حبيب العازمي ومعتق العياضي ( لاهنت يابو فايح)

طي
X
 
  • التوقيت
  • إظهار
مسح الكل
المشاركات الجديدة
  • الـحـنـشـ
    عضو نشيط
    • Oct 2009
    • 56

    #1

    حبيب العازمي ومعتق العياضي ( لاهنت يابو فايح)

    [align=center]السلام عليكم ورحمة الله وبركاته


    أقيمت قبل ثلاث ايام محاورة بالمدينه المنوره وهذا طاروق بين الشاعر حبيب العازمي والشاعر معتق العياضي وأتمنى من المحللين الافاضل يعلمونا وش المعنى وأخص محللنا أبو فايح ...




    معتق العياضي
    نارك حيه نارك حيه محفل ميه على ميه=عشتي عشتي ياسعوديه حلي ياحلاوه حلي
    يابو فيصل وين ايامك المدخل قفل قدامك=هيا هيا شوف حزامك حلي ياحلاوه حلي

    حبيب العازمي

    هذا الحربي ولع ناره واثر عيونه تنظر جاره=والعمده يدري بالحاره حلي ياحلاوه حلي
    ياللي سكرت البوابه حنا حنا حنا عتابه=هذا علمي وانت ادرابه حلي ياحلاوه حلي

    معتق العياضي

    نار وشبت تهرج عنا ماهي قولة حنا حنا=لد عيونك منا منا حلي ياحلاوه حلي
    اللي منه جتك الغيره ماله جره وسط الديره=خذلك لفه مع تدويره حلي ياحلاوه حلي

    حبيب العازمي

    نارك شبت ياراعيها واسئل الله لايطفيها=وانهايتها جعلك فيها حلي ياحلاوه حلي
    يامعتق مافيها فكه لو ينحاش مع ادنى سكه=والموعد في مكه مكه حلي ياحلاوه حلي

    معتق العياضي

    ناري ما تطفي ياحبيب والحمد لله جيت قريب=لكن شفلك درب طيب حلي ياحلاوه حلي
    مكه مثلك ما يدخلها يمكن ياحبيب تعملها=خل آخرها يصل اولها حلي ياحلاوه حلي

    حبيب العازمي

    لو نغضي وتضيع الطاسه تصبح طبختكم منحاسه=سيل ما جاله عساسه حلي ياحلاوه حلي
    ندخلها وانت تراوي وتعود عند الغزاوي=وأنا اصارع ذيب عاوي حلي ياحلاوه حلي

    معتق العياضي

    لو حيلي مايساوي حيلك حتى جيلي ماهو جيلك=تصبح مثل البرق نخيلك حلي ياحلاوه حلي
    صارعته ثم جبت مطمه حطك لقمه جوا فمه=واليومه لاتنظر يمه حلي ياحلاوه حلي
    [/align]
  • شمروخ ابن عايد
    موقوف لمخالفة الأنظمة
    • Nov 2009
    • 417

    #2
    هنا المعنى ومقصد العياضي شاعر آخر بينه وبين حبيب غيره مثل مايقول العياضي .



    اللي منه جتك الغيره



    لكن قبيلة حرب مقررين بسبب مشكلة مع قناة معروف أن لايكون له :


    ماله جره وسط الديره .



    يعني ياحبيب نرحب بك وبقناتك لأن خصمك الآخر غير مرحب به عندنا ياقبيلة حرب .









    وحبيب سوى حركة بالعياضي استغلال للفظ طيب .

    شخصياً أكره أن يستغل هذا اللفظ لهذه المعاني , وبعض الشعراء بالفعل يستغل هذا اللفظ للأسف .





    كفينا ابو فايح التععب , الا اذا كان عنده كلام آخر .

    تعليق

    • الـحـنـشـ
      عضو نشيط
      • Oct 2009
      • 56

      #3
      [align=center]عافاك الله ياشمروخ بن عايد


      لكن انا ودي تحلل المحاورة حرف حرف
      انا سمعت من واحد قبل قليل ان فيها اكثر من معنى


      وياليت توضحون كل شي فيها
      [/align]

      تعليق

      • عزوز النفيعي
        الصقيل المجرب سابقا
        • Nov 2009
        • 525

        #4
        بعيد عن المعنى الطاروق هذا حلي ياحلاوه حلي اشره على ابو فيصل يلعب عليه
        والله ان الطاروق هذا بصمة عار على شعر المحاوره واتوقع المعنى قريب من الطاروق

        تعليق

        • وحي العقل
          ناقد ومحلل ادبي
          • Mar 2007
          • 702

          #5
          /
          /


          معنى ؟؟؟؟؟؟

          تعليق

          • محمد ابن رووق
            عضو مميــز
            • Jan 2009
            • 2632

            #6
            اتوقع معنى سياسي ! بحت وطاروق لعبوا على معناه في منتدى الهيلا

            تعليق

            • ܓܨ عبدالله البرقاويܓܨ
              عضو مميـــز
              • Sep 2009
              • 1405

              #7
              المعنى يبقى في بطن الشاعر ولايمكن تحليله الا القليل من النقاد

              تعليق

              • أحمد المويعزي
                عضو فضي
                • Mar 2009
                • 282

                #8
                لا تأخذكم العنصريه وتقومون تقللون من أي شاعر يقابل شعاركم أحكموا بالعقل كل الشعار فيهم المخطىء والمصيب يوم لك ويوم عليك

                وحبيب أخطأ في هذا البيت ومعتق إستغله ورد رد قوي على حبيب


                حبيب

                يامعتق مافيها فكه لو ينحاش مع ادنى سكه=والموعد في مكه مكه حلي ياحلاوه حلي

                معتق العياضي

                مكه مثلك ما يدخلها يمكن ياحبيب تعملها=خل آخرها يصل اولها حلي ياحلاوه حلي



                يذكر معتق حبيب بحادثة جهيمان ويقول أنك ماتدخل مكه خوف من أنك تعمل مثله واللبيب بالإشارة يفهم

                حتى رد حبيب على هذا البيت رد عادي جدا مجرد الرد فقط


                حبيب

                ندخلها وانت تراوي وتعود عند الغزاوي=وأنا اصارع ذيب عاوي حلي ياحلاوه حلي

                تعليق

                • ابو فايح
                  مشـرف عام
                  • Jul 2006
                  • 5343

                  #9
                  [align=center]حياك يا الحنش

                  الحقيقه اولا ان انخدعنا في المقطع المصور لانه ناقص بعض الابيات



                  الطاروق لا بأس به

                  اولا المهرجان اسمه( نارك حيه )فالمدينه وهذا اللي ذكره معتق


                  وسالفة البوابه اعتقد ان حبيب العازمي اغلقت عن البوابات او ما شابه ذلك



                  اما المعنى الحقيقي فأعتقد أنه الشاعر محمد السناني أن كان ما حضر الحفل

                  والسبب ان هناك خلاف بينه وبين حبيب العازمي

                  ومر معتق على حادثة جهيمان وايضا مروا على ساحة الشعراء والفرق بين الجيلين



                  هذا مالدي والرأي للاخوان [/align]
                  عالم تويتر



                  abofayeh@

                  تعليق

                  • شاعر وادي عبقر
                    موقوف لمخالفة الأنظمة
                    • Feb 2010
                    • 193

                    #10
                    مافيها لامعني ولا حاجه

                    ردود اوضح من عين الشمس

                    التطرق للشاعر ماغير بيت واحد

                    والباقي مهاترات تسبب فيها معتق

                    الله يكون في عون ابوفيصل ليمتي وهو يتحمل تخبطات المستشعرين

                    مادام الله فتحها عليه المفروض مايلعب الا ويا خمس شعراء فقط

                    حبيب ثروة شعر وقليل من الشعراء اللي يدرك ذلك

                    وجهة نظر

                    تعليق

                    • الكاايد
                      عضو فضي
                      • Oct 2009
                      • 251

                      #11
                      محاورة لابأس بها


                      احمد المويعزي هدي شوي من انفعالك يالغالي !!

                      ليش زعلان ؟ قول بس وش زعلك وابشر بالرضى

                      والله لو تسأل معتق شخصياً كان قالك ماجيت ربع حبيب ..

                      الدعوى وانا اخوك ماهي كتابه في الانترنت والسلام !! كلنا نعرف مستواهم

                      سواءً حبيب ولا معتق

                      وبعدين تقول استغل كلمة مكه ( مكه مثلك مايدخلها ) وحبيب كل اسبوع في مكه

                      معنى اكل عليه الدهر وشرب ..

                      تحياتي للجميع

                      تعليق

                      • أحمد المويعزي
                        عضو فضي
                        • Mar 2009
                        • 282

                        #12
                        [size=4]الشاعر محمد السناني حاضر بالحفل ولعب طاروق مع الشاعر فلاح صياف

                        لكن يابو فايح محمد السناني ماله دخل بالموضوع ابد لان البدايه المدخل قفل قدامك يعني المكتب قفلوه وانت شفته والمعنى بدايته قناة الساحه


                        وجهة نظررررر فقط

                        وانا ما خدعتك يابو فايح هذا اللي عندي المقطع اللي انا نزلته


                        وهنا كامل

                        تم التعديل الأخير بواسطة أحمد المويعزي؛ 15-Feb-2010, 06:37 AM.

                        تعليق

                        • مرقاب الشمال
                          عضو فعال
                          • Dec 2006
                          • 146

                          #13
                          ابو فالح


                          محمد السناني لعب في حفلة وحبيب في حفلة

                          السناني مع راشد السحيمي وابن رحمه

                          تعليق

                          • ابو فايح
                            مشـرف عام
                            • Jul 2006
                            • 5343

                            #14
                            [align=center]يالربع فهمونا هي حفلتين وراء بعض فالمدينه

                            هل محمد السناني تقابل مع حبيب او لا ؟؟؟[/align]
                            عالم تويتر



                            abofayeh@

                            تعليق

                            العمل...