سلطان الهاجري

طي
X
 
  • التوقيت
  • إظهار
مسح الكل
المشاركات الجديدة
  • ((الدلبحي))

    رابطة محبي الهيلا

    • Mar 2003
    • 6010

    #1

    سلطان الهاجري

    سلطان الهاجري

    يامرحبا ترحيبةٍ في قمـة الضلـع المنيـف
    باللي ورا موج البحور الزرق واللـي دونهـا

    سولف علينا ياسفير الشرق الاوسط في جنيف
    أصحابنـا وشلونهـا وسويسـرا وشلونهـا


    مبارك آل خليفه


    دام البقا بك يا ثقيل الوزن ابو دمٍ خفيف
    وكني عرفت القافيه من قبل لا يقرونها


    ان قلت يا طيب الشتا ما قلت يا طيب الخريف
    وكثر البكا ما رد ليلى في حظن مجنونها


    سلطان الهاجري


    اسمح لي ان اقول لك شريف لو منتب شريف
    الاولـه ياصعبـهـا والثانـيـه ياهونـهـا

    إليا عصتك المركبه سقها وطمّرها الرصيـف
    و إليا متى ماركبت الجمره علـى غليونهـا



    مبارك آل خليفه


    اشره على الجنس الخشن وامزح مع الجنس اللطيف
    وان زل خالـي زلتــه ما اشـك فـي مضمونها


    فزعة قوي الجنب تنفع غير ابو جنبٍ ضعيف
    ليته قعد في شونه و خلا العرب في شونها



    سلطان الهاجري


    أشره على عين المفتح وأعذر عيون الكفيف
    والذيب جر اعواه والورقـا تجـر لحونهـا

    ماعاد في ظهر المطيّه لا شداد ولا رديـف
    يشرونهـا التجـار بالمليـار ويبيعونـهـا



    مبارك آل خليفه


    ان ثوّرت وسط الخبا بقول لطفك يا لطيف
    اخاف لا تظهر عليك الشمس ويشوفونها



    ما دمت يا سلطان ماانت بلا رقيب ولا عريف
    وش دخلك في شغله الضباط لو ينسونها ؟؟؟


    سلطان الهاجري


    الشمس قد بانت وفرقت الحليف من الحليف
    إلين سلمت الأمانـه فـي يـدا مامونهـا

    ماني رقيب ولا عريف ولاخلف ولاخليـف
    سيلٍ ليا حوّل على الهضبه يـدك ركونهـا



    مبارك آل خليفه


    ما دامت احلامك على حد المعيشه والرغيف
    ارتاح وتشــوف الذيابـه لا كلت بسنونها


    مانت برقيب ولا عريف ولا بطل ولا وصيف
    اللـه رحمكــم بالبلاد اللي على قانونها



    سلطان الهاجري


    يامدفـع الجـولان مالـك لاحلـي ولا وصيـف
    الاّ النعامـه يـوم أحلّـي راسـهـا ومتونـهـا

    والشجره اللي في الحسا والشجره اللي في القطيف
    عسـى السحايـب ماتبـل عروقهـا وغصونهـا



    مبارك آل خليفه


    يا خال احبك حب صافي قلب ولسانٍ نظيف
    لو كان خلق الله على الدعوى تلد عيونها


    عساك تبطي حي .. ما قصرت يا وادي ثقيف
    تـروي ضما الساحه بكل انواعها وفنونها

    وسلامتكم
  • الــوآفــي
    عضو اداره
    • Mar 2003
    • 3629

    #2
    سلطان الهاجري

    هرم من اهراام الشعر

    شكرا لك يابو حمود وما قصرت
    [align=center][flash=http://assa97.jeeran.com/azzoz.swf]WIDTH=450 HEIGHT=350[/flash]



    [align=center]



    [align=center]ليا جاء طاري الهيــــــلا يفز القلب فزة شوق[/align]






    ألبوم صور



    مدونه مميزه



    [/align][/align]

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      تسلم على مرورك
      يالغالي والهاجري علم ومعروف


      تحيااااااااااااتي

      تعليق

      • مرزوق حمدان العتيبي
        مشـرف عام
        • Nov 2003
        • 20403

        #4
        سلمت يابو حمـــود على حسن اختيارك
        محاوره جديره بالقراءه ... ونشكرك عليها...
        كل الود
        [align=center]
        [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
        فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
        حط حبه في كياني ماتغيّره السنيني = وانثني من دون عرضه بالذراع وباللساني[/poem]







        @Marzouq_MHD
        [/align]

        تعليق

        • فرهودي
          عضو ماسي
          • Feb 2004
          • 886

          #5
          حلوة..

          وممتعه..

          ومايحتاج لها تعليق.. ابن وسام فيها

          شكرا ابوحمود..

          تعليق

          • القاضي
            عضو
            • Dec 2004
            • 3

            #6
            بيض الله وجهك
            تقبل تحياتي

            تعليق

            • الديحاني2005
              عضو
              • Dec 2004
              • 17

              #7
              تسلم يابوحمود
              بس ليه الغياب عنا

              تعليق

              • ((الدلبحي))

                رابطة محبي الهيلا

                • Mar 2003
                • 6010

                #8
                مرزوق _فرهودي _ القاضي
                اشكركم على المرور والتعليق الجميل والرائع
                الديحاني 2005
                لو اغيب ماغيب عن مثلك وشرواك وغيابي عن المنتدى انا في الحج

                تحياااااااااااااتي

                تعليق

                العمل...