مرثيه،،،،فالشيخ وصيل بن رجيان الزراقي...رحمه الله

طي
X
 
  • التوقيت
  • إظهار
مسح الكل
المشاركات الجديدة
  • ابراهيم الزراقي
    شـــاعــر
    • Nov 2006
    • 1370

    #1

    مرثيه،،،،فالشيخ وصيل بن رجيان الزراقي...رحمه الله

    هذه قصيده متواضعه مني وهي عباره عن رثاء في الشيخ وصيل بن رجيان الزراقي الذي وافته المنيه
    مساء الثلاثاء 7/10/1429هـ

    وفالحقيقه الشيخ وصيل رحمه الله لاتوفيه حروف اللغه العربيه من ألفها الى يائها
    لانه بصريح العباره فقيدة القبيله بأكملها ولاكن هذه اجتهادات مني اتمنى ان تقبلوها كما هي ؟؟؟



    ياهاجسي ماعاد فيها معاذير
    ........................ولاعاد فيها ياهجوسي طلايب

    أما توردني على جمة البير
    ........................ولا بلاش من التعب والعقايب

    خلاص مانقبل تهاون وتأخير
    ........................المسأله ماهي بضحك ودعايب

    الموقف الغصاب مابه مواخير
    .....................يبغى حرار(ن) ماتهاب الصعايب

    وانته كفو ماحاصلن منك تقصير
    ......................واليا بدعت القاف ماهي غرايب

    لكن دام الجو عجه ومعصير
    ......................اكرب حزامك لاتحوص وتهايب

    وسوق القوافي سوق ذود(ن) مغاتير
    ..................واضهر حروف الي جروحه عطايب

    اليوم حزني غير والعاطفه غير
    ........................وأنا من الاحزان ماني بطايب

    وشلون اطيب وحالتي ماهي بخير
    ....................وراع الكرم عن جرهد البيد غايب

    لا والله الا ياصدوف المقادير
    ...........................خلي جروك مانبيلك طبايب

    مادام راح وصيل نسل المناعير
    ...........................لاخير فالدنيا وفوقه نصايب

    وصيل راع الجود والجاه والخير
    ......................وراع الفعول الي من الله وهايب

    روح وراحت فرحتي دون تبرير
    .......................والحزن خيم في وجيه القرايب

    احدن تلوفه ضيقته تالي عصير
    ......................وأحدن دموعه فوق خده صبايب

    لكـــن مانملك بالاحزان تغيير
    ..........................كود الدعاء للي يسد النوايب

    مرحوم ياشيخن تسوق التباشير
    .......................ياالي فعولك مثل وبل السحايب

    مرحوم يانسل الحرار المشاهير
    ......................ياالي على الجزله تحث الركايب

    مرحوم ياالي لك معــزه وتقدير
    ......................ياأبن الشيوخ مطوعين الكتايب

    منهو ولد غانم ومن سالم الزير
    ..........................انته مواقيفك حمت كل هايب

    خلدت مجدن كنه طويق والنير
    .......................مايخلفه صلف الهواء والهبايب

    واشغلت فكرك يابعيد المشاوير
    ........................بالمرجله وانته مجرب وصايب

    انت الفقيده بين كل الاساطير
    .....................وموتك مصيبه من كبار المصايب

    لكن شي(ن) صار لابده يصير
    ............................هذا قدر ربي وهذي سبايب

    مكتوب موتك والليالي مقادير
    .....................والموت مايرحم شباب(ن) وشايب



    شعر،،، ابراهيم الزراقي
  • عبدالرحمن الهيلوم
    عضو
    • Apr 2007
    • 21232

    #2
    الله يجعله لجنة الخلد

    وصح السانك يالغالي

    ودام جديدك وابداعك

    تعليق

    • معلا إبراهيم الأسعدي
      شــــاعر نظــم
      • Feb 2007
      • 1405

      #3
      [poem=font=",6,blue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black"]
      خلدت مجدن كنه طويق والنير=مايخلفه صلف الهواء والهبايب
      واشغلت فكرك يابعيد المشاوير=.بالمرجله وانته مجرب وصايب
      [/poem]



      الله
      الله الله






      صح السااااااااانك

      تعليق

      • فواز علي الروقي
        عضو ذهبي
        • Jul 2008
        • 347

        #4
        صح لسااااااااااانك والله يرحم اموات المسلمين
        تقبل تحياتي

        تعليق

        • ابراهيم الزراقي
          شـــاعــر
          • Nov 2006
          • 1370

          #5
          تم النشر في الأصل بواسطة عبدالرحمن الهيلوم عرض المشاركة
          الله يجعله لجنة الخلد

          وصح السانك يالغالي

          ودام جديدك وابداعك
          عبدالرحمن الهيلوم

          الله يجزاك خير ويقبل منك ان شاء الله

          وصح بدنك يالغالي والله لايهينك

          تعليق

          • زبن القاضي
            شـاعــر محاوره معروف
            • Apr 2007
            • 337

            #6
            ابراهيم الزراقي

            صح الساااااااااااااااااااااااانك

            والله يرحمه ويسكنه فسيح جناته


            وعظم الله اجركم

            تعليق

            • ابراهيم الزراقي
              شـــاعــر
              • Nov 2006
              • 1370

              #7
              تم النشر في الأصل بواسطة شامان الاسعدي عرض المشاركة
              [poem=font=",6,blue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black"]
              خلدت مجدن كنه طويق والنير=مايخلفه صلف الهواء والهبايب
              واشغلت فكرك يابعيد المشاوير=.بالمرجله وانته مجرب وصايب
              [/poem]



              الله
              الله الله






              صح السااااااااانك
              صح بدنك ياخوي شامان الاسعدي والله لايهينك على المرور العطر

              تعليق

              • ابراهيم الزراقي
                شـــاعــر
                • Nov 2006
                • 1370

                #8
                تم النشر في الأصل بواسطة فواز علي سريع الروقي عرض المشاركة
                صح لسااااااااااانك والله يرحم اموات المسلمين
                تقبل تحياتي


                الله يجزاك الف خير يافواز وصح بدنك يابن العم ولاهنت على مرورك العطر

                تعليق

                • ابراهيم الزراقي
                  شـــاعــر
                  • Nov 2006
                  • 1370

                  #9
                  تم النشر في الأصل بواسطة زبن القاضي عرض المشاركة
                  ابراهيم الزراقي

                  صح الساااااااااااااااااااااااانك

                  والله يرحمه ويسكنه فسيح جناته


                  وعظم الله اجركم


                  الشاعر الكبير والمتألق زبن القاضي

                  صح بدنك يابن العم

                  والله يقبل منك

                  ويجزاك خير

                  لك الود

                  تعليق

                  • سلطان بن جهجاه الروقي
                    عضو
                    • Apr 2007
                    • 27

                    #10
                    الله يرحم الشيخ وصيل بن رجيان الروقي ويسكنه فسيح جناته
                    وصح لسانك يابراهيم على المرثيه الاكثر من رائعه وفعلاً ابدعت

                    تعليق

                    • المري اليامي
                      موقوف لمخالفة الأنظمة
                      • Jun 2008
                      • 87

                      #11
                      صح الله لسااااانك وعزالله انك جزل والابياات درر مااشالله

                      بيض الله وجهك كفيت ووفيت والله يرحم الميت رحمتن واسعه من رب البيت



                      تقبل مروري وعظم الله اجرركم

                      تعليق

                      • محمد النخيش
                        شـاعـــر محـاوره معــروف
                        • Dec 2007
                        • 1605

                        #12
                        الله يرحمه ويسكنه



                        الجنه





                        عزالله انها مرثيه تهز القلب




                        صح لسانك اشهد بالله انك رثيته



                        صح لسانك صح لسانك صح لسانك


                        والله يغفر لميتكم ويسكنه فسيح جناته

                        اطلـق سـراح الفكـر وابـعـد مجـالـه
                        حتى تصيد الشرد وتطـوع الشـرد

                        واتعب على الكلمه وشعر الجزاله
                        واللـي يجمـل للعـرب تسـرده سـرد

                        فالشعر يبقـى شعـر راع الاصالـه
                        اللـي بشعـره منـفـرد بالـجـزل فــرد


                        تويتر:
                        alnkhish@

                        تعليق

                        • ابراهيم الزراقي
                          شـــاعــر
                          • Nov 2006
                          • 1370

                          #13
                          تم النشر في الأصل بواسطة المري اليامي عرض المشاركة
                          صح الله لسااااانك وعزالله انك جزل والابياات درر مااشالله

                          بيض الله وجهك كفيت ووفيت والله يرحم الميت رحمتن واسعه من رب البيت



                          تقبل مروري وعظم الله اجرركم


                          المري اليامي


                          ياهلا والله ومرحبا بك
                          وصح بدنك ووجهك ابيض
                          والله يسمع منك ان شاء الله

                          مرورك جميل ورائع وجزاك الله خير

                          تعليق

                          • ابراهيم الزراقي
                            شـــاعــر
                            • Nov 2006
                            • 1370

                            #14
                            تم النشر في الأصل بواسطة أبو مناسيب عرض المشاركة
                            الله يرحمه ويسكنه



                            الجنه





                            عزالله انها مرثيه تهز القلب




                            صح لسانك اشهد بالله انك رثيته



                            صح لسانك صح لسانك صح لسانك


                            والله يغفر لميتكم ويسكنه فسيح جناته


                            ابو مناسيب حياك الله ونورت المتصفح وبيض الله وجهك على الكلا م الجميل ولاهو غريب عليك

                            ومهما كتبنا لن نوفي هذا الفقيده حقه لاكن مانملك الا الدعاء له بالرحمه
                            تم التعديل الأخير بواسطة ابراهيم الزراقي؛ 25-Oct-2008, 10:16 AM.

                            تعليق

                            • ابراهيم الزراقي
                              شـــاعــر
                              • Nov 2006
                              • 1370

                              #15
                              تم النشر في الأصل بواسطة سلطان بن جهجاه الروقي عرض المشاركة
                              الله يرحم الشيخ وصيل بن رجيان الروقي ويسكنه فسيح جناته
                              وصح لسانك يابراهيم على المرثيه الاكثر من رائعه وفعلاً ابدعت
                              صح بدنك ياسلطان الروقي والله يرحم الشيخ وصيل رحمتن واسعه ومهما كتبنا لن نوفيه حقه

                              تعليق

                              العمل...