مرحبا ترحيبه يشهد لها الموجود كلـه
تجمع الابداع والقوه وشئ من الجزالـه
واحد ماهو ب.. مروي حد سيفه لايسله
هذي رساله لابن ثعلي ووصلت الرساله
الفالح /
البقا يا شاعـرٍ دايـم علـى مذهـب وملـه
من هجوس الشاعر اللي طيب فعله راس ماله
العرب شافوا لهـم مزنـه عليكـم مستهلـه
والخريف اليا رعد هل الصواقع مـن خيالـه
سلطان الجذع /
فاح صدري من هواجيس المعاني فوح دله
لاتقول انك زميلي ماعلى الموقف زمالـه
ماشربنا الا رهى يوم انت حلقـك ماتبلـه
يبرق البارق جنوب الدار وانته في شماله
الفالح /
ما يصح الا الصحيح اللي توثقه الادله
ساحة الميدان يا سلطان ميزان العداله
يالجذع موضوعكم قلّي عنه دقّه وجله
الاجابه هاتها صاحبك وجّه لك سواله
سلطان الجذع /
يالعضياني ليا طارت عن الخيل الاجلـه
كم وكم من فارس فالمعركه يغدي حلاله
شئ مالك فيه صالح ياطويل العمر خله
الاجابه/تترك الموضوع وتجنب مجالـه
الفالح /
المعادي يالجـذع نفقـع عيونـه بالاخلـه
فعل اهل عمهوج غنّا فيه حتى ابن طوالـه
انت ابن عمّي ويوم انشدك علمي في محله
وان كنيت العلم ابا اترك صاحبي وانشد بداله
سلطان الجذع /
مجد ااهل عمهوج يعرف ..كل رجل شاهدن له
وانته مالك فضل فالحاصل ولاانته من رجالـه
لغزنا محلول وانتـه متعـب افكـارك لحلـه
اثر مايعمي عيون الاجـودي غيـر الجهالـه
الفالح /
الطريق اللي يوصلك الحقايق ما تدلّه
فعلنا وامجادنا نفخر بها في كل حاله
مالها غير الطبيب اللي يداوي كل عله
غيّر اللوحه بلوحه غير يا راع البقاله
سلطان الجذع /
الفعايل لاهلها والا انت صوره في مجلـه
كم وكم عود جسور وتخلف ظنونه عيالـه
كان ماتبغى رفاقتك القريٌـب فيـك خلـه
رح عساها يابن ثعلي روحة مقيط و حباله
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقولون تعرف قيمة الشخص لامن غاب=وانا عارفاً قيمتك وانته معي موجود [/poem]
[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عايشين بعز طول الوقت ما عشنا مذله=من هو اللي ينشد الطرقي عن ذهيبٍ غداله
النجوم اللي مطله ما تشابه للاهله=وانت جبت العيد قبل العيد ما يبدي هلاله[/poem]
[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يذكر اللي حاصل لي !!ناسي اللي حاصل له =منهو اللي ضيع مع اهل الحجاز اطيب جماله
انت ماشفت الكواكب وازي تحت المظله =والله انه مايضحك فالرفيق الا خباله [/poem]
[poem= font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما غدالي شي يذكر والثنا والشكر لله=مار يمكن قالها سلطان ساعة ضاق باله
غير قسمك وش تبا في قسم غيرك تستحله=يا عتيبه يا عتيبه لا يجي فيكم نذاله[/poem]
[poem= font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما غدالي شي يذكر والثنا والشكر لله=مار يمكن قالها سلطان ساعة ضاق باله
غير قسمك وش تبا في قسم غيرك تستحله=يا عتيبه يا عتيبه لا يجي فيكم نذاله[/poem]
ههههههههههههه طيب طيب
الفالح للعب معك متعه .ولمن يلعب معك الفائده
فانت ممن غرفوا البحر ونحتوا الصخر وقطفوا الثمر
لك جزيل الشكر
والشكر موصول لا ابو نجر النفيعي ولجميع من تواجد معنا
تعليق