محاورة بين سوار الذهب وملفي المورقي؟؟؟؟

طي
X
 
  • التوقيت
  • إظهار
مسح الكل
المشاركات الجديدة
  • شبل مطير
    عضو نشيط
    • Jun 2005
    • 68

    #1

    محاورة بين سوار الذهب وملفي المورقي؟؟؟؟

    هذي المحاورة من حفلة جمعت الشاعر عبدالله الميزاني والشاعر تركي 2000
    والشاعر ملفي المورقي والشاعر عبدلله عتقان
    واخترت منها هذا الطاروق بين سوار الذهب وملفي المورقي
    وان شاء الله انه يعجبكم


    سوار الذهب


    مرحبا ترحيبة نعرف حسبها من نسبها
    في محل امطير والاقصين يوحون الموالي


    مانصدق من يقول النار ماتاكل حطبها
    واتفقد في حلال الناس والا في حلالي


    ملفي المورقي


    البقا والنفس معروف طربها من غضبها
    كل علم دار في بالك على فكري وبالي


    الكتابة مايعرف رموزها الا من كتبها
    كود رجال بخيص فالجواب امن السوالي


    سوار الذهب


    لاتجي في حل مشكلة تراك انته سببها
    وانت غالي والرفيق المحترم طيب وغالي


    العرب (يقلون) كسر اعظامها ثنى عصبها
    والله اعلم ياخوال المورقي مدري خوالي


    ملفي المورقي


    لا تقوله وانت قدامي محول في نشبها
    لا تحسبنك بعيد شرها ياهملالي


    بارك الله فالحلوب وفي يدين اللي حلبها
    رعيها عشب نظيف ودرها بالحيل حالي


    سوار الذهب


    انت مثل اللي تبى تخطر عرب ماهم عربها
    كان ما تبغى سموم القيظ خلك في ظلالي


    ياولد مزيد تبى تضحك عليها و اتغصبها
    مانبى من ماك وانته لا تلوى في حبالي


    ملفي المورقي


    اعتقد لو قلت لي ماقلت صورها وجبها
    العرب ماتعطي الدولار في ربع الريالي


    المراجل روحت ماعاد يبقى الا ذنبها
    والبقية عند ابن غانم وابو زيد الهلالي


    سوار الذهب


    راحت الدنيا هوى ماباقي الاظلم وابها
    الله اكبر ياهبال المورقي ماهو هبالي


    عينك اللي كن راس احجاجها يصبر هدبها
    وانت من ماضي السنين الاوله طالب مثالي


    ملفي المورقي


    الدير ياصاحبي برجالها محد نهبها
    من طلوع اسهيل مصيونه ليا القطب الشمالي


    انت عاصي مير نفسك لينة من حسن ادبها
    مار لو دورت فالشعار ماتلقى بدالي


    سوار الذهب


    وانت جايبلك فرس وبعير تبغى تستحبها
    ياعرب وش بعد راس الذيب عن راس الخيالي


    قوم ياتركي ترى ملفي عقوبه وعقبها
    لاتهبلنا هبوب الشام وانكس عقالي


    ملفي المورقي


    الكحيلة مايشد اعنانها الا من ركبها
    وانت شوف اللي جرالك لاتشوف اللي جرالي


    قوم ياتركي وشوف النار لا تقرب لهبها
    ان قربت النار ياتركي يبى يصلاك صالي

    منقول
  • إبن ثعلي
    كبار الشخصيات
    • Mar 2005
    • 119

    #2
    اختيار موفق ياشبل مطير تشكر عليه
    [align=center]رأس الحكمه مخافة الله[/align]

    تعليق

    • علي الشهراني

      شـــــاعــر

      • Sep 2009
      • 2702

      #3
      لاهنت و مشكووور يا شبل مطير
      [poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      يا بو محمد وش عليه أتحسّر=لا مرقدٍ دافي و لا ماكلٍ حار
      احسلّي اقصْر في شفوفي و اكسّر=اخير لي من عيشة الغار و النار[/poem]

      تعليق

      العمل...