ماهي غريبه لو نعيد المجد من بعد العدام.....بس الغريبه؟؟؟

طي
X
 
  • التوقيت
  • إظهار
مسح الكل
المشاركات الجديدة
  • ابراهيم الزراقي
    شـــاعــر
    • Nov 2006
    • 1370

    #1

    ماهي غريبه لو نعيد المجد من بعد العدام.....بس الغريبه؟؟؟

    (((ماهي غريبه)))




    ابت القريحه الا تشارك في هموم المسلمين العرب وهموم الامه بشكل عام

    هذه قصيده جديده اتمنى ان تعجبكم ولو بشي بسيط






    [poem=font="simplified arabic,5,royalblue,normal,normal" bkcolor="transparent" bkimage="" border="double,4,skyblue" type=2 line=1 align=center use=ex num="0,black"]

    الليله المعنى خطير وخاطري جوفه كلام=ودي أقوله بس أخاف يقوم عج المعركه

    ماخوفتني ميلت الايام في شرقٍ وشام=خايف كلامي لايجي وسطه حروف مفبركه

    لن الزمن هذا خطير ولابقى فيه انتظام=وكم راس شيخن راح عقب العز في وسط شركه

    على العموم الصدق مامثله على البيدا حزام=دام الحقايق في صدور أهل الهروج مشبكه

    هذا الزمن رحنا ضحيه من ضحايا الانقسام=واعلامنا رغم التواجد صار مافيه بركه

    هذا الزمن قل الادب وانشل معنى الاحترام=والي تفاخربه جدود العرب صرنا نتركه

    هذا الزمن صرنا ندور من هل المنكر سلام=وحنا منول من يعادينا خشيمه نفركه

    راحت فلسطين الجريحه من قبل ستين عام=وراحت بلاد الرافدين وكلنا ماش حركه

    أستهدفونا الغرب وأغرونا بتطبيق الحرام=لين الشباب أمسوا ثلاث أرباع وسط التهلكه

    الي يطبل للولد والي يغني للمدام=والي يشكشك في زمانن مايعرف الشكشكه

    والي يدافع عن حقوق البنت يامال العسام=لو أن ماله من حقوق البنت غير الجمركه

    وضعن خطير ولاعلى المسكين والضايع ملام=اللوم يلحق من يشوف الدم غيره يسفكه

    يا أمة الأسلام دام يدينكم تقوى اللجام=مافيه داعي للمذله من يهودن مشركه

    تكاتفوا ثم أرجعوا للدين يانسل الحشام=والدين رابط بين كل الناس لازم نشركه

    لو كل مسلم في صلاة الفجر جاء خلف الإمام=ماكان شفت الي حصل وإن صار شي(ن) ندركه

    ولو كل مسلم طبق الاسلام بأحسن مايرام=ماكان شفت المسلم يفجر فوسط المملكه

    ولو كل مسلم لا سمع زله بسيف الحق قام=ماكان شفت الدينمركي يرسم أصور مضحكه

    يستهدف محمد عليه أفضل صلاتي والسلام=وحنا نعاين والجفن من ماجرابه نعركه

    وقتن يشيب راس منهوا عاش في سن الفطام=ويهل دمع الشايب الي كل حاجه تربكه

    لو انها صارت فعهد الراشدين أهل الحسام=ماكان شفت الضعف فينا والجمال مبركه

    قاموا على وضح النقاء والنور جلاي الضلام=وجتك الفعول الي مثل حد السيوف المنهكه

    لاكنها صارت فعهد الحاكمين أهل الوسام=الي منول لاطغى طاغي تجيه وتهلكه

    ياقادة الأمه هل الوقفه ليا حصل الزحام =والله صعبه مجدنا المفقود مره نتركه

    ماهي غريبه لو نعيد المجد من بعد العدام=بس الغريبه لأنهزمنا دون جيش ومعركه[/poem]


    وسلامتكم....ابراهيم الزراقي
    تم التعديل الأخير بواسطة ابراهيم الزراقي؛ 11-Jan-2009, 10:24 AM.
  • ترركي
    عضو
    • Oct 2008
    • 28

    #2
    اخوي ابراهيم الله يمسيكـ بالخير



    القصيدة رااااائعة بجد



    يعني لو أقول لكـ الأبيات اللي أعجبتني




    راح أكتب القصيدة كلها صراحة (وانا ماأعرفكـ عشان أجاملكـ)



    صح لسانكـ ملايين



    بس عندي طلب صغير :


    انكـ ماتبخل علينا في شعركـ و لاتحرمنا من جديدكـ


    قل تم :
    تم التعديل الأخير بواسطة ترركي؛ 11-Jan-2009, 02:19 PM.

    تعليق

    • معجب العتيبي

      مشرف منتدى المحاوره

      المحاولات الشعرية

      • Dec 2004
      • 8175

      #3
      الله الله


      مبدع كعادتك يالزراقي


      صح لسانك والله ينصر المسلمين




      شكرا شكرا شكرا لك

      تعليق

      • ابراهيم الزراقي
        شـــاعــر
        • Nov 2006
        • 1370

        #4
        الف شكر لكم على مروركم المميز ولاهنتم

        تعليق

        • عبدالله الجـــذع
          مشرف منتدى قصه وقصيده
          • Sep 2007
          • 8093

          #5
          اللهم انصر اخواننا في غزه عاجلا غير اجل

          قصيده معبره جدا

          ومشاهد يوميه مؤسفه

          الف شكر

          محبك

          .,
          قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


          .
          قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
          فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

          .

          موقع يضم جميع القراء


          هنا

          تعليق

          • نمرود الشعر
            عضو نشيط
            • Jan 2009
            • 56

            #6
            شكرا على المشاركه تحياتي لك

            تعليق

            • ابراهيم الزراقي
              شـــاعــر
              • Nov 2006
              • 1370

              #7
              تم النشر في الأصل بواسطة ترركي عرض المشاركة
              اخوي ابراهيم الله يمسيكـ بالخير



              القصيدة رااااائعة بجد



              يعني لو أقول لكـ الأبيات اللي أعجبتني




              راح أكتب القصيدة كلها صراحة (وانا ماأعرفكـ عشان أجاملكـ)



              صح لسانكـ ملايين



              بس عندي طلب صغير :


              انكـ ماتبخل علينا في شعركـ و لاتحرمنا من جديدكـ


              قل تم :


              صح بدنك ياتركي والله لايهينك

              واشكرك على مرورك العطر والمميز

              وانا ماعندي مانع راح انزل قصائدي كلها هنا

              حتى ولو اخواني الاداريين ما اعطوني لقب شاعر

              تعليق

              • ابراهيم الزراقي
                شـــاعــر
                • Nov 2006
                • 1370

                #8
                تم النشر في الأصل بواسطة معجب العتيبي عرض المشاركة
                الله الله


                مبدع كعادتك يالزراقي


                صح لسانك والله ينصر المسلمين




                شكرا شكرا شكرا لك


                معجب لاهنت ياغالي على مرورك وصح بدنك

                تعليق

                • ابراهيم الزراقي
                  شـــاعــر
                  • Nov 2006
                  • 1370

                  #9
                  تم النشر في الأصل بواسطة عبدالله الجـــذع عرض المشاركة
                  اللهم انصر اخواننا في غزه عاجلا غير اجل

                  قصيده معبره جدا

                  ومشاهد يوميه مؤسفه

                  الف شكر

                  محبك

                  .,
                  عبدالله الجذع

                  مرورك يسعدني والله لايهينك

                  تعليق

                  • ابراهيم الزراقي
                    شـــاعــر
                    • Nov 2006
                    • 1370

                    #10
                    تم النشر في الأصل بواسطة نمرود الشعر عرض المشاركة
                    شكرا على المشاركه تحياتي لك
                    نمرود الشعر

                    العفو ياخوي

                    واشكرك على المتابعه والتواجد

                    تعليق

                    العمل...