ارم الدفاتر والشريحه با الأرقام

طي
X
 
  • التوقيت
  • إظهار
مسح الكل
المشاركات الجديدة
  • صالح غزاي ابو كتيفه
    عضو
    • Jun 2008
    • 15

    #1

    ارم الدفاتر والشريحه با الأرقام

    [align=center]السلام عليكم ورحمة الله وبركاته[/align]


    [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    ارم الدفاتر والشريحه با الأرقام= يالله عسى عرف الردي مايعيدي
    لا تلتفت للخلف انظر لقدام= لعل تشرق شمس يومٍ جديدي
    واطلب رفيع العرش جلاي الآظلام = بالك تحرى مد عون العبيدي
    ربٍ خلق خلقه وميز با الأقسام= حكمه ولامد اليدين الزهيدي
    لا تصحب إلا طير حوران حطام=حرٍ على كسب الغنائم معيدي
    ولا رفيق طيب العزم جزام=لو قيل في بعض المواقف عنيدي
    لاهود الميقاد يشعله بشعام=حاضر حصيل وماتبقى رصيدي
    وليا رزقك الله بفلاج الاخصام= لعل عمره في الليالي مديدي
    وافي على فعل المواجيب مقدام=خطوه على خطوى النشامى يزيدي
    من شجرةٍ ماهي رجسٍ ولا ازلام= في الدين بالغ والتعامل حميدي
    معربٍ منسب خواله والاعمام= من ماكرٍ يوم التناسب جويدي
    درعٍ عن الصكات ياقيك وحزام= وأن كادلك غدر المعادي يكيدي
    ريفٍ على ربعه كما الغيث دمام=بأمر اللولي يحيي الهشيم الهميدي
    يفرض وقاره من حجاجه للقدام= ماينحصي للطيب فيه تحديدي
    ملازمه تاج على الراس ووسام=رفقة شرف ومصادفه يوم عيدي
    عضوو عليها بالنواجد والابهام=بالك عن دروب الشهامه تحيدي
    وأن حطك الله بين دلخٍ ولاوام= درب السعه دامك عزيزٍ شديدي
    بالك تصافي الخبل مهما الدهر ضام = محدٍ وراء درب الردي يستفيدي
    دلخٍ ليامنه ثنى الرجل ماقام= يرمي شماغه عند قدر العصيدي
    شفقٍ على الضولات با الهرج طهطام=ويجر هرجه مثل هرج الصعيدي
    ولا رفيقٍ بين الأصحاب نمام= ينشر علومه مثل ساع البريدي
    في مهنة حطم مقاييس الأرقام= من خلقته ما جاب علمٍ وكيدي
    دنيا تغير با الليالي والأيام= مدري بعدها ويش ربي يريدي
    فيها الحصيني طوع الليث ضرغام= عقب الزئر يقول ياسيد سيدي
    صار التنافس با الدعايه والأوهام= مثل التوكي فوق خضر الجريدي
    ورجلٍ على الماجوب ماهو بدوام= وش عاد لونه يعد النشيدي
    لو يستعين بدف وطبول وانغام= ممايزيد الأمر فيه تعقيدي
    والشعر إله مضمون واوزان وسهام= ولا عنه عكف الشوارب تحيدي
    مؤروث فن ولا يعرض للأعدام=ينبضبه الشريان قبل الوريدي
    شعر العرب يحسب براهين واحكام= ومن المواقف صيغته تستزيدي
    كم شاعرٍ يلهم على بدعه إلهام=ومن الصخر ينحت قواف القصيدي
    يبرز على القمه دواليل واعلام = مثل الزلامي في كلامه رشيدي
    وغيره عواريفٍ لها جهودٍ اعظام = اشهدلهم والله علي الشهيدي[/poem]
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    [align=center]وعليكم السلام ورحمة الله وبركاته :

    صالح غزاي ابوكتيفه

    صح الله لسانك على هذه الدره الرائعه ..
    ونترقب الدرر القادمه ..
    ...[/align]
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • ابن هضلا

      رابطة محبي الهيلا

      • Apr 2007
      • 1320

      #3
      [align=center]صح لسانك على هالرائعه..

      لاهنت[/align]

      تعليق

      • معجب العتيبي

        مشرف منتدى المحاوره

        المحاولات الشعرية

        • Dec 2004
        • 8175

        #4
        صح لسانك

        قصيده جميله

        وتستحق المتابعه في قصائدك

        تعليق

        • /عبد العزيز الجذع/

          رابطة محبي الهيلا

          • Apr 2008
          • 7289

          #5
          صح لسانك يا صالح على هذي الرائعة..



          ونترقب جديدكـ.

          تعليق

          • عبدالله الجـــذع
            مشرف منتدى قصه وقصيده
            • Sep 2007
            • 8093

            #6
            الله اكبر..

            صالح قصيده مليئه بالحكم والارشاد
            ضح لسانك يالجزل ولاهان راسك

            ننتظر جديدك يالغالي

            محبك

            .,
            قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


            .
            قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
            فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

            .

            موقع يضم جميع القراء


            هنا

            تعليق

            • صالح غزاي ابو كتيفه
              عضو
              • Jun 2008
              • 15

              #7
              محمد العتيبي

              ابن هضلا

              معجب العتيبي


              عبدالعزيز الجذع


              عبدالله الجذع


              شاكر لكم مروووووركم



              ولا هنتوووو جميعا

              تعليق

              • صالح غزاي ابو كتيفه
                عضو
                • Jun 2008
                • 15

                #8
                محمد العتيبي

                ابن هضلا

                معجب العتيبي


                عبدالعزيز الجذع


                عبدالله الجذع


                شاكر لكم مروووووركم



                ولا هنتوووو جميعا

                تعليق

                العمل...