يا فــــــــــهـــــــــــــــــد

طي
X
 
  • التوقيت
  • إظهار
مسح الكل
المشاركات الجديدة
  • ابو رنا
    عضو
    • Oct 2006
    • 1

    #1

    يا فــــــــــهـــــــــــــــــد

    1) يا فهد ياعزوتي ويــش الســـواه القـلق جاني وفارقت المـــنام .
    2) يا فهد ياعزوتي كـــاوٍ كــــواه بيح سدوده عقب ماهي غمام .
    3) ارتعص واركى على ضلع حواه كسر ضلوعي ولا فيها كلام .
    4) يافهد ياخـــوك ياهــم وطــــــــاه اطلب المولى يكسيه الـسلام .
    5) يافهد عمري تقاصر في خطـــاه ادرجٍ به في مغبات الظــلام .
    6) اتـقـلــب والفكــر حـــادٍ حـــــداه من زمانه قام يردح بإنتقـــام .
    7) لا تقل مجنون يعذر في خطــــاه لا تقل صاحي ويطعم به عـــلام .
    8) ان تلعســم مــن يطبب في صفـاه وان توجه خت عنها ياحـــرام .
    9) يافهد ياخــــوك كــيل لــه جــزاه صعطه ياخوك عله في قيــــام .
    10) يترك المظلم ويرتع فــــي النـفــاه وعن ملذات العمر يلزي اللجام .
    11) يافــهد لا تفتكر ماجــاه جــــــاه بركه ياخوك ماشاله عظــــام .
    12) يافهــد ثارت عليـــه وتــاه تــــاه راح جوه من عسام في عسـام .
    13) شـايلنـه وابعـدنـه عـن نحـــــــاه صار في دنياه ماله من وئـــام .
    14) ارسلنـه ليــن شـعـبان الــوطـــاه رجعنه لين وطنه سنــــــام .
    15) ارفعنه ليــن رفرف فـــي هـــواه اجذبنه لين غطاه الهيــــــام .
    16) لـفـلفنه حــول نفـسه سـاه ســـــاه برجمنه ما يدرجها كـــــلام .
    17) يافهـد واسم الفهـد يكفيــه جـــــاه ياخبير في المعارف والنظـام .
    18) اكتب الوصفه وحـقـق لـه رجــاه علها حلٍ تمـــــام في تمــــام .
    19) اجتهد ياخــوك لا تبخــل عـــــلاه واكتب التقرير هام فوق هـــام .
    20) لاتـقــول ان التـطبب مـا يبـــــــاه لاتقول ملخبطه مامن مــــرام .
    21) لاتجاهل نِلحق الحـاصل وصــــاه لأن جرحه عن حدوده زام زام .
    22) لاتـمـهـمـل لا تـقـصـر مـبـتـغـــاه لاتجي قباله ويلبسك الوجـــــام .
    23) انتـعر يـاخــوك عـل الله نـــــــواه بالعلاج اللي عليه القلب هـــــام .
    24) علـهـا تـِقـشع غـمـام فــي سمــــاه وينتهي المكنون عام بعد عـــــام .
    25) وينتعـش عـقـب المراره في حـلاه وترجهن العين وتذوق المنــــام .
    26) وينتهي القلب المعنى من شقـــــاه وتستريح الروح وتنول المــــرام .
    27) يا وحيـد ما يـخـيـب مـــن نصـــاه يارحوم في عباده والأ نــــــــام .
    28) تـلـطـف بقـلـب تـحـلل فـي لحــــاه تلطف بروح تخللها السئــــــام .
    29) تلطف بحـال علـى وقـت شـقــــــاه لازمه بالشين وأبطا باللــــــزام .
    30) وتهجع العيــن الكـريـمـه بالميـــــاه وتٍلزم العبرات في طول الصيام
  • الأمــير

    رابطة محبي الهيلا

    • Aug 2005
    • 5162

    #2
    الله ... الله


    ماشاء الله


    وصح السانك

    تعليق

    • ذيب برقااا
      عضو
      • Nov 2006
      • 23

      #3
      [align=center]ماشاء الله وصح السانك يابـو رنـا على القصيده الرائعه [/align]

      تعليق

      • النايف اللامي
        عضو نشيط
        • Nov 2006
        • 89

        #4
        لا فض فوك يابو رنا
        خطيره جدا
        عند طلب ممكن
        تكتب لنا قصه القصيده
        ولا هنت

        تعليق

        • بدر الغبيوي
          عضو فضي
          • Sep 2006
          • 234

          #5
          صح السانك ولاهنت يالذيب


          تحياتي

          تعليق

          العمل...