فيلسوفه !

طي
X
 
  • التوقيت
  • إظهار
مسح الكل
المشاركات الجديدة
  • اٌٍلٍٍُخٌٍـٍُاٍُصٍُ
    (ابــو بـدر الروقي)
    • Mar 2008
    • 111

    #1

    فيلسوفه !

    السلام عليكم ورحمة الله وبركاته


    اعتذر عن غيابي ومشاركة اتمنى ان ترتقي وتشفع لغيابي !

    [poem=font="traditional arabic,6,white,normal,normal" bkcolor="transparent" bkimage="backgrounds/3.gif" border="solid,3,black" type=2 line=1 align=center use=sp num="0,black"]
    عــنــدك قراءة نــص مــاهــوب عــادي =يعني على قول البشرفيلسوفـه
    جمال ردك فــوق غــاية مــرادي =لو كان نصي نص عادي حــروفــه
    انا الذي بالوقت مــعــلن جهــادي =لو كنت ماني في اوائل صفوفــه
    اخذ حقوقي من حلوق الاعادي =واقف وقوف الي يشرف وقوفه
    اهد طيري بس وقت الهدادي =ولا يوم هديته وذقت الحسوفه
    ازرع بذور الغرس واجني حصادي =يومن غيري كل شي ًيــطــوفــه
    ودك نـلـون جـونـا بالــرماادي = وألبّسه وأجـمّـلـه فــي وصوفــه
    وأعطّره ريحان لأجلك وكــادي = اضرب دفـوفـه لـيـن تسمع دفـوفـه
    نسيت !كاان الجو بالحيل هــادي =ملعون شعري كيف ينسى ضـيـوفــه
    نجلاء العيون الي كـسـاهـا الـســوادي = عساك من عين الحسود محفوفه
    البارحه نــو البروق الرعـادي= فوق الــضــلوع الـميـتـه والرجوفــه
    يازين جو الليل فيه البرادي = ليته يطفّي لاهب الشوق جوفــه
    لكن يزيد الشوق والشوق زادي = وأسري معه والقلب يزداد خوفــه
    انا رهين الليل لو كنت غــادي = يوم القمر بالعين يعلن كسوفــه
    اخفيت جرحً مانفع به ضمــادي = لأجل العواذل ماتبكّي هنووفــه
    حبست دمعي لجل خاطر ودادي= وكلفت نفسي لين صارت كـلـوفــــه
    الحزن خيم وسط قلبي وسادي =والموت اشوفه كل منظر طيوفه
    قولي لمن عينه تذوق الرقــادي = يدعي ويرفع ثلث ليله كفوفــه
    ماهوب مثلي ثلث ليله ينــادي = يفز من نومه عسى الله يــروفــه
    انا السجين الي برجله قــيــادي =في كل جمعه والمناياا تحوفــه
    حكمه قصاص وخوفته الايــادي =صغير سن وزوّد السجن خوفــه
    يمكن كسرت البيت داخل فــؤادي = لكن حرام ان البشر ماتشوفــه
    لايزعلك يابنت لحظة عنــادي = ترا الجمل مايشتكي من خفوفــه
    صحيح شاعر تو بالشعر بــادي = احيان احكم الـقـاف وأحـيـان اعوفــه
    لكن على الله ينتصربي جــوادي = واصبح علم للشعر تخشى سيوفــه
    ودك ختمت القاف والجو هادي = والا عجبك الـقاف دون مـعـزّوفـه [/poem]شعر / الخاص / محمد بن حميد الروقي
  • مزيد العصيمي
    عضو ماسي
    • May 2008
    • 463

    #2
    [overline]\
    لا حروف توفيك
    \
    =
    صح لسانك
    وماشاءالله عليك[/overline]

    تعليق

    • معجب العتيبي

      مشرف منتدى المحاوره

      المحاولات الشعرية

      • Dec 2004
      • 8175

      #3
      اهد طيري بس وقت الهدادي
      ولا يوم هديته وذقت الحسوفه


      التوقيت المناسب يخلي الامور اجمل


      وانت وقت هداد قصيدك بالوقت اللي نحتاجه


      فشكرا لك وصح لسانك

      تعليق

      • السميــــــري
        مشرف سابق
        • Jan 2006
        • 2524

        #4


        الروقي ..

        قصيدة وافيه .. بالحيل .. .
        [poem=font="Simplified Arabic,5,sienna,normal,normal" bkcolor="white" bkimage="" border="solid,4,sienna" type=2 line=1 align=center use=ex num="0,black"]
        ربيت في حضن الزمانُ وتربيتْ = وأخذت لي من مرّ الأيام قرطوع
        ومن دون حدي ماغلطت وتعديتْ = ولا آطى الخطاء لو كان للناس مشروع
        وأمشي على نهج الرجال النعاتيتْ = واتعب لها لو هي كما حبةَ الكوع
        ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع[/poem]

        تعليق

        • أبو مرحبا
          مشرف عــام
          • Jan 2005
          • 8037

          #5
          [align=center]قصيدة رائعه

          صح السانك

          تقبل مروري[/align]
          [align=center]



          [/align]
          [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
          [align=center][/align]

          تعليق

          • اٌٍلٍٍُخٌٍـٍُاٍُصٍُ
            (ابــو بـدر الروقي)
            • Mar 2008
            • 111

            #6
            صح بدنك يامزيد ..

            شاكر ومقدر لهذا الحضور ...

            تعليق

            • عبدالله بن طلال
              شـــاعــر
              • Oct 2008
              • 501

              #7
              [QUOTE=اٌٍلٍٍُخٌٍـٍُاٍُصٍُ;789690][size=4][font=simplified arabic][color=#000000]السلام عليكم ورحمة الله وبركاته


              اعتذر عن غيابي ومشاركة اتمنى ان ترتقي وتشفع لغيابي !


              [poem=font="traditional arabic,6,white,normal,normal



              قولي لمن عينه تذوق الرقــادي = يدعي ويرفع ثلث ليله كفوفــه
              ماهوب مثلي ثلث ليله ينــادي = يفز من نومه عسى الله يــروفــه
              انا السجين الي برجله قــيــادي =في كل جمعه والمناياا تحوفــه
              حكمه قصاص وخوفته الايــادي =صغير سن وزوّد السجن خوفــه
              يمكن كسرت البيت داخل فــؤادي = لكن حرام ان البشر ماتشوفــه


              [align=center]صح لسانك

              كل قصيدتك جميله

              وابدااااع يابن العم




              ننتظر منك ماتجود به

              علينا قريبا

              وتحياتي دوم
              [/align]
              تم التعديل الأخير بواسطة عبدالله بن طلال؛ 31-Dec-2008, 01:53 AM.

              تعليق

              • اٌٍلٍٍُخٌٍـٍُاٍُصٍُ
                (ابــو بـدر الروقي)
                • Mar 2008
                • 111

                #8
                معجب العتيبي

                الشكر لك انت على تشريفك وصح بدنك يامعجب ...

                تقديري واحترامي

                تعليق

                • اٌٍلٍٍُخٌٍـٍُاٍُصٍُ
                  (ابــو بـدر الروقي)
                  • Mar 2008
                  • 111

                  #9
                  صح بدنك يا عبدالله وتشرفت

                  واشكرك على تواصلك معي ..

                  اخوك

                  تعليق

                  العمل...