ديواني المتواضع....ابراهيم الزراقي

طي
X
 
  • التوقيت
  • إظهار
مسح الكل
المشاركات الجديدة
  • ابراهيم الزراقي
    شـــاعــر
    • Nov 2006
    • 1370

    #1

    ديواني المتواضع....ابراهيم الزراقي

    السلام عليكم ورحمة الله وبركاته




    اهدي ديواني الشعري لأعضاء منتدى الهيلا





    واتمنى ان اكون وفقت في اختيار قصائده












    ((الهنوف ))


    [poem=font="simplified arabic,5,darkblue,normal,italic" bkcolor="transparent" bkimage="" border="none,4,gray" type=0 line=1 align=center use=ex num="0,black"]
    الهنوف الي خذت قلبي وانا قلبي رهيف=لاحقه فالوقت همن لايغيب ولايزول
    ماتولع غير فيها يوم كلن له وليف=يعشقه ويقول فيه من القصايد مايقول
    كيف؟لاتسأل ولاتنشد ولاتهرج بكيف=مساله صعبه ومال المسأله عندي حلول
    اذبحتني بالهدب والطول والخصر النحيف=واسحرتني بالجمال الوايلي بنت الاصول
    الجمال الي تميزبه ترى ماله وصيف=والاصاله ورث اهلها مالها عنها عدول
    جابها شيخن على الطالات مايرضى الرديف=وده يكون الوحيد الي على ضهر الذلول
    صيرمين منطنخ بالطيب والساس العفيف=ماعرف هم الليال ولاحسب ثقل الحمول
    يوم ناداها وجاته مشيها مشي الكفيف=واخضعت له قالت انته غايتي بين الزحول
    من عرفها ماجهلها (ماجهلها الا ضعيف)=ومن نساها جعل ماله عند خلق الله قبول
    حبها فالدم من نجران لين اقصى طريف=ومن بحر جده ليا بحر الخليج اهل الفعول
    اسمها دار السعود الي لهم فعلن كليف= الملوك الي حموها بالسيوف وبالخيول
    السيوف الي معاهم تهدم الضلع المنيف=ماحملها كل رجالن على البيدا خجول
    والمهار الي علاها مابعد جاها عسيف=ماعسفها غير شيخن يعرف يصول ويجول
    اهتموها مسقمين الضد فاليوم العصيف=لين صارت ديرتن وحده بعد كانت فصول
    وابذلوا فيها المراجل لين صار الصمد ريف=ثم ساد الآمن فيها كلها عرضن وطول
    ترمز النخله لخير وللعدل حدٍ رهيف=في علمها الشامخ الي ماتنكس كل حول
    يابلادي يابلاد العز والدين الحنيف=يابلادن في روابيها ضهر نور الرسول
    من يلوم القلب في حبك ترى ماهو شريف=ومن يساوم في غلاتك مامعه عقل (مهبول)
    والله اني ماعشقت الا بصدق ودون زيف= ولاكتبت الا قصيدن يدخل العالم ذهول
    واتتي اكبر معجزات الشعر دام العز سيف=والقصايد تفتخربك والحكي عنك يطول
    ان بغيت امدحك مدري وش اقول او وش اضيف=وان بغيت اوصفك مدري وش اضيف او وش اقول
    انتي اكبر من قصيدة مدح من قلبن نضيف=وانتي اعضم من مشاعر شاعرن وصفه يطول[/poem]


    ((يحقلي الفخر))
    [poem=font="simplified arabic,5,black,normal,normal" bkcolor="transparent" bkimage="" border="double,3,black" type=2 line=1 align=center use=ex num="0,black"]






    الا ياهاجسي حياك ماني قايلن بعد ايش=دعيتك من عصر والليل حل وجتني جيوشه
    طغى صمت الضلام العتم وانته مشيتك بشويش=تقول انك هنوفن تقصر الخطوه على الكوشه
    عسى ماشر يالبطاش ياالي تعشق التبطيش=ورى جيتك هالحزه وانا من عصر لي شوشه
    وش الي غيبك عني ترى وضعك يبا تفتيش=من اول لادعيتك جيت لو الروس مدشوشه
    اذا قصدك وفاء الوافين صعب وللعرب تنبيش=عليك الله وامانه مايجيك من الحكي نوشه
    صحيح ان الشعر يعجز يوفي والكلام يطيش=ولكن السيوف الباطشه ماهي بمبطوشه
    حذاري تعتذر دام العذر مايروي العطيّش=ولا يبري قلوبن من صدوف الوقت مخدوشه
    لكنك حاول وكافح تراها قفلت بالشيش=وترى ثلثين ليلي من عيون النور مطشوشه
    بلاش من القصيد الي يجيب الهم والتشويش=مادام ان العرب تال الليالي جالها غوشه
    انا مطري على بالي كلامن حارب التهميش=لو إن الفكره من اصحابي الشعار معروشه
    لكني صغتها صادق مشاعر واكره التغشيش=ولا اصدق من بيوتن من ورى الاضلاع منبوشه
    يقولون الفخر بين الرجال اهل الفعول يعيش=وانا اقول الرجال بدون فخر تعيش مخروشه
    صحيح ان المهايط مايفيد ولايوكل عيش=ولكن عيب تبقى امجادنا فالصدر مخشوشه
    ابا افخر والفخر نعمه وانا ماعشت للتطنيش=خلقني ربي بعزه امد الطيب واحوشه
    ابا افخر في بلادن يمها كل العيون تشيش=عيون الي ترك سجادته من صبح مفروشه
    بلادن لجلها ناقف وناطا من يبا التخييش=ولن مست دمانا فوقها بالعز مرشوشه
    مادام اني سعودي ليش ما افخر في بلادي ليش=وانا من شعب ليثن ما ارمشت بالذله رموشه
    سعودي من ديار الصاملين اهل الرمك والجيش=سلاطين الرجال الي رقوا للمجد وعروشه
    سعودي والسعودي طير حرٍ ماسقطله ريش=فعوله في جبين المجد والتاريخ منقوشه
    لنا هيبة ملوك الارض مانرضى هوان العيش=ولاعشنا على الخيبه ولاضعنا مع الطوشه
    لنا بين العرب فعلن يركد من براسه طيش=ليا جبنا صوارمنا وقمنا في نحى الهوشه
    تربينا على دين الإله وسنة ابن قريش=واخذنا الطيب غصبا يوم بعض الناس مغشوشه
    اقوله والرجال مقدره في كل دار وجيش=ولايهظم حقوق الناس غير اللاش وطروشه
    اقوله واحمي القاله واركد من براسه طيش= مادام اني سعودي من ديار المجد وعروشه
    [/poem]




    ((اعيااااد الفرح))


    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
    تباهي ياهواجيس القصيد وخلي الاحزان=تباهي وأتركي كل العقول اليوم مذهوله

    تباهي وألبسي عقدن ملاه اللول والمرجان=مادام ان الفرح في وسط صدري تركض خيوله

    أنا الليله مثل من تاه فالصحراء وهو عطشان=وشاف الهجره الي نارها للجود مشعوله

    شعوري غير وإحساسي يفوق الوصف والقيفان=قسم بالله لو بأوصف شعوري ماني بحوله

    يقولون العياد اثنين لازود(ن) ولانقصان=وانا أقول الزياده في عددها اليوم معقوله

    إذا الاعياد بالفرحه تقاس ولاني بغلطان=أنا اقول أربعه والناس غيري كلن يقوله

    ومن يبغاني أبرهن كلامي مستعد ألان=اعددها عليه الأربعه والنفس مسئوله

    الأول عيد من صام رمضان ويطلب الغفران=لعل ذنوبنا لاحل بالغفران مشيوله

    والآخر عيد من ضحى وكفه بالكرم مليان=ولاهمه بخيل(ن) كفه من البخل مشلوله

    وثالثها سلامة سيدي راع الكرم سلطان=عسى من لايحسبه عيد بات بنفس معلوله

    لاوالله عيد واكثر من فرح بحلوله اليتمان=ضعوف(ن) من ولي العهد محفوله ومكفوله

    غشتهم فرحة الدنيا بعد مابين الديوان=علوم(ن) عن سليل المجد حصريه ومنقوله

    غشتهم واغتشتنا وأسرفت في داخل الوجدان=طغت وسطه وحزن الوقت روح يسحب ذيوله

    تعايدنا من الفرحه من اقصى الجوف لانجران=ومن شاطي بحر جده ليا الدمام وحقوله

    تعايدنا ومدينا كفوف الشكر للرحمن=ومحانينا بعد ضاقت من الافراح منزوله

    هذا هو عيدنا الثالث وباقي للفرح عنوان=مادام إن العناوين أربعه فالصدر محموله

    ومن ينشد عن الرابع بعد ربي كتبه وبان=اجاوب له لو إن العيد كلن لاحظ حلوله

    ترى الرابع قرار الحاكم المتمكن الشيهان=قرارن في تفاصيله سيوف الجود مسلوله

    تباشرنا وبشرنا بعضنا والمطر هتان=بعد عين وزير الأمن نايب ثاني الدوله

    حفظك الله يانايف لنا يامعرب الجدان=حفظك الله ياأميرن تقول العلم وتطوله

    حفظك الله ياألي ماقفك تشهدله العربان=حفظك الله ياثالث دروع الدار وزحوله

    فرحنا بك فرح حاتم ليا من جوله الضيفان=وغنينا من الفرحه على القيتار وطبوله

    فرحنا بك وحنا لك سند يافارس الفرسان=على الأرواح تامر ياشجيع(ن) تبهر فعوله

    فداك الروح يابن مسطرين المجد فالميدان=سلاطين(ن) شواربها على الطالات مفتوله

    وفداك الشعر لو الشعر في وصفك جلس عجزان=لكن الله يجملنا ندل الحق ونقوله

    تباهي ياهواجيسي وميلي ياغصون البان=مادام إن العياد الاربعه للناس مقبوله

    وش أصدق من ثنين(ن) جات فالسنه وفالقران=مشاعرها من الأفراح ممتليه ومبهوله

    ووش احسن من سلامة سيدي راع الكرم سلطان=وتعيين الامير الشهم نايب ثاني الدوله[/poem]





    ((المنزل المهجور))



    [poem=font="simplified arabic,5,firebrick,normal,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    رغم كل الضروف الي تحيط بعالمي وتـدور=سرجت القاف والهاجس كتبت اليوم مسراحه
    على ذاك الطريق الي يمر ويلتـوي بالبـور=رحلت وخافقي تحت الضلوع احس بنياحـه
    رحلت بعيد بفكاري من اسباب العنا والجـور=على درب الغرام الي غرس من شاني رماحه
    مشيت بلهفة المغرم مشيت بخطوة المقهـور=ادور للحبيب الي رحل واحرمنـي الراحـه
    رحل عن دنيتي غصبا رحل عن دنيتي مجبور=رحل ماشافته عيني بعـد ماحـان مرواحـه
    رحل والدمع من جفني على وجه الحيا منثور=ولاخلا سوا هـم الزمـان وغايـة اتراحـه
    مع البيت الصغير الي بقى في غيبته مهجـور=له اسنين امتعشعش مالمحنا نـور مصباحـه
    نمـره لاتذكرنـا سنينـن روحـت فالـدور=ونجلس جنب بابن ماسمعنا صـوت مفتاحـه
    نحاول نرجع الذكرى ولكن الزمـن مغـرور=خذا منا جميع الذكريـات وهبهـب أرياحـه
    زمانٍ ماصفالي وان صفى ساعه عليه قصور=حرمني بسمتي واسدل ضلامه واطلق أشباحه
    حرمني شوفتك ياصاحبي يابهجـة المسـرور=ومثلك لاحضر تحضر معاه بـروق لواحـه
    الا ياصاحبي وانته تعرف الخافـي المستـور=وتعرف قدرك الي في خفوقي ماحدن زاحـه
    تعال وردلي فرحة حياتـي ياشعـاع النـور=تعال وقول احبـك لوهـا بشعـور مزاحـه
    دخيلك لاتخليني كذا عايـش بـدون شعـور=يمـر العيـد ويعـدي ولاحسيـت بافراحـه
    دخيلك لاتخليني على جمر الغضـا مكسـور=رماني حضي العاثر على الهجران ورماحـه
    اناماهمني فـي دنيتـي شهـره ولاجمهـو=ولاني من ضحايا سوق الاسهم واطلب ارباحه
    انا الي جازف بعمره لجل يبقى معك مسرور=نسى بن الهوى فالوقت ماله للأسـف راحـه [/poem]




    ((ضيافة الهم))


    [poem=font="simplified arabic,5,black,normal,normal" bkcolor="transparent" bkimage="" border="ridge,1,black" type=2 line=1 align=center use=ex num="0,black""] الهم ضيف(ن) لانصاني قلت والله ولعنَه=ماهو بخل مير الكريم صدوف وقته باقته

    ضيف(ن) ثقيل ومحترف فالجمركه والمسكنَه=قليل عرف وحكمة الأقدار يمي ساقته

    في كل ليل أضيفه دام الضيافه ممكنَه=وأبيته ليت الضحى ينثر علي إشراقته

    وأليا أشرقت شمس الضحى ينهض تقل جاه طعنَه=وأخذ رحول(ن) من طمعها قوت ذودي حاقته

    وقبل يروح أمهد دروبه ورحله ممنَه=وأودعه وأ قول يالله لاتعيد لفاقته

    وأليا أ قبل الليل وغدت روس الرعاه مطمنَه=وباتوا مدورت الغبوق مع اللباء ولعاقته

    عود علي وجاله بصدري قريع وحنحنَه=وأ قوم وأعشيه وأدخِل مع نياقي ناقته

    أنا الكريم ألي بناله بالمكارم سلطنَه=مير الكرم من بعض خلق الله تموت لياقته

    بعض الضيوف إن جات فصدور الكرام مسكنَه=وبعض الضيوف تسبب لصدر الكريم ضياقته

    وأنا أتباها بالمكارم والرجال مومنَه=لكن هذا الضيف نفسي ياعرب ما أشتاقته

    تخيلوا جاله سنَه فالصدر وأكثر من سنَه=وغيره ليا جاله ثلاث أيام ياخذ فاقته

    ماغير ملبد خلف عوج(ن) بالعنا مستوطنَه=وإن جيت ألمحله عرفت إن الغباء إعاقته

    ثقيل ( دم ) وقصته في وسط صدري مزمنَه=وأنا أستحي لا أ قول ( قم ) والغيض نفسي ذاقته

    من سبته جاء للفقر عندي طبول ودندنَه=وأهوه ولاهمه مدوبح فالعشى وعذاقته

    ثقل عليه له سنه ياشينها والله سنَه=لين أخرتها مابقي فمراحي ألا؟؟( ناقته)[/poem]



    ((لحون العود))


    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
    أطربيني يالحون العـود مـن فضلـك ثوانـي=خاطر المشتاق ضـاق وزادت الدنيـا ظنونـه
    سمعيني صوت أبو نايف مـادام العمـر فانـي=ودي أدله عن غرابيـل الليالـي مـع لحونـه
    وإن تجاهلتـي كلامـي لاتجينـي بالأغـانـي=خلي الخاطـر فحالـه لابـو الوقـت وفنونـه
    ياسعود الراس خـاوي قـرب البـن اليمانـي=ماورى الدنيا سعـاده والزمـن ياشيـن لونـه
    حالتـي مترديـه بالحيـل والواقـع عصانـي=والطموح الي رجيته راح وأقفى مـع ضعونـه
    مابقى فالوقـت حلـم ولابقـى عنـدي آمانـي=غير هم(ن) ضايق الخفاق وأركى بـه طعونـه
    آآه ياشيـن الخيانـه والتجـافـي والهـوانـي=في عيون الـي عيونـي ماتحـب الا عيونـه
    آدمـي(ن) بالفـراق ولوعتـه حطـم كيـانـي=والغلا بالرخص باعه مانشدنـي عـن زبونـه
    ماتوقعتـه بعـد كـل والوفـاء منـي نسانـي=لين شفت الصد والهجـران والنكـران دونـه
    يوم شفته فـز قلبـي وأختلـف حتـى مكانـي=وأنهمل وبل الفراق المر مـن صـادق مزونـه
    أذكر اني من همومي ماقـدر ينطـق لسانـي=غير جملة لعن أبو حيـك ورى قلبـي تخونـه
    قلتهـا والـي بعدهـا مالهـا عنـدي معانـي=تمتمه فـي تمتمـه والصـدر زايدتـن غبونـه
    العبايـر خانقـه والعشـر مـن بعـده ثمانـي=والليالـي جايـره والحـظ منحنيـه متـونـه
    راح مثل الخيل لاعيـت علـى لبـس العنانـي=يوم صاح المنـذر الـي يطلـب الله والمعونـه
    تطـوي البيـدا ويقفاهـا عريبيـن المجـانـي=والعرب ماتقبـل الميلـه ولاتـرض المهونـه
    راح مقفي والحزن عـم الشـوارع والمبانـي=مابقى بيتن مطـرف ماشكـى ضلمـة ركونـه
    كلها حطت مراسيـم العـزاء فـوق التهانـي=وأستدار الصمت فيها والضلام أطلـق شجونـه
    راح والدنيـا بعـد فرقـاه مافيـهـا آمـانـي=ضج صوت الخوف فيها وأنكشف ستر المصونه
    راح والمجنـون لابـده مـن جنونـه يعانـي=كيف لا وأغـلا محبينـه ورى قصـة جنونـه[/poem]



    ((يا أمة الاسلام))



    [poem=font="simplified arabic,5,royalblue,normal,normal" bkcolor="transparent" bkimage="" border="double,4,skyblue" type=2 line=1 align=center use=ex num="0,black"]

    الليله المعنى خطير وخاطري جوفه كلام=ودي أقوله بس أخاف يقوم عج المعركه

    ماخوفتني ميلت الايام في شرقٍ وشام=خايف كلامي لايجي وسطه حروف مفبركه

    لن الزمن هذا خطير ولابقى فيه انتظام=وكم راس شيخن راح عقب العز في وسط شركه

    على العموم الصدق مامثله على البيدا حزام=دام الحقايق في صدور أهل الهروج مشبكه

    هذا الزمن رحنا ضحيه من ضحايا الانقسام=واعلامنا رغم التواجد صار مافيه بركه

    هذا الزمن قل الادب وانشل معنى الاحترام=والي تفاخربه جدود العرب صرنا نتركه

    هذا الزمن صرنا ندور من هل المنكر سلام=وحنا منول من يعادينا خشيمه نفركه

    راحت فلسطين الجريحه من قبل ستين عام=وراحت بلاد الرافدين وكلنا ماش حركه

    أستهدفونا الغرب وأغرونا بتطبيق الحرام=لين الشباب أمسوا ثلاث أرباع وسط التهلكه

    الي يطبل للولد والي يغني للمدام=والي يشكشك في زمانن مايعرف الشكشكه

    والي يدافع عن حقوق البنت يامال العسام=لو أن ماله من حقوق البنت غير الجمركه

    وضعن خطير ولاعلى المسكين والضايع ملام=اللوم يلحق من يشوف الدم غيره يسفكه

    يا أمة الأسلام دام يدينكم تقوى اللجام=مافيه داعي للمذله من يهودن مشركه

    تكاتفوا ثم أرجعوا للدين يانسل الحشام=والدين رابط بين كل الناس لازم نشركه

    لو كل مسلم في صلاة الفجر جاء خلف الإمام=ماكان شفت الي حصل وإن صار شي(ن) ندركه

    ولو كل مسلم طبق الاسلام بأحسن مايرام=ماكان شفت المسلم يفجر فوسط المملكه

    ولو كل مسلم لا سمع زله بسيف الحق قام=ماكان شفت الدينمركي يرسم أصور مضحكه

    يستهدف محمد عليه أفضل صلاتي والسلام=وحنا نعاين والجفن من ماجرابه نعركه

    وقتن يشيب راس منهوا عاش في سن الفطام=ويهل دمع الشايب الي كل حاجه تربكه

    لو انها صارت فعهد الراشدين أهل الحسام=ماكان شفت الضعف فينا والجمال مبركه

    قاموا على وضح النقاء والنور جلاي الضلام=وجتك الفعول الي مثل حد السيوف المنهكه

    لاكنها صارت فعهد الحاكمين أهل الوسام=الي منول لاطغى طاغي تجيه وتهلكه

    ياقادة الأمه هل الوقفه ليا حصل الزحام =والله صعبه مجدنا المفقود مره نتركه

    ماهي غريبه لو نعيد المجد من بعد العدام=بس الغريبه لأنهزمنا دون جيش ومعركه[/poem]




    ((دمثين الجناب))


    [poem=font="simplified arabic,5,darkblue,normal,normal" bkcolor="transparent" bkimage="" border="double,4,skyblue" type=2 line=1 align=center use=ex num="0,black"]


    ياالي تفاخر كل يوم بفعل دمثين الجناب=أفخر بمدك لاتفاخر بالرجال ومدها
    عطنا فعولك مع هل الوقفه مادام الراس شاب=خل العرب وأفعالها منته بجاين قدها
    وعطنا فعول جدودك ألي نصهم تحت التراب=يوم الرجال أهل الفعايل تفتخر في جدها
    وأن كان مالك فالمراجل لاظعون ولاركاب=أبعد عن أهل المرجله لاتدرق في سدها
    طيب الرجال ألهم ولالك عندهم طاقه وباب=ولأنته خشير أهل الفعول ولأنت واقف ضدها
    حنا صبرنا والصبر فالوقت مايملا نصاب=ونص الوجيه الي مثل وجهك تعدت حدها
    لاتحسبنا مانفرق فالخطيه والصواب=ولانميز بين مزح أهل الهروج وجدها
    لاوالله الا نعرف الطيّب ونحسبله حساب=وألا الهلايم ياعسى الله مايكثر عَدها
    سود الليالي علمتنا العلم قدام الكتاب=والخيبه ماهي لنا والطيبه نرتدها
    الله كسانا المعرفه قبل العمايم والثياب=والمرجله قسمن لنا وموسمين(ن) خدها
    لكن ريح فالبسيطه لاتشره فالسحاب=ودوك العلوم الوافيه للي سواتك ودها
    الرجل لن كانه رجل من روس قومن ماتهاب=ماهمه هروج الضعوف الي هزيلن ردها
    في ذمتي ماينتعير فالزمان ولايعاب=مادام فعله جزل من بين الفعول وبدها
    وألي موردها على الهزله وبيته من خراب=ماهو مضوي منفعه والنفس هذا ودها
    والله لتبطي جرته خلف المتاهه والسراب=مادام نفسه للشتيمه والهضيمه حدها
    عساه فدوه للرجال وللحرار وللذياب=وفدوه لناقضة الجديل الي ماغير تكدها
    أحسن له يصابي مع العربان ويشيل الزهاب =وألا الجزيله مستحيل انه يحصل عِدها
    وختامها مال الشؤال أليا انطرح غير الجواب=ماتعمر بيوتن معاصير الزمان تهدها[/poem]



    ((يانمر بن شباب))



    [poem=font="simplified arabic,5,sienna,normal,normal" bkcolor="transparent" bkimage="" border="double,4,burlywood" type=2 line=1 align=center use=ex num="0,black"]
    يانمر أبن شباب مايطري القاف=الا وانا بين الهموم الصعيبه

    اداري الايام ماشفت الانصاف=من ينتصفلي من حياتن عجيبه

    حالي تردى والبلا القلب مهياف=خطير لوعات السنين تغديبه

    ماغير اهوجس بين معنى ومحراف=واجر صوتي بالحون الغريبه

    وارقى واسج الرجل في كل مشراف=وألد عيني فالجبال الرقيبه

    من حالتي يانمر دنياي تنعاف=الحال مزري والمواقف غصيبه

    شربت كاس الهم والغربله حااف=وعانيت من سقم الجروح العطيبه

    واطعمت مر الوقت مرات واضعاف=وشديت ضهري بالحمول التعيبه

    اشيل حمل(ن) لو يشيلونه اضعاف=يمدا عليهم فالليالي نصيبه

    لكن بقعاء كلها جور واجحاف=وحلم الليالي حادرن مع شعيبه

    ماعاد باقي فالزمن طيب ينشاف=والرجم عيا ينصف الوقت ذيبه[/poem]



    ((الصداقه عقيمه))


    [poem=font="simplified arabic,5,black,normal,italic" bkcolor="transparent" bkimage="" border="groove,3,burlywood" type=2 line=1 align=center use=ex num="0,black"]
    ياصاحبي طالبك لاترفع الصوت=دام العلاقه والصداقه حميمه
    عاتبتني وعتابك اقوى من الموت=واحد من حد السيوف الصريمه
    وظلمتني والظلم للحق تابوت=واقسى عذاب من الهموم الظليمه
    وش مقصدك من هرجتن شتها شوت=يمي وأنا ما ارضى لنفسي هظيمه
    ماتدري إن الكذب سايد ومفلوت=في عالمن فيه الصراحه جريمه
    ولاتدري ان الزود فالهرج مكفوت=ولاعاد تاصلنا علومن سليمه
    اهل النمايم تخطف العلم وتفوت=ولامنهم الي جايبنله غنيمه
    كلن على رجم المتاهات منحوت=ولاعندهم مبدأ وقيمه وشيمه
    لاشافوا الرجال ضايق ومكبوت=سوو على نقل الحكاوي وليمه
    وإن جيتهم بالصدق مافاتك الفوت=كلن ليا شافك يذب الخريمه
    لاشك نقل الحكي مايعمر بيوت=مير البلا وين العقول الفهيمه
    راحت ضحيه بين هافي وهلفوت=واستسلمت وأرخت حبال العزيمه
    حتى الصحيب الي له الطيب مكتوت=اصبح يدور في صحيبه نميمه
    مدري حداه الوقت والوقت طاغوت=والا الصداقه في زمنا عقيمه
    لكن دام الصوت ماهو بمخفوت=ماتنحنـي روس الرجال الحشيمه
    لابد ياتي يوم والعالم سكوت=وتظهر معه كل العلوم القديمه
    الكذب حبله كل ماطال مبتوت=والصدق يضهر والحقايق مقيمه
    والرجل لن كانه للامجاد منعوت=ماههمه افكار العقول السقيمه
    مادام فعله لاقسى الوقت مثبوت=تبطي متاهات الزمن ماتظيمه
    اقولها والعلم ماهو بملفوت=وانا علومي كلها مستقيمه
    ماني بلا ضايع ولاني بسربوت=حرن تعلى مع حرارن عديمه
    آرد على هداج واهيجن الصوت=وأشوم عن بعض العلوم الوخيمه
    ماهمي المرقد ولاهمي القوت=لو عشت في وسط البحور الطميمه
    اكبر همومي لن بغى الناشد ثبوت=المرجله والطيب وشداد ريمه
    وغاية طموحي مع هل الرنج والحوت=قولة(نعم) عند الرجال الكريمه
    لكن طبع الوقت جاير وطاغوت=إن ماصفى زاد القسى والظليمه [/poem]



    ((ياعــــــين))


    [poem=font="simplified arabic,5,black,normal,normal" bkcolor="transparent" bkimage="" border="double,1,gray" type=2 line=1 align=center use=ex num="0,black"]
    ياعيـن والله مايفيـدك لـو تهليـن الدمـوع=دام الحبايب مادروا عنـك ولاجاهـم خبـر
    خلي دموعك لليال الي تلـوع الكبـد لـوع=والا المحبه ياعيونـي مالهـا غيـر الصبـر
    اليا متى وانا اترجى والشقاء بيـن الضلـوع=والهم أشوفه كـل ماسجيـت فالدنيـا شبـر
    وأليا متى وأنا اتحرى من ربوع اليـا ربـوع=والخاطر المكسور ماحصل عـلاج ولاجبـر
    اسنين عمري روحت واقفت وانا قلبي جزوع=ماجاه من جور الزمن كود المأسـي والعبـر
    هذي ثلاث اسنين اجر الصوت وهمومي تنوع=بين الرجاء والياس مالـي لانديـب ولاسبـر
    كله سبايب مهرتن راحت على درب الجموع=ماعاد ندري وينها والوقت من طبعـه غبـر
    اقفت وقفت فرحتي معها وانا مانـي قنـوع=لازلت ادورها مع العربـان ورقـادي ثبـر
    مدري نبا نلقى عرب زين الوصايف والطبوع=والا نثرنـا همنـا بيـن الدفاتـر والحـبـر
    لكن ياعين الشقـاء ماينفعـك ذرف الدمـوع=أرضي بحضك لاتهيأ واخـذي الدنيـا عبـر [/poem]




    ((سر ياقلم))



    [poem=font="simplified arabic,5,royalblue,bold,italic" bkcolor="transparent" bkimage="" border="double,5,darkblue" type=1 line=1 align=center use=ex num="0,black"]
    سر ياقلم واكتب على قافية أوخ =قصيدتن جزله بها الكيف ينساق
    كيف القصيد الي من الراس مطبوخ=أبيك تقعدبه خوا كل مشتاق
    أكتب قصيد الي من الهم ملموخ=وأرسل معاناته على بيض الأوراق
    للصاحب الي قدره بصدري ينوخ=تحت الضلوع العوج في وسط الأعماق
    الصاحب الي عاش صاطي ومطنوخ=ماهمته دنياً بها خاطري ضاق
    قله ترى صاحبك للهم مرضوخ=راحت حياته كلها بعد وفراق
    عايش بعد فرقاك كنه وسط كوخ=مثل المريض الي له سنين مافاق
    واليا ذكرك يسج مع كل صلبوخ=ويشوف زولك كل مالاح براق
    ماهو بلا فاقد ولاهو بمصموخ=لكن قلبه رايحن كله حراق [/poem]



    ((الأوادم والأخوه))




    [poem=font="simplified arabic,5,firebrick,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    ياهجوس الشعر مدري ياعفاريته وجنه=امتلا صدري حزن والوقت زود في حنوه
    وقتن الله لايعاقبنا غدا مقروع شنه=كل ماقلنا يبا يصفى تعكر صفوا جوه
    والسبب مدري وشنهوا مير يادنيا المضنه=القناعه حق للي ماقدر يلحق عدوه
    وش نسوي دام بقعاء مالها مذهب وسنه=مالنا غير الصبر دام الفرج يصعب دنوه
    مير حتى لو صبرنا مابقي رمحن نسنه=اختلف طبع الاوادم وانهى معنى الاخوه
    الآوادم نصفهم مثل المجنن في مجنه=صابها شيٍ جعلها لاتمد ولاتنوه
    ولايدل الدرب لو انك تقول (الدرب منه)=ولايفكر فالزمان الي غدا نصفه مشوه
    ضيعوا سلم الجدود وكل واحد خان فنه=والرجال الي عليها العلم صاروت ماتفوه
    نصفهم يالله دخيلك ماعرف هيله وبنه=ولايعرفون الخيال الي ضهر فالجو نوه
    حالهم مزري وكلن في طريقه حسب ضنه=والمصيبه فالزمن ماعندهم صبر ومروه
    يحسبون المرجله مضهر وشكل وزود لنه=بس دق الغتره البسام والمرزام سوه
    مادروا بن المراجل خيل ماكلن يعنه=مايعنه كود رجالن معه مبدا وقوه
    والصداقه في زمنا مثل شي(ن) طاح طنه=مايفيد ولايزيد ولا يسومه غير بوه
    اكثر الاصحاب مايوفي معك بالطيب لنه=مايعرف الطيب والنخوه ولاعنده حموه
    واغلب الاصحاب يمشي بين حسد وبين منه=نيته شينه وهو يضحك معك في علم توه
    حالتن يرثالها والقلب فيه اليوم ونه=والزمن ماهو زماني والفرح مابان ضوه
    والصحيب الوافي الصافي غدا همه يكنه=راح مدري مات مدري ضاع فالوقت بهدوه
    يامداغيش النشاما مايرد العلم عنه=من يقول ابشر عطيته كل شي(ن) به تفوه[/poem]



    ((شاعر المعنى))



    [poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
    يقولون الشعر بعد الثبيتي للأسف ينعاف=ويقولون الشعر بعده مكسرتن مجاديفه
    وانا بحساس حزنن يدرج في داخل المجداف=اقول وهاجسي مهرن عجزت القى تعاسيفه
    رحمك الله ياشيخ(ن) رقى بالشعر فالمشراف=ومات وهاجسه ثابت على قمة مشاريفه
    رحمك الله يامطلق وجعلك بالهناء تنشاف=على باب النعيم الي عجزنا في تواصفيه
    لأنه شاعرن مبدع وشعره للقصيد انصاف=يهوجسبه حزين(ن) خانه الوقت وعواصيفه
    لكن الشعر بعده حي يرزق ماعليه خلاف=وشعرن انقذه مطلق حرام يموت ونعيفه
    نبا نسمع جزيلات المعاني والبقا للقاف=ومن لايحكم القيفان مانرضى تصاريفه
    واذا مطلق توفى باقي(ن ) معنا سيوف ارهاف=مع اني في اواخر وقتنا شايف هنا طيفه
    ضهر من ربعه الوافين شاعر يبدع المحراف=خليفة مطلق الراحل ضهر واضهر محاريفه
    يسمونه ويدعى فالزمن سلطان ابو هياف=شجيعن في دروب أهل الشهامه شاهرن سيفه
    اصيل وعنده ثقال الامور مع الدروب خفاف= عريب وصاطي وصامل ولاعمره عرف خيفه
    جزيل ولامشى يمشي عدل مايطمر الاكتاف=على وضح النقاء ماهمه الوقت وملاقيفه
    ماهو مثل الذي يندف لجل يصير وسط غلاف=لا والله فارضن شعره غصب والراي من كيفه
    من ثبيت الكرام أهل الوفا والطيب والميقاف=لياحمي الوطيس وبان كلن من مواقيفه
    ثبيت اهل الكرم والجود يومن السنين عجاف=لهم تاريخن ابلج والشهامه زود تشريفه
    اقوله يوم انا من عزوتن فالمعرفه عراف=ذوي زراق ربعي والفخرر فالراس تصنيفه
    ذوي زراق سقم الضد لاجاء للحريب اهداف= مقابيس الوغا زبن الدخيل ان جت صواديفه
    انا ابراهيم ابن خلف ابن صالح اخو نياف=ومن يجهل عن اسمي كاسب النوماس تعريفه[/poem]



    ((شاعر الابداع))



    [poem=font="simplified arabic,5,black,normal,normal" bkcolor="transparent" bkimage="" border="double,4,black" type=2 line=1 align=center use=ex num="0,black"]
    راكـب الـي صممـه بتـقـان ملـعـون الـثـوا=كافـر وملعـون جـد ومختـرع شــيٍ كثـيـر

    داهيـه لامـن نــوى حـاجـه على البيدا قــوى=مايـرده عـن مـراده شـي فالـوقـت الاخـيـر

    يعـرف اذواق الرجـال وللطبيعـه مـاغـوى=وفـوق هـذا ماتـسـده فالـزمـن كلـمـة خبـيـر

    والدلـيـل بخبـرتـه صـمـم وحـقــق مـانــوى=رنج روفر مركب المطنـوخ وعيـال الأميـر

    المديـل اخـر مـديـل ولابـعـد مثـلـه ضــوى=ولايفكـر فـي شراه ابـن الضعيـف والفقيـر

    لامشـى مثـل الضبـي لامـن تذيـر ثـم هـوى=ماتفكر فـي مصيـده لـو يصيـر الـي يصيـر

    ولاوقف يشبه لذيبٍ من على المرقب عـوى=دوب صدر من حلال القوم في تالي عصير

    ولانطحك مـع الخـلا يسبـق نسانيـس الهـوا=كنـه الخيـل الاصيلـه لانـو الـفـارس يغـيـر

    يانديبـي لازهمـت السلـف والـخـط اسـتـوى=لاتجنـب عـن ديــار الــي لـهـم قــدرٍ كبـيـر

    المحايـا واسمهـم بالطـيـب والـعـز احـتـوى=فزعة البـل لاخذوهـا القـوم فاليـوم العسيـر

    الشيوخ الـي مشـوا فـي هامـة العليـا سـوا=ماتراخـوا عـن مراجلهـم كبـيـر ولاصغـيـر

    كم عقيدن من فعايلهم علـى الارض انطـوى=وكم قومـن مـن سببهـم ذاقـت المـر المريـر

    يانديـبـي لاوصـلـت ديـارهــم مـالــك لـــوا=قلهـم عـن كـل شـي ومسـهـم عـنـي بخـيـر

    وخـص منهـم قـرم للهامـات والعـز اهتـوى=بنـدر محيـا وريـث العـز والسيـف الشطيـر

    الشجاع الشهم راع الطيـب عـال المستـوى=راعي الوقفـات والفزعـات لاصـاح النذيـر

    للـعـدو ســمٍ ذحــاح وللـخـوي طـبـعـه دوا=وللشعر نبراس والاحساس في معناه غيـر

    شاعـرن ماشـفـت مثـلـه واردٍ عــد الــروا=شاعـر الابـداع والابــداع بإسـمـه يستنـيـر

    شرف الهيلا على وضح النقاء بعـد ارتـوى=من قراح الشعر واضهـر مايكنـه فالضميـر

    شارك وشرف ونجمه فـي زمانـه ماهـوى=ساطعـن بيـن النـجـوم الــي عليـنـا تسـديـر

    شايـل بصـدره عزيمـة شيـخ للبيـدا طــوى=ماحسب هم الليال ولاحسب طـول المسيـر

    جعـل ربـي مايخيـب ظـن مـن مثـلـه نــوى =ينقذ الساحه من الهزله ومن جهـل المصيـر [/poem]




    ((ابن عبيان))




    [poem=font="simplified arabic,5,darkblue,normal,normal" bkcolor="transparent" bkimage="" border="double,4,darkblue" type=2 line=1 align=center use=ex num="0,black"]
    ياراكب الي مـاورد مثلـه ولاجالـه مثيـل=ألا مع رجالـن تفاخـر فالزمـن بأموالهـا
    النوع لكزس فل كامل والمديل آخـر مديـل=مصنوع خصيصن لقومن تستغيض امثالهـا
    وصفة ليا منه نطحك وجـاك قـدام المقيـل=شيهانن يشوف الفريسة والعـرب تبرالهـا
    ولونه ليا منه عرضلك لون ناقضة الجديـل=الي تهبل عقـل ناسـن ماتعـرف هبالهـا
    واليا قفاك وراح مقفي كنـه المطـرود ليـل=والقوم من خلفـه بنادقهـم يثـور إشعالهـا
    ماكمل أسبوع التجـارب تـو ورده الوكيـل=في ديرتن فيها المواتـر مايعـرف اشكالهـا
    عليه روح يانديبي وأنـت فالمسـرى دليـل=للديرة الي غيـر عـن كـل الليـال ليالهـا
    ديرة هل الطالات وأهل الجود والفعل الجزيل=ياميتـن بيـن الخلايـق عاليـن منزالهـا
    وصل سلامي للنشاما مرويت حـد الصقيـل=أهل الفعول الي تنومـس والعـرب تعنالهـا
    وقل للزميل الي حشى ماشفت جاء مثله زميل=عبدالله عبيـان نسـل المرجلـه ورجالهـا
    الله يبارك في حياتك يالاصيل ابـن الاصيـل=وقفتك بيضـاء والنشامـا تفتخـر بأفعالهـا
    ولاهو غريب الطيب منك ولاعليكم مستحيـل=دام الجدود الطيبـه طابـت جميـع عيالهـا
    انتم هل الوقفه وأهل فعلن مثل وبل المخيـل=لا ثارت الهيجاء وبايـن للرجـال رجالهـا
    تشهد لكم ماض الليالي بالحقايـق والدليـل=وتشهد جميع الناس في شرق الدول وشمالها
    شهادة لركان ابن حثليـن كسـاب الجميـل=اسطورة التاريخ شيـخ الطايلـه وأبطالهـا
    وشهادة لربعه هل الوقفات والساس النبيـل=وأهل المكـارم فالمواقـف ماتبـت حبالهـا
    قلته وانا ربعي ذوي زراق مزبـان الدخيـل=العزوة الي في سنام المجـد محـدن طالهـا
    من روس قومن فالمواقف لاتكـل ولاتميـل=قومـن تطابـق فالليالـي فعلهـا وأقوالهـا
    عتيبه الهيلا هل الوقفـات والفعـل المهيـل=الشجرة الي في شـداد العـز ظـل ظلالهـا [/poem]





    تقبلوا تحياااتي ....ابراهيم الزراقي
    تم التعديل الأخير بواسطة ابراهيم الزراقي؛ 28-Aug-2009, 12:59 AM.
  • عبدالرحمن الهيلوم
    عضو
    • Apr 2007
    • 21232

    #2
    بيض الله وجهك

    وصح الساااااااااااااانك

    والله انك شاعر جزل

    والمستقبل امامك

    وموفق دنيا وأخره

    تعليق

    • عمر الدغيلبي
      مشرف سابق
      • Dec 2006
      • 2015

      #3
      الله الله

      يا سلام

      صح لسانك يا ابراهيم مدد بلا عدد

      شاعر جميل و مبدع

      قصائدك جزله و ممتعه

      ديوان مليء بالإبداعات اللا محدوده

      ونشكرك على هذا الإهداء الجميل


      احترامي
      [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
      في منتدى الهيلا زحول الرياجيل = بيت القبيله و النشاما إرواقه
      يزينه حرصه لزين التماثيل = ويجمله نبذ العلوم الدقاقه[/poem]

      تعليق

      • @ـايل

        مشرف المنتديات العامة

        • Jan 2008
        • 9251

        #4
        وعليكم السلام ورحمة الله وبركاته ..

        صح لسانك ياشاعرنا ابراهيم ..والله يعطيك العافيه على هالدرر ..قلت فأجزلت ..

        صح لسانك ونطمع بالجديد والقصيد ..

        ......
        تويتر : AlHooL@

        تعليق

        • نايف بن ملحق الثعلي
          شـــاعــر
          • Mar 2007
          • 2120

          #5
          بيض الله وجهك

          وصح الساااااااااااااانك

          والله انك شاعر جزل

          والمستقبل امامك

          وموفق دنيا وأخره
          ما هوب لازم توقيع00

          تعليق

          • ابراهيم الزراقي
            شـــاعــر
            • Nov 2006
            • 1370

            #6
            عبدالرحمن الهيلوم


            الله يعطيك الف عافيه على مروركـ



            تحيااااااااتي

            تعليق

            • @ـايل

              مشرف المنتديات العامة

              • Jan 2008
              • 9251

              #7
              وعليكم السلام ورحمة الله وبركاته ..

              ابراهيم الزراقي ..

              صح لسانك مدد ..بلاحد ولا عدد ..

              تشكر على هذا الديوان الطيّب ..

              متمنين لك التوفيق ..

              ...
              تويتر : AlHooL@

              تعليق

              • علاي الحافي
                شــــاعــر
                • Sep 2009
                • 1152

                #8
                بيض الله وجهك

                وصح الساااااااااااااانك

                تعليق

                • حميد السجايا
                  عضو فضي
                  • Apr 2009
                  • 245

                  #9
                  [grade="00008b ff6347 008000 4b0082"]وعليكم السلام ورحمة الله وبركاته ..

                  صح لسانك ياشاعرنا ابراهيم ..والله يعطيك العافيه على هالدرر ..قلت فأجزلت ..

                  صح لسانك ونطمع بالجديد والقصيد ..
                  [/grade]

                  تعليق

                  • فواز الدهاس
                    عضو ماسي
                    • Aug 2008
                    • 556

                    #10
                    - الشامخ/إبراهيم الزراقي وفقه الله ، كم أنت كبير و متواضع و خلوق ،

                    فقد عرفناك شاعراً جميلاً في منتديات عدة و من خلال الصحافة ، و لإنك

                    مبدع فأنت تسير بهدوء و سكينة و لا يتسرب الغرور إلى قلبك ، و هديتك

                    غالية على جوارحنا .

                    تعليق

                    العمل...