اظن مطلق بحال الشعر 00جزاعي

طي
X
 
  • التوقيت
  • إظهار
مسح الكل
المشاركات الجديدة
  • سمران القثامي
    مراقب سابق
    • Jan 2004
    • 120

    #1

    اظن مطلق بحال الشعر 00جزاعي

    [poet font="Simplified Arabic,4,blue,bold,normal" bkcolor="transparent" bkimage="backgrounds/11.gif" border="double,4,gray" type=0 line=200% align=center use=ex length=0 char="" num="0,black" filter=""]
    لازل ثلث الدجى والناس هجاعي=دعيت شرد القوافي لاجل الاعبها
    شردٍ تجاوب نداي وطقة اصباعي=وترضخ تحت حكم من هجسه يداعبها
    شردٍ تجاوب نداي ونبة الداعي=وتلبس مصاغ الفخر من كف خاطبها
    من خاطرٍ بالكلام الجزل ميلاعي=ولعة هل البوش بالعفر ومناسبها
    اما حداني طرب ومجاوبه لاعي =والا سبب ضيقةٍ تزمي كتايبها
    وياجعل شعرٍ يمر الناقد الواعي=مايندمج مع بيوته يوم ارتبها
    ماينتشر مع هل الامثال 00ويذاعي=يبقي حبيس الضماير مايعتبها
    وياراكب اللي وصوفه 00حرفة صناعي=حلاقة الدقن معفيتن 00شواربها
    تصميم فاخر 00وزبدة فكر 00وابداعي=شغل النصارى ومنتجها 00ومركبها
    اتلى المديلات من زينات الانواعي=من لارصيدة يكفي 00لايقلبها
    حرام ينقل بعد مشراه ويباعي=وصوفه تكيد الموصف من عجايبها
    اليا مشى هرولة ذيبِ ورى الراعي=يهرف ورى نجع بدوٍ شد شايبها
    والياعطى مع رقاق الحزم والقاعي=فزة جفولٍ حساس البدو 00ترعبها
    والياعطى مع دماث00ونفد00وارواعي=من صممه لاجل نفسه مايتعبها
    كن الدبل والتروس 00بهوش ونزاعي=وهزازلاجل التواير مايضربها
    حاز التميز بعد تصويت واجماعي=واصبح يميز هل المال 00ومناصبها
    فكس آر ياللي تبا المصياف 00لافاعي=ثلاث ساعات وانته 00في سراة ابها
    كنه مع القار لاقفى مقلع اقلاعي=ماناقص الا جناحينه نركبه
    نصه ديار الحويقل 00طب الاوجاعي=رجلٍ عوايد جدوده مايجنبها
    واليا غويت الطريق ودرب الاسناعي=نفسك لايكثر جدلها ولاتهبها
    انشد وتلقى الخبر ويجيك 00فزاعي=عوايد اللابه اللي مايعذربها
    الا الكرم والوفاء مع 00زين الاطباعي=ترثه حرارٍ مجان الطيب تجذبها
    ملفاك دمث الجناب ووافي الباعي=ريف الهشالا ليا حفيت ركايبها
    طليق يمنى لروس الحيل 00قطاعي=لاشح بموالته خبلٍ يحسبها
    انا اشهد انه لفعل الطيب بتاعي=سجية فيه قاضبته وقاضبها
    انصه وسلم على المشهور 00يارفاعي=وامانتك لاتسلم غير صاحبها
    يعرف هدف عنوتك 00منصى ومرجاعي=ويدرك مضامين ماجاله ومطلبها
    امساجل اهل الوفاء شفي ومرباعي=وجزل المعاني وهجس ٍ مايخربها
    منهاجهم يسترق لبي والاسماعي=واطرب لشرد المثايل من مهندبها
    اقف لهم باحترام ورافع ذراعي=اللي عطوا شارد القيفان واجبها
    منه يوم صار الشعر 00واو00وتجماعي=موارد الشعر غثرب في مشاربها
    نصوه بالهزل ناس 00بالتلماعي=صبغة مكاييجها غطت حواجبها
    ماعاد للشعر ذوق ولاله مداعي=صارت حبال القضيه فوق غاربها
    ضاع الشعر بين غث00وكذب 00وخداعي=وناسٍ عسى الله عن الدنيا يغيبها
    نظرة مجرب وزن بالمد 00والصاعي=ينظر بعينٍ نظرها 00مايكذبها
    اسند بيوت القصيد الجزل 00من داعي=وضع القصيدو وناسٍ ماتناسبها
    اطن مطلق بحال الشعر 00جزاعي=وتاصل ردوده واكررها واغيبها
    وصلاه ربي عدد ماشد نجاعي=على رسولٍ نفوس الخلق 00هذبها
    اخوكم /سمران القثامي،،،،،،
    [/poet]
  • طلال الثعلي
    مشرف سابق
    • Sep 2003
    • 828

    #2
    سمران القثامي
    ماشاء الله عليك..
    مبدع في كل شي...
    واسندتها لاهلها...
    صح لسانك مليون...

    لاعدمتك...
    تحياتي

    تعليق

    • ضايق
      عضو
      • Apr 2004
      • 26

      #3
      ماهي غريبة عليك يا سمران

      بيض الله وجهك على هالقصيدة

      والله لا يخلينا من ابداعاتك يا طويل العمر


      اخوك

      ضايق

      تعليق

      • ابن مفـــلــــح
        عضو
        • Aug 2003
        • 9

        #4
        صح لسانك يالقثامي


        وصف رائع


        جزل يالقثامي بيض الله وجهك




        تحياتي لك



        ابن مفلح

        تعليق

        • داهية عتيبة
          عضو مهم
          • Jul 2003
          • 961

          #5
          صح لسانك يالقثامي


          جزلة من جزل



          لاهننننننت طال عمرك



          تحياتي ..

          تعليق

          • ابن بادي 1
            عضو نشيط
            • May 2004
            • 47

            #6
            نظرة مجرب وزن بالمد والصاعي=ينظر بعينٍ نظرها مايكذبها


            كفو والله

            وصح لسانك

            ياســــــــمـــران


            ............

            تعليق

            • مشتــــاق
              شـــاعــر
              • Sep 2003
              • 268

              #7
              اخوي سمران

              عندما ينظر القارئ الى قصائدك


              يجد الدر والجوهر


              تسلم يمينك على كل ما خطت
              ؟؟؟

              تعليق

              • وصل العطياني؟؟؟
                مشرف عام
                • Jul 2003
                • 3809

                #8
                صح لسااانك ..

                لاجديد إلا التميز والإبداع المتواصل ...


                تحياااااااااااتي
                [align=center][/align]




                [align=center][move=right]na111na@hotmail.com[/move][/align]

                تعليق

                • فهدمتعب الجعيد
                  عضو فعال
                  • Dec 2003
                  • 162

                  #9
                  اخوي سمران
                  صح لسااانك ..

                  جزل

                  تحياتي لك

                  تعليق

                  • المورقي22
                    مراقب سابق
                    • Sep 2003
                    • 493

                    #10
                    سمران القثامي



                    كما قلت منبع الجزاله


                    صح السانك


                    يا منبع الجزاله


                    ولك كل التقدير

                    تعليق

                    • ابن جدعــان
                      عضو ذهبي
                      • Mar 2003
                      • 362

                      #11
                      اخوي سمران

                      صح لسانك

                      وبيض الله وجهك

                      وكثر من امثالك.

                      جزل جزل جزل

                      جزل في نفسك

                      وجزل في نضمك

                      وجزل في اسنادك

                      تعليق

                      • أبو هلال
                        عضو نشيط
                        • Feb 2004
                        • 84

                        #12
                        سمرن القثامي
                        صح لسانك وبيض الله وجهك
                        جزلة من جزل

                        تقبل تحياتي

                        تعليق

                        العمل...