يابن جزا والله ماهي جزية

طي
X
 
  • التوقيت
  • إظهار
مسح الكل
المشاركات الجديدة
  • سلامة الجعفري
    عضو
    • Aug 2009
    • 10

    #1

    يابن جزا والله ماهي جزية

    [align=center]السلام عليكم ورحمة الله وبركاته

    هذه اول مشاركة لي في هذ المنتدى الشامخ وهي عبارة عن ابيات متواضعة في مديح اخي العزيز ([mark=#ff0000]طراد بن جزا بن سهو الروقي العتيبي[/mark] )

    هذا الرجل السامي باخلاقه ونبله وقف معي وقفة صادقة لايرجوا منها شيئا سوى ان اخلاقه النبيلة وشهامته تحدوه لذلك فقد مرضت ابنتي واحتاجت الى تحويل الى الرياض وتعرفون الواسطات عندنا فحصلت على رقم الاخ طراد وهو لايعرفني مسبقا واخبرته بالتفاصيل فبذل جميع الجهد حتى ادخلت ابنتي مدينة الملك فهد ــ قبل ان يسترد الله امانته ــ واستمر معي في المواصلة كمواصلة اخ لاخيه ومنذ وقت احاول ان اكتب به ابيات لكني لاارها تسمو الى قامته فاتركها واكتشفت اني في النهاية مهما كتبت لن اوفيه حقه ولكن من باب الشكر والعرفان فاني اهديه هذه المتواضعة واجعلها استفتاحية في منتدى عتيبة الهيلا وبالله التوفيق [/align]





    [poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ستين يوم او يمكـن ازود شويّـه=وانـا تمنينـي هجوسـي بقيفـان
    واليا غـدى للفكر روحـه وجيـّه=واخذت انظّـم لي تمـاثيل بالحان
    هونت ماهـو ضعـف فالمقدريّـه=لاشك عنـدي ماتجـازي كحيـلان
    اعني بها اللي مايبي لـه وصيّـه=رجـل يوقـف فاللـوازم وينبـان
    على دروب الطيب سـاق المطيّـه=طبع ٍ بذاته موجـده رب الاكـوان
    طراد العتيبي مـن رجـال ٍ وفيّـه=اسم ٍ بصفحات الوفا صار عنـوان
    لكن عزمـت اهديـه منـي هديّـه=ابيات تحمل كـل شكـر ٍ وعرفـان
    واذكر صنيعه فالظـروف القويّـه=ماهو جزا مني ... ولكن على شان
    ابيـّـن انه من كـرام السجيّـه=اللي ليا حان القسـا فعلهـم بـان
    رد الثنـا فالطيـب واجـب عليّـه=ماني بمن رده على الطيب جحـدان
    يابـن جـزا والله ماهـي جزيّـه=لو اني اكتب بك من الشعر ديـوان
    وقفـت مامقصـدك هـذي وذيّـه=الا الاجر من عند خـلاق الانسـان
    تحـداك نفـس ٍ للمراجـل شفيّـه=تسعى لنيل الطيب في كل الاحيـان
    يوم انها ضاقـت علـيّ الفضيّـه=في ساعة ٍ ماشفت فالناس عـوان
    (بنتـي) قبـل ميعـاد رب البريّـه=قبل النهار اللي لفانـي بالاحـزان
    كان المرض معها مسـوي قضيّـه=وتحويلها ماكان شي ٍ بالامكان
    حتـى تيّسـر رقـم هاتفـك ليّـه=ودقيت , واخبرتك بكل الذي كـان
    قلت ابشر الدعـوى تراهـا رخيّـه=يالوايلي لاجيـت كـل القسـا لان
    بـلاش فالنخـوة تبيـح الخفيّـه=الوضع هيّن لاتجي وانـت حيـران
    نخوى العتيبـي مابهـا عنصريّـه=يبيع فيها العمر ماهـو ب(بلشـان
    لكـنّ وفرهـا لـصـد السـريّـه=يوم ٍ يجي يروى به السيف شامان
    هـذا كلامـك يازبـون الونـيّـه=قلته وانا لمواجـه الفعـل شفقـان
    وانا اشهد انّك جيت نفسك رضيّـه=واثبت من فعلك على القول برهـان
    وفيـت يـاراع الوفـا والحمـيّـه=ماانته من اللي طيبهم هرجة لسان
    من دون عرف ٍ كان يجمعـك بيّـه=فزعة لي فزعة بني عـم واخـوان
    يجزاك ربي فـي جزيـل العطيّـة=وانا اطلبه يحميك عن ميل الازمان
    والا سواتـك حـاجـة ٍ عايـديّـه=ماهي غريبه منك يـاذرب الايمـان
    انتـه سلايـل لابـة ٍ صيرمـيّـه=متوارثين الطيب شيـب ٍ وشبـان
    عتيبـة الهيـلا والافعـال حـيـه=في وقتنا اللي فات او وقتنـا الآن
    ادنـى عتيبـي لا تـدور حلـيّـه=تكفيك وقفاته عـن فـلان وفـلان
    عسـى حياتـك يالسنافـي مديّـه=وتنعم بخيرات الولي جزل الاحسان
    واقبل مديح ابيـات ماهـي مليّـه=لكنهـا يرجـح بهـا كـل ميـزان
    مدام فيهـا اسمـك تراهـا غنيّـه=اسمك يعليها ويرفـع لهـا شـان
    والا انت فيك المدح ماهـو جزيّـه=لو اني اكتب بك من الشعر ديـوان
    بـس اعتبرهـا يالسنافـي هديّـه =ابيات تحمل كـل شكـر ٍ وعرفـان[/poem]
    تم التعديل الأخير بواسطة سلامة الجعفري؛ 30-Aug-2009, 08:05 AM.
  • زياد المزرمي
    شــــاعــر
    • May 2008
    • 1808

    #2
    [align=center]الله الله


    صح لسانك يا سلامه


    على الابيات الجزله والتصوير الرائع


    وكفوو بعتيبه الهيلا وابنها طراد جزا


    ولا شك ان الطيّب يستاهل المدح


    وانت من طيبك ما نسيت فزعة الطيّب


    ما اقول الا الله يجبر مصابك


    تقبل خالص تحياتي
    [/align]
    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    عز الله اني فالوصل ماني بشي !! = ولا الحقوق .. اقولك عد واغلط !!

    دام المواجه حظ .. ويحالف الحـي = لابد مايحصل ( هلاوين وإقلـط )[/poem]

    [align=center]زيـاد الـمـزرمـي[/align]
    [align=center]ziadsm@windowslive.com[/align]

    تعليق

    • عمر الدغيلبي
      مشرف سابق
      • Dec 2006
      • 2015

      #3
      وعليكم السلام ورحمة الله وبركاته

      أولا ً يسرني أن أرحب بك أيها الشهم / سلامه الجعفري

      وثانيا أسأل الله العلي العظيم أن يجبر مصابك

      وثالثا ً أقول صح لسانك ونعم بك والله ياولد وايل وماعليك زود وكفيت ووفيت

      شرفتنا بتواجدك بيننا وننتظر جديدك بشوق

      احترامي
      [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
      في منتدى الهيلا زحول الرياجيل = بيت القبيله و النشاما إرواقه
      يزينه حرصه لزين التماثيل = ويجمله نبذ العلوم الدقاقه[/poem]

      تعليق

      • ممدوح الروقي
        عضو ماسي
        • Jan 2007
        • 598

        #4
        صح لسانك يابن وايل ورحم الله ابنتك وبيض الله وجهه بن سهو
        الطيب لاتســتغربه من هل الطـــيب *** اللي لهم منهج الطيب خبره
        اوسع على الاجوادمن فيضت شعيب***واضييق على الانذال من ثقب الابره

        تعليق

        • ممدوح الروقي
          عضو ماسي
          • Jan 2007
          • 598

          #5
          صح لسانك يابن وايل ورحم الله ابنتك وبيض الله وجهك يابن سهو

          تعليق

          • سلامة الجعفري
            عضو
            • Aug 2009
            • 10

            #6
            تم النشر في الأصل بواسطة زياد الشطيطي عرض المشاركة
            [align=center]الله الله


            صح لسانك يا سلامه


            على الابيات الجزله والتصوير الرائع


            وكفوو بعتيبه الهيلا وابنها طراد جزا


            ولا شك ان الطيّب يستاهل المدح


            وانت من طيبك ما نسيت فزعة الطيّب


            ما اقول الا الله يجبر مصابك


            تقبل خالص تحياتي
            [/align]
            صح بدنك اخي زياد

            وشاكر لك على المرور

            والكلام الطيب


            الله يوفقنا للعلم الجميل


            وانت من طيب اثنيت على الابيات


            اشكرك مرة اخرى


            ودمت بخير
            تم التعديل الأخير بواسطة سلامة الجعفري؛ 02-Sep-2009, 07:15 AM.

            تعليق

            • سلامة الجعفري
              عضو
              • Aug 2009
              • 10

              #7
              تم النشر في الأصل بواسطة عمر العتيبي عرض المشاركة
              وعليكم السلام ورحمة الله وبركاته

              أولا ً يسرني أن أرحب بك أيها الشهم / سلامه الجعفري

              وثانيا أسأل الله العلي العظيم أن يجبر مصابك

              وثالثا ً أقول صح لسانك ونعم بك والله ياولد وايل وماعليك زود وكفيت ووفيت

              شرفتنا بتواجدك بيننا وننتظر جديدك بشوق

              احترامي


              عمر العتيبي

              ماعليك زود

              وعتيبة معروفة من قديم ماهمهم محتاجين مدحي


              وابنهم دايم مايبور


              طراد كفى ووفى ومااعتبر هالابيات الا اقل تعبير بالعرفان له على طيبه


              اشكرك اخي عمر على مرورك العاطر


              وصح بدنك

              وتواجدي بينكم يشرفني


              دمت بخير

              تعليق

              • سلامة الجعفري
                عضو
                • Aug 2009
                • 10

                #8
                تم النشر في الأصل بواسطة ممدوح الروقي عرض المشاركة
                صح لسانك يابن وايل ورحم الله ابنتك وبيض الله وجهه بن سهو
                الطيب لاتســتغربه من هل الطـــيب *** اللي لهم منهج الطيب خبره
                اوسع على الاجوادمن فيضت شعيب***واضييق على الانذال من ثقب الابره
                تم النشر في الأصل بواسطة ممدوح الروقي عرض المشاركة
                صح لسانك يابن وايل ورحم الله ابنتك وبيض الله وجهك يابن سهو

                حياك الله ياممدوح
                وماقلته صحيح


                اشكر لك مرورك العاطر

                وجزاك الله على دعوتك يالوافي



                دمت بخير
                صح بدنك

                تعليق

                • عبدالله الجـــذع
                  مشرف منتدى قصه وقصيده
                  • Sep 2007
                  • 8093

                  #9
                  صح لسانك ياولد وائل على هالشامخه

                  ورحم الله ابنتك

                  والله يجعلها شفيعه لك يوم تلقاه

                  وبيض الله وجه ابو جزا اللي وقف معك

                  وانت تستاهل كل خير

                  للمعلوميه جزا بن سهو احد ملاك الابل المشاهير فالقبيله

                  محبك
                  قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                  .
                  قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                  فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                  .

                  موقع يضم جميع القراء


                  هنا

                  تعليق

                  • محمد بن غازي
                    مشرف عــام
                    • Jun 2005
                    • 5252

                    #10
                    صح لسانك ياسلامه ورحم الله ابنتك وجعلها شفيعه لوالديها وعوضها الجنه ... وعوضكم خير ... ولايستغرب الوفاء من اهل الوفاء ... بيض الله وجه طراد بن جزا بن سهو على الوقفه الطيبه وجزاه الله خير الجزاء ..
                    وبيض الله وجهك يالوايلي ... على أشهار الطيب والأفعال الطيبه المتبادله بين عنزه الوايليه وعتيبه الهيلا غير مستغربه ...
                    ومرحبا بك وابرك الساعات أنضمامك لنا في منتديات الهيلا ..

                    تعليق

                    • سلامة الجعفري
                      عضو
                      • Aug 2009
                      • 10

                      #11
                      تم النشر في الأصل بواسطة عبدالله الجـــذع عرض المشاركة
                      صح لسانك ياولد وائل على هالشامخه

                      ورحم الله ابنتك

                      والله يجعلها شفيعه لك يوم تلقاه

                      وبيض الله وجه ابو جزا اللي وقف معك

                      وانت تستاهل كل خير

                      للمعلوميه جزا بن سهو احد ملاك الابل المشاهير فالقبيله

                      محبك

                      عبدالله الجذع
                      الشموخ بحضورك الباهي


                      والله يجزاك بالخير على دعواتك الطيبة


                      ونعم بطراد وبابوه وبعتيبة كلها



                      مرورك اسعدني وشرفني


                      صح بدنك ولك التقدير

                      تعليق

                      • سلامة الجعفري
                        عضو
                        • Aug 2009
                        • 10

                        #12
                        تم النشر في الأصل بواسطة الصقر عرض المشاركة
                        صح لسانك ياسلامه ورحم الله ابنتك وجعلها شفيعه لوالديها وعوضها الجنه ... وعوضكم خير ... ولايستغرب الوفاء من اهل الوفاء ... بيض الله وجه طراد بن جزا بن سهو على الوقفه الطيبه وجزاه الله خير الجزاء ..
                        وبيض الله وجهك يالوايلي ... على أشهار الطيب والأفعال الطيبه المتبادله بين عنزه الوايليه وعتيبه الهيلا غير مستغربه ...
                        ومرحبا بك وابرك الساعات أنضمامك لنا في منتديات الهيلا ..

                        الصقر صح بدنك والله يجزاك بالخير على دعواتك الطيبة


                        وماعليك زود يالوافي


                        واتشرف بانضمامي الى هذا المنتدى الشامخ

                        الشامخ بما فيه مضمون وبما فيه من رجال اكفاء


                        اشكرك على مرورك ومشاعرك الطيبة


                        تحيتي وتقديري

                        تعليق

                        العمل...