سوار الذهب ومستور العصيمي

طي
X
 
  • التوقيت
  • إظهار
مسح الكل
المشاركات الجديدة
  • شمروخ ابن عايد
    موقوف لمخالفة الأنظمة
    • Nov 2009
    • 417

    #1

    سوار الذهب ومستور العصيمي

    وهذي محاوره بين عبدالله غازي الميزاني ومستور العصيمي


    عبدالله الميزاني




    مستور شعبي وهو من شعب عاد وثمود
    اللي جلـس مـع منازلهـا منازيلهـا
    العام راعي جمل واليوم راعـي قعـود
    وام الكبايـر ليـا غـنـت يغني لـهـا



    مستور




    مستور شعبي ويرقى يالمطيري سنود
    اعرف وجيه العرب واعرف مداخيلها
    من مهبط الوحي ماني من بلاد اليهود
    وام المناديـل ماافـتـش مناديلـهـا




    عبدالله




    انا ادري انك على بعض الكلام امحدود
    لا والله الا عتيبـه مـا سـرى ليلهـا
    ليتك ليا ولعـت نـار الفتيلـه تـزود
    وتشيلك الجن بعـض ايـام وتشيلهـا





    مستور




    قرب خشوم الفتايل من خشوم الزنـود
    ياويل نـاس تشيـل الحقـد ياويلهـا
    ياكثر حوم الضوامي فوق روس العقود
    من يوم راعي الغنم جانـا يتاحيلهـا




    عبدالله




    خابرك وانته ولد مثلك بعد جيت عود
    الله والا الناس وان قلت محاصيلهـا
    انتم على اربع جهات اقلوب والا كبود
    ما باقياً من عتيبـه غيـر اقاويلهـا



    مستور




    انته تعرف الرجال امعربين الجدود
    وامورك الثانيه مانـي بفاضي لهـا
    قال المثل ياولد كلاً بجوده يجـود
    تبدي لك الشمس من قدام تبدي لهـا




    عبدالله




    البرق يخلعك ويضحك رقص الرعود
    وش حيلة اللي تطيح ليا برد حيلهـا
    في معرفتك اطيب الضباط والا الجنود
    في ساعة الناس تحكي لك وتحكي لهـا




    مستور




    الله يجيب الفرج والله يحل العقـود
    نبا نكّسر علـى الدلـه فناجيلهـا
    خلك على حد واحد لا تعدى الحدود
    واطلع من التلعه اللي منحدر سيلها





    عبدالله غازي




    انته ليا صحت للواعين تصحى الرقود
    كلمتك هـذي يهـم الغيـر تسجيلهـا
    اليا بغيت الصراحـه مـنت رب معبـود
    ( مثل عنصيلها) غير واضح الصوت هنا




    مستور




    ياليت بيني وبينك حال عرق النفود
    بعض الدعاوي تمرك منت صاحيلها
    اليا عطى الله مايمنع عطاه الحسود
    ركابت الخيل ما تصلح بلا خيلهـا




    عبدالله غازي




    ماهو بنا اللي يجيب من العدم في الوجود
    علـم عتيبـه تعجـل فـي مراسيلهـا
    ابغاك تعقل وتركد وانت ما من ركـود
    بالله رد الجـهـالـه لا توهـيـ لـهـا
  • شاعر وادي عبقر
    موقوف لمخالفة الأنظمة
    • Feb 2010
    • 193

    #2
    تسلم يمينك ياشمروخ

    شعار دواهي

    تعليق

    • حسن إبراهيم الدجيماء

      شـــــاعــر

      • Jun 2009
      • 1983

      #3
      شعار كبار ..

      مشكور يابن عايد وابيض وجه ..

      لاهنت ولاتحرمنا الجديد ..!!!

      تعليق

      • شاعر القلطه
        عضو فعال
        • Feb 2010
        • 162

        #4
        مشكورررررررررررررر

        تعليق

        • شمروخ ابن عايد
          موقوف لمخالفة الأنظمة
          • Nov 2009
          • 417

          #5
          تم النشر في الأصل بواسطة الدجيماء عرض المشاركة
          شعار كبار ..

          مشكور يابن عايد وابيض وجه ..

          لاهنت ولاتحرمنا الجديد ..!!!


          مرحبا بمرور الاخوان جميعاً .


          وان شاء الله سيكون الجديد قريباً محاورات نادرة ومقاطع سوف تنزل لسوار الذهب اعترافاً بمكانته الشعرية .

          تعليق

          • الكاايد
            عضو فضي
            • Oct 2009
            • 251

            #6
            محاورة قويه احتوت على اساسيات الفتل والنقض

            كل ابياتها رائعه واعجبني منها

            قرب خشوم الفتايل من خشوم الزنـود
            ياويل نـاس تشيـل الحقـد ياويلهـا
            ياكثر حوم الضوامي فوق روس العقود
            من يوم راعي الغنم جانـا يتاحيلهـا


            كذلك .. رقص الرعوووووووووووود


            تحياتي للجميع

            تعليق

            • الجوراسي
              عضو مميــز
              • Feb 2007
              • 2003

              #7
              علمك غانم يا شمروخ

              بس نبيها صوتيه

              لاهنت

              تعليق

              • ناصر العصيمي
                عضو ممـــيز
                • Apr 2003
                • 5301

                #8
                يعطيك العافيه يابن عايد

                تقبل مروري

                تعليق

                العمل...