حفلة حلبان 1430 ( سوار الذهب وحبيب وحمدان العصيمي ) (تم التعديل )

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • شمروخ ابن عايد
    موقوف لمخالفة الأنظمة
    • Nov 2009
    • 417

    #1

    حفلة حلبان 1430 ( سوار الذهب وحبيب وحمدان العصيمي ) (تم التعديل )

    السلام عليكم ورحمة الله وبركاته

    تم التعديل من قبل الأداره



    حمدان:

    يا شاعر المطران ينقصك مشروع = حصلت لك فالبحر دره ثمينه
    لا تحسبن الدر في يدك ممنوع = ترميه مابين العمق والمدينه

    سوار الذهب:

    لاتحسبن الموت في راس الأسبوع = دلك على الرجال هرجه وعينه
    ليت الضما ياخذ ويعطي مع الجوع = علماً يقين ومصدره من جهينه

    حمدان :

    ماكل موضوعٍ يعوض بموضوع = والعمر مايمضي برفك وسكينه
    فرق السلع معروف فالصنع والنوع = داحم خصومك بالجنوب المتينه

    سوار الذهب:

    الزحف وش ياخذ من الساق والكوع = ياجع جملك وقمت تكوي سنينه
    ياواحدٍ حظك نقز نقز جربوع = في عبلةٍ تاخذ من أرض الدفينه

    حمدان :

    أخذت لك من صافي الجم قرطوع = والجم متغثرب قراحه وطينه
    من لا سرق بيعيش والراس مرفوع = ليت المطيري ما يقصر يمينه

    سوار الذهب:

    سبحان من خلا معك عين وسموع = وأنته ثقيل الوزن واثقيل طينه
    الناس كلاً له سجلات وطبوع = واللي يقول آه أح يعني غبـــينه

    حمدان:

    المرجله ما حازها طاير الشوع = ما لومهم لو حزنوا والدينه
    تبا تخدع الناس مير أنت مخدوع = ودعايتك صارت سوات المكينه


    سوار الذهب:

    مدري علامك تبع منته بمتبوع = وأنته من الهـيلا حبوس الضعينه
























    وغير حبيب بعد أن زعل بالذات من البيت الاخير لسوار الذهب لأن فيها تعريض بدعم حبيب المعنوي لعبدالعزيز العازمي , لذلك طلب حبيب سوار الذهب , وكانت ردود سوار الذهب بإن الدعم فقط لإفادة ابن العم مادياً وليس اقتناع بالشاعرية , هذا حسب مااتضح من اللعب في هذا الطاروق .



    حبيب:


    عبد الله بماقفي ما له علي أحتجاج = شكره على ماقفه ويعد لي حجته
    إن كان صابه عمى ماعداه غير الدجاج = أمضيعن صيدته عصر في عجته

    عبدالله:

    الأكبر أيات ضلع الخال وألا سواج = صحيح ما يسلم الروقي بلا رجته
    أنته مقدم مع أهل الشون وألآ خراج = وادجت اللي تعزوا فيك وآدجته

    حبيب:

    ياراع الضلعه اللي حول عدن هماج = إن كان قلبك يسج الهم من سجته
    مادج من يعتزي فيه ولاني بداج = وأنته كما اللي تروح الناس عن صجته

    عبدالله :

    هذا تسمونه الميقاف وألا الحراج = والناس يقلون شق الصدر من فجته
    أنته تحاول على المعراج والإنعراج = ما عرف وجه الخجول إلابعد خجته

    حبيب:

    تراي ما عاد لي فكثر علومك مزاج= والناس لن ذاقت الما مختلف بجته
    اللي يجي فالحرج يصبر ليوم إنفراج = واللي ذلوله سبوق إليا شرد نجته

    عبدالله:

    اللي مكلف على ميراج طير وراج = والأحزمه لو ربطها مات ما نجته
  • ابو فيصل الحربي
    عضو فضي
    • Feb 2009
    • 271

    #2
    شكرا على النقل الرائع


    وصح السنت الشعار

    تقبل مروري

    تعليق

    • كحيلان الهيلا
      عضو فعال
      • Sep 2009
      • 185

      #3
      الله الله


      صحت السنتهم



      ولايمكن لحبيب........ان يفتوووها


      شعار عمالقه جميعهم

      تعليق

      • شمروخ ابن عايد
        موقوف لمخالفة الأنظمة
        • Nov 2009
        • 417

        #4
        تلومونا في سوار الذهب ياجماعة .







        استخدام بديع كعادته وياكثر مايبدع في هذه الحركة ولو ملكت وقت لملأت لكم صفحات منها .



        (( الأكبر أيات ضلع الخال وألا سواج ))


        الخال جبل , وسواج جبل .




        كلها معروفة .


        يقصد بنفسه ( الخال ) ووجه استخدامها أن عبدالله خال حبيب حيث انه بناخي الموازين .

        سواج ( عبدالعزيز العازمي ) وجه استخدمها من السجة أي النسيان , وفقد أو تضييع المعنى .











        مثال من استخدام هذا الابداع :


        جبال الأقصين وشعيب الموالين = يمطر عليها المطر من غير داعي


        استخدام بديع لوصف ارض لبنان التي هي جبلية في معظمها , ووصف شعيب للموالين حيث الأرض الصحرواية ويقصد بها البطانة للمسؤول .



        وينزل عليهم المطر من غير داعي .



        الابداع في الوصف الدقيق لأرض الموصوفين .






        وكثير غيرها .

        تعليق

        • & محمد خالد القحطاني &
          عضو ذهبي
          • Aug 2009
          • 375

          #5
          صحت السنتهم جميع ولاهنت على النقل
          واشوف عبدالله بارد في المحاورات هذي مهيب عادته

          تعليق

          • ابو فايح
            مشـرف عام
            • Jul 2006
            • 5343

            #6
            [align=center]ياراع الضلعه اللي حول عدن هماج = إن كان قلبك يسج الهم من سجته
            مادج من يعتزي فيه ولاني بداج = وأنته كما اللي تروح الناس عن صجته



            ههههههه لله درك يا أبو فيصل


            صحن السنته الشعراء ولاهنت يا شمروخ [/align]
            عالم تويتر



            abofayeh@

            تعليق

            • منصورالزبيلي
              عضو فعال
              • Oct 2009
              • 151

              #7
              بارك الله بك , شكراً أخي الكريم

              تعليق

              • شمروخ ابن عايد
                موقوف لمخالفة الأنظمة
                • Nov 2009
                • 417

                #8
                تم النشر في الأصل بواسطة & محمد خالد & عرض المشاركة
                صحت السنتهم جميع ولاهنت على النقل
                واشوف عبدالله بارد في المحاورات هذي مهيب عادته








                كل ماجينا نصب الكحل مانلقى محاجر = والغشيم اليا لقى الصخرة على دربه غشمها


                سوار الذهب جماهيره ليست جماهير صوت , أو حركان لفت انتباه وشوفوني , أو توضيح للعب كأنه يقولون أنا مدهر بالخصوم .


                هذه حركات أنصاف الشعراء حتى لو كانت جماهيرهم مجنونه بهم .








                لو فصلت لك الابداع في كل كلمة لأستغرق الكثير من الوقت , وهذا الفارق بين الشاعر العادي وبين الشاعر المبدع .

                تعليق

                • النايف 1
                  عضو نشيط
                  • Mar 2007
                  • 66

                  #9
                  لاهنت ولا هانوا الشعراء

                  عبدالعزيز العازمي

                  تبا تخدع الناس مير أنت مخدوع = ودعايتك صارت سوات المكينه


                  حبيب العازمي

                  إن كان صابه عمى ماعداه غير الدجاج = أمضيعن صيدته من عصر في عجته

                  ................................

                  تراي ما عاد لي فكثر علومك مزاج= والناس لن ذاقت الما مختلف بجته

                  تعليق

                  • شمروخ ابن عايد
                    موقوف لمخالفة الأنظمة
                    • Nov 2009
                    • 417

                    #10
                    يعني متهمني بالعنصرية يالعتبان , وانتم تقتبسون ردود شعراكم وبعضكم يضحك , مشرفين وغير مشرفين .


                    وتقولون ماحنا عنصريين .




                    ياحليلكم بس .

                    تعليق

                    • النايف 1
                      عضو نشيط
                      • Mar 2007
                      • 66

                      #11
                      تم النشر في الأصل بواسطة شمروخ ابن عايد عرض المشاركة
                      تلومونا في سوار الذهب ياجماعة .







                      استخدام بديع كعادته وياكثر مايبدع في هذه الحركة ولو ملكت وقت لملأت لكم صفحات منها .



                      (( الأكبر أيات ضلع الخال وألا سواج ))


                      الخال جبل , وسواج جبل .




                      كلها معروفة .


                      يقصد بنفسه ( الخال ) ووجه استخدامها أن عبدالله خال حبيب حيث انه بناخي الموازين .

                      سواج ( عبدالعزيز العازمي ) وجه استخدمها من السجة أي النسيان , وفقد أو تضييع المعنى .











                      مثال من استخدام هذا الابداع :


                      جبال الأقصين وشعيب الموالين = يمطر عليها المطر من غير داعي


                      استخدام بديع لوصف ارض لبنان التي هي جبلية في معظمها , ووصف شعيب للموالين حيث الأرض الصحرواية ويقصد بها البطانة للمسؤول .



                      وينزل عليهم المطر من غير داعي .



                      الابداع في الوصف الدقيق لأرض الموصوفين .






                      وكثير غيرها .

                      الموضوع بسيط يا طويل العمر

                      انت تكتب شي معجبك وتشوف انه شي رائع

                      وحنا كذلك نذكر الابيات اللي اعجبتنا فقط لاغير

                      تعليق

                      • شمروخ ابن عايد
                        موقوف لمخالفة الأنظمة
                        • Nov 2009
                        • 417

                        #12
                        تم النشر في الأصل بواسطة النايف 1 عرض المشاركة
                        الموضوع بسيط يا طويل العمر

                        انت تكتب شي معجبك وتشوف انه شي رائع

                        وحنا كذلك نذكر الابيات اللي اعجبتنا فقط لاغير


                        لكن أنا بينت أنا أين مكمن الروعة في ماأقتبسته من بيوت , بينما أنتم تقتبسون بدون أن تعطون فكرة عن ماذا أعجبكم بتفصيل دقيق .



                        وهذا الفارق الكبير أرجوا أن لايفوتكم .

                        تعليق

                        • ابن صبحي الشاطري
                          عضو فعال
                          • Feb 2010
                          • 163

                          #13
                          اخوي شمروخ مساك الله بالخير يعجبني اختيارك للمواضيع

                          اللتي تشد القاري

                          ولاكن ملاحضه بسيطه اللي لعب مع سوار الذهب ليس عبدالعزيز العازمي

                          بل حمدان العصيمي


                          ولاكن استنتجت من ردود الاخوان عدم متابعتهم

                          والمامهم لاكن يجب تعديل الخطا لحفظ الحقوق


                          تقبل مرور اخوك ابن صبحي

                          تعليق

                          • النايف 1
                            عضو نشيط
                            • Mar 2007
                            • 66

                            #14
                            تم النشر في الأصل بواسطة شمروخ ابن عايد عرض المشاركة
                            لكن أنا بينت أنا أين مكمن الروعة في ماأقتبسته من بيوت , بينما أنتم تقتبسون بدون أن تعطون فكرة عن ماذا أعجبكم بتفصيل دقيق .



                            وهذا الفارق الكبير أرجوا أن لايفوتكم .


                            لكل شخص وجهة نظر

                            غيرك يقول الحر تكفيه الاشاره

                            ولان الموضوع موضوع محاوره ومعنى ورمزيه وكل واحد ينقل البيت اللي فيها المعنى او توضيح المعنى

                            في الاخير لكل شخص قناعه وعنده اسبابه وما قل دل

                            تعليق

                            • النايف 1
                              عضو نشيط
                              • Mar 2007
                              • 66

                              #15
                              تم النشر في الأصل بواسطة ابن صبحي الشاطري عرض المشاركة
                              اخوي شمروخ مساك الله بالخير يعجبني اختيارك للمواضيع

                              اللتي تشد القاري

                              ولاكن ملاحضه بسيطه اللي لعب مع سوار الذهب ليس عبدالعزيز العازمي

                              بل حمدان العصيمي


                              ولاكن استنتجت من ردود الاخوان عدم متابعتهم

                              والمامهم لاكن يجب تعديل الخطا لحفظ الحقوق


                              تقبل مرور اخوك ابن صبحي
                              نتكلم عن الابيات المطروحه بغض النظر عن الشعراء

                              تعليق

                              العمل...