بيني وبين علي فلاح العضياني

طي
X
 
  • التوقيت
  • إظهار
مسح الكل
المشاركات الجديدة
  • المعتصم بالله
    شـــاعــر
    • Feb 2008
    • 576

    #1

    بيني وبين علي فلاح العضياني

    السلام عليكم جميعاً هذه ابيات وجهتها لأخي الشاعر / علي فلاح العضياني

    وقد رد عليها واليكم القصيده والرد من علي.

    احترامي للجميع.


    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
    عزي لقلبٍ طواه الهم والحيره=من عشرةٍ ما عرفنا وش نتايجها

    عليك ياشبه ريمٍ صابته ذيره=من ضول قومٍ بعد مااوحى لجالجها

    أو عود موزٍ تهب الريح وتثيره=واليا انثنى نار قلبي زاد واهجها

    زودٍ على حسنها في سنها صغيره=ياويل من شافها لحظة تغنجها

    ثالث سنه ماشي بحبه وتقديره=وله صورةٍ راسخه بالفكر ناسجها

    يخطي واسامح ليا جتني معاذيره=واقول زله ولابده يعالجها

    واطفى شموع المحبه يالله الخيره=وانا غرامه على نفسي مخالجها

    لو كان عشقه علي/ه/بان تاثيره=من صد عني عليه النفس ما احرجها

    واليا سمعت المثل (ديره بدل ديره)=اقول الامثال يا محلا مناهجها

    يطري اسج القدم وافضها سيره=ولابد من يوم والمولى يفرجها

    لكن قبل الوداع ابا اطلب الشيره=من صاحبٍ يلقى للعسره مخارجها

    ذخر اللي يوم انها بارود وسعيره=يشهد لهم داخل الدوله وخارجها

    الاد ثعلي ونعم الاسم والجيره=اي والله من الله النعم متولجها

    ياعلي يارمز للشعر ومشاهيره=ارسلت لك حجةٍ ازريت لاافلجها[/poem]


    رد علي فلاح العضياني
    :
    :
    :

    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
    يالشاعر اللي يهيض البال تعبيره=وخيل المعاني مع الشعار يسرجها

    شاعر مع اهل القوافي سيرته سيره=يسقي حيام القصايد لين يبهجها

    قوة بيوته تجي من قو تفكيره=وانتاج تصديرها من طيب منتجها

    ان كان فلبك تسارج به دوافيره=ونار الغرام احتمى بالصدر واهجها

    واخذت لك بالهوى لفه وتدويره=من سبة اللي رموش العين داعجها

    وفراقها دق في كبدك مساميره=ونفسك ظروف الليالي ماتخارجها

    بحر الهوى تغرق امواجه بوابيره=وامواج بحر الهوى ادنى ما يهيجها

    وبره لو تعج بفياضه نواويره=تابس لوالسيل بعد السيل يرهجها

    وجوه ولو زان ما تركد معاصيره=اتكدر انفوس خلق الله وتزعجها

    والعشق فالعاشقين يبين تاثيره=له طعنةٍ من مشى دربه يلامجها

    قبلك رياجيل في مقدم طوابيره=تدرج دروب الهوى والشر يدرجها

    والعلم عن طوله ايكفيك تقصيره=ما تخلف الناس مذهبها ومنهجها

    علي معك في لزومك يشعب بعيره=ان كان ودك على السنه تزوجها

    وان كان ماجاز لك علمي، تبا غيره=اقول ياصاحبي سقها ودرجها[/poem]
  • عبدالله الجـــذع
    مشرف منتدى قصه وقصيده
    • Sep 2007
    • 8093

    #2
    الله الله الله الله


    مساجله شعراء كبار

    صح لسانك يالمبدع الغائب الحاضر المعتصم
    وافيه من راس وافي

    وصح لسان ابو فلاح ورد رائع ووافي وجميل

    لاهنتم يالغالين

    محبكم
    .
    قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


    .
    قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
    فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

    .

    موقع يضم جميع القراء


    هنا

    تعليق

    • محمد صالح العطاوي
      شـــاعــر
      • Feb 2008
      • 475

      #3
      مساجله رائعه
      المعتصم بالله صح لسانك
      علي فلاح صح لسانك
      علي معك في لزومك يشعب بعيره=ان كان ودك علي السنه تزوجها

      تعليق

      • محمد العتيبي

        مشرف منتدى شعراء قبيلة عتيبه

        • Mar 2005
        • 10789

        #4
        [align=center]ياسلاااااااااام

        صح لساااانك وصح لساااان ابو فلاح ..

        مشكووورين امتعتونا ..

        تحيتي
        ...[/align]
        [align=center][/align]








        [align=center]للتواصل عبر twitter تويتر


        al_bargawy@
        [/align]

        تعليق

        • فايز بن سرحان الثبيتي

          مشرف منتدى قصائد الاعضاء

          • Nov 2008
          • 5247

          #5
          المعتصم بالله

          لو كان عشقه علي/ه/بان تاثيره
          من صد عني عليه النفس ما احرجها
          واليا سمعت المثل (ديره بدل ديره)
          اقول الامثال يا محلا مناهجها
          يطري اسج القدم وافضها سيره
          ولابد من يوم والمولى يفرجها



          علي بن فلاح

          واخذت لك بالهوى لفه وتدويره
          من سبة اللي رموش العين داعجها
          وفراقها دق في كبدك مساميره
          ونفسك ظروف الليالي ماتخارجها
          بحر الهوى تغرق امواجه بوابيره
          وامواج بحر الهوى ادنى ما يهيجها




          ياسلاااااااااااااااام


          رواااااااااااائع من شعر الغزل


          صحت قلوبكم صحت قلوبكم
          [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

          إذا شئت أن تحيا سليما من الأذى=وحظك موفور وعرضك صين
          لسانك لا تذكر به عورة امرىء=فكلك عورات وللناس السن
          وعينك إن أبدت إليك معايبا = فصنهاوقل يا عين للناس أعين
          وعاشر بمعروف وسامح من اعتدى=وفارق ولكن بالتى هى أحسن

          [/poem]

          تعليق

          • سند العتيبي
            شـــاعــر
            • Aug 2007
            • 227

            #6
            علي معك في لزومك يشعب بعيره
            ان كان ودك على السنه تزوجها
            وان كان ماجاز لك علمي، تبا غيره
            اقول ياصاحبي سقها ودرجها
            ههههه


            صحّت السنتكم شعار

            تعليق

            • بندر المرشدي
              إدارة الأقسام الأدبية
              • Nov 2006
              • 4292

              #7
              المعتصم بالله صح لساااااااانك

              والله انك مبدع

              وابو فلاح شاعر غني عن التعريف


              عزالله ابدع في الرد
              [poem=font="Simplified Arabic,3,tomato,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
              يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
              لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
              الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
              اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
              مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
              [/poem]

              ::

              ديواني من إعداد الزميل/ عمر الدغيلبي ... بيض الله وجهه

              تعليق

              • علي فلاح العضياني

                مستشــار ادبي

                • Dec 2004
                • 5618

                #8
                الله لا يهينك



                يا ابو مشعان





                ما قصرت على كل حال
                (( رأس الحكمه مخافة الله ))

                تعليق

                • حاكم الغنامي

                  مشرف منتدى المحاوره

                  • Jun 2006
                  • 5026

                  #9
                  صحت السنتكم

                  مبدعين

                  ال 2


                  لاهنتوا
                  سبحــــان الله وبحمدهـ

                  hakem81@live.com

                  تعليق

                  • محمد النخيش
                    شـاعـــر محـاوره معــروف
                    • Dec 2007
                    • 1605

                    #10
                    عزالله ابدعتو




                    اعجبتني كثيرا





                    صح ألسنتكم





                    مساجله رائعه جدا

                    اطلـق سـراح الفكـر وابـعـد مجـالـه
                    حتى تصيد الشرد وتطـوع الشـرد

                    واتعب على الكلمه وشعر الجزاله
                    واللـي يجمـل للعـرب تسـرده سـرد

                    فالشعر يبقـى شعـر راع الاصالـه
                    اللـي بشعـره منـفـرد بالـجـزل فــرد


                    تويتر:
                    alnkhish@

                    تعليق

                    • محمد سفر الخديدي
                      عضو نشيط
                      • Oct 2008
                      • 71

                      #11
                      [align=center]بيض الله وجيهكم

                      الله لا يهينكم ويرحم والدينكم يارب

                      مساجله شعريه رائعه بروعة أطرافها

                      اعجبني البيت الاخير من الرد

                      هههههههههههههههه

                      وان كان ماجاز لك علمي، تبا غيره
                      اقول ياصاحبي سقها ودرجها

                      سقها ودرجها

                      ههههههههه

                      تحياتي لكم جميع
                      [/align]

                      تعليق

                      • المعتصم بالله
                        شـــاعــر
                        • Feb 2008
                        • 576

                        #12
                        عبدالله الجذع

                        تسلم طال عمرك ومرورك يسعدني ويشرفني

                        تحياتي لك

                        تعليق

                        • نايف بن ملحق الثعلي
                          شـــاعــر
                          • Mar 2007
                          • 2120

                          #13
                          المعتصم بالله صح لسانك وعتلي شانك
                          والردومن ابو فلاح وافي وصح لسانه
                          ما هوب لازم توقيع00

                          تعليق

                          العمل...