الشيخ / فيحان بن تركي

طي
X
 
  • التوقيت
  • إظهار
مسح الكل
المشاركات الجديدة
  • محمد الـعـريدي
    عضو فضي
    • Mar 2007
    • 217

    #1

    الشيخ / فيحان بن تركي

    [align=center]

    -
    -

    إليكم هذه القصيدة في الشيخ / فيحان بن تركي

    عندما ساهم في إعتاق رقبة
    الحميدي بن عبدالله العريدي ..

    ومهما كتبنا في ابو نايف لن نوفيه حقه ..


    -
    -


    [poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    قال العريدي .. يوم شاش و تغنـّـا = من طيب راسه طاب بدع التماثيل
    الحمد لله جت على ما نتمنـّـا = من فضل ربي كلبوها تســـاهيل
    الفال طيـّب .. والدعاوي قضـنـّـا = والطير رفرف عن سلوك المحابيل
    يا طير رفرف .. و إسفهل .. وتهنّــا = جاك الفرج .. عقب السنين البهاذيل
    أربع سنين ٍ من سنينك مضنّـا = لا عادها الله من سنين ٍ مهاويل
    أربع سنين ٍ وأنت ياطير عنّا = من بيننا رجوى الليال المقابيل
    خايف يجيك الحكم والموت منــّـا = وخايف يطول الصبر والحِكم ما قيل
    أحد ٍ يبا شوفك .. و قلبه يحنـّـا = واحد ٍ يبا ذبحتك .. ويحط و يشيل
    مير أشكر اللي ما يخيّـبك ظنــّا = الواحد المعبود مجري المخاييل
    ثم الرجال.. اللي لها الشكر منّــا = اللي سعوا بالصلح .. نِعم الرياجيل
    فيحان بن تركي زبون المجنـّـا = هو راعي الوقفات جزل المفاعيل
    يوم إن جورالوقت جار وغبنـّـا = وصكات بقعا مرزمات ٍ مقابيل
    من طيب راسه ما تمادى وتونـــّا = له وقفة ٍ يشهد لها كل حلحيل
    له وقفة ٍ زاحت بلا الوقت عنّــا = وقفة شجاع ٍ ما عليها مداخيل
    شال الحمول الكايده ماتثنـّا = ما حط دون الدرب عذر و عراقيل
    وقّـّـف ابو نايف .. و فعله املنـّا = و انا اشهد إنه جمّل الفعل تجميل
    كفو .. كفو .. كفو .. يوم إنه تعنــّـا = ما خابت الهقوه .. في نسل الحلاحيل
    يا عنك مثله نادر ٍ في وطنّــا = اللي مثل فيحان نادر بها الجيل
    يفداه منهو عن لزومه تدنـّـا = ويفداه منهو يجمع القال والقيل
    واللي على ماله يدينه حدنّـا = ولعل يفدونه جموع الدعابيل
    و يا شيخنا كان السنين امهلنّــا = وإن كان ربي مهّل العمر تمهيل
    حنا على يمناك منـّـا و منــّا = تبشر بما يرضيك يإبن المشاكيل
    حنا ولا من قلت حنا و حنا = تشهد لنا حد السيوف المصاقيل
    هذا ومعروفك كبير وشملنّـا = تسلم لنا يا إبن الرجال الحلاحيل[/poem]


    -
    -[/align]
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    [align=center]صح لسااانك يالغالي ما قصرت ..[/align]
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • فهد مطلق العتيبي
      عضو
      • May 2009
      • 22

      #3
      بيض الله وجهك ويستاهل الشيخ فيحان ابن تركي

      تعليق

      • فايز بن سرحان الثبيتي

        مشرف منتدى قصائد الاعضاء

        • Nov 2008
        • 5247

        #4
        قال العريدي .. يوم شـاش و تغنّـا
        من طيب راسه طاب بدع التماثيـل
        الحمد لله جـت علـى مـا نتمنّـا
        من فضل ربـي كلبوهـا تساهيـل


        الله الله

        محمد العريدي


        بيض الله وجهك شعر يستحق الاشاده


        والله انك مبدع



        ...
        ..
        .

        وجزا الله الشيخ فيحان بن تركي خير الجزاء


        تحيتي لك
        [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

        إذا شئت أن تحيا سليما من الأذى=وحظك موفور وعرضك صين
        لسانك لا تذكر به عورة امرىء=فكلك عورات وللناس السن
        وعينك إن أبدت إليك معايبا = فصنهاوقل يا عين للناس أعين
        وعاشر بمعروف وسامح من اعتدى=وفارق ولكن بالتى هى أحسن

        [/poem]

        تعليق

        • فواز علي الروقي
          عضو ذهبي
          • Jul 2008
          • 347

          #5
          صح لسانك لاهنت على ماقلت تقبل تحياتي

          تعليق

          • الــــوافـــي
            عضو نشيط
            • Apr 2009
            • 63

            #6
            صح لسانك والشيخ فيحان بن تركي يستاهل كل علمن طيب

            تعليق

            • محمد الـعـريدي
              عضو فضي
              • Mar 2007
              • 217

              #7
              محمد العتيبي ..

              لاهنت على مرورك لاهنت

              تعليق

              • مرزوق حمدان العتيبي
                مشـرف عام
                • Nov 2003
                • 20403

                #8

                ..
                .
                صح لسانك ..

                وبيض الله وجهك


                و الشيخ فيحان ابن تركي كفو والله يبيض وجهه.
                [align=center]
                [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
                حط حبه في كياني ماتغيّره السنيني = وانثني من دون عرضه بالذراع وباللساني[/poem]







                @Marzouq_MHD
                [/align]

                تعليق

                • محمد الـعـريدي
                  عضو فضي
                  • Mar 2007
                  • 217

                  #9
                  تم النشر في الأصل بواسطة فهد مطلق العتيبي عرض المشاركة
                  بيض الله وجهك ويستاهل الشيخ فيحان ابن تركي
                  فهد العتيبي ..

                  وجهك ابيض .. ولاهنت على مرورك

                  تعليق

                  العمل...