تكفون يا اهل الشعر افيدوني

طي
X
 
  • التوقيت
  • إظهار
مسح الكل
المشاركات الجديدة
  • عزي بربعي
    عضو
    • May 2010
    • 14

    #1

    تكفون يا اهل الشعر افيدوني

    [align=center][align=center]السلام عليكم ورحمة الله وبركاته

    اخواني تكفون الي عنده المام في بحور الشعر والوزن يفيدني وانا والله ان

    الي ينتقدني ويعلمني با اخطائي مسوي لي جميل يشكر عليه


    هذي قصيده وابي منكم النقد فيها سواء من ناحية الوزن ولا الفكره ولا ايا كان


    وش تاليتها معك يا هاجسي قلي
    ما اخبر بيني وبينك دين وطلابه
    من وين ما اسج رجلي عنك واولي
    تطلع لي ماكن عندي غيرك اشقابه
    والله لو اني ثارن لك كان تغفر لي
    مار البلاء ماعرفنا الذنب وحسابه
    عاقبتني في همومي وبكثر حملي
    وبواحدن مانهض حظي ولي جابه
    وش ذنبي يالمفتري بفعلن ماهو فعلي
    وانت اقرب الناس لي وتعرف اسبابه
    أمعادله امعقده ولا ابي لها حلي
    ومن يقفل الباب ماني طارق ابوابه
    اعرف مبداك ولا انت بعنه متخلي
    يا عاشقن مايعرف الحب واحبابه
    وادري ان مبداي في نظرتك مختلي
    والحق كلن يدور مثلها اثيابه
    [/align][/align]
  • عبدالرحمن الـعتيبي
    عضو فعال
    • Feb 2011
    • 112

    #2
    وعليكم السلام ورحمة الله وبركاته

    قبل لا أعطيك انتقاد في قصيدتك أبي أعطيك معرف

    البحور اذا سالت عن البحور:هي بحر تكتب قصيدتك عليها وأنت الان تكتب على بحر
    ولا يخطرلي اسمه والكثير يكتبون عليه
    بالنسبة للوزن مستحيل تعرف قصيدتك موزونة ولالا الا باللحن لحنها
    أو أنك تخليها شيله اذا شفت اللحن على وضع واحد قصيدتك موزونة
    واذا مي على وضع واحد عدل في مكان الخلل لين توزنه
    مثال
    هذا بيتين مني لحنها وشوفها موزونة ولالا

    الاول بيت مو موزون<<<{مو موزون}
    [poem= font="simplified arabic,5,black,bold,normal" bkcolor="transparent" bkimage="" border="none,4,black" type=0 line=0 align=center use=ex num="0,black"]
    سبحانك اللهم خالق أراضين وبحار=يالواحد المعبود ياخير موجود ومنان ومعطي[/poem]
    شوف الشطر الثاني مو زي اللحن في الشطر الاول لان اللحن طول في الشطر الثاني

    طيب نجي للبيت الموزون

    [poem= font="simplified arabic,5,black,bold,normal" bkcolor="transparent" bkimage="" border="none,4,black" type=0 line=0 align=center use=ex num="0,black"]
    في منتدى الهيلا زحول الرياجيل=بيت القبيلة والنشاما أرواقة[/poem]طيب الان لحنها وشوف موزونة ولالا

    يعني بختصار اذا استقام معك اللحن على لحن واحد قصيدتك موزونة

    القافية:القافية هي آخر حرف أو حرفين أو ثلاث حروف في آخر بيوت الشطر الاول متطابقة
    مع بعض وفي الشطر الثاني نفس الطريقة وانت مسويها في قصيدتك وتمام


    طيب الان بقولك شي
    اذا سويت قصيدة لازم يكون فيها تشبيهات يعني مثلا سويت عن الام
    تقول فيها وتشبها في القمر مثلا تقول
    ياشمس في قلبي بعيد زوالها

    نجي الان لشي مهم

    القصيدة مهما بلغ طولها ماعليك عليك من الوزن

    انا الان بطلع أخي واذا لقيت فرصة ان شاء الله دخلت وكملتك
    وبرضو اذا تبي تتكلم مسن ايميلي في التوقيع

    تعليق

    • & محمد خالد القحطاني &
      عضو ذهبي
      • Aug 2009
      • 375

      #3
      وعليكم السلام ورحمة الله وبركاته


      حياك الله وبياك


      القصيدة من ناحية الوزن فيها بعض الكسور وبعضها تعتمد على النطق في وزنها اذا كان سليم


      اما النقد فيه من اعرف مني في هذا المجال



      تحياتي لك




      ملاحظه

      البحر هذا يسمونه الهجيني الهجيني الطويل وفيه الهجيني القصير اللي هو

      يازين هون على المجروح **** بالله لاتحرق اعصابه



      والسلالام

      تعليق

      • عبدالرحمن الـعتيبي
        عضو فعال
        • Feb 2011
        • 112

        #4
        ماقصر معك الاخ من ناحية النقد

        تعليق

        • فهد الزهراني
          عضو مميــز
          • Mar 2007
          • 3237

          #5
          هلا بك يالغالي

          وفقك الله وأول سلم النجاح ان يقبل الانسان بالنقد والتوجيه

          قصيدتك طيبة وينقصها الوزن وحتى القافية

          المفروض يكون الشطر الاول من القصيدة مشدد اللام (انت شددت في أول بيتين وبعدين اهملت التشديد على اللام)

          ثانيا الوزن فيه بعض الملاحظات والافضل انك تغني قصيدتك على اي لحن يعجبك وراح تعرف الزيادة والنقص

          ثالثا: فيه وحدة موضوع وتسلسل جميل في القصيدة وباقي لك تحاول ان تجعل الربط بشكل اقوى وتختار التراكيب الاقوى والاجزل من خلال اختيار المفردة الجزلة وتحطها في مكانها الصحيح

          اول بيتين حسب رأيي من الافضل تكون كذا


          وش تاليتها معك ياهاجسي قلي
          وانا مابيني وبينك دين وطلابه
          من وين ماآسج رجلي عنك وآولي
          تويق ماكنّ عندي غيرك اشقابه


          وقس عليها باقي القصيدة
          وفقك الله

          تعليق

          • عبدالرحمن الـعتيبي
            عضو فعال
            • Feb 2011
            • 112

            #6
            تمام

            انا إطلعت على القصيده بشكل سريع وعطيتك اللي عندي على السريع

            اللي بوضحلك اياه

            اذا شددت القافية شددها في القصيده كلها مثل عندك في الشطر الاول أول بيت
            خل الشطر الاول في الابيات كلها مشدوده الام مثل ماقال اخونا فهد

            وثانيا
            الترتيب في القصيدة لازم

            مازدت شي عن اخونا فهد بس حبيت اوضحلك اكثر

            تعليق

            • فهد الزهراني
              عضو مميــز
              • Mar 2007
              • 3237

              #7
              سلمت ياعبدالرحمن ومنك نستفيد ونتعلم دمت في خير وسعادة

              تعليق

              • عزي بربعي
                عضو
                • May 2010
                • 14

                #8
                لاهنتم على المرور وانا لحنتها وجت معي على نفس اللحن بدون نشاز


                المهم يعطيكم العافيه ومن ناحية القافيه اخوي الزهراني ما ادري بس


                اشوف انها مشدده الام بس اكيد انت اخبر واعلم مني فيه


                طيب من ناحية مفردات القصيده وترابطها هل هو منظم وجميل نوعا ما


                ولا يوجد فيه خلل


                واكرر شكري لكم على المرور

                تعليق

                • فهد الزهراني
                  عضو مميــز
                  • Mar 2007
                  • 3237

                  #9
                  هلا بك يالغالي

                  من ناحية الترابط جميلة ومتسلسلة ولكن التراكيب الجزلة واختيار مفردات عن مفردات تفرق في جودة القصيدة...

                  بخصوص الوزن واضح الكسور لكن اذا لحنها حاول تكون القصيدة كلها على نفس اللحن لا تحاور تجبر بحرف فينجبر معك الكسر ارضاءا وليس حقيقة

                  بخصوص اللام المشددة

                  انا اشرح لك بشكل بسيط

                  كلمة (يولي ...قلي....خلي... ) لو كتبتها بشكل آخر ففيها لامين ولاكنها مدموجة واكتفي بحرف واحد مشدد

                  وهي كالتالي( يول لي...قل لي... خل لي)

                  لكن اغفر لي ...وحملي ليس فيها تكرار اللام قبله حرف راء في الاوله وقبله حرف ميم في الثانية

                  اتمنى تكون وضحت الصورة

                  تحياتي لكـ

                  تعليق

                  • عبدالرحمن الـعتيبي
                    عضو فعال
                    • Feb 2011
                    • 112

                    #10
                    مثل ماآفادك أخونا فهد الله يجزاه خير والجميع ان شاء الله

                    بس ياغالي بقولك شي

                    احيانا تلحنها يطلع معك كل شي تمام القصيدة موزونة
                    ويجي واحد غيرك ويلحنها ويقولك ماهي موزونة تدري وش السبب انها تطلع معك موزونة ومعه لا؟

                    لان لو مانطق صح راح يحصل كسر في البيت
                    وقد صارت معي ولحنها واحد لي قلت عندك خطا إملائي

                    هذا الكلام عشان مو كل مااحد قال ماهي موزونة خلاص
                    اذا طلعت معك موزونة وواثق تمام
                    الله يوفقك يارب

                    تعليق

                    • عزي بربعي
                      عضو
                      • May 2010
                      • 14

                      #11
                      الله لايهينكم وشكراعلى التوضيح اخوي فهد الله لايحرمنا منك لا انت ولا عبدالرحمن


                      احترامي للجميع

                      تعليق

                      • عبدالرحمن الـعتيبي
                        عضو فعال
                        • Feb 2011
                        • 112

                        #12
                        تسلم اخوي
                        احنا معك أي وقت
                        بالتوفيق

                        تعليق

                        العمل...