الشعر اخوي من النسب والرضاعِـــــي

طي
X
 
  • التوقيت
  • إظهار
مسح الكل
المشاركات الجديدة
  • الصريح العتيبي
    عضو فعال
    • May 2007
    • 150

    #1

    الشعر اخوي من النسب والرضاعِـــــي

    بعد غياب خارج عن ارادتي اعود لكم هذا المساء بهذه الكلمات التي جرت بيني وبين الشاعر الكبير ناصر ابن عبيد الهواوي......ارجوا ان تنال استحسانكم

    الصــــــــــوت

    [poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    طال الســكوت ولا عرفــنا دواعيــه = يمضي شهر موحي من الـربع داعِي

    وأنا الهدوء والصمت مانيــب أدانيــه=خصٍ إلى طــبق بشكل جمــاعــــي

    أن كان ما يحكي رفيقــي وأحاكيــه=أخــذ وعـــطا بالــــراي دون النـــزاعِي

    ربــك عطــاك لســان وتعطــله ليــه=وأيضاً وهبك أذآن لجـــل الســــماعِي

    شف الأصم ما يسمع اللـي ينــاديه=تقـــول يا مسكــــين أذآنـــه وجـــاعِي

    والأطرم اللي هرجــته بــس بيــديه=وشلون لــو يلقـــى لســــان يبـــاعِي

    لو فــي ملاييــن الجنيــهات يشــريه=ويسلك لجمع المال شتى المساعي

    طال الزمن زين التماثيل مــا أوحــيه=حتى المــهاتف صار فيـــه إمتـــناعِي

    بالله يـــاجمـــعـان يــوم أنــت تأتيــه =قريب ماتحتـاج نقــل جــــماعـــي

    برق ببن سرحـي واللـي حــواليــه =وش سبت سكوته طويـــل الـذراعِي

    أن كان دايـــم بالحــرم عــاكــفٍ فــيه = ويوصـــــال التــسبيح دون إنقطاعِي

    ويرفـع القــيوم الســـما كل أيـــاديه = تـــــراه للجـــنه دعتــــه الـــدواعِي

    وأن كان تسمع بالجبل وقش رجـليه =ويجمع أوراقــــه ويبـــرى اليـــراعي ِ

    والــيا الــتفــت كن البــنادور عيــنيه =واليا جلس تكــى ومـــد الكــــراعي ِ

    تـــره مهــمـومٍ بــعلـــمٍ معنـــيـــه = وفيه اشتقى ضاقت عليه الوساعيِ

    وضيق الصدر يرفع ضغط قلب راعيه = ويصير ماينـــفع هجـــوم ودفـــاعِي

    قهـــوه من النعنـــاع علـــه يهـــديه =والكركديه يخــفـــــض الإرتفــــاعِي

    أن كــــان مافـــادن ضـــريه تنـــاديه = له عندانا قدر ومـــكــــانٍ رفــــاعِي

    وأنت وســـمـــيك علـــمه لاتخلــيه = أربع ليالـــي كافــــيه كان طــــاعِي[/poem]


    ناصر عبيد الهواوي






    الصـــــــــدى



    [poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    حييت ياشعـراّ دعتنـي قوافيـه=وحييت ياصوت الهمـام الشجـاعِي



    بحراّ يموج ويتعب اللـي يجاريـه=بالشعر واعلـوم الوفـا والطبـاعِي



    حاولت والا من يحـاول يناحيـه=أما غرق والا مع المـوج ضـاعِي



    واللي يبي علـى طريقـه يباريـه=يصير مثله حاضـر الحـس واعِي



    يسرح مساريحه ويسري مساريـه=يصبح بقاع ويمسي ايضـاّ بقـاعِي



    وانا ضروفي مانعتنـي لاخاويـه=بيني وبين ايـام وقتـي صـراعِي



    والا القصيد اشتاق واحب اسويـه=الشعر اخوي من النسب والرضاعِي



    سيل يجيني يدّحـم مـن مجاريـه=والمد مدي فيـه والصـاع صـاعِي



    اليا برق له بـارقّ فـي مناشيـه=يهـل همالـه وينـبـت مــراعِي



    احرص على سبكه وجودة معانيـه=وروضه لعكفان الشوارب مشـاعِي



    فيما مضى واليوم كثـرة بلاويـه=اصبح طرب والا ضمان اجتمـاعِي



    ياناصر اللـي مشغلاتـه مناحيـه=يشعاه من باب الهواجيـس شـاعِي



    خلـه بحالـه لاتهّيـض طواريـه=يعيش في الدنيـا كفـاح وقنـاعِي



    بعد رست بواخـره فـي موانيـه=عن طيب نفس وعن رضى واقتناعِي



    ماله مع التجار سـوقّ يحاضيـه=ولاله ولاله في المجـال الصنـاعِي



    ولاهوب شاويـاّ يتابـع مواشيـه=ولاهـوب فــلاحّ بحـقـل زراعِي



    ماء زمزم ورغيف واحـد يكفيـه=شبعان عزة نفس فـوق الشبـاعِي



    في روضة المسجد وفرضه يصليه=اذعـت سـراّ مابغيتـه يــذاعِي



    والبحر ياناصر مغـادر شواطيـه=اخذت مجدافـي وطـاوي شـراعِي [/poem]الصريح العتيبــــــــــي
  • ابوطلال1
    عضو
    • Oct 2007
    • 24

    #2
    صح السانك يالصريح وصح لسان ناصر قصائد جزله

    تعليق

    • فايز بن سرحان الثبيتي

      مشرف منتدى قصائد الاعضاء

      • Nov 2008
      • 5247

      #3
      طال السكـوت ولا عرفنـا دواعيـه
      يمضي شهر موحي من الربع داعِي
      وأنا الهدوء والصمت مانيب أدانيـه
      خصٍ إلـى طبـق بشكـل جماعـي


      الله اكبر صح لسان الشاعر ناصر عبيد الهواوي جزاله وقوة ابيات



      وانا ضروفـي مانعتنـي لاخاويـه
      بيني وبين ايـام وقتـي صراعِـي
      والا القصيد اشتاق واحـب اسويـه
      الشعر اخوي من النسب والرضاعِي


      الصريح العتيبي انا اشهد انك وافي وردك وافي


      صح لسانك وفكرك




      لا تحرمنا اتواصلك
      [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

      إذا شئت أن تحيا سليما من الأذى=وحظك موفور وعرضك صين
      لسانك لا تذكر به عورة امرىء=فكلك عورات وللناس السن
      وعينك إن أبدت إليك معايبا = فصنهاوقل يا عين للناس أعين
      وعاشر بمعروف وسامح من اعتدى=وفارق ولكن بالتى هى أحسن

      [/poem]

      تعليق

      • سعود بن سعد الحافي
        عضو فعال
        • Nov 2003
        • 134

        #4
        [align=center]
        صح لسانك يا بو فايز

        وصح لسان ابو عبيد

        شعراء كبار

        و القصائد جزله بالحيل

        يعطيك العافية يالصريح

        و لاهنت يالغالي

        تحيتي لك

        ،،،،،،،،،،،،،،[/align]

        تعليق

        • الصريح العتيبي
          عضو فعال
          • May 2007
          • 150

          #5
          تم النشر في الأصل بواسطة ابوطلال1 عرض المشاركة
          صح السانك يالصريح وصح لسان ناصر قصائد جزله

          صح بدنك
          وشكراّ لمرورك العذب
          دمت بخير

          تعليق

          • حمد الدغيلبي
            عضو نشيط
            • Apr 2009
            • 59

            #6
            طال الزمن زين التماثيل ما أوحيـه
            حتى المهاتف صار فيـه إمتناعِـي
            بالله ياجمعـان يـوم أنـت تأتيـه
            قريـب ماتحتـاج نقـل جمـاعـي



            صح لسانكم جميعا

            تعليق

            العمل...