ديوان الشاعر /محمد عبدالرحمن الايداء المورقي

طي
X
 
  • التوقيت
  • إظهار
مسح الكل
المشاركات الجديدة
  • ..المورقي..
    عضو نشيط
    • Apr 2007
    • 88

    #1

    ديوان الشاعر /محمد عبدالرحمن الايداء المورقي

    بسم الله الرحمن الرحيم

    السلام عليكم ورحة الله وبركاته

    (صباح / مساء ) الخير

    حبيت ادون لكم ديوان الشاعر محمد عبدالرحمن الايداء المورقي

    وهو احد شعراء قبيلة المورقه العريقه

    (واعذروني على القصور)
  • @ـايل

    مشرف المنتديات العامة

    • Jan 2008
    • 9251

    #2
    الشاعر/ محمد الايداء غني عن التعريف ..

    في انتظار القصايد يابن مورق ..

    .....
    تويتر : AlHooL@

    تعليق

    • ..المورقي..
      عضو نشيط
      • Apr 2007
      • 88

      #3
      زيف الخريف

      زيف الخريف

      [poem=font="simplified arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
      من كثر ما تجرحيني عـرق قلبـي نـزف=وانا تحمّل جروحـك لجـل مفقـد غـلاك
      كذا تبيعـي غـرام اللـي لحبـك عـزف=احلا ترانيـم عمـره قالهـا فـي رضـاك
      معاد فيني صبـر صـوت المفـارق رزف=صوني دموعك لغيـري دام ربـي عطـاك
      لا..لا تقولي (أحبك) بان زيـف الخـزف=كنت احسبك قلب يسعى في رجاي او رجاك
      واليوم جرحي شفا والقلب عنكـم عـزف=حبل المواصل قطعته لجـل تبعـد خطـاك
      راع الهوى يا دوا المجروح يامـا جـزف=جـلْ امنياتـه عشـان الله بقلبـه حبـاك
      وميض برقك تلاعج والرعـد مـا هـزف=متى تبلْ الحنايـا وارتـوي مـن سمـاك
      دست المشاعر برجلي والضمايـر تـزف=لحظه وداعك عسى ربـي يسهـل عـلاك
      ذوقي ما ذقته ما دام ان المـوادع ..أزف=باكر تعرفيـن قيمـة صاحبـك لا جفـاك

      [/poem]
      تم التعديل الأخير بواسطة ..المورقي..؛ 30-Sep-2009, 08:51 PM.

      تعليق

      • ..المورقي..
        عضو نشيط
        • Apr 2007
        • 88

        #4
        الوافيه

        [align=center]الوافيه[/align]

        [poem=font="simplified arabic,5,royalblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
        سلام ياللي داخل اضلوعي مساكنهـا لجـت=سـلام ياللـي وافيـه بوعودهـا وعهودهـا
        وسلام ياللي باعت الدنيا على شانـي وجـت=مغرهـا فـي حبهـا واشـي ولا نمرودهـا
        جتني مثل غيمه ولاحت فوق راسي ورهجت=اخيلها وستبشـر الخاطـر بزيـن ارعودهـا
        تقول يانبع الوفـا مـا ضاقـت الا وفرجـت=اصبر وانا بصبر ولو طالت لنـا مردودهـا
        اسمع خلاج بصدرها وضلوع صدري اخلجت=يوم الرجاء من بيننا حبلـه قصـر ممدودهـا
        ضميتها ودموع عينه فـوق خديـه ادرجـت=ودّانهـا يسقـي ديـاراًٍ ممحـلات اعدودهـا
        ياليت ما ضميتهـا ماكـان (.....)ازعجـت=غصبٍ عليّ ضميتها صبري تعدى احدودهـا
        شفت الشقى في وجهها والظلم لكن مهرجـت=الا حياتي تمتمه والبيـض طاغـي سودهـا
        سألتها عن حالهـا قالـت جريحـه مانجـت=الصدر صندوق الجريحه والضلوع اسدودهـا
        لو كل شي ٍ قيل يالغالي ماشفت اللي بلجـت=لكن ميّز فـي خـدودي ذابـلات اورودهـا
        قلت القدر دق الجرس وخيول فرقانا اسرجت=والصفر حانت ساعته لا شك حان اوعودهـا
        اقفت ولدت بالنضر لوصالنـا يامـا رجـت=ياوجد حالـي كـل مالـدت وزاد اصدودهـا
        فيها جمال اليوسفي معـه الرزانـه توجـت=كن البدر مع طلته يكشف شعـاع اخدودهـا
        هذى نهاية حالتي وان طالت الدعوى اسمجت=كـلاً يـدور غايتـه والله يحـل اعقـودهـا [/poem]
        تم التعديل الأخير بواسطة ..المورقي..؛ 30-Sep-2009, 09:13 PM.

        تعليق

        • ..المورقي..
          عضو نشيط
          • Apr 2007
          • 88

          #5
          يـاسابقي

          [align=center]يــاسابقي[/align]
          [poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
          ياسابقي لـو ماكسبـت الرهانـي=مانـي بخيالـك ولانتـي بلـيـه
          لقحتـك الفكـره وترجـم لسانـي=مابين صدر وعجز بصمت يديـه
          ناقيك عن درب الردى والطمانـي=ماكنـك الا المـهـره اليعربـيـه
          ماصاغهـا بكتابـه الاصفهـانـي=اللي قضى وجـروح قلبـه نديـه
          حذي حوافيرك ترى الوقت حانـي=ثار العسـام وقدمـك الجرهديـه
          خابرك فالميقاف بنـت الحصانـي=اللي ذكر فعله علـى كـل هيـه
          وان عوّدت عشري بسبع وثمانـي=هلي دموعك مثـل وبـل ابرديـه
          والله يلالا حشمت اللـي دعانـي=انـي لـردك بالضلـوع الحنيـه
          مار البلا من واحدن جاك عانـي=مالـك عنـه معـذار يالعسلجيـه
          شومي لمن هو فك عنك العنانـي=خـلاك سّباقـه بنجـد العـذيـه
          خلا هزال القول لجـل السمانـي=ناقيـك والرجـال ينقـى خويـه
          وان كان ما جبنا من اول وثانـي=((تحرم علينا شربـت الشاذليـه))
          وشرف على المرقاب وندب زماني=وقـول هـوّن مالنـا مقـدريـه
          ياقطعك يا دنيـن تعـز الهدانـي=والحر قفـى بيـن هـذى وذيـه
          وش عاد لو انه زمانـي جفانـي=لابـد مايومـن يـعـوّد علـيـه
          مادام شِد الكـور فـوق العمانـي=مالي لزومن فـي شـداد المطيـه
          قال المثل فـي طيبـات المعانـي=الطيب يبقـا والخطيـه الخطيـه [/poem]

          تعليق

          • ..المورقي..
            عضو نشيط
            • Apr 2007
            • 88

            #6
            [align=center]
            كسر الخواطر[/align]

            [poem= font="simplified arabic,5,royalblue,normal,normal" bkcolor="transparent" bkimage="" border="none,5,gray" type=1 line=0 align=center use=ex num="0,black"]
            كسر الخواطر كنها كسـر الاكـواب=ما تنجبر واليا جبـر بـان كسـره
            هذا الصحيح ولا~على قولي احجاب=الخيـر راح وبيـن الشـر عسـره
            ان كان ماحضك على راس مرقـاب=لا بد ما ياتـي مـع العسـر يسـره
            ازريت لااعـدل معاويـج الارقـاب=لاشفتهـم يـزداد بالصـدر حسـره
            وجهتهم لاكـن ضاعـن الاطبـاب=قامت تعاقـب بيـن يمنـه ويسـره
            وقتٍ تغير ماحسبنـا لـه احسـاب=اللي غـدى مابيـن بومـه ونسـره
            حلفت دونه لغلـق ابـواب وابـواب=وشوم عن دربه ولو طحـت بسـره
            هذي ثـلاث اسنيـن للمـر شـراب=درب العنا ياصاح شيـدت جسـره
            نعطي والا~نا في رجاء الخلق طلاب=نموت مخذنـا مـن النـاس كسـره
            وان عودة مابين صدقـان واقـراب=اللي خسرنـا واجـب انّـا نخسـره [/poem]

            تعليق

            • @ـايل

              مشرف المنتديات العامة

              • Jan 2008
              • 9251

              #7
              شاعر جزل غني عن التعريف..

              متمنين له التوفيق ..والتقدم ..

              لاهنت يابن مورق على النقله الرائعه ..والله يعافيك ..

              ....
              تويتر : AlHooL@

              تعليق

              • خلف الروقي

                رابطة محبي الهيلا

                • Jun 2009
                • 6080

                #8
                الله يعااااااافيك


                نقل راااايع


                دمت بود

                تعليق

                • ..المورقي..
                  عضو نشيط
                  • Apr 2007
                  • 88

                  #9
                  هايل وخلف حياكم الله

                  وبيض الله وجيهكم




                  والمعذره ما كملت الديوان

                  ان شاء الله اكمله

                  تعليق

                  • ضاامي وفااا
                    عضو ماسي
                    • Jan 2008
                    • 623

                    #10

                    تعليق

                    • ..المورقي..
                      عضو نشيط
                      • Apr 2007
                      • 88

                      #11
                      الصدر الرحوب

                      الصدر الرحوب

                      [align=right]تعبت آجآمل خآطري ..... تعبت والدنيا شتآت.

                      آقول يآ حضـى كفا

                      مآعاد في صدري جَلَد


                      ضآقت بنآ كل الدروب ...والشمس مالت للغروب

                      على آمل لحظـة لقى

                      ترجع حيآتي من جديد


                      يآمآ خيالك زآرني ....وآنا على جال الهوى

                      آكتب من اشواقي سطر

                      نبقي حبآيب للابد


                      آموت وآحيا في لقآك ....آمر وخذ قلبي فداك

                      ياشمعة الليل العتيم

                      ذكراك تآخذني بعيد


                      تدرين شوقي يحتضر ....تدرين مآ فيني صبر

                      إلا متى نبقـى كذآ

                      ننطر قطآر العآيدين
                      [/align]

                      [poem=font="simplified arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                      وتضيق بي كل الدورب=على أمل لحظة لقى



                      تعبت يالريم اللعوب=من هقوة اللي ما هقى



                      الحب بستان القلوب=مادام في وضحا النقي



                      شمسي توارت للغروب=مليت من درب الشقى



                      تاخذني الذكري جنوب=واصحى على دار امحقى



                      اذوب واحساسي يذوب=لمر طيفك واتقى



                      القلب عيّا لايتوب=والشوق منسوبه رقى



                      تعال يا الصدر الرحوب=العمر قفّا وش بقى[/poem]



                      [align=center]***

                      **

                      *[/align]

                      تعليق

                      • ..المورقي..
                        عضو نشيط
                        • Apr 2007
                        • 88

                        #12
                        [align=center]موت الصمت[/align]

                        [align=right]
                        يقول الشاعر:
                        عندما يجتاح الصمت الروح / يغلفها بالوجع حد الهلاك!!؟
                        للصمت هيبه ,, لكن احيان قاتل..

                        تجسد معاناه بحرف متواضع امام ذائقتكم..
                        [/align]
                        [align=center],,
                        ,[/align]


                        [poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                        يموت الصمت في صدر الفقير اللي قضا عمره =على فقره, وغربال الزمان, وطاوي البيني
                        ليا من مسّته حاجه تردّه داخله زمره=تردّه داخله زمره عن القاصي والادنيني
                        يسج الرجل في مركب هلاكه واختلف بأمره=يعالج لوعة الأيام وألا حضه الشيني؟
                        يضيق و يفهق الضيقه ليامن عانق القمره=مقادير الليالي ساقته كآس الامريني
                        بدا شيبه يجود.. و لآ .. بخَل في كِسْرة التمره =حبس دمع الغبينه واتضح في محجر العيني
                        نطح درب الحقيقه والحقيقه طبعها مره=سلوم الوقت علمته بنود العسر والليني
                        غَرَس بذرة وفا والمشكله عينه على الثمره=بعد زانت مكادينه غدت في كف الاقصيني
                        جلس في مهمهاً خالي كما القابض على الجمره =يجوب ويجتلد والنار في جوف المسيكيني
                        يعنّزها على حال الشقا والحال مندمره =عسى الله يلطف ابـ حاله ومابه لا يشقيني
                        عرفت ان الزمن ميّال كنه فيّة السمره=تزول و كل شيٍ زايل الا منهج الديني[/poem]

                        تعليق

                        • ..المورقي..
                          عضو نشيط
                          • Apr 2007
                          • 88

                          #13
                          /](نسانيس الصبا)[/


                          [align=center](نسانيس الصبا)[/align]


                          [poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                          هبّت نسانيس الصبا/ والهم في صدري.. قطن= والرِجل ترقب للفرج/ واستسلمت لأمر القضا
                          النفس شالت ..حملها والقلب ماعيَّن.. وطن!!=والصبر سلّم رايته!! من عقبها ضاق الفضا
                          وشلون ؟ مدري!! لكن الدعوى /لها ضهر.. وبطن=من لا يهوز الكايده / يصبر على جمر الغضا
                          ألدْ عيني للجدي وسهيل وماري.. قطن= واثر الجدي وسهيل دونه درهمت عوص النضا
                          وش حيلة اللي خانته دنياه وجروحه ..سطن=أبطى يداوي نزفها والمشكله صبره قضا
                          لا خال برّاق الحيا ؟فكره عن العالم.. شطن!= أشملّ بها /واجنبّ بها والا الرضا ما من رضا
                          أثر الليالي ؟لا وطن! يامسندي.. وطن.. وطن = ما يرحمنّ المودماني / لا وطى درب العضا
                          اضحك مع اللي قد ضحك/ ورطن مع الي قد رطن=والنار شبّت فالضلوع ..الحدْب وشتد اللضا
                          لا زيح طنٍ داخلي!! يجتاحني عشرين طن!!=واللي مضا ما هو براجع/ ليت يرجع ما مضا
                          هذي دواليب الدهر/ يالجاهل اللي مافطن؛=اما كسبت الطايله / والا بها غيرك حضا[/poem]

                          تعليق

                          • ..المورقي..
                            عضو نشيط
                            • Apr 2007
                            • 88

                            #14
                            قلبي اللي باعني

                            [align=center]
                            قلبي اللي باعني
                            [/align]


                            [poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                            يا سعد سلطان يازبن الدخيل=ياحلي الذيب لا منه عوى
                            مكسب الرجال في كسب الجميل=وانت ابن مدوح رفيع المستوى
                            ورّدوه العد وانشق الصميل=يوم انا منته على المارد سوى
                            دارت الدنيا وصار المستحيل= وانكشف خافيه والغايب ضوى
                            ما دريت ان الهوى باعه طويل=لين عرقه في معاليقي روى
                            قلبي اللي باعني بيع الذليل=لجل من هو عن بعاده ما قوى
                            هزه التحنان والقاني قتيل= من يرد القلب لامنه هوى
                            قلت له هوّن عن الطرف الكحيل=صد عني هب ماكنه نوى
                            ليتني ماشفت نقاض الجديل= الحق الكيه بكيه ونكوى
                            ما رشفنا من وصاله سلسبيل=يوم دونه حال ملعون الثوى
                            ياوجودي لانثنى الخصر النحيل= كنّها زهره يلاعبها الهوى
                            و وجودي من تشكوى للبخيل= راح عمره لجل يضفر بالدوى
                            ووجودي لا رضينا بالقليل= وجد من حظه على الدرب انطوى
                            خبر اللي داخل بقلبي دخيل =ياشهد الله ما عرضته باللوى
                            ما يشابها شبيه ولا مثيل=اشد ان اللي هواها ماغوى[/poem]

                            تعليق

                            • ..المورقي..
                              عضو نشيط
                              • Apr 2007
                              • 88

                              #15
                              سلام الله على الوافي


                              [align=center]سلام الله على الوافي[/align]




                              [poem=font="arabic transparent,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                              سلام الله على الوافي ولد وافي عريب الساس= عريب الساس من عمه ومن جده ومن خاله
                              تعلى كنّه الهيلع ليا منه نوى المقباس= ليا منه نوى المقباس محد(ن) هاز فنجاله
                              صميدع فالمواقف وان بغيته للبحر غطاس = يشوش اليا احتمة مابين رجليه وخياله
                              حكيم او عارف الدعوه و وازنها على مقياس= تزيح الحيد مازحته كريم او تكرم اسباله
                              عزيز اليا بسط كفه يشادي حومه القرناس =ذكر بالخير ابو وافي على حله وترحاله
                              بعدها ياقلم لا تقصر الدعوه على القرطاس = يقولون الشعر في صدر شيخ القوم مدهاله
                              ترى ما صغت قافي كود اصفّي مشربٍ منحاس=بعد غثرب وصار العد لهل الطيب محباله
                              انا والله ورده بالقسم كثرت علي اوناس=دخيلك لا تخليها مابين الذيب وعياله
                              همومي كنها تصلى يابو وافي على محماس=اداريها كما دارى رحوم القلب لعواله
                              هجرت النوم والشاهد على قولي شديد الباس=ادوّر فالحلول اللي عضت ياوين مقياله
                              تكانفني هواجيسي ياكيف اداوي الهوجاس=اكابدها ثلاث اشهر واشوف ان حالتي حاله
                              غدينا بين نيبان الزمان او حدّة الاضراس=يالين الرجل مايعرف يمينه وين وشماله
                              بلينا بالرخوم اللي تشيل الناس فوق الناس=يالولا حكمة الوالي لكان ابهالزمن عاله
                              شعمها بيننا واحد يابو وافي عديم احساس= ورحنا بينهم مابين هراجه وطباله
                              يموت الداب وام اجنيب لامنّك قطعت الراس=تموت الفتنه العظمه وكلاً تضهر افعاله
                              بكور الوسم قرّب والقضيه جابها جساس=لاهي مني ولا هي منك والله حافط اعماله
                              مشاريهك عليه والبلا في غرست الغراس=بعد جفّت سوانيها وقصّر دونك احباله
                              ولا لي ناقةٍ فيها ليا وقّع عليها الفاس=ترى حجه على الرجال لامنه رمى اعقاله
                              سمعنا ما سمعنا يوم جانا بالخبر عساس=ياليته ما لفانا يوم حط السم بدلاله
                              تقهوينا سوى من عقبها تضرب علي اسداس=واتدري ويش غير منهج المكتوب لجياله
                              رفعت الصوت لاكن الدعاوي قصرها نوماس=سعيد الحظ من هاز الطويله من شرح باله
                              الايا باري العله و ألا ياطارد الهوجاس=بيدك الخير لامنك عطيته تنشي اخياله
                              وختم القول صلوا عد ماذعذع من النسناس=على محمد شفيع الخلق يوم(ن) تكثر اهواله[/poem]

                              تعليق

                              العمل...