مطلق الثبيتي وصياف السحيمي

طي
X
 
  • التوقيت
  • إظهار
مسح الكل
المشاركات الجديدة
  • وصل العطياني؟؟؟
    مشرف عام
    • Jul 2003
    • 3809

    #1

    مطلق الثبيتي وصياف السحيمي

    هذه محاوره بين صياف الحربي شافاه الله ومطلق الثبيتي رحمه الله

    مطلق :
    ابا افزع واطب المعركه عقب قر الهوش=وابا اضرب بسيفي فارس القوم صيافي
    وابا اخذ حصانه ثم اقفل عليه الحوش=ولاعاد نسمع فالبلد صوته الخافي


    صياف :
    ياطيبك ليا حولت فالمنزل المفروش=وعند العلوم الثانيه كيف تنشافي
    تعين لواحد تقدره ثم حوشه حوش=وكسر حسابك ثم يطلع لك الصافي


    مطلق :
    لقيتك صلاة العصر بين العرب مربوش = عسى يالسحيمي ماحصل شر واخلافي
    يامكبر جيوب في طرف ثوبك المنقوش=ولكن مافيها يقع شب واصرافي


    صياف :
    بلشنا بلشنا في طيور بغير عشوش=على راس شجره تحتها يسفي السافي
    تطالع في جيبي وانت وسط البلد حنتوش=وترسل على الجمه ثلاثين مغرافي


    مطلق :
    عصيفير مدري بالمخاليب ويش ينوش=ولاني لريشك يالعصيفير نتافي
    تبى لك صبية راسها بالعطر مرشوش=ورجل قليل المرجله لزم ينعافي


    صياف :
    تعديت حد العلم يالطالب المدهوش=وثوبك ليا حد الركب والقدم حافي
    وانا عارف انك ساحر وتعمل الدنبوش=ويمناك بس الثوب من فوقها ضافي


    مطلق :
    لك الله مأكل من زادك المغشوش=غناوي وفالايام طيب ومتعافي
    انا لو ابيعك ماسويت الك خمس قروش=ولكن باقسمك لارباع وانصافي


    صياف :
    تبى تلعب الكوره ورجلك بغير عروش=لكن اصبر لبكره ويلفي لك اللافي
    ليا بعت بيع اللي تحصل بها عرموش=انا سم ساعه منه تختل وتخافي


    مطلق :
    انا مارجيت الخير من حبك المدشوش=دخيلك تدسه في طرف حجرك الدافي
    ابا اولع الكبريت في قطنك المنفوش=بعدها يجي للناس لجه وغطرافي


    صياف :
    ضحكنا لعلوشه وجابت لنا علوش=ولاادري بقت لثبيت والا للاشرافي
    بغينا ندور لك رحاتك ودارت بوش=وسريتنا بالليل بسراجك الطافي


    مطلق :
    ياراع الحلق والخف والودع والقرقوش=تكسر لنا صوت كما صوت الاسعافي


    صياف :
    تطير الطيور ويقعد الطير ابو طربوش=يدور سباع الصبح يسعى ويطافي
    [align=center][/align]




    [align=center][move=right]na111na@hotmail.com[/move][/align]
  • طلال الثعلي
    مشرف سابق
    • Sep 2003
    • 828

    #2
    رحم الله مطلق

    وشفى الله صياف

    وشكرا لك ياوصل

    تعليق

    • أبوسلطان
      عضو فعال
      • Jun 2003
      • 144

      #3
      استاذ .... وصل

      لاهنت ولا يهونون الربع

      رحم الله الشاعر مطلق

      وشفى الله الشاعر صياف

      تعليق

      • بن بادي
        عضو فعال
        • Jul 2003
        • 112

        #4
        تسلم يمناك يا وصل

        الله يعطيك الف عافية

        والله يرحم الشاعر مطلق الثبيتي

        ويشفي الشاعر صياف الحربي

        الف شكر لك والله يعطيك العافية يالغالي

        ننتظر جديدك

        تحياتي لك

        بن بادي الثبيتي

        تعليق

        • السنــــافي
          عضو
          • Jan 2004
          • 5

          #5
          تسلم ولاهنت ياالعطياني وعساالله يرحم الميت ويشفي الحـــــــــــي

          تعليق

          العمل...