تجربة ونصيحه

طي
X
 
  • التوقيت
  • إظهار
مسح الكل
المشاركات الجديدة
  • بدر بن عصاي
    عضو نشيط
    • Mar 2005
    • 52

    #1

    تجربة ونصيحه

    هذه القصيدة ليست من فراغ انما من تجربه حقيقيه
    أتمنى لكم الفايده



    [poem=font="Simplified Arabic,6,white,bold,normal" bkcolor="transparent" bkimage="backgrounds/38.gif" border="double,5,blue" type=1 line=1 align=center use=ex num="0,black"]
    الله يـاكـثــر مـايـطــري عــلــى بــالــي=مـن الـطـواري ولا ادري وش يطريـهـا
    تطـري علـيـه ليـامـن صــرت بلحـالـي=أسبـاب دنيـا العنـا واللـي حصـل فيـهـا
    قضـيـت عشـريـن عــام ايــام ولـيـالـي=ايـامــهــا عـذبـتـنــي مـــــع لـيـالـيـهـا
    عانـيـت فيـهـا وذقــت الـمـر والحـالـي=مــن مـرهــا عيفـتـنـي طـعــم حالـيـهـا
    مشيـت فيهـا الـدروب قصـار وطـوالـي=فــي كــل الاحــوال رجلـيـنـي معنـيـهـا
    سـيــري مـسـافـات لـكــن مالـهـاتـالـي=وارجـع ماكملـت مهـمـا ســرت تاليـهـا
    اوجـــه يـمـيـن والا اوجــــه شـمـالــي=التـيـه بــارضٍ مــن الضـيـق متلقيـهـا
    اصبحـت محتـار فــي حـلـي وترحـالـي=مـامـن فـوايـد مـــن الاثـنـيـن جانـيـهـا
    ياكثـرهـمـي مـــن الـدنـيــا وغـربـالــي=مالله كتـبـلـي سـلامــه مـــن بـلاويـهــا
    أحـاول اصبـر علـى ماصـار فـي حالـي=لوعـلـتـي مـالـقـيـت الــلــي يـداويـهــا
    مـانـي بـدالـه مـثـل غـيـري ولاسـالــي=الـعـالــم الـدالـهــه مــانــي مـخـاويـهـا
    عشقـت بنـتٍ مهـرهـا طـيـب الافعـالـي=ولاكـل شخـصٍ مــن العـشـاق يغريـهـا
    عـوصـاً طلبـهـا يبـيـد حـيـل الانـذالــي=ومــن لايلـبـي طلبـهـا كـيـف يرضيـهـا
    اتـعـب عـلـى شانـهـا واطــول حـبـالـي=مايبـرد الـجـاش لـيـن اكـسـب تحديـهـا
    دامـي مـن اللـي تـروم الشامـخ العالـي=الـلـي صعيـبـه عـلـى الـدالـه هقاويـهـا
    قــومٍ بـوقـت الشـدايـد تـسـعـد الـفـالـي=يــقــر تـاريـخـهـا بـأفــعــال ايـاديــهــا
    ماهوب انا اللـي يعيـش وهمـه المالـي=أمـــلا رصـيــدي مــراجــل يامخـلـيـهـا
    مـاعـذربـو عـمــي بـفـعـلـه ولاخــالــي=روسٍ عـــن الطـامـنـه ربـــي معلـيـهـا
    عن دربهم ليش اجنـب عيـب ومحالـي=أحسـلـي امــوت قـبــل انـــي اسـويـهـا
    والمرجلـه ماأشغلتنـي عنهـا الاشغالـي=عـلـى المشـاغـل لــزوم انـــي ابـديـهـا
    مدهـال جـدي وابـوي يصـيـر مدهـالـي=اعـــرف مداهيـلـهـم مـانــي بـغـاويـهـا
    احـيــي مواريـثـهـم فـيـنــي وتـبـقـالـي=مـرجـع وطــرقٍ مشـوهـالازم امشيـهـا
    والله مـاارتـاح لـيــن آصـــل لمـنـزالـي=فــي قـمـة الـطـيـب وأصـيــر متعلـيـهـا
    لـــو مـاتـزيـن الـظــروف ولاتـهـيـالـي=أعنز علـى اللـي هشيـم القشـع يحييهـا
    المجـتـهـد لـــه نـصـيـب ولازم يـنـالـي=وأنــــا بــذلــت الـجـهــود الله يـهـيـهــا
    لـوان عينـي تشـوف الــوان واشكـالـي=مـــن سـودالايــام واحــــداثٍ تخـبـيـهـا
    لابـدمـاتـعـتــدل والـــدهــــر مــيــالـــي=سبـحـانـه الـقــادر بلـحـظـه يصـفـيـهـا
    مانـيـب يـائـس وأجــدد دايـــم آمـالــي=لــو ماتـحـقـق فـأنــا مـانــي بناسـيـهـا
    ومن عقب ماادركت مخراجي ومدخالي=الـيـوم نفـسـي عــن المـيـلات حاديـهـا
    والــك النصيـحـه هـديـة غـالـي لغـالـي=مــن تجـربـة دنـيـةٍ عايـشـت ماضيـهـا
    صـل الفـروض وتراهـا خيـر الاعمالـي=ولاتــكــاســـل تـــــــرا لازم تــأديــهـــا
    وترى الرجوله ماهيب شمـاغ وعقالـي=والا جـديــد الـثـيــاب الــلــي تـكـويـهـا
    مـنـاظـر الـزيــف ماتسـوالـهـا ريـالــي=دعـهـا لـمـن يشتـقـي فيـهـا وهـاويـهـا
    ولاتجـلـس الا بمجـلـس نــاس عقـالـي=خـــل الجهـاهـيـل لاتـطـربـك أغانـيـهـا
    ولاتستمـع فــي كثـيـر القـيـل والقـالـي=واهــل النمـيـمـه لاتـآخـذمـن دواديـهــا
    الـلــي نـقـلـك حـكــي لـحـكـاك نـقـالـي=قـصـده يـشـب الفـتـن بعـلـوم يلـويـهـا
    واحذرصديـقٍ بوقـت الضـيـق محتـالـي=يـوعــدك لــكــن وعــــوده مايـوفـيـهـا
    لاتـقـول هــذا بطـيـب وخـيـر يسعـالـي=حـتــى يـبـيـن نــوايــاً فــيــك نـاويـهــا
    ولاتآمـن الغـدر لومـن شخـصٍ مـوالـي=بـعـض الاقـــارب عـقــارب لاتوالـيـهـا
    واحـذر تـرى اللـي يعيـل يجيـه عيالـي=النـاس توذيـك لامــن صــرت موذيـهـا
    تمـيـت قـولـي واقــول لجـاهـل أقـوالـي=الـنــار مـاتـحـرق الا رجـــل واطـيـهــا [/poem]
  • أبو نجر النفيعي
    مشرف سابق
    • Jun 2006
    • 6683

    #2
    ..

    الله اكبر الله اكبر ..

    صح لسانك يا بدر على هالجزله والرائعه ..

    وبيض الله وجهك عليها ..

    كتبت فابدعت ..



    أخوك
    .....




    تعليق

    • (البرقـاوي)
      فريق التصميم والتطوير
      • May 2007
      • 1162

      #3
      صح لسانك يا بدر

      وقصيدة جزله
      [align=center]

      [/align]
      [flash=http://up206.arabsh.com/s/49d78d3.swf]WIDTH=500 HEIGHT=300[/flash]

      خ ـالد الـ ش ـيباني

      تعليق

      • فيصل المسعودي
        مشرف عام
        • May 2005
        • 8296

        #4
        صح لسانك يابدر

        قصيدة مليئة بالقوة والجزالة

        لا هنت ياغالي

        وفي إنتظار جديدك

        تقبل تحياتي

        تعليق

        • /عبد العزيز الجذع/

          رابطة محبي الهيلا

          • Apr 2008
          • 7289

          #5
          الله الله...


          قصيدة رائعة...


          صح لسانك....

          تعليق

          • (محيميد السميري)
            عضو نشيط
            • Feb 2008
            • 31

            #6
            صح لسانك وبيض الله وجهك
            وجزاك الله خير على النصيحه
            وبتوفيق يابدر
            اخــــــ،،،،،،،،،،،،،،ـــــــــوك

            تعليق

            • بـنـدر
              عضو فعال
              • Feb 2007
              • 141

              #7
              صح لسانك وبيض الله وجهك جزل من مصنع الجزل

              تعليق

              • مرزوق حمدان العتيبي
                مشـرف عام
                • Nov 2003
                • 20403

                #8
                .
                ...

                قصيده جزله يابدر وهذي عوايدك..
                لاهنت
                ....
                [align=center]
                [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
                حط حبه في كياني ماتغيّره السنيني = وانثني من دون عرضه بالذراع وباللساني[/poem]







                @Marzouq_MHD
                [/align]

                تعليق

                • بدر بن عصاي
                  عضو نشيط
                  • Mar 2005
                  • 52

                  #9
                  الاخ العزيز أبونجر النفيعي

                  صح بدنك والله لايهينك ياذيبان
                  تقبل تحياتي

                  تعليق

                  • زهراني+عتيبي
                    عضو فعال
                    • Apr 2008
                    • 104

                    #10
                    [align=center]لـــــلـــــه درك[/align]

                    تعليق

                    • راعي البلهـا
                      عضو ماسي
                      • Aug 2006
                      • 938

                      #11
                      صــــــــــــح إلسانك
                      والله يوفقك
                      نتظر قادمك.

                      تعليق

                      • عبدالله الجـــذع
                        مشرف منتدى قصه وقصيده
                        • Sep 2007
                        • 8093

                        #12
                        بدر عصآي

                        قمه بكل صرآحه

                        صح لسآنك ودام ابداعك يالغالي

                        جزله يالجزل

                        لاتحرمنا جديدك

                        محبك

                        ,’
                        قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                        .
                        قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                        فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                        .

                        موقع يضم جميع القراء


                        هنا

                        تعليق

                        • بدر بن عصاي
                          عضو نشيط
                          • Mar 2005
                          • 52

                          #13
                          اخوي البرقاوي صح بدنك
                          والله ليهينك

                          تعليق

                          • معجب العتيبي

                            مشرف منتدى المحاوره

                            المحاولات الشعرية

                            • Dec 2004
                            • 8175

                            #14
                            صح لسانك

                            نصيحه طيبه من خشمٍ طيب

                            ننتظر الجديد

                            تعليق

                            • فهد النفيعي
                              مشرف سابق
                              • Dec 2005
                              • 11363

                              #15
                              صح لسانك وبيض الله وجهك

                              تعليق

                              العمل...