زياد بن عقاب

طي
X
 
  • التوقيت
  • إظهار
مسح الكل
المشاركات الجديدة
  • عقاب بن سقيان العتيبي
    شـــاعــر نظـــم
    • Oct 2007
    • 160

    #1

    زياد بن عقاب

    ]هذه القصيده كتبتها مداعبه لأبني زياد صاحب هذه الصوره مع انه لم يتجاوز السنه والنصف من عمره


    [poem=font="arial,6,darkblue,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يازياد ما ودك يطولن الايام=وليا انت شيخ من مشايخ عتيبه
    وتكسيك يمناك الطويله من الخام=ماتكتسيه الاغنياء تكتسي به
    بشت الشيوخ وجوخ احمر وبسام=وتصير لك يازياد حشمه وهيبه
    وقصر مشيد وكله احجار ورخام=يخرف رطب نخله ويقلم عنيبه
    فيه الكنوز وكله ارزاق وانعام =من جاه شايب غير العز شيبه
    حتى الذهب عندك له اصناف واحجام=ومن اشتغل عندك ملى المال جيبه
    وحسابك السري مثل حق صدام=ولامثل حق ابن عمه نسيبه
    ودايم على بابك مسايير وزحام=وان غبت ساعه قالوا الناس غيبه
    والبل ثلاث ابواش تبهض بالاقيام =اللي يغرف المال غرفة قليبه
    التاجر اللي ملكه صكوك وارقام=بنوك الخليج ليا ضعفت تقتوي به
    مبنك وماله يندبل صرمة العام=ماهوب من ماله يشيله جويبه
    وتصاحب من الشوخ ضيغم وضرغام=اللي يفكون الطليب وطليبه
    قوم لهم في ساحة العز مرسام=حيد تهاب القوم رتعة شعيبه
    حامين نجد من اول الوقت بحسام=اهل الحصان اللي طويل سبيبه
    لياحجبت شمس الضحى عج وقتام =كم جمع عيال عليهم غدي به
    وتاخذ مونيكا بالايين واريام =ولاخير الا في بلاده تصيبه
    غير الجواري يخت فارهه وخدام=وان طاب لك شي تقوم وتجي به
    ولاتخير بين ترفات الاقدام=راع الوصوف اللي وصوفه غريبه
    ولاتخير في رشيقات الاجسام=اللي على الموضه تقص الذويبه
    فالبيت ماتلبس نفانيف ولثام=ترقص وتسبح بس ستره واديبه
    مصيونة تحرم عن اللوم بحرام=حشيمه نزهه عطوف وحبيبه
    عين اشقر سمي بعد شبك غشام=وصارت فعوله يوم جرب عطيبه
    عطيب كف ولابرق الريش لطام=طلعه على ربد الحباري مصيبه
    صفات رمشه يوم يغضي بسلهام=كنه يعسكر في المحاجر كتيبه
    تحت الحجاج اللي له الله رسام=وجسم يفوق الوصف جهره وغيبه
    والثوب عن غض النهد غاد اقسام=طلع جديد وخالقه معتني به
    غض غضيض ومعه غنج وتبسام =يحدث طعون ولا يداوي صويبه
    وله طلة تبعد عن النفس الاسقام=صبح صدح مع شرقته عندليبه
    راعي هدب عين بها سيف وسهام=عنده علاج المهتوي وتعذبيه
    ليا جتك هاذي يابيض الوجه تنلام=اما غدت لجروح قلبك طبيبه
    ابوك قبل بغادة البيض قد هام=سوت بحاله شي ماينحكي بيه
    قد راموا الدنيا سلاطين وعظام=شادوا وشدوا مير صارت حطيبه
    دنياك هاذي ياولدي كلها احلام =ليا صرت ما تبدي براس الرقيبه
    ولاتاصل الوصل الموصل ولارحام=ولالك مع الشجعان حض وكسيبه
    ويفرح بك اللي ما على رزه ايدام=من ضيقة الحاجه يشوف الغليبه
    صابر وغيره يفطر الفرض ما صام=الفقر كانه عيب يابوك عيبه
    ولا حشيم وعادة القوم الاحشام=تشكي على اللي يبخص الناس طيبه
    ولا الردي لو تلحمه غصب بلحام=في الطيبين يطيح طيحة نصيبه
    يازياد ابوك اما شرا نقد ما سام=جوخة عقيد الشعر ولانقيبه
    من الوقت في صدري تناهيد وركام=هاك الزمان اللي عوا منه ذيبه
    لكن اسيرها عسى الخير قدام=سوق الفلاح ابيع به واشتري به
    يوم كسوب وباق الايام غرام=الوقت ماجابه يعود يغدي به
    والناس ماترزق ولاتعطي جرام =اما عطاك الله منوع عجيبه
    ابطيت في بحر الخيالات عوام=واللي شوى صيخ المداوي كوي به
    من جات بلواه من الادنين ما نام=حتى الكلام الزين منهم يريبه
    يازياد تختلف النوايا والافهام=والشك ما يرعى العقول اللبيبه
    لا خير في رجل على الوقت لوام=يرقد ضحاه وزاهمه مايجيبه
    يموت ماهام المراجل ولا رام=كفه بخيل وكل رزقه دويبه
    تقدر تقول الجود في سلمنا الزام=من غيرنا ضيف العسر يحتفي به
    ومن غيرنا ليا كدت الخيل مقدام=ومن غيرنا غيد البني تعتزي به
    ولا للخصيم الا مواجهة الاخصام=والحض حضك لو يجيك بزبيبه
    ولا انته بخير ان صرت مبغض ونمام=من صاب عرض الناس عرضه حكي به
    نقالة النمه قواتيت وليام=عشار الرجال اهل البطون الرغيبه[/poem]
    ]شعر/ عقاب بن سقيان العتيبي
    تم التعديل الأخير بواسطة عقاب بن سقيان العتيبي؛ 03-Dec-2008, 03:32 PM.
  • بدر الكريزي

    مشرف سابق

    • May 2008
    • 2584

    #2

    صح لسانك يا ابو زياد..


    و الله يخليه لك .. و تشوفه باش مهندس
    [align=right]قرأت فيما قرأته من بلوغ المرام .,
    اللي ترك شيء لله ( عاضه الله بخير ) .,
    [/align]

    [align=center].,[/align]
    [align=center]استغفر الله العظيم , و أتوب إليه ‘.[/align]

    تعليق

    • ممدوح الروقي
      عضو ماسي
      • Jan 2007
      • 598

      #3
      صــــح لسانك يابن سقيان

      تعليق

      • أبو فيصل الدلبحي
        عضو ماسي
        • Feb 2008
        • 420

        #4
        ابو زياد

        صح لسانك مدد بلا عدد

        فانت من الذين يترك شعرهم بصمه في صدور الناس

        تقبل مروري والله يخليك لزياد ويخليه لك ويصير شيخ مثل ابوه

        تعليق

        • عقاب بن سقيان العتيبي
          شـــاعــر نظـــم
          • Oct 2007
          • 160

          #5
          الأخوه الكرام
          بدر الكريزي
          ممدوح الروقي
          اشكركم على مروركم الكريم ومتابعتكم

          اخي ابو فيصل الدلبحي
          اشكرك على مرورك ومتابعتك ودعواتك وقد سررت برايك كثيرا......................
          اتمنى لكم التوفيق دائما وابدا...................

          تعليق

          • الراسي الراسي
            عضو
            • Dec 2008
            • 4

            #6
            صح السانك يابو زياد والله يبلغك فيه وياصلحه
            تقبل مرورى المتواضع

            تعليق

            • عقاب بن سقيان العتيبي
              شـــاعــر نظـــم
              • Oct 2007
              • 160

              #7
              اخي الراسي الراسي

              شكرا على المرور ياستاذي الكريم كلك بركه...........
              صح لسانك.....................
              اتمنى لك التوفيق دائما

              تعليق

              • فيصل البرقاوي

                رابطة محبي الهيلا

                • Feb 2008
                • 1180

                #8
                [align=center]<<< رد زياد على ابوه


                يابوي صبرك علي تسعة عشر عام 0000 تقعد على عرش الحكم سلطان هيبه

                والله لأسوى اطيب من سواة صدام 0000 ماجلس اردد عاشت فلسطين الحبيبه

                [/align]

                تعليق

                • فايز بن سرحان الثبيتي

                  مشرف منتدى قصائد الاعضاء

                  • Nov 2008
                  • 5247

                  #9
                  [align=center]ومــن غيـرنـا لـيـا كــدت الخـيـل مـقــدام
                  ومــن غيـرنـا غـيـد البـنـي تعـتـزي بـــه
                  ولا للخـصـيـم الا مـواجـهــة الاخــصــام
                  والـحـض حـضــك لـــو يـجـيـك بزبـيـبـه



                  عقاب بن سقيان العتيبي

                  اولا الله يخليلك زياد ويجعله على ماتحب وتمنى

                  ثانيا الله يعطيك العافيه على التصوير الجميل في الابيات ذكرتنا بقصايد ابن شريم والشريف حمزه

                  الله لا يهينك انا اشهد انك شاعر


                  تقبل مروري
                  [/align]
                  [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

                  إذا شئت أن تحيا سليما من الأذى=وحظك موفور وعرضك صين
                  لسانك لا تذكر به عورة امرىء=فكلك عورات وللناس السن
                  وعينك إن أبدت إليك معايبا = فصنهاوقل يا عين للناس أعين
                  وعاشر بمعروف وسامح من اعتدى=وفارق ولكن بالتى هى أحسن

                  [/poem]

                  تعليق

                  • @ـايل

                    مشرف المنتديات العامة

                    • Jan 2008
                    • 9251

                    #10
                    [align=center][poem= font="simplified arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
                    لا خيـر فــي رجــل عـلـى الـوقـت لــوام=يــرقــد ضــحـــاه وزاهــمـــه مـايـجـيـبـه
                    يــمـــوت مـــاهـــام الــمــراجــل ولا رام=كــفــه بـخـيــل وكــــل رزقــــه دويــبـــه
                    تـقـدر تـقـول الـجـود فــي سلمـنـا الـــزام=مـن غيـرنـا ضـيـف العـسـر يحتـفـي بــه
                    ومــن غيـرنـا لـيـا كــدت الخـيـل مـقــدام=ومــن غيـرنـا غـيـد البـنـي تعـتـزي بـــه
                    ولا للخـصـيـم الا مـواجـهــة الاخــصــام=والـحـض حـضــك لـــو يـجـيـك بزبـيـبـه
                    ولا انته بخيـر ان صـرت مبغـض ونمـام=من صاب عرض الناس عرضه حكي به
                    نــقــالــة الــنــمــه قــواتــيـــت ولـــيــــام=عشـار الرجـال اهــل البـطـون الرغيـبـه [/poem]


                    الشاعر/ عقاب بن سقيان العتيبي ..صح لسانك وبيض الله وجهك ..على الابيات المليئه بالمواعظ والنصائح والحكم ...لاهنت يالذيب...والله يخلي لك ابنك /زياد ونشوفه زي ابوه واطيب...لاهنت يابن سقيان ..ونطمع بالمزيد من هالقصيد.....[/align]
                    تويتر : AlHooL@

                    تعليق

                    • معجب العتيبي

                      مشرف منتدى المحاوره

                      المحاولات الشعرية

                      • Dec 2004
                      • 8175

                      #11
                      كفو يازياد وتستاهل القصيده


                      صح لسانك ياعقاب

                      والله يخليه لك ويجعله قرة عين

                      تعليق

                      • عبدالله الجـــذع
                        مشرف منتدى قصه وقصيده
                        • Sep 2007
                        • 8093

                        #12
                        ابو زيااد

                        تبي الصرآحه

                        القصيده مفروض ماتقول عليها قصيده

                        هذي معلقه

                        ماشاء الله تبارك الله

                        شاعر متمكن وسابح بحور الشعر

                        الله لايضرك

                        والله يخلي لك الشيخ زياد ويطول عمرك ويجعله
                        يتربى في عز والدينه يارب
                        ويبعد عنه العين القشرااا

                        ننتظر جديدك ياعلم

                        محبك
                        .,
                        قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                        .
                        قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                        فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                        .

                        موقع يضم جميع القراء


                        هنا

                        تعليق

                        • عقاب بن سقيان العتيبي
                          شـــاعــر نظـــم
                          • Oct 2007
                          • 160

                          #13
                          الاخوه الكرام....................
                          والساده الاعزاء.................................
                          والاخوه الاوفياء........................................

                          فيصل البرقاوي ..
                          الشاعر/ بن سرحان الثبيتي ..
                          هايل العتبيبي ..
                          معجب العتيبي ..
                          عبدالله الجذع ..

                          السلام عليكم ورحمة الله وبركاته وبعد
                          تشرفت بمروركم ومتابعتكم التي اعترف انها فضلا منكم علي وشرف حقيقي وكبير ...................
                          اشكركم على الدعواة الصادقه والعبارات الجميله فاء وطيبا ليس متستغرب منكم انتم خصوصا ومن الاساتذه المشرفين الكرام.........
                          اشكركم واتمنى منكم التوفيق دائما.....................

                          تعليق

                          • حاكم الغنامي

                            مشرف منتدى المحاوره

                            • Jun 2006
                            • 5026

                            #14
                            عقاب صح لسااانكـ وبيض الله وجهكـ

                            والله يخليلكـ زياد



                            فعلاااا ابــــــــــــــداع
                            سبحــــان الله وبحمدهـ

                            hakem81@live.com

                            تعليق

                            • عقاب بن سقيان العتيبي
                              شـــاعــر نظـــم
                              • Oct 2007
                              • 160

                              #15
                              الأخ العزيز جدا
                              حاكم الغنامي
                              صح بدنــــــــــــــك اشكرك جدا على مرورك العطر
                              اشكرك مرتا اخرى واتمنى لك التوفيق دائما........................

                              تعليق

                              العمل...