زيد المطيري وعبدالله ابن عتقان السلمي

طي
X
 
  • التوقيت
  • إظهار
مسح الكل
المشاركات الجديدة
  • ((الدلبحي))

    رابطة محبي الهيلا

    • Mar 2003
    • 6010

    #1

    زيد المطيري وعبدالله ابن عتقان السلمي

    جرت هذه المحاورة يوم الأربعاء21/5/1424هـبقصر الأميـريبــــالــــريــــاض


    زيـــد بـــن سـلـمــي
    مرحبا ترحيبـة مطيـر فاليـوم الكبيـر=يوم توريـد المراجـل علـى حيضانهـا
    ياولد عتقان وش صار في ختـم الأميـر=الهـوى غيـر ستـارة علـى سلمانهـا


    عـبــدالله بـــن عـتـقـان
    البقـا يأصحابنـا وقصرانـا يامطـيـر=مـن سليـم اللـي قبيلـة رفيـعٍ شأنهـا
    ماهناك أخلاف يازيـد والسايـر يسيـر=فيه يـومٍ تهجـر مطيـر كـل أوطانهـا


    زيـــد بـــن سـلـمــي
    أرتفع رأس الحنش وأرتخى رأس البعير=وأحددانا سليـم شرهـت ورى حدانهـا
    لو نويـت الطيـر بالشـر والله مايطيـر=خـل شرهتهـا تعـود علـى جنحانهـا


    عـبــدالله بـــن عـتـقـان
    يالعضيلة طيعني وأسمع العلـم الأخيـر=النهايـه عانـهـا والسـلامـه عانـهـا
    قلتلك عود بـوردك علـى ذاك الغديـر=وأنت تبغى الناس تسقيك مـن غدرانهـا


    زيـــد بـــن سـلـمــي
    ويش عندك من خبـر ياغنـاوي يافقيـر=أطلب الأرزاق واوقـف علـى بيبانهـا
    ياولد عتقـان لأزم تحـدد لـك مصيـر=واصلتـك الحيـة اللـي تمـد السانهـا


    عـبــدالله بـــن عـتـقـان
    يالمطيري وش يحدك على السيف الشطير=روح صوب المهد وأرتاح مـع سكانهـا
    أبشروا لن قادهـا بيننـا سلـك الحريـر=لين نعـرف دايـن مطيـر مـن ديانهـا


    زيـــد بـــن سـلـمــي
    مهدنا ينتج ذهـب حرتـك تنتـج شعيـر=يأهـل الحـرة ياحبـه علـى نيشانـهـا
    لا يهمك كل مرضان أجهز لـه سريـر=ماتجـف الـروس مـادام فيـه أدهانهـا


    عـبــدالله بـــن عـتـقـان
    مهدكم يشبه لسبت العلايـا فـي عسيـر=ديـرةٍ ليمونـهـا يـرجـح برمانـهـا
    يابدو ياللـي تجاراتكـم سمـن ومضيـر=ماتعرفـون المـعـارك ولا فرسانـهـا


    زيـــد بـــن سـلـمــي
    كلها ديرة شـرف كلهـا خيـره وخيـر=ياهـل الخلفـه قطعتـوا نقـذ حيرانهـا
    والله إنك تو ما صرت في عيني صغيـر=روح في شأنك وخل العرب في شأنهـا


    عـبــدالله بـــن عـتـقـان
    السفاره مابقـي وسطهـا غيـر السفيـر=والهنود مـن المجاعـه كثـر جنجانهـا
    والله إنك كنت في نظرتـي شـيٍ كبيـر=ليـن نـارك يالعضيلـة كثـر دخانهـا

    وسلامتكم
  • وصل العطياني؟؟؟
    مشرف عام
    • Jul 2003
    • 3809

    #2
    تسلم يمينك ..
    إختيار اكثر من رائع ...
    ومحاورة جزلة ولا نستغربها على زيد بن عتقان ...


    تحياااااااتي
    [align=center][/align]




    [align=center][move=right]na111na@hotmail.com[/move][/align]

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      ومن يقول سالم وغانم

      تحيااااااااااااتي

      تعليق

      • مرزوق حمدان العتيبي
        مشـرف عام
        • Nov 2003
        • 20403

        #4
        ..
        دائما وانت مميز في اختياراتك يابو حمود..
        محاوره جميله ومعنى ابدع فيه الشعراء ..
        تحياتي لك
        [align=center]
        [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
        فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
        حط حبه في كياني ماتغيّره السنيني = وانثني من دون عرضه بالذراع وباللساني[/poem]







        @Marzouq_MHD
        [/align]

        تعليق

        • ((الدلبحي))

          رابطة محبي الهيلا

          • Mar 2003
          • 6010

          #5
          تسلم يامرزوق على الردود الطيبه من وجه طيب

          تحيااااااااااتي

          تعليق

          العمل...