يا بدير

طي
X
 
  • التوقيت
  • إظهار
مسح الكل
المشاركات الجديدة
  • غانم القاضي
    شـــاعــر
    • Feb 2007
    • 39

    #1

    يا بدير

    [align=center][frame="7"]السلام عليكم ورحمة الله وبركاته



    للتواصل..............


    [rams]http://www.thyabi.com/sound/ganem_yabdeer.rm[/rams]




    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يابدير يا ما ل الغناء والسلامه = دوك الحكم في محكمات المحاريف
    من واحدأ باج الوطا وستهامه = مع بر والآ جو والآ مع السيف
    ورهى بعد طول السفر بالأقامه = ولا طرقه الأتنتهي بالمناكيف
    يابدير علمي حصان والزم لجامه = لن كان تبغى تعتلي فالمشاريف
    الدين يرفع هامتاً فوق هامه = اليا استوى دون الغلو والتكاليف
    يجلى عن اعيون العباد الغمامه = وينظّف اقلوب المخاليق تنظيف
    واللي بعد دينك جزيل الكرامه = اليا لفاك الضيف لاتهمل الضيف
    لاتهمله تلحق عليك الملامه = الضيف ضيف الله مهوب فيد تصريف
    أقْره وباشر ناظره ببتسامه = واحذر على وجهك يشوف التصانيف
    واعلم بانه للمخاطر علامه = من لا عرفها زهفوه الملاقيف
    لاشفت من يم المخاطر جهامه = اركد ترى العجله مامعها تصاريف
    واليا عذلوك مطاوعين الرخامه = لاتنعذل يظفي على وجهك الحيف
    احذر تطيع اللي ردين مرامه = مشارك اخته فالقرى والمصاريف
    اللي يخش الراس مثل النعامه = لاقاطعاً فرجه ولا شايلاً سيف
    خبلاً يدوخ انشاف دم الحجامه = من خلقته مالاوعته الصواديف
    ماقد ذبح من خلقته لو حمامه = حتى بييته مطعمه قطعت رغيف
    والرجل عيب تقيمه بالوسامه = ترى احسن الحليا تجي بالخناطيف
    ميز وقيم كل رجل بمقامه = واحذرا تطفف فالمقامات تطفيف
    خل التوسط نسك والبس احرامه= وجنب عن اللي هوشهم بالمعاطيف
    عميان الارياء مدعين الزعامه = اللي حطب نيرانهم كومت الليف
    تكثر مشاكلهم لجات الغرامه= وتلقاء القوي منهم يجي رخو وضعيف
    دوله على ربعه وفن انتقامه = يتخطفه منهم على غر تخطيف
    اليا هرج قامت تراعد عظامه = شجاعته بالصوت والفعل مأشيف
    فكره تشبع بالردى والغشامه = كبه ييا يرجف ويلقى المراجيف
    كب الهلامه ينتصيه الهلامه = تكبر دعاويهم ولامن تخاليف
    وفطن لبو نمه وميز كلامه = اللي يحرف بين الهرج تحريف
    أليا لزمله هرجتا جاك عامه = واليا جلس صلغم وجايله ازنيف
    نشدتك اله شفه وغايت مرامه = ولو ما حصل نشده هرج وحكم الزيف
    ونقلت عيد الهرج لخبط نظامه = تتشوف في هرجه غياره وتتعيف
    ويبدير قل العلم ليلا ظلامه =توصيفه اسود كالح اللون ومخيف
    اعلم ترى التعليم كلا(ن) يرامه =جديد والا من قديما بالارشيف
    والعلم محدأ ناش ذروت سنامه = بحرا يهيج و ما رزته المغاريف
    دراستك زرعا لو ابطاء صرامه= له يوم تقطف ما حلى منه تقطيف
    كم طيبا بالعلم عزز مقامه= وعلي شرف ساسه له العلم تشريف
    وكم عالما حله يخالط حرامه= كسبه من التعليم راتب وتوظيف
    بعض العرب يابدير ذل(ن) علامه= لو يتعلم في نيويورك و جنيف
    هذا ويا مال الغناء والسلامه = اخر حكمنا في جديد المحاريف
    للحر ميقاعن براس العدامه = والاالرخم ياقع علي الجيف ومجيف [/poem]




    وسلامتكـــــــــــــــــم



    تحياتي



    غانم القاضي[/frame][/align]
  • ابراهيم الزراقي
    شـــاعــر
    • Nov 2006
    • 1370

    #2
    صح لسانك ياغانم القاضي مبدع ومميز للغايه

    تعليق

    • رايد الهديبي
      عضو مميـــز
      • Nov 2008
      • 997

      #3
      [align=center]الله يعطيك العافيه

      وصح لسانك ياذيبان قصيده جزله

      وتقبل مروري
      [/align]

      تعليق

      • ابو فايح
        مشـرف عام
        • Jul 2006
        • 5343

        #4
        [align=center]صح لسانك يابو ساره قصيده رائعه
        وعسا الله يوفق بدر ونشوفه في ارقى المناصب[/align]
        عالم تويتر



        abofayeh@

        تعليق

        العمل...