قرين السوء مايبنى شراعه

طي
X
 
  • التوقيت
  • إظهار
مسح الكل
المشاركات الجديدة
  • مطلق الحويقل
    عضو نشيط
    • Oct 2004
    • 64

    #1

    قرين السوء مايبنى شراعه

    [poem=font="Simplified Arabic,6,black,normal,normal" bkcolor="white" bkimage="backgrounds/1.gif" border="outset,4,gray" type=0 line=0 align=center use=ex num="0,black"]


    أحب إليَّه غـزايز ياجـماعـــه = لـهن بالـقلب وعـروقه طباعه

    لهن بـالقلب مرباع ومـصايـف = زرعهـا الله فـي قـلبي زراعه

    وانا مــاني بالاول بالـمحـبه =ولا الثاني ولانــي بالتــباعه

    وانا حبي ماهو زين العــذارى =لو ان الــزين له عندي ولاعه

    محبتهن مـاهـــو عيب يعيب = الـيا صارت بعــزه وارتفاعه

    اليا صـارت على سلم الشريعـه = ولافيها محايل وانـخـــداعه

    انا شـفي مـرافـق كل طـيب =على وضح النـقا في كل ساعه

    لأن الرجـل يعـرف من قرينـه =وقـرين السـوءمايبنى شراعه

    وليا رافـقت لك طـيًب تـعـلاّ =وكل حسـب عـرفه واقـتناعه

    وسوق الطيب بين ومـتبـايـن =كمانجـم سرى يوضي شعاعـه

    ولاينزل به الا كــل نـــادر = لان بضاعته ماهي بـضـاعـه

    لان بضاعته صـبر وعزيـمـه =ونطح الواجبات بكل شـاعــه

    واخير الواجـبات الله فرضـها =هـو الطاعه لمن ياجب مطاعـه

    نعم ما الله خـلق خـلقـه تزود =ولافي حـاجـه الخـلق ودفاعه

    خلقنا الله من شان العـبــاده = ورسول الحـق نمشي بإتباعـه

    وانالاحظت لي في هــالزماني = مشـاكل بحرها من غيـر قاعة

    تشوف ابها حقوق الله تقــطع = ولاأحـد غاوين حق الـقـطاعه

    لكن دنـيا مـحبـتها تـزايـد = بقلوب الناس ياالـله الـشفاعـه

    نسو يوم يروع النـاس هولـه = ودنيا الـهون مافيـها بتاعــه

    لها صار المحبه والتــواطـي = ولها صارالزعل والانـدفـاعـه

    بدو فيها التنافس والتباغــض = وعـاشقها قليل الانـتـفـاعـه

    وهي لو ميزوها واعرفـوهـا = مــاهي والله لمن قيم اطماعـه

    اجل ماهيب تكـفيك الاشــاره = مـن الاسم الدني ويش المتاعـه

    جعلها الله أقل من البعوضــه = لكن حنا قناعتــنا قناعـــه

    نطالعها حياة مستديــــمـه = ونعمرها لكن عمران ضاعـــه

    نعمرها بـهرج بالمقـــفـي = ونعمرها بــــترديد الاشاعـه

    ونعمرهابهـضم حقوق خلـقه = ونعــمرها بغش في البضاعـه

    ونعمرها بتوليع المـفـاتــن = مابين المـسلمين بكل اذاعـــه

    وحنا لويطول العمر مـــعـنا =مــصـير العمر قافيه انتزاعـه

    لكن يالله نطلبك الـهدايـــه =وشـفاعه من ترد له الشفـاعـه

    هذا والرغبه الاخرى تراهــا =ليا ذعـذع هواالوسمي ذعاعــه

    وخيّل ضافي مزنه محـــول = عـلى وجه الوطا يوضي شعاعـه

    سيـوف البرق بارقابه تلامـع = ومن شافه حصل بـاعـضاه راعه

    يحده من جنوب جبال بيشــه = جـنوب الهضب وجبال الرفاعـه

    ويحده من شمال الحد حــده =وهبوب الريـح تردعله رداعــه

    يعم المملكه عرضه وطــوله =ويـركد لـين يروي ماه قاعــه

    تشوف الارض من سـيله تلالا = ووجه العـشب جايله صداعــه

    هذا من شان غيث الله نريـده =ونرجـي فزعته راع الفزاعــه

    وهذا من شان حب المسلميني = وهذا من شان حبك يالزعاعـــه

    احب البل وحب البل وراثــه = تــناشى معي من سن الرضاعه

    احب اللي لها غارب وخــده =وخـرطوم تقـــل فيه انهزاعـه

    وسنـام فاهــق يم احجبتها = وغـاربها مـنى راع الـولاعـه

    ورقبتن طافحـه والوجه ضـافي = ونحـر يعجب العين اتسـاعــه

    وان قيل اللون للوضحا ميولي =محبة قلب ماهيب ابـتداعــــه

    الايالله غـيـثـك يامــهيمن = يامــن ترفع له كفوف الضراعه

    وصلاة الله على الهادي محمد = وكل حسب عـرفه واقتناعـــه
    =الشاعــــر/ مطــــــــلق خالد الحويقل العتيبي[/font]
    [/poem][/poem][/size][/poem][/poem][/size]
    تم التعديل الأخير بواسطة مطلق الحويقل؛ 23-Jan-2009, 09:20 PM.
  • علي فلاح العضياني

    مستشــار ادبي

    • Dec 2004
    • 5618

    #2
    الله الله



    صحّ لسانك شاعر كبير ما يحتاج
    (( رأس الحكمه مخافة الله ))

    تعليق

    • فواز علي الروقي
      عضو ذهبي
      • Jul 2008
      • 347

      #3
      صح لسااااااااانك
      تقبل تحياتي

      تعليق

      • مطلق الحويقل
        عضو نشيط
        • Oct 2004
        • 64

        #4
        اشكر الأخوان العزيزين على المرور
        وماعليكم زود
        وتقبلوا تحياتي

        تعليق

        • @ـايل

          مشرف المنتديات العامة

          • Jan 2008
          • 9251

          #5
          صح لسانك ياشاعرنا ./مطلق الحويقل ..والله يعافيك على ماقدمت من ابيات فيها من الحكمه الشيء الكثير ..لاهنت ..وننتظر جديدك ...
          تويتر : AlHooL@

          تعليق

          • عقاب بن سقيان العتيبي
            شـــاعــر نظـــم
            • Oct 2007
            • 160

            #6
            مطلق الحويقل
            صح لسانك

            وصلى الله على الهادي محمد
            وكل حسب عرفه واقتناعه

            كلامك يصحي من النوم يالحويقل
            اتمنى لك التوفيق دائما.................

            تعليق

            • مطلق الحويقل
              عضو نشيط
              • Oct 2004
              • 64

              #7
              مشكورين اخواني على المرور
              وماعليكم زود وعسى الله يجملنا معكم ومع غيركم بالعلوم الطيبه
              وتحياتي لكم..,

              تعليق

              • الصاطي,,
                شـــاعــر
                • May 2008
                • 647

                #8
                صح لسااااانك يا ابو خالد شاعر مبدع


                عرفتك من خلال شعرك الراقي ولم يحصلي الشرف بمقابلتك,,,





                تحياتي لك

                تعليق

                • بندر سعود الدغيلبي
                  شــــاعـر

                  • Feb 2009
                  • 183

                  #9
                  صح لسانك يامطلق

                  قصيدة جزلة من شاعر جزل

                  تحياتي للجميع

                  تعليق

                  • مطلق الحويقل
                    عضو نشيط
                    • Oct 2004
                    • 64

                    #10
                    اخي الصاطي
                    واخوي بندر الدغيلبي
                    اسعدني مروركم
                    وشكرا على الإطراء
                    وانشاء الله يالصاطي يحصل ماتريد
                    ويحصل بيننا اللقاء.
                    وتقبلوا تحياتي

                    تعليق

                    • معجب العتيبي

                      مشرف منتدى المحاوره

                      المحاولات الشعرية

                      • Dec 2004
                      • 8175

                      #11
                      صح لسانك


                      قصيده معبره

                      ومعاني جزله

                      تعليق

                      • مطلق الحويقل
                        عضو نشيط
                        • Oct 2004
                        • 64

                        #12
                        اشكرك اخوي معجب على المرور
                        ومعذرة على التأخير ياخوي
                        تقبل تحياااااتي
                        ويااااهلا ومرحباااااا

                        تعليق

                        العمل...