اليوم عاشر يوم واشرب يا ربيب

طي
X
 
  • التوقيت
  • إظهار
مسح الكل
المشاركات الجديدة
  • الازوري
    شــاعر
    • Apr 2005
    • 166

    #1

    اليوم عاشر يوم واشرب يا ربيب

    [poem=font="arial,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    إليا بدعت القاف قافي ما يشيب=وآجيب من زين البيوت إجزالها

    وان كان ما تمسي سوات العندليب=يا اصحابنا فال الله ولا فالها

    الليل كله يا منادي يا مجيب=واللي معه لو نص كلمه... قالها

    ما ادري متى يخلص طليب(ن) من طليب=حتى تحاسب كل نفس اعمالها

    وشلون راع الطيب ما يجزى بطيب=وتقابل الحسنه بعشر امثالها

    الليل يا معروف يا العظم الصليب=يا اللي ليا اركى للحمول اشتالها

    من لابة(ن) يوم الوغى سقم الحريب=واهل الشيم واهل القيم بحلالها

    يا ذيب يا اللي للعوا جاوبك ذيب=ما خذت يمناها وحزت شمالها

    ولاني وانا صالح بعبّاد الصليب=ولا محتري ليله يهل هلالها

    بعض العرب لا جيت والمآقف صعيب=لا عم للدعوه ولاهو خالها

    إليا دعيته للوفا ما يستجيب=تعباله الدنيا وهو يعبالها

    وبعض العرب فالوقت مقطوع النصيب=لا يقدم الحمله ولا يبرالها

    إليا حظرو حاظر ولن غابو يغيب=مثل المره دايم ورى رجالها

    يا ربي ان الضن كله ما يخيب=والناس يا الله لا قطعت آمالها

    هذا ولو به ما ذريتك يا ركيب=حتى تجي شجره يضل اضلالها

    جرح(ن) يطيب وجرح يبطي ما يطيب=وآخير من حل المدن ترحالها

    وعيار يدوش خير من واحد يصيب=ان صاب جاب خفافها وثقالها

    وان كان ما ذيب الخلا يقنب قنيب=يرتاح عند ام الوشم وعيالها[/poem]






    صالح الازوري
  • عبدالرحمن الهيلوم
    عضو
    • Apr 2007
    • 21232

    #2
    بيض الله وجهك

    وصح السااااااااااااانك

    تعليق

    • عفتان العتيبي
      عضو ماسي
      • Oct 2008
      • 498

      #3
      صح السانكم
      تشكر ياذيب

      تعليق

      • أخو جوزا
        إدارة أقسام القبيلة
        • Jul 2003
        • 4189

        #4
        بعـض العـرب لا جيـت والمآقـف صعيـب
        لا عـــــم لـلــدعــوه ولاهــــــو خــالــهــا
        إلــيــا دعـيـتــه لـلـوفــا مــــا يسـتـجـيـب
        تـعـبــالــه الــدنــيــا وهــــــو يـعـبـالـهــا
        وبعض العرب فالوقـت مقطـوع النصيـب
        لا يـــقــــدم الــحــمــلــه ولا يــبــرالــهــا
        إلـيـا حـظـرو حـاظـر ولــن غـابـو يغـيـب
        مــثـــل الــمـــره دايـــــم ورى رجـالــهــا


        صح لسانك ياصالح
        قال الله تعالى:

        ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

        تعليق

        العمل...