ماجاز لصدور النشامى طرائف

طي
X
 
  • التوقيت
  • إظهار
مسح الكل
المشاركات الجديدة
  • صالح غزاي ابو كتيفه
    عضو
    • Jun 2008
    • 15

    #1

    ماجاز لصدور النشامى طرائف

    السلام عليكم ورحمة الله وبركاته

    [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    مشفق لمن جاني ولا حزن لمن راح=ولأني على المقفى كثير الحسائف
    جربت في الدنيا خسارات ورباح=واقفيت منها سامح البال عائف
    دنيا العناء ترفع وترخيك بجناح=أشوفها وغيري من الناس شائف
    ما دامت لمن قبلنا أعياد وأفراح=كم فرقت بين الأهـل والولائف
    تلعب بصاحبها كم لعب مسباح=وترميه في جال(ن) مشف(ن) مهائف
    يا ما غرق في بحرها كل سباح=لو غاص حافه بآعمق الغوص حائف
    وكم واحد(ن) بعد ارتفع بالعلاء طاح=بعد السنام يخـم حيد الردائف
    وان كان منت من قويين الأشباح=مليار ولا من كبار الوظائف
    راحت حياتك كلها جهاد وكفاح=وأونست من مر الليالي كسائف
    ولا يجدي الملهوف صوته ليا صاح=لـو ناصره حشد الملا والطوائف
    يا كود رب الكون فلاج الاصباح=ربن على كل المخاليق نائف
    والصبر زين وللفرج قيل مفتاح=تلقى الفرج بالصبر لو به كلائف
    لو إن همك كنه الليل لاجتاح=يرخي على جوفك بحد الرهائف
    اصبر وصابر واحذر السر ينباح=واخلص مع العيات لو بالنصائف
    ولا تام(ن) اللي في ثنى الوجه مداح=ولا يعجبك بالهرج رف الشفائف
    كم سارق(ن) يسرق على شكل مزاح=إن شيف ولا مزحته بالخلائف
    وعز الرفيق اللي يبادل بالانصاح=ماحط لأطراف العلاقة سفائف
    لا ترخص اللي للمواجيب نطاح=تنصاه في طي الليال العجائف
    والهرج ما ينفع على بردت ملاح=ماجاز لصدور النشامى طرائف
    واللي يحاول يمتطي كور سرساح=عليه يمشي مثل وافى الوصائف[/poem]
  • صنديد العصمه
    عضو فضي
    • May 2008
    • 251

    #2
    [align=center]ابو غزاي صح لسانك على القصيده الجزله تقبل مروري[/align]

    تعليق

    العمل...