق

                      • البحر المتوسط
                        عضو نشيط
                        • Jan 2010
                        • 34

                        #12
                        محاورة قوية ورائعه




                        ملاحظه :


                        الأبيات غير منظّمه
                        بعضها مقدّم وبعضها مؤخّر

                        تعليق

                        • ابوشيهان
                          عضو
                          • Dec 2010
                          • 20

                          #13
                          المغترة 1407

                          الله يرحم فيصل ويطول بعمر مستور على الطاعه

                          تسلم ياسعود

                          تعليق

                          • منصف في زمن الظلم
                            موقوف لمخالفة الأنظمة
                            • Nov 2011
                            • 142

                            #14
                            مشكور
                            والمحاوره جميله جدا
                            ولكنها ليست المحاوره الاولى بينهما
                            والدليل بيت مستور الثاني
                            ثاني بيت لمستور في المحاوره يبين انهما تقابلا طويلا قبل هذي المحاوره
                            والظاهر كانت في حج
                            والله واعلم

                            تعليق

                            • الحافي 1
                              عضو فعال
                              • Jul 2011
                              • 154

                              #15
                              يا سلام عليك وعلى اخيارك وبيض الله وجهك
                              هاذي المحاورات فكونا من الجند التالى

                              تعليق

                              العمل...