مستور العصيمي مع الفهري

طي
X
 
  • التوقيت
  • إظهار
مسح الكل
المشاركات الجديدة
  • عيال الشايب
    عضو
    • Dec 2003
    • 29

    #1

    مستور العصيمي مع الفهري

    في ليلة تجمع عمالقة الشعر وهم مستور العصيمي،سطان الهاجري،رشيد الزلامي،شايع العياقي،سعيد الفهري
    واخترنا لكم المحاورة بين


    [poet font="Simplified Arabic,4,black,bold,normal" bkcolor="transparent" bkimage="backgrounds/14.gif" border="none,4,gray" type=0 line=200% align=center use=ex length=0 char="" num="0,black" filter=""]
    سعيد الفهري
    مرحبا من هجوس الشاعر المستقيمه=عند ربع نهار الخوف يذري ذراها
    العصيمي علم شعر وبيوته حكيمه=كل نفس نخاطبها على مستواها

    مستور العصيمي
    البقا يارجال تكسبون الغنيمة=من رجال تقدمها وتاخذ جزاها
    السوالف طويله والليالي مقيمه=صاحب الفكر يعرف وجهها من قفاها

    سعيد الفهري
    ما عرف نسل هود الا سالايل حليمه=يوم هذا غداء الدنيا وهذا عشاها
    الشياطين لو تنوي علينا رجيمه=اقرو الفاتحه وتروح عنا وراها

    مستور العصيمي
    اثركم ياسلايل هود ياهل العزيمه=تحسدون الذياب الجايعه في عشاها
    ما يضيع الشداد اللي على وسق ريمه=وانت رجال تعرف وسرعها من بطاها

    سعيد الفهري
    ما ضرينا على الذله وضرب الخريمه=السيوف البواتر مخظبين شباها
    ادري إنك على جور الليالي صتيمه=مير بعض الهقاوي يحسن الله عزاها

    مستور العصيمي
    كل شي مسجل بالحروف السليمه=انشد اللي كتبها وانشد اللي قراها
    عاقب السيل وعاقب السيل ديمه=واحترص لا تثور البندقه في خباها

    سعيد الفهري
    وإن غداء مسح الأحداث مسرح جريمه=كيف تنكر نجوم لا معة في سماها
    الله اللي خلق موسى وموسى كليمه=يقدر يذل قومً ما توقف رحاها

    مستور العصيمي
    يوم ربي رضا عنا ورثنا اليتيمه=مير اخبرك وانته خابر اللي رباها
    أنت راع الجمل اللي عليها الوسيمه=خل كبدك تهنا الماء وتقطع ظماها

    سعيد الفهري
    ما اصعب الفوز يابو زيد بعد الهزيمه=من نساها ذكها من ذكرها نساها
    والله إنا مانبغي جور والا ضليمه=وانت ما تعرف الجمره ولا اللي وطاها

    مستور العصيمي
    والله إنا ليا قابل خصيم لخصيمه=لو بغينا نثير الأرض نلعن ثواها
    ما يعرف الكرم غير اليمين الكريمه=واليدين البخيلة لعنبوا والداها
    [/poet]



    وشكراً
  • وصل العطياني؟؟؟
    مشرف عام
    • Jul 2003
    • 3809

    #2
    بيض الله وجهك...
    وسلمت يمينك...
    محاورة جزلة ...
    من شعراء غنيين عن التعريف...





    تحيااااااااتي.
    [align=center][/align]




    [align=center][move=right]na111na@hotmail.com[/move][/align]

    تعليق

    • متعب العضياني
      عضو ماسي
      • May 2003
      • 707

      #3
      الاخ عيال الشايب

      محاوره اكثر من رائعه بيض الله وجهك على كتابتها
      والله يعطيك العافيه

      تعليق

      • الملافخ
        عضو
        • Jan 2004
        • 1

        #4
        محاورة

        محاورة جميلة جدا

        سلمت على هلاختيار الحلو

        شكرا

        تعليق

        • ابو وعيل
          مراقب سابق
          • Aug 2002
          • 1707

          #5
          محاورة رائعه ...


          اختيار رائع بيض الله وجهك ياعيال الشايب

          تعليق

          • مسرد ولد قحطان
            عضو
            • Feb 2004
            • 25

            #6
            محاوره ولا اجمل......ياعيال الشايب


            بيض الله وجهك

            تقبل تحياتي

            تعليق

            • فرهودي
              عضو ماسي
              • Feb 2004
              • 886

              #7
              عيال الشايب

              محاورة ولاأروع..

              العصيمي علم شعر وبيوتـه حكيمـه كل نفس نخاطبهـا علـى مستواهـا

              دام فيها مستور.. مايحتاج نمدح المحاورة وابياتها.

              شكرا لاختيارك

              اخوك
              فرهودي

              تعليق

              العمل...