ديوان الشاعر / فهيد الرويس العتيبي

طي
X
 
  • التوقيت
  • إظهار
مسح الكل
المشاركات الجديدة
  • فهيد مقعد الرويس
    شـــاعــر
    • Sep 2005
    • 2284

    #16
    [align=center]ساهر[/align]
    [poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
    ياراكب اللي للسفر حيلها حيل= اللي عقول المانيا صممتها
    حازت على كل الصناعات تفضيل= من راس تندتها لنقش كفرتها
    عنوانها في المجتمع ( مفخرة جيل )= ونفوس عشاق الفخامه شوتها
    اليا عرضت لك عقرب(ن) مالها ذيل= تمشي بهون ولاتثور غبرتها
    ممشى العنود المترفه بالخلاخيل= من بيت اماره وامها دلعتها
    وان كان سايقها عطاها من الويل= لو كان في نفسه هموم(ن) شفتها
    في مشيها ماتعترف غير بالميل= وكل البلاد المنحيه قربتها
    بي أم سبعميه وخمسين موديل= عشره ولابه ميزة(ن) ماحوتها
    تنصا هل الطالات ربع(ن) مداهيل= مرابع اهل الوالمه هي جهتها
    واخص فيها فهيد راع المعاميل= بعض الرجال احرص على مصارحتها
    وقل له علومي معك مثل التعاليل= ودي معك يافهيد بمناقشتها
    يافهيد حنا مع عتيبه رياجيل= مانقترب للساقطه وسقطتها
    حنا مذاخير الرجال المشاكيل= وبيوتنا عين العتيبي قرتها
    وانا معك حلحيل يوم انت حلحيل= وترا خطوط البرمجه شفرتها
    مشفره يافهيد خوف الدعابيل = رادارها يكشف لها ذبذبتها
    ونبلش بهم يافهيد شرح(ن) وتحليل= ناسٍ تحللها على مابغتها
    لامالو الخمه انا معك ماميل= اطلب وتلقا عينك اللي بغتها
    حتى ولو هي مظلمه ليلها ليل= عندي جهاز(ن) كاشف(ن) لظلمتها
    يكشف جميع اللي خفا بالتفاصيل= ويوضح المعنى حسب برمجتها
    ارسلت لك يافهيد من ندّر الخيل= مضرابها فالمرو يقدح تحتها
    وانا مزينها بزين التشاكيل= ولو انها عجله تبين عجلتها
    لاكن انا ما اشوف فيها مداخيل= ويش الذنوب اللي عليكم جنتها؟
    يافهيد انا ما اتهمك بممايل الكيل= وضحى النقا يافهيد خيلك وطتها
    ومعذور من عندي ليا شاطي النيل= حتى ولو بانت علي خملتها
    وشلون لاصارت علينا تساهيل=لاكن وكد لي خبر سالفتها
    والثانيه يافهيد انا مثل ماقيل= كبدي كثيرات الهموم دبلتها
    اشوف في بعض الدعاوي غرابيل=والمشكله يافهيد من تاليتها
    صارت على بعض القوانين تعديل= ناس(ن) سلوم جدودنا غيرتها
    قامت تحط بتالي الوقت وتشيل= وتقول دورات الليالي محتها
    حطت بدال ثياب اهلنا بناطيل= وثياب اهلنا الاولين نطلتها
    ويافهيد انا ادري في عتيبه حلاحيل= ناس(ن) علوم المرجله حافظتها
    على سلوم جدودنا دون تبديل= سارت على منهاج من عودتها
    وبعض العرب يافهيد كنه غثا السيل= ياقل لاشان الدهر منفعتها
    لاهبت الارياح مثل المناديل= اللي ليا هبت ضحى طيرتها
    ضاقت على دفاقة السمن والهيل= كم خير(ن) تالي حياته شمتها
    هاض الضمير لقول بعض التماثيل= وانهيت معناها على قافيتها
    وجعلك سليم من العنا والبهاذيل = وازكى صلاة على النبي خاااتمتها
    [/poem]
    المردود على ساهر
    [poem=font="simplified arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
    يامرحباعداد رش الهماليل=ياسايق الي ماتحلا صفتها
    من وارد الالمان عسرت مناويل=واهل الجيوب الفارغه ماشرتها
    حييت يالي جبت معك المراسيل=اقلط ترا جزل العلوم ثمرتها
    فنجال بنٍ ماشرا صنفه ابخيل=وام الشحم مع ساقته بمرقتها
    واوصل بعدها هرجتي طيب القيل=الي بيوته بالمعرفه نحتها
    ساهر على ماقال قصده تعاليل=ولافيه وجهه سابقه ماعطتها
    لكن عطه الشرح من غير تطويل=قله ترا الدعوى نزيهٍ بختها
    والمسأله مهيب تحتاج تاويل=واذن العتيبي لوبعد سامعتها
    ماينقصك يوم ان خط القلم زيل=وعينك ماكل ملاحظة لاحظتها
    ترى قديمين التجارب دواليل=وكل امةٍ تروي خبر سابقتها
    وتحريف لتجميل ماهوب تخميل=ولاخطت حسانيها بلا سييتها
    شرواك ميقاعه بروس الااقاذيل=شواهقٍ شقرر الحرار اسكنتها
    لاتلتفت للامعه والمهيبيل=والمعمعه ماتنقرب معمعتها
    واناهجوس مقفياةٍ مقابيل=ولاعاضبت كان الدواعي دعتها
    تسرى مع الافكار مسرا جماميل=ولافيه شجره ماتعرف اورقتها
    ماتقطف الا طيبات المحاصيل=تفاحة الامثال غير احدجتها
    وابشر ابعزك لاحتدك العراقيل=ووجناك لو الوسم فوق ارقبتها
    تحفظ حقوقك يالسنافي من النيل=ناسٍ الياشافت غفال اوسمتها
    والثانيه صحيح قولك تهاويل=عالم تشوف العولمه ناكبتها
    مع كل موضه ساحبين المواويل=ماشفت كيف اشعورها قصصتها
    وتلقا الخواتم في جميع الاناميل=ومعاصمٍ بساورٍ مازهتها
    لعلهم في مظلمات المنازيل=والاجهزه لاتزعجك وشوشتها
    قفل على كل المحطات تقفيل=واكثر احروب القوم من دهولتها
    وفهيد مثلك مالتفت لدهاويل= يشوتها وانته الياجتك شتها
    واسلم عدد ماانشت مزون المخاييل=وعداد ماخط القلم بورقتها[/poem]

    تعليق

    • مروحي
      عضو
      • Apr 2010
      • 26

      #17
      ديوان رائع وصح لسان الشاعر

      تعليق

      • فهيد مقعد الرويس
        شـــاعــر
        • Sep 2005
        • 2284

        #18
        تم النشر في الأصل بواسطة مروحي عرض المشاركة
        ديوان رائع وصح لسان الشاعر
        صح بدنك

        والاروع تواجدك

        تحيتي وتقديري

        تعليق

        • فهيد مقعد الرويس
          شـــاعــر
          • Sep 2005
          • 2284

          #19
          [poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


          عليك ماهي غريبه ياولد نايف= اللفته الحانيه عادتك ياوافي



          ياامير اقوله وكلن سامع وشايف=لك وقفةٍ فالامن يامير تنشافي



          من غيركم بعد ربي يمن الخايف=وإل عسكر الامن عينك قدم وخلافي



          ومن شفت منهم بوقته مر إبه حايف=وتعرضه فالزمان اصدوف ياكافي



          تجبر مصابه وترفى والله الرايف=جعلك بالأحسان تجزا اضعاف الأضعافي



          ووقفتك ماهي غريبه ياولد نايف=انته محمد سلالة نايف الوافي[/poem]

          [align=center]احبهن من محبة طيب القاله[/align]


          [poem= font="simplified arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
          هذاه محماس كيف ابـوي ودلالـه=وباقي المعاميل بعد ابـوي تبقيلـي
          لو الفتيحي يحول بأسمـي اموالـه=والله فلاشي ياخـذ مـن معاميلـي
          احبهن مـن محبـة طيـب القالـه=لاشفتهن كنـه مناحـر ويحكيلـي
          سوالفه ماتظيق صـدر مـن جالـه=عـن المداويـر ولافالمحاويـلـي
          ولاعن احداث وقتٍ يتعـب رجالـه=فيه المعاوش تعجز واهـن الحيلـي
          وفيه الردي ماتهقوى الفرجه لحالـه=وعن العرب ماتغيـب لـه ولاليلـي
          مايسري الليل غير ابـوي وامثالـه=الرجل مايهظم احقـوق الرياجيلـي
          جميع طيب ينومس طيبـه اعيالـه=من طاب منهم يقال ابـوه حلحيلـي
          والاالردي عنه ابوه يـروح بفعالـه=ماتنفعه قالته في ابـوي قـد قيلـي
          يالله عساني من اللي يحتمي اقواله=وادريٍ ان منزال ابويه عسر بالحيلي
          لكن يكفي لاجيت بنصـف منزالـه=مضمون علمي كلام محمد احويلـي
          من عرض ماقاله البيطـار فامثالـه=يدري بها اللي عرف معنى التماثيلـي [/poem]

          تعليق

          • أبوبدر
            عضو فضي
            • Apr 2010
            • 224

            #20
            صح السانك يالرويس

            تعليق

            • فهيد مقعد الرويس
              شـــاعــر
              • Sep 2005
              • 2284

              #21
              تم النشر في الأصل بواسطة أبوبدر عرض المشاركة
              صح السانك يالرويس
              [align=center]
              صح بدنك

              يابوبدر

              لاهنت على التواجد

              تحيتي[/align]

              تعليق

              • فهيد مقعد الرويس
                شـــاعــر
                • Sep 2005
                • 2284

                #22
                [align=center]لصار عمرك[/align]


                [poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
                لصارعمرك فوق خمسه وسبعين=والبنك عندك فيه عشرين مليون

                وش عاد تجهدله بجمع الملايين=ليلك ويومك بين الارقام مسجون

                بالله كم ضنك بقالك من سنين=حتى تمنى في حسابك ترليون

                تبي الحقيقه انته انسان مسكين=المال لاقفيت وشلك منه عون

                غير الذي قدمت في سالف الحين=لله ولاسواه ينفعك مالون

                جهدك ومنتوجك متاع الوريثين=لكن طعني واصرف الرجل والشون

                وسابق على الروضه نشاط المصلين=مشروع ربحه لاقبل منك مضمون

                وصيةٍ للي سواتك مولين=عمارهم راحت ورى المال يجرون

                سوال للي من نمونتك مقفين =اليامتى وانتم بالاجره تكدون[/poem]

                تعليق

                • أبوبدر
                  عضو فضي
                  • Apr 2010
                  • 224

                  #23
                  صح السانك وبيض الله وجهك

                  تعليق

                  • فهيد مقعد الرويس
                    شـــاعــر
                    • Sep 2005
                    • 2284

                    #24
                    صح بدنك يابوبدر
                    اضافه الي الديوان
                    كل عام وانتم بخير

                    بويتات لتواصل عسى ان تجد شي من الاستحسان


                    [poem=font=",6,darkred,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
                    فسرتلي من عيونك سبة اغيابك=عن غيبتك وش سببها لاتعلمني

                    تعال شف وش حصلي كله اسبابك=الحمدلله من الهلاك سلمني

                    من عقب ماائست من شوفتك لي جابك=اطلب سواء اللي في بالي وانت فاهمني

                    ماهيب لحية فهيد اعصابك اعصابك=يانعنبوا فيك ياملجمول لايمني

                    انا صويبك وطبي حالي اعذابك=عالج جروحي بلياماتكلمني[/poem]
                    __________________________________


                    [poem=font=",7,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
                    لبيت دعوه وجهتلي فالبريد=توجيب لصحاب العقول الواعيه

                    امثال ابوراجح عميد الشعرزيد=فالسوق قبلي قد شرا وابتاعيه

                    هامور لاعدوا هوامير القصيد=وبالنعم صيته قبل الانتر شاعيه

                    ماقلتها ليه هدف والله شهيد=غير الوفا لهل العقول الواعيه

                    والك التحيه يابوراجح من فهيد=قدر ومعزه ياطويل الباعيه[/poem]

                    تعليق

                    • ابو شوق الازوري
                      عضو ماسي
                      • Aug 2010
                      • 501

                      #25
                      ابدااااااااااااااااع
                      صح السانك والسانه
                      دوم انت مبدع



                      تحياتي ................. ابو شوق الازوري

                      تعليق

                      • فهيد مقعد الرويس
                        شـــاعــر
                        • Sep 2005
                        • 2284

                        #26
                        [align=center]صح بدنك يابوشوق[/align]

                        [align=center]اضافة الي الديوان
                        مجاراتي لابيات السامر ضمن مسابقة ابوهلا [/align]


                        [align=center]ابيات السامر[/align]
                        [poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] االله يجيـرك يـاذرا كـل خايـف=في ساعةٍ ينشف بها الحلق والريق

                        الله يجيرك ياعديم الوصايف=جاهك ومالك مرتع للمطاليق

                        مجار ياستر المهار العفايف=بالعز تفتح مبهمات المغاليق

                        امجار ياللي بالمواجيب رايف=تحبها حب الوحش للشواهيق

                        يابوهلا عندك كبار الحسايف=تقضا وتعتقها من الهم والضيق

                        يابوهلا منجا الدريك المهايف=ياهادي الغادي لسهل الطواريق

                        يابوهلا في خلق سبع الطوايف=ماوثقوا بالطيب غير انت توثيق

                        للمرجله والطيب عندك وضايف=مكارم تبذل لهم دون تحقيق[/poem]

                        المجاراه

                        [poem=font="simplified arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] االله يجيـرك يـاذرا كـل خايـف=في ساعةٍ ينشف بها الحلق والريق

                        امجار ياللـي ماكـرك بالنوايـف=يانادرٍ لك في سما الطيب تحليـق

                        شخصك وفعل الطيب دايم ولايـف=ياكثر مع جاهك من المال ماسيـق

                        تنفق يمينـك ماتحسـب الكلايـف=تعطي بلا منّه ومن غيـر تدقيـق

                        مع وقفتك تغدي الثقايـل خفايـف=تشتالها لو انها اثقل مـن طويـق

                        يابو هلا سطرت فوق الصحايـف=مجدٍ موثق مادخـل فيـه تلفيـق

                        ورايك يدل اللي من ارياه عايـف=وبالعز تفضّا محكمات الصناديـق

                        عساك تبطـي ماحتوتـك الفايـف=وشوفتك حلمي ياعميد الطواريـق[/poem]

                        تعليق

                        • فهيد مقعد الرويس
                          شـــاعــر
                          • Sep 2005
                          • 2284

                          #27
                          اضافه الي الديوان
                          [poem=font=",6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
                          ياكثر مااسمع من قصيدٍ يفتقد حس القصيد=ياقايله لاتحسبن الشعر وزن وقافيه

                          لوتدعي انك فاهم ف الشعر عن فهمه بعيد=ولاكل من صفق لشعرك يعتبر عرافيه

                          ماتدري في وقتك هذا كثروا مشجعة الزهيد=والجزل في سوقه معاد يشجع الصرافيه

                          من يوم صارت مهنة التحكيم سهمه للبليد=واصبح يزاولها قليل العرف والانصافيه

                          ماعمهم لكن اخص مضيع الراي السديد=من صاوغ وجيه العرب ماقيم المحرافيه

                          والمضحك انه قام يقيم من يفوقه فالنشيد=وقام يتفسلسف فالشعر ذي ناهيه ام نافيه

                          يخدع قليل المعرفه هذا هو الشعر الجديد=اخطا طريق مجددين المفردات الوافيه

                          وفتح مجال اهل الطلاسم يعساها ماتفيد=فااشعارهم تلقا صور لكن ماتنشافيه

                          بالمختصر عجزوا عن التعبير بالفن الفريد=شعر الاصاله كل صوره فيه تطلع صافيه

                          اليارسمها الماهر الحريف ياصف مايريد=يالي تحسبون الشعر مغير وزن وقافيه[/poem]
                          تم التعديل الأخير بواسطة فهيد مقعد الرويس؛ 15-Oct-2010, 11:14 AM.

                          تعليق

                          • راعي الشوشلية

                            فراس الخمري

                            • Mar 2008
                            • 1182

                            #28
                            رائع كما عودتنا بجديدك


                            تقبل مروري

                            تعليق

                            • فهيد مقعد الرويس
                              شـــاعــر
                              • Sep 2005
                              • 2284

                              #29
                              تم النشر في الأصل بواسطة ولدعساف عرض المشاركة
                              صح لسانك يالرويس عالقصائد وبانتظار جديدك.
                              المعذره ياولد عساف
                              مانتبهة لزدك الا الان

                              وصح بدنك

                              تحيتي وتقديري

                              تعليق

                              • فهيد مقعد الرويس
                                شـــاعــر
                                • Sep 2005
                                • 2284

                                #30
                                تم النشر في الأصل بواسطة راعي الشوشلية عرض المشاركة
                                رائع كما عودتنا بجديدك


                                تقبل مروري
                                الاروع تواجدك

                                ياراعي الشوشليه

                                تعليق

                                العمل...