مصافحة اولى لأعضاء المنتدى الغالين

طي
X
 
  • التوقيت
  • إظهار
مسح الكل
المشاركات الجديدة
  • ترركي
    عضو
    • Oct 2008
    • 28

    #1

    مصافحة اولى لأعضاء المنتدى الغالين

    مساكم الله بالخير جميع : اناعضو جديد
    وماندمت عالمشاركة بالعكس إلا والله فخور
    أول شي احب أقدم لكم قصيدة لي قديمة شوي بعنوان (صديق الزمن)
    وانشالله تحوز على رضاكم
    اترككم مع القصيدة:


    1-صديق(ن) للزمن وافخر واطيع ان قال لي ماقال
    واساير مشيته واركض معه واشيل أحماله

    2-كثر مايـفتري فيني ويورريني مـن الأهــوال
    ويلبسني الثياب اللي على رسمه وتفصاله

    3-أمشيها ولا استنفع ولا اتعلم من الأمثـــال
    ومادري شللي يجرالي ولادري شللي يجراله

    4-أفكر وانتظر وش آخرتها مع طويل البـــــــال
    لـــعـــله يعدل الميله ويـــوازن كفة احـمـــالــه

    5-ولـكن طــالت الــمدة وطــالت جررة الموال
    ولوني بألــــوان الــعذاب اللي على بالــــــــه

    6-بعد مدة تركني وانتهى عني وصال وجـال
    لهى عني وتذكرني وعاد فأحسن احوالــــه

    7-حشا لا مانساني بس راح يغير الأشكال
    ويرويني بكاس من العذاب المر باشكالـــــه

    8-شربنا وارتوينا لـــين صار الحال عال العال
    تغرقت فوسط بحره وضعت فـعالي جبالـــــه

    9-كأني وسط صحرا بين موت وبين قطع رمال
    وضرب الشمس وانياب الذيابة والضما لحاله

    10-وابن آدم ضعيـف ولـو تخير بين هالأحــوال
    صراحه كلها صعبه وكل(ن) عارف(ن)حـــالــه

    11-ولــكن بعدما مل الصبر ضاق الصدر والبال
    عرفت ان الزمن يغدر بابن عمه وابن خالــــه

    12-عرفت انه مثل طبع البحر والموج والشلال
    ومثل الكـــهربـه والــنـــار والـــصياد وحبالــــه

    13-ويحذف بك ويلعب بك ومره يمين مره شمال
    ومره قــــمـــة جبالــــه وعشرة بين أطلالـــه

    14-ولكن مي غريبة يازمن دام البشر بهبــال
    كل(ن) عارف(ن) ذنبه وكل(ن) فــالت حبالـه

    15-مكر.خبث وخيانه طايله مع بوق واستغلال
    طلبنا الله من خيره و وررانا من أهوالــــــــه

    16-حقيقه مهزله شي(ن) يقال وشي ماينقال
    بدا إبليس يلـــعب لعبتـــه والجو يـصفالـــه

    17-حصدنا مازرعنا من يدينا والذنوب جــبــال
    كــأن الآدمــــي خيل وكأن ابليس خيــــالــه

    18- يقوده للمعاصي بالعصا ثم يربطه بحبال
    وكان الله في عون الذي مربــوط بحبــــالـــه

    19- يصب الذنب قهوة وابن آدم يشربه فنجال
    ويقدم لــــه تمــــور ويـكـرمه وينوع دلالـــــه

    20-نشوف الحال ثمن نطلب الله يرحمك ياحال
    ويعدل ميلة الـوقت ويــعددل مـيـل ميالـــــه

    21-ولكن السعيد اللي يحط الدين راس المال
    تجــــارة رابــحــة والله رفــع قــدره ومنزالـــه

    22-طريق(ن) مستقيم ومايلف يمين ولا شمال
    طريق الحق واهل النور والقرآن واعمالـــه

    23-سلام الله عليكم يالرجال اللي تهز جبال
    ســلام الله علــيكم يامنار العـــز وافعالـــه

    24- وسقاك الله ياعصر النبي واصحابه العقال
    عجز عن وصفه الكتاب واهل الشعر وجزاله

    25-وعداد الطير والصخر وعداد اللي صرف أموال
    صلاة الله على سيْد البشر واصحابه وآلــه


    وسلامتكم


    رايكم
  • عبدالرحمن الهيلوم
    عضو
    • Apr 2007
    • 21232

    #2
    حياااااااااااااك الله تحية المطر يالغالي

    وصح بدنك والسانك

    دمت مبدعا

    تعليق

    • ترركي
      عضو
      • Oct 2008
      • 28

      #3
      ارررحب ياعبد الرحمن الهيلوم




      صح ابدانكـ و تشرفت بمعرفتكـ ومروركـ




      يعطيكـ الف عافية على المشاركة الطيبة
      تم التعديل الأخير بواسطة ترركي؛ 25-Jan-2009, 03:50 PM.

      تعليق

      • فواز علي الروقي
        عضو ذهبي
        • Jul 2008
        • 347

        #4
        صح لساااانك لاهنت تقبل تحياتي

        تعليق

        • ترركي
          عضو
          • Oct 2008
          • 28

          #5
          هلا بكـ حيل يافواز



          الله لايهينك على المرور يالغالي


          ماقصرت كفيت ووفيت


          الف شكر على المشاركة الطيبة

          تعليق

          العمل...