ديوان الشاعر / سلطان بن دحيم الرويس العتيبي

طي
X
 
  • التوقيت
  • إظهار
مسح الكل
المشاركات الجديدة
  • عمر الدغيلبي
    مشرف سابق
    • Dec 2006
    • 2015

    #1

    ديوان الشاعر / سلطان بن دحيم الرويس العتيبي

    [align=center]السلام عليكم ورحمة الله وبركاته


    أسعد الله مساكم بكل خير


    يسرني أن أطرح لكم ديوان الشاعر / سلطان بن دحيم الرويس العتيبي

    أحد شعراء النخبه في منتدى الهيلا

    و شاعر مبدع في النظم و في المحاوره

    وأقل من حقه إهدائه هذا الديوان الذي جمع الجزاله و الإبداع و قوة المفرده





    القصيده الأولى :


    [poem=font="ms dialog,5,darkblue,bold,normal" bkcolor="transparent" bkimage="" border="solid,4,black" type=1 line=1 align=center use=ex num="0,black"]
    الصاحب الطيب أليا صد اناديه =بالصوت كله لين يسمع مناداي
    وان كان جاوبني عسى الله يحييه=اقوم له حشمه واحط اله مركاي
    وان كانه اوحى الصوت ما قال لبيه = كنه يقول انه يبى اليوم فرقاي
    اقفي مثل ما اقفى ولاني براجيه =من باعني وشلون اصير اله شراي
    خله على كيفه وعقله يقديه = يبى يحصل من يوافق له الراي
    وحقه عليه كل ما حل طاريه = ذكره بخير ولا افرح اعداه واعداي
    لو كان يبقى الجرح ما احد(ن) يداويه = اصبر ولا اشكي غير لله مولاي
    ولا خاب من يرفع يدينه لواليه = وانا لغير الله ما ابديت شكواي
    وختامها درس(ن) زماني عطانيه=منه استفيد ان عشت في وقتي الجاي [/poem]





    القصيده الثانيه :



    [poem=font="simplified arabic,5,black,bold,normal" bkcolor="transparent" bkimage="backgrounds/34.gif" border="ridge,4,darkblue" type=1 line=1 align=center use=ex num="0,black"]
    يا وليف الروح مال الهجر داعي = صدتك عني تراها اكبر خطيه
    لا توادعني ولا ابغالك وداعي = دام مالك فالوصل يا زين نيه
    راح عمري من سبب حبك ضياعي = ليه ما لديت بالعينيين فيه
    ليه ما لديت بالسود الوساعي = كود تبرا علة القلب القويه
    اعشقك من نجد ما فيها نزاعي = وذمتي يا زين من غيرك بريه
    حب من قلبي ترا ما هو صناعي = عكس ناس(ن) عندهم مليون نيه
    ولا نفعني في بحر حبك شراعي = صرت انا لك فالزمن هاذا ضحيه
    والهواء سم(ن) مثل سم الافاعي = من ينوشه تصبح احواله رديه
    بس مهما كان ما تلوي ذراعي = لو تحاول فالصباح وفالعشيه
    وان بغيت الجد مال الهجر داعي = والخوي الذرب ما ينسى خويه [/poem]




    القصيده الثالثه :


    [poem=font="arabic transparent,5,black,bold,normal" bkcolor="transparent" bkimage="backgrounds/40.gif" border="outset,2,black" type=1 line=1 align=center use=ex num="0,black"]
    مل قلب(ن) كل ما غنى المغني = دق هاجوسه وزادت به همومه
    والسبب كله وليف(ن) غاب عني = صاحب(ن) فالقلب صاطيت(ن) سهومه
    صاحب(ب) زينه بهالدنيا فتني = غاب عني وارمست حتى علومه
    والله اني من فراقه والله اني = ساهر(ن) فالليل واراعي نجومه
    طول ليلي ساهر(ن) وحدي واوني = والهموم تقول فالصدر معزومه
    لا بغيت النوم جني وازعجني = وطير(ن) عن جفني النعسان نومه
    ولا بغيت ادله هجوسي ذكرني = ثم خذا فكري مع التفكير حومه
    ثم ذكرت ايامي اللي خالفني = يوم كان العز كاسينا هدومه
    يوم بالزين والوصل متهني = ما دريت ان الزمن عجل(ن) هجومه
    ويا وليفي بنشدك وش جاك مني = الجفا والصد قلي وش لزومه
    ما حصل مني خطا واخلفت ظني = الغلا بعته كذا بأخس سومه
    روح جعلك من غيابك ما تثني = كيف اخيل البرق لا قفت غيومه[/poem]



    القصيده الرابعه :


    [poem=font="simplified arabic,5,black,bold,normal" bkcolor="transparent" bkimage="backgrounds/1.gif" border="ridge,2,black" type=0 line=1 align=center use=ex num="0,black"]
    كل ما جيت ابى ارتاح يا نواف = دق هاجوس صدري وذكرني
    ثم تذكرت خل(ن) حسين اوصاف= لا ذكرته هكالحين دورني
    لا ذكرته يجيني ولع واشعاف = ثم نصيته وشوقي محاصرني
    دون داره ما اوقف ولا ميقاف = لين عيني بشوفه تبشرني
    وكان شفته ترا ما علي خلاف = البلاء كان خلي تعذرني
    صاحب(ن) بالغلا في ضميري ناف= أله رب السموات صاخرني
    صاحب(ن) مسرف(ن) بي اغلاه اسراف= وشوقي لطلعة الرجم يجبرني
    وكل ما ارقبت في عالي المشراف = هل دمعي كذا ما يشاورني
    السهر والحزن والدموع احلاف = حالفتني يا ربي تصبرني[/poem]




    القصيده الخامسه :


    [poem=font="arial,5,black,bold,normal" bkcolor="transparent" bkimage="backgrounds/40.gif" border="inset,2,black" type=1 line=1 align=center use=ex num="0,black"]
    انا افرح بشوفك يا هوى البال بس الموت= ليا من ذكرت ان المفارق تواليها
    يصير الفضاءفي عيني اصغر من التابوت= وتحيى الجروح اللي بشوفك مداويها
    جروح(ن) سببها شفتن مثل لون التوت = وعين(ن) هدبها نصف الاوجان غاطيها
    ليا سلهمت ما عاد تسمع لي اية صوت = وتناجا العيون وشرنا من تناجيها
    نسولف ونفهم بعض لوكان حنا سكوت= وتبين العلوم اللي عن الناس نخفيها
    علوم(ن) نخفيها عن الحاسد السربوت= ضعيف(ن) اليا اوحاله علوم(ن) يوفيها
    يزود عليها والنميمه تهدم بيوت= ونقالها يبشر بنار(ن) يصاليها
    و لو ان محبتنا كما عقاب هو ونوت= محبة شرف ما تنتغير مباديها
    و يا خلي ترا حبك بوسط الحشاء منحوت= محبتك في قلبي ولا ني بناسيها
    من اسبابها نفسي ما تقبل شراب وقوت= ما تقبل لذيذ الزاد من عقب غاليها
    ومنها سهرت الليل والمسلمين خفوت = ومنها ياكم هلت عيوني عباريها
    ومن شين حظي صار هجسي كما الريموت= ليا جيت ابى ادله ذكر العين مشقيها
    عطيتك كلامن من صميم الحشاء مثبوت= كلام اللذي نفسه غرامك معنيها
    تغانمني بوصلك قبل لا يفوت الفوت= ترا الوصل زادن للمحبه يغذيها
    وعسى الله يجيب الدره اللي ببطن الحوت=ونرتاح من شر المحبه وطاريها [/poem]




    القصيده السادسه :


    [poem=font="simplified arabic,5,black,bold,normal" bkcolor="transparent" bkimage="backgrounds/1.gif" border="double,4,black" type=1 line=1 align=center use=ex num="0,black"]
    كل ما قلت الهواء صكيت بابـه=اعترض لي واحد(ن) غير مزاجي
    واعـذاب القلـب والله واعذابـه=منك يالمجمول يا طلق الحجاجي
    يوم شفته قال قلبـي مرحبابـه=وصاب قلبي مثل ما قيل ارتجاجي
    قلت يا قلبي علامك وش تبابـه=لا تورطني وانـا ادور خراجـي
    قال والله ما نجنب عـن جنابـه=لين اذوق الماء حلو والا هماجي
    والله اعلم في طريقي ويش جابه=لين سبب لي مشاكل وانحراجـي
    والله ان العشـق شققنـا ثيابـه=وللمحبه فاصل(ن) سلك البواجي
    والهواء يا قلب ماء يمطر سحابه=المطر ما به مطر كله عجاجـي
    قبلنا كم واحد(ن) عاش وشقابـه=قبلنـا راح الدجيمـا والعواجـي [/poem]




    القصيده السابعه :


    [poem=font="arial,6,black,normal,normal" bkcolor="transparent" bkimage="" border="inset,4,black" type=1 line=0 align=center use=ex num="0,black"]
    يا سعـد هـاذي منازلنـا القديمـه= عانها يا خوك تتطرقهـا الهبايـب
    كن ما شيد بهـا بيـت(ن) وخيمـه= وكن ما حلوا بهـا ربـع وقرايـب
    عقب نزل(ن) كنه جنـاح العتيمـه= بالجهـام اللـي يزيـن بالجنايـب
    والمغاتيـر النظـيـرات المقيـمـه= ورثنا من شايـب(ن) قـدام شايـب
    اصبحت يا خوك تشبـه للخريمـه= مـا بهـا سـكـان لله العجـايـب
    كـل مـا مريتهـا عينـي هميمـه= بالدموع اللي كما وبـل السحايـب
    وينشي بجوي من الاحـزان غيمـه=واخذ شويـه مـع الافكـار غايـب
    كني اللي واقع(ن)له فـي جريمـه=عايش(ن)عمره مصايب في مصايب
    ومن تمكن جرح وقته من صميمه =لو صبر جرحه ترا ما هوب طايب
    والرجاء في مشفي النفس السقيمه = خالق الانسان من صلب وترايب
    انه يمد المشقا بالعزيمه = ويفرج الضيقه وهو جزل الوهايب
    وكل طقه من زمنا بتعليمه = والعمر رحله والايام الركايب [/poem]




    القصيده الثامنه :


    [poem=font="arial,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    انا ما تهيض لين اشوف البروق تلوح = ليا شفتها جاني من الارض خفخافي
    وقامت هواجيس الضماير تجي وتروح = وقمت ابدع القيفان قاف(ن) ورا قافي
    اوسع بها صدري وانا خافقي مجروح = اجر اللحن واللي خفا فالحشا خافي
    لعل البروق اللي لها فالغداري ضوح = تخيل على دار(ن) لها القلب ميلافي
    على ديرة(ن) نسمة هواها ترد الروح = ولو هي عجاج وحر ما هيب تنعافي
    لعله من البره ليا الوادي ابو سروح = ليا مرها الطرقي يقول المطر ضافي
    بامر واحد(ن) يعلم بسدي قبل لا ابوح = الاه(ن) بخلقه دايم الدوم روافي
    لو اني ليا من جيتها والصدر مشروح = وشفت المنازل باني(ن) فوقها السافي
    تسكر بوجهي كل باب(ن) قبل مفتوح = وعجلت من عقب المغازي بالانكافي
    بعد ما سكن بربوعها كل طايل شوح = رجال(ن) لهم يوم المواقيف ميقافي
    بقت كنها ما حل فيها ولا ممدوح = خلي(ن) تهول العقل يارب يا كافي
    تحصل بها خيمه وبيت الشعر مطروح = وبها الضيف ما ياقى ليا مر مضيافي
    ليا شفتها عيني بزرق الدموع تفوح = وخصوص(ن) ليا مني تذكرت الاسلافي
    ولا احد(ن) يلوم العين يا ناس يوم تنوح = وعسى لايمي باللي للارواح قصافي [/poem]




    القصيده التاسعه :


    [poem=font="simplified arabic,5,black,bold,normal" bkcolor="transparent" bkimage="" border="ridge,3,black" type=0 line=1 align=center use=ex num="0,black"]
    يا لايمي دامك ما تدري عن الحال = وش لون بالله يا صحيبي تلومي
    لا صرت ما تدري عن اللي على البال = احفظ لسانك يا عوين الهمومي
    ترا المغربل زاده الوقت غربال = يطيح لا وشك على انه يقومي
    عاش بزمان(ن) فيه تحطيم الامال = وقت(ن) وقف ضد الرجال القرومي
    وقت(ن) به الطيب يقولون بطال = وهاذا زمان مضيعين السلومي
    لكن انا طالبك يا رب يا وال = يا واحد (ن) لجلك صلاتي وصومي
    انك توفقني لزينات الاعمال = واغفر ذنوبي يالغفور الرحومي
    وفرج هموم(ن) داخل الصدر تجتال = دايم بوسط الصدر ليلي ويومي
    بصدر(ن) به الضيقه من الجال للجال = مغير في بحر الهواجيس اعومي
    واسباب ذا كله بلا شك وجدال = من كثر ما عيني تخيل الغيومي
    اليا تعدا خيال طالعة بخيال = اخايله لوكان منه محرومي
    ويمطر على غيري من الوبل همال = ويسقيه وانا في لهيب السمومي
    وانا المبدابه على كل الاحوال = لكنه اصبح حلم ضمن الحلومي
    وترا القمر يرجع بعد مده هلال = ومن السماء تبى تغيب النجومي
    والحر يبقى ماكره راس ما طال = والبوم يرجع بوم من ساس بومي
    وانا احمد الله طيب العم والخال = وفي ساعة الشده قويه عزومي
    مثل الجمل للحمل لو زياد شيال = ولا اشكي على من لا يسد اللزومي
    واصبر على ميلات وقتي ليا مال = حيث الشدايد فالزمن ما تدومي
    اصبر وربي للصعيبات حلال = مشكاي لا عضيت راس البهومي
    مشكاي من نزل تبارك والانفال = رب(ن) عليم بخافيات العلومي
    وصلاة ربي عد ما وادي(ن) سال = على النبي وعداد زرق السهومي[/poem]




    القصيده العاشره :


    [poem=font="arabic transparent,5,black,bold,normal" bkcolor="transparent" bkimage="backgrounds/33.gif" border="solid,2,black" type=1 line=1 align=center use=ex num="0,black"]
    يا هاجس الشعر ابى اسجل معاناتي = في بيض الاوراق حتى الناس تقراها
    انا جريح الهواء من فايت(ن) فاتي = وجروح قلبي عجزت احصل ادواها
    حبيت لي ترفة(ن) راحت ولا جاتي = اخذت عامين عايش حلو ذكراها
    اخذت عامين صورتها بنظراتي = واحاول انسى غلاها واتناساها
    ونسيتها من فضل رب السمواتي = نسيتها عقب ما نجحت كواياها
    وذقت السعاده بعدها والملذاتي = وارتحت من حبها يا كبر بلواها
    وارتحت من كثر روحاتي وجياتي = ولا عاد افكر بها والا اتمناها
    وقررت ما احب وابى اسحب سفاراتي = من الهواء لجل نكبه في سواها
    وصدفه بمشفى الحرس قسم العياداتي = عند المواعيد جتني تقصر خطاها
    بنت(ن) من اسبابها ضيعت كلماتي = مغير محبوبتي تشبه حلاياها
    تسأل ومن زينها لخبطت اجاباتي = اجابة(ن) جت مدري ويش معناها
    ومن يوم قفت وانا ارجع علاقاتي = مع الهواء غصب والسبه محياها
    وقفت ابى اظني ارتب عباراتي = واشوف لي فرصة(ن) واسعد بلقياها
    لكن حالت القدر من دون رغباتي = الناس واجد وانا ماني بوياها
    واقفيت مجروح اكرر فالتنهاتي = بنزل تحت فالعماره واطلع اعلاها
    واخذت ساعه مضيع كل وجهاتي = مدهوش عيني تعاين من تعداها
    وروحت والقلب في قسم العياداتي = اخذته اللي كما اللولو ثناياها[/poem]




    القصيده الحاديه عشر


    [poem=font="simplified arabic,5,blue,bold,normal" bkcolor="transparent" bkimage="backgrounds/33.gif" border="double,1,blue" type=1 line=1 align=center use=ex num="0,black"]

    انا صابني يا زين بعد الفراق خلاج = خلاج(ن) نحل حالي وعيني مسهرها
    بعد رحت عنك بعيد يا زين ما يحتاج = عليك العيون القشر هلت عبايرها
    دموع وسهر وهموم قلبي تجيه افواج = هموم يوردها والاخرى يصدرها
    وقعت ببحر حبك ولا عاد الي مخراج = ولكن حبال الوصل لا عاد تقصرها
    جروحي غميقه والوصل للجروح علاج = يا ابو غرة(ن) سبحان رب(ن) مصورها
    تميزة بالعين الوسيعه وزين حجاج = وباقي وصوفك كلها ما اقدر احصرها[/poem]




    القصيده الثانيه عشر :


    [poem=font="arabic transparent,5,darkblue,bold,normal" bkcolor="sienna" bkimage="backgrounds/15.gif" border="ridge,2,black" type=1 line=1 align=center use=sp num="0,black"]
    المفارق بيننا يا زين حاصل = بس انا طالبك لا تبخل عليه
    بالرسايل يا وليفي والمواصل = باتصال(ن) يفرح النفس الشقيه
    العرب ترقد وانا دايم مواصل = من فراقك حالتي جدا(ن) رديه
    وصابني بعدك رماتيز المفاصل = من كثر ما ادوج في نجد العذيه
    انشروها في قطوف وفي فواصل=كود خلي بلتفت بالعين فيه [/poem]



    القصيده الثالثه عشر :


    [poem=font="arabic transparent,5,indigo,bold,normal" bkcolor="transparent" bkimage="backgrounds/40.gif" border="groove,2,indigo" type=1 line=1 align=center use=ex num="0,black"]
    يــا بــداح مجـلـس هــل الـدقـات ماليـبـه=اخـذت عبـره مـن اللـي صـار فالمـاضـي
    حتـيـش لــو يبـتـسـم ويـــزود ترحـيـبـه=لا بـد مـن كلـمـة(ن) تزعـلـك يالـراضـي
    يجـيـبـهـا كـنــهــا مــزحـــه بـأسـالـيـبـه=وهـي كلهـا مـن لعـانـة قـلـب وابغـاضـي
    وألـيـا لطمـتـه ضـحـك بسـنـون تركيـبـه=ثم قال انا امزح معـك وش فيـك مغتاضـي
    وألـيـا تركـتـه مصيـبـه واكـبـر مصيـبـه=يغلـق الصـدر ضيقـه عقـب مـا غـاضـي
    لكـن تــرا الـحـل يــا بــن الـعـم تجنيـبـه=وتركه على وجهته يرثـع علـى الفاضـي
    عـلـيـك بـالـلـي قـلـيـلات(ن) عـذاريـبــه=اللي عصمه الولي عن نهش الاعراضي
    ألـيـا نصيـتـه تحـفـوابـك ومـــن طـيـبـه=حرص(ن) على راحتك بالحيل ويحاضي
    هــذاك ودك يـــا بـــن عـمــي بتقـريـبـه=وتبعيد ناس(ن) تجي من تحت الانقاضي
    ناس(ن) لها خبـرة(ن) فالهـرج والغيبـه=وعلومهـم قـال عـايـض فـبـن عـواضـي
    والــرجــل تـكـفـيـه فـالـدنـيـا تـجـاريـبـه=وانـا خذيـت العبـر مـن وقـتـي المـاضـي [/poem]




    القصيده الرابعه عشر :


    [poem=font="arabic transparent,5,purple,bold,normal" bkcolor="transparent" bkimage="" border="solid,2,indigo" type=1 line=1 align=center use=ex num="0,black"]
    انا يوم اسج الرجل من سجة الهاجـوس=ليا سجني سجيت رجلـي علـى الخالـي
    ليا سجني لو كنت في مجلس(ن) مانوس=تركته ورحت اجلس يا ابو تركي لحالـي
    تقول ان خفاقي يشطـب بحـد المـوس=وتقول انه يصلى على الحامـي الصالـي
    ألا وا عذابي منـك يالواقـع الملمـوس=تسببت فـي همـي وغمـي وغربالـي
    ليا قلت زانت واستوت جالهـا عاكـوس=وجيت متحدر عقب ما اشرفـت فالعالـي
    زماني يلقني من اقسى الـدروس دروس=دروس(ن) تبى تبطي لك الله على بالـي
    والا يا زمن كم شيبت من دروسك روس=وكم من عيون(ن) دمعها يا زمن سالـي
    زمان(ن) وقف ضد اهل الطيب والناموس=وعطى اللاش وجه ونزله خير منزالـي
    لكن الرجاء فاللي لوجهه تخضع نفـوس=يبدل لنـا الاحـوال مـن حـال لحالـي[/poem]





    انتظروا المزيد من دواوين شعراء منتدى الهيلا ..

    احترامي[/align]
    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    في منتدى الهيلا زحول الرياجيل = بيت القبيله و النشاما إرواقه
    يزينه حرصه لزين التماثيل = ويجمله نبذ العلوم الدقاقه[/poem]
  • @ـايل

    مشرف المنتديات العامة

    • Jan 2008
    • 9251

    #2
    والله ونعم في شاعر المنتدى المخضرم سلطان بن دحيم ...

    وصح لسانه على هالقصايد التي يطرب القارئ في قرائتها ..

    ولك الشكر اخوي عمر على تجميعك القصايد وحصرها في ديوان شعري لشاعرنا المحبوب ..الذي نفتخر به وبكل شعرائنا الغالين ..

    موفقين خير جميع والله يعافيكم ..

    .....
    تويتر : AlHooL@

    تعليق

    • فهيد مقعد الرويس
      شـــاعــر
      • Sep 2005
      • 2284

      #3
      [align=center]الله الله

      صح لسان

      ابودحيم

      ولاهنت ياعمر العتيبي

      تحيتي وتقديري[/align]
      تم التعديل الأخير بواسطة فهيد مقعد الرويس؛ 23-Jul-2009, 12:16 AM.

      تعليق

      • سلطان بن دحيم
        شــــاعـر

        • Jan 2009
        • 2859

        #4
        بيض الله وجهك


        وانت جمايلك واجد لاهنت


        تحياتي

        تعليق

        • طائر الاشجان
          شـــاعــر
          • Dec 2008
          • 574

          #5
          بيض الله وجهك على هذه المبادره الطيبه


          وصح لسان شاعرنا سلطان بن دحيم على هذي الدرر والكنوز الثمينه الي مانستغربها ابد على سلطان




          والرجل تكفيه فالدنيا تجاريبه = وانا خذيت العبر من وقتي الماضي


          كفو ياسلطان

          تعليق

          • محمد العتيبي

            مشرف منتدى شعراء قبيلة عتيبه

            • Mar 2005
            • 10789

            #6
            بيض الله وجهك ياعمر

            مجهووودك كبير جدا وملحوظ بارك الله فيك

            وصح لسااان الشاعر / سلطان بن دحيم

            ولاهنت ياعمر ماقصرت
            ..
            [align=center][/align]








            [align=center]للتواصل عبر twitter تويتر


            al_bargawy@
            [/align]

            تعليق

            • عبدالرحمن الهيلوم
              عضو
              • Apr 2007
              • 21232

              #7
              مشكووووووووووووور يالغالي

              وبيض الله وجهك
              علي طيب الانتقااااااااء

              تعليق

              • عمر الدغيلبي
                مشرف سابق
                • Dec 2006
                • 2015

                #8
                الله لا يهينكم يا الربع على ردودكم وتواصلكم

                وشرفتوا ديوان شاعرنا المبدع / سلطان بن دحيم

                احترامي
                [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
                في منتدى الهيلا زحول الرياجيل = بيت القبيله و النشاما إرواقه
                يزينه حرصه لزين التماثيل = ويجمله نبذ العلوم الدقاقه[/poem]

                تعليق

                • أبونواف

                  رابطة محبي الهيلا

                  • Nov 2008
                  • 2163

                  #9
                  [align=center]صح لسان الشاعر المخضرم / سلطان بن دحيم
                  وقصائده لها نكهه خاصه ..[/align]

                  تعليق

                  • بندر المرشدي
                    إدارة الأقسام الأدبية
                    • Nov 2006
                    • 4292

                    #10
                    صح لساااااااااانك ملايين ياسلطان



                    وبيض الله وجهك ياعمر
                    [poem=font="Simplified Arabic,3,tomato,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                    يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
                    لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
                    الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
                    اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
                    مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
                    [/poem]

                    ::

                    ديواني من إعداد الزميل/ عمر الدغيلبي ... بيض الله وجهه

                    تعليق

                    • سعد بن عون
                      عضو فعال
                      • Aug 2009
                      • 109

                      #11
                      صح لسااااااااااااان سلطان


                      وماقصرت ياعمر

                      تعليق

                      • نايف بن ملحق الثعلي
                        شـــاعــر
                        • Mar 2007
                        • 2120

                        #12
                        الله الله

                        صح لسان

                        ابودحيم

                        ولاهنت ياعمر العتيبي

                        تحيتي وتقديري
                        ما هوب لازم توقيع00

                        تعليق

                        العمل...