مساجلة (غانم القاضي و محمد السميري)

طي
X
 
  • التوقيت
  • إظهار
مسح الكل
المشاركات الجديدة
  • غانم القاضي
    شـــاعــر
    • Feb 2007
    • 39

    #1

    مساجلة (غانم القاضي و محمد السميري)

    [align=center][frame="1"]هذه المساجله بيني انا




    والشاعر الكبير محمد بن دغيم السميري





    عسى ان تحوز على رضاكم







    ملاحظه/ القصيده صوتيا باسفل المشاركه













    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    عديت مشراف(ن) يبذ المعدين=يبذ من عدا على حيد جاله
    حيد(ن) بروسه ماكر(ن) لشياهين=والذيب الاسحم يلتجيبه لحاله
    عديت راس الرجم والناس سالين=وغانم من صدوف الدهر ضاق باله
    تقول في قلب الذيابي طواعين=وياويل من كثر الطواعين فاله
    القلب لحمه والمعالق شرايين =لاتحتمل طنه ولاحرب ازاله
    مير اشتكي لله ثم للموامين=الاد سامر محتمين الشكاله
    ربع (ن) ليجات المواقف سلاطين= طيب الولد منهم على طيب خاله
    بالسلم ريف وبالمواقع غثيثين=عقال طيب وللمواجب كماله
    قم يانديبي وصل رسالتي زين =على الذي يطرب صوت شتغاله
    جيب(ن) جديد مورد(ن) عام اللفين=النوع شاص مورد(ن) للوكاله
    تقول في جنبه تلاوى الثعابين=لمعة شطرطونه تقول شتعاله
    يقطع طويل الدرب من غير تمرين=امرنن في طوكيو مايباله
    اليا نهمت مايقول السهل وين= درب العسر عنده يشوفه سهاله
    نصه المنه يعطي العلم تثمين=قرم (ن) على الطولات مطول حباله
    رجل(ن) كريم ومن رجال(ن) كريمين=الهيل دايم يزعجه في دلاله
    يفرح اليا جوه الرياجبل لافين= يذبح سمان الحيل نقوة حلاله
    اليا وصلت لمنزله ياحمرالعين= عطه الرساله وعتبرها جماله
    رسالة(ن) مضمونها فالعنوين=ويعرف ترى العنوان لب الرساله
    عارف و ليجهل وسيد الفيمين=عراف لايجهل ولابه جهاله
    يابن دغيم وش معي منك هالحين =ويعنك غانم قام يرثى لحاله
    خلي خذوه البدو وقفو مقفين=ويابو عمر خلي صعيب المناله
    العام انا وياه يوم المقاطين=نارد على عد(ن) عجال(ن) محاله
    اليا زهمته قالي سم وهلين =سبحان من سواه جل جلاله
    العين سودا والشفايا حمر تين= والخد الابيض فالعنا ينعناله
    لاشك انا ابغها وهلها معيين =مجبور والمجبور لاحيلتاله
    ودري هذا سلم الهوى والمحبين=بعد التجمع شدة(ن) ورتحاله
    ويابن دغيم يازبون المخلين=ترى الدعاوي ماتحمل لطاله
    افزع تراهم حول هكران ممسين=غرب منه وانكان شدو شماله
    وحذر ترى دونه رجال(ن) قويين=دونه بني عمه ودونه خواله
    افزع وعرق من فزعلك بسبعين=من البكار معبسات الشماله
    سود البكار وغاليات الاثامين=من دونها الرجال يرخص عياله
    ورث الجدود ولاتعرض لشارين=وربحان من ورثه طلع راس ماله
    ونهيت قولي يالرجال الفهيمين= غانم يقول وقال وانها مقاله[/poem]











    رد الشاعرالكبير/محمد بن دغيم السميري
















    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

    البارحه يوم المخلايق غافين=جاني من بنوك الهواجس حواله
    هواجس(ن) منها غدا الليل ليلين=ويطول ليل اللي يهوجس لحاله
    مالي ونيس الا الدلال المزيين=فيها من البن اليماني زلاله
    اسري مع الهاجوس مسرى السراحين=وصايد المعنى بعرف وحياله
    وغوص في بحر(ن) يبذ المنحين=بحر القصيد اللي يروع اجتواله
    وانقاء على بيتين بيتين بيتين =اترك هزيل القول واخذ جزاله
    حشمه المن قدره على الراس والعين=قدره علينا مثل قدر الطواله
    غانم على اسمه والاسامي برهين=لن الاسامي للفعايل دلاله
    قاضي ولد قاضي وراعي قوانين=اميز ميل الزمان وعداله
    من لابة(ن) على الشكالات ضارين=شرابة الفنجال خل البياله
    الاد ذايب فالصعوبات راسين=كسابة(ن) لطيب في كل قاله
    اقريبين من المكارم بعدين=عن الرداء وطيب قمة اجباله
    غانم تعنالي ويشكي من البين=وضن غوال المحبين غاله
    محبوبته عيو عليها المسمين=وان مافزعنا معه واعزتاله
    عيوبها اللي فالمواقيف صلفين=مايطلقون احبالها بالكفاله
    ياشيخ انا طالبك مهلت نهارين=لين استعد الما ورد فالرساله
    وانا وربعي دون لازمك صفين=وان مات روقي جاك روقي بداله
    جندتلك يالقرم اميه وتسعين=كل(ن) تسلم بندقه مع ابداله
    قوم على خوض الحرايب مضرين =وان غبر البارود داسو ضلاله
    ان جاتنا بالجاه زين(ن) على زين=والا دفعنا في طلبها المواله
    وانكان قالو عقب ماقلت عاصين=جاهم نهار(ن) مستمر(ن) وباله
    صبحتهم صباح بعيار خمسين=اليا عصى العاصي حلال(ن) قتاله
    عويدهم ورجالهم والغريرين=احتهم حتت غصون السياله
    واليا قضو جينا لغانم مهنين=وجبناله اللي غيرها ما طراله
    جبناله اللي عزرتبه امن سنين=اللي غالها دون غيره صفاله
    امعززه ومحشمه للحشيمين=فزعة سميري(ن) رفيقه شكاله
    عيش امتهني وانس همك وبعدين=لا تستهم امن الزمان ونكاله
    مدام وانى يافتى الجود حيين=هداج كنك قاطنن فوق جاله
    مايترك الماجوب غير الرديين=واللي يبا المعروف يلقى مجاله
    وانا اعتبر ماقمتبه فرض تعيين=وانت اعتبرها فرض والا جماله[/poem]










    وسلامتكـــــــــــــم








    هنا القصيده صوتيا













    تحياتي






    غانم القاضي[/frame][/align]
  • السميــــــري
    مشرف سابق
    • Jan 2006
    • 2524

    #2


    يابن دغيم وش معي منـك هالحيـن ***ويعنـك غانـم قـام يرثـى لحالـه

    ياسلام ياغانم ..
    قصيدة .. من قرأها أبحر في بحر الإبداع .. !
    مبدع ..








    وانا وربعـي دون لازمـك صفيـن ****وان مات روقي جاك روقـي بدالـه


    وصل له سلامي على هالبيت ..
    مبدعين ..

    ماقصرتوا ..






    أخوكم ..
    [poem=font="Simplified Arabic,5,sienna,normal,normal" bkcolor="white" bkimage="" border="solid,4,sienna" type=2 line=1 align=center use=ex num="0,black"]
    ربيت في حضن الزمانُ وتربيتْ = وأخذت لي من مرّ الأيام قرطوع
    ومن دون حدي ماغلطت وتعديتْ = ولا آطى الخطاء لو كان للناس مشروع
    وأمشي على نهج الرجال النعاتيتْ = واتعب لها لو هي كما حبةَ الكوع
    ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع[/poem]

    تعليق

    • غانم القاضي
      شـــاعــر
      • Feb 2007
      • 39

      #3
      صح بدنك وسلمت بالنيابه عن ابو عمر








      ومشكور على المرور








      تحياتي





      غاانم القاضي

      تعليق

      • مناحي الفرزه
        شـــاعــر
        • Jun 2008
        • 364

        #4
        صح السنتكم
        جعل من لامني في حب بيض الخدودي
        ماتفارق عيونه من حياته شقاها
        الهوى عارفينه من زمان الجدودي
        واجمل العشق بنت طاغيه في حلاها
        zaeem2222@hotmail.com

        تعليق

        • غانم القاضي
          شـــاعــر
          • Feb 2007
          • 39

          #5
          صح بدنك




















          تحياتي





          غانم القاضي

          تعليق

          • معجب العتيبي

            مشرف منتدى المحاوره

            المحاولات الشعرية

            • Dec 2004
            • 8175

            #6
            الله الله\\\



            ابدعتما صحة السنكم

            تعليق

            • غانم القاضي
              شـــاعــر
              • Feb 2007
              • 39

              #7
              صح بدنك اخوي معجب







              تحياتي




              غانم القاضي

              تعليق

              العمل...